Hafnarfjörður - Garðabær - 22.08.2014, Blaðsíða 6
22. ÁGÚST 2014
Hver er stærsti sigur þinn?
Enn sem komið er það útskriftin úr
Háskólanum í vor ásamt Íslandsmeist-
aratitlunum.
Hver eru þín helstu áhugamál?
Að sjálfsögðu handbolti og yfirleitt
flestar íþróttir. Einnig finnst mér
gaman að baka en annars allt þetta
helsta, útivera, vera með fjölskyldu og
vinum, tíska og förðun. Ég er t.d. að
fara hefja nám í förðunarfræði sem mig
hefur lengi langað til að gera.
Hver er þinn helsti kostur?
Þrautseigja
En galli?
Heima hef ég heyrt að ég sé svolítil
prinsessa, en ég veit ekki hvað þau eru
að tala um.
Hver er fallegasti staðurinn á Íslandi?
Dynjandi í Arnarfirði
En í Hafnarfirði?
Hvaleyrarvatn
Eftirlætis íþróttafélag?
Uppeldisfélagið á nú alltaf sérstakan
stað hjá manni.
Hvað áttu marga „vini“ á Facebook?
Ég þurfti nú að athuga það en það
stendur 683.
Uppáhaldstónlistarmaður eða tón-
listarstefna?
Hún Queen B fær mig alltaf til að dilla
mér.
Uppáhaldsmatur og drykkur?
Ég fæ mér ósjaldan Hamingjuhumar-
bökuna á Saffran en humar er eitt það
besta sem ég fæ. Og vatnið er besti
drykkurinn.
Hvaða bók eða listaverk hefur haft
mest áhrif á þig og hvers vegna?
Það sem ég hef lítið lesið annað en
námsbækur undanfarin ár þá fannst
mér Corporate Governance einstaklega
skemmtileg og fróðleg bók.
Hvert sækirðu afþreyingu?
Sjónvarp, útvarp, bók eða net?
Ég verð að viðurkenna ég er allgjört
þáttanörd og fylgist vel með þeim á
netinu.
Hvað vildirðu verða þegar þú yrðir
stór?
Þegar ég var yngri vildi ég verða tann-
læknir, þangað til í uppgötvaði að
engum finnst gaman að fara til tann-
læknis.
Hvert var fyrsta starfið, og hvað
hefurðu tekið þér fyrir hendur fram
að þessu?
Það var í Ecco skóbúðinni en amma og
afi áttu þá skóverslun lengi vel. Núna
starfa ég hinsvegar í Actavis og líkar
það sérlega vel.
Af hverju viðskiptafræðin?
Ég fann mig vel í viðskiptafræðinni
í Flensborg enda ótrúlega góður og
skemmtilegur kennari hann Stefán
Örn sem kennir flest viðskiptafræðileg
fög þar. Þar ákvað ég að halda áfram
með viðskiptafræði enda fræðigrein
sem opnar inn á margt fyrir mann í
framtíðinni.
Af hverju handboltinn?
Tvær bestu vinkonum mínar byrjuðu
að æfa handbolta þegar við vorum 7
ára, svo ég ákvað að fara bara líka og
sé ekki eftir því.
Ef þú værir ekki á fullu í handbolta,
værir þú í íþróttum, eða hvað tækirðu
þér fyrir hendur?
Líkamsrækt er hluti af mínum lífstíl
svo ég myndi alltaf finna mér eitthvað
að gera í tengslum við það. T.d. hef ég
gaman af spinning, pilates eða að fara
bara út að hlaupa.
Áttu þér fyrirmynd í leik eða starfi?
Ég verð að segja að foreldrar mínir eru
til fyrirmyndar í einu og öllu sem þau
taka sér fyrir hendur og hef ég ávalt
getað leytað til þeirra.
Hvað er að þínu mati mikilvægast
fyrir Hafnarfjörð?
Fagurt og gott mannlíf.
Að því sögðu, hvað mega bæjaryfir-
völd gera betur?
Hér hefur verið frábær þróun í mann-
lífinu í bænum og má sú þróun halda
áfram.
Hvaða stundir í lífinu eru gleðileg-
astar?
Þar verð ég að segja afmælisdagar
fjölskyldumeðlima en mér þykir alltaf
gaman þegar við komum saman öll
fjölskyldan til að gleðjast.
Hvað finnst þér skemmtilegast að
gera?
Má segja, borða ís ?
Nei nei, mér finnst skemmtilegast að
vera í góðra vina hóp eða með fjöl-
skyldu, að gera allt eða ekkert.
Leiðinlegast?
Ég verð að segja að fara til tannlæknis
er ekkert það skemmtilegasta sem ég
geri, annars finnst mér einnig ótrúlega
leiðinlegt að bíða í röð.
Hvað er svo framundan hjá Sigríði
Arnfjörð Ólafsdóttur?
Ég ákvað loksins að láta það eftir mér
og skráði mig í nám í MoodMakeUp
School, get ekki beðið eftir að byrja !
Lífsmottó:
Brostu framan í heiminn og þá brosir
heimurinn framan í þig og það hefur
reynst vel.
6
Sigríður Arnfjörð Ólafsdóttir:
Sér ekki eftir að hafa byrjað í handboltanum
Sigríður Arnfjörð Ólafsdóttir býr í Norðurbænum í Hafnarfirði. Hún hefur
lengi staðið í markinu hjá FH í handboltanum og er snúin aftur heim, eftir
nokkur ár hjá Val og varð Íslandsmeistari síðasta vor. Sigríður fæddist á
Patreksfirði en kom í Fjörðinn fimm ára og hefur búið hér síðan. Hún er
viðskiptafræðingur að mennt, útskrifaðist frá HR í sumar, en áhuginn á
viðskiptafræðinni varð til í Flensborg. Hins vegar ætlar hún í förðunarfræði
í haust, og verður auk þess á fullu í markinu hjá FH. Sigríður Arnfjörð
Ólafsdóttir er í yfirheyrslunni að þessu sinni.
Samningur við FH handsalaður. Við útgáfu blaðs stúdenta í HR.
Ásamt góðum vinkonum í afmæli.
Á þjóðhátíð í Eyjum í góðum hópi.
Skálað fyrir útskrift.