Hafnarfjörður - Garðabær - 20.09.2013, Page 6

HJÁ AÐALSKOÐUN ERT ÞÚ
Í GÓÐUM HÖNDUM
Snjallt að
kíkja á okkur
á adal.is
Við erum með órar skoðunarstöðvar á höfuðborgarsvæðinu og eina í
Reykjanesbæ. Þaulreyndir og þjónustuliprir fagmenn taka á móti þér á
þeim öllum. Hlökkum til að sjá þig!
H
V
ÍT
A
H
Ú
S
IÐ
/S
ÍA
–
1
3
-0
4
6
7
Aðalskoðun, faggildur skoðunaraðili í 19 ár
Reykjavík
Grjóthálsi 10
Sími 590 6940
Reykjavík
Skeifunni 5
Sími 590 6930
Hafnarfjörður
Hjallahrauni 4
(við Helluhraun)
Sími 590 6900
Kópavogur
Skemmuvegi 6
(bleik gata)
Sími 590 6935
Reykjanesbær
Holtsgötu 52
(við Njarðarbraut)
Sími 590 6970
www.adalskodun.is og www.adal.is
Við getum minnt þig á þegar þú þarft að láta skoða bílinn
á næsta ári. Skráðu þig á póstlistann hjá okkur þegar þú kemur með
bílinn í skoðun og þú gætir unnið 200 lítra eldsneytisúttekt.
Opið kl. 8-17 virka daga – sími 590 6900
20. september 2013
Verstöðin Hafnarfjörður:
Í 16. sæti yfir kvótahæstu sveitar-
félögin með 7.812 þorskígildistonn
Tíu stærstu útgerðarfyrirtæki landsins er með liðlega helming kvóta yfirstandandi fiskveiðiárs
sem hófst 1. september sl. 50 stærstu út-
gerðarirnar eru með liðlega 86% kvót-
ans. Af einstaka útgerðarfyrirtækjum
er HB-Grandi með mestan kvóta, eða
nær 43 þúsund þorskígldistonn sem
er 11,2% heildarkvótans. Stálskip í
Hafnarfirði er í 21. sæti með 4.792
þorskígildistonn, eða 1,3% heildar-
kvótans. Þegar skoðað er úthlutun í
einstaka fisktegundum kemst útgerðar-
fyrirtækið Stálskip í Hafnarfirði á lista
yfir 10 hæstu í gullkarfa, er í 8. sæti með
1.656 þorskígildistonn. Þorskur er sem
fyrr langveigamesta fisktegundir, en
leyft verður að veiða 171.170 þorskí-
gildistonn af þeim gula. Síðan kemur
karfi/gullkarfi með 44.899 þorskíg-
ildistonn, 36.028 þorskílgildistonn af
ufsa og 34.936 þorskígildistonn af ýsu.
Í fyrsta skipti er nú úthlutað kvóta í
þremur fisktegundum, þ.e. í blálöngu,
gulllaxi og litlum karfa.
Höfuðborgin Reykjavík er kvóta-
hæsta verstöð landsins með nær 51
þúsund þorskígildistonn sem er lið-
lega 13% heildarkvótans. Síðan koma
Vestmannaeyjar með 42.770 þorskí-
gildistonn og Grindavík með 32.159
þorskígildistonn. Hafnarfjörður er í
16. sæti með 7.812 þorskígildistonn
sem er 2% heildarkvótans. Kvótahæsta
skipið á fiskveiðiárinu 2013 – 2014 er
með meiri kvóta en verstöðin Hafnar-
fjörður, en Brimnes RE, togari Brims,
er með 9.506 þorskígildistonna kvóta.
Framlegð sjávarútvegsins
aldrei meiri
Framlegð íslenska sjávarútvegsins
hefur aldrei verið meiri en hún varið
árið 2011. Þetta er meðal þess sem
fram kemur í nýrri skýrslu Íslands-
banka um sjávarútveg. Í skýrslunni
kemur fram að hagnaður sjávarútvegs
fyrir skatta, afskriftir og fjármagnsliði
hafi verið 80 milljarðar króna árið
2011 og hafi þá aukist um 26 prósent
milli ára. Bankinn áætlar að afkoma
greinarinnar hafi verið ívið betri í
fyrra en árið 2011 og svipað verði
uppi á teningnum í ár.
Þrátt fyrir þetta hefur fjárfesting
dregist saman og var hún aðeins 9%
af framlegð í hittifyrra. Þó eru merki
um að fjárfesting hafi aukist í fyrra,
og einhverjar hreyfingar eru í nýsmíði
fiskiskipa erlendis. Störfum hefur
fjölgað síðustu ár, úr 7.200 árið 2008 í
9.000 í fyrra. Fjögur af hverjum fimm
störfum í sjávarútvegi eru utan höfuð-
borgarsvæðisins.
Hafnarfjarðarhöfn.
6
Óvissa einkennir
stjórnmálin
Ef ég ætti að velja eitt einkenn-isorð fyrir stjórnmál líðandi stundar myndi ég nefna óvissu.
Ég hef aldrei þekkt til annarra eins
spurningamerkja og nú hrannast upp
á hinum pólitíska himni. Forsætis-
ráðherrann segir ríkisstjórnina í þann
veginn að slá heimsmet í skuldaniður-
fellingum. En þegar gengið er á hann
og aðra væntanlega heimsmethafa -
aðstandendur þessa loforðs ríkisstjórn-
arflokkanna – um útfærslur, verður fátt
um svör. Hins vegar er ég ekki í hópi
úrtölumanna og bíð spenntur að sjá
hvað upp úr hattinum kemur.
Vildu ekki
varnarvopn Íslands!
Í þessu sambandi vill gleymast að fyrri
ríkisstjórn hafði á prjónunum áform
að ná hluta af því fjármagni sem er-
lendir kröfuhafar nú vilja ná út úr
landinu en geta ekki vegna gjaldeyr-
ishafta. Hvað er þarna verið að tala
um? Við hrun bankanna afskrifuðust
gríðarlegir fjármunir, mörg þúsund
milljarðar króna. Eftir í þrotabúunum
sátu hins vegar umtalsverðir fjármunir,
1500 til 1700 milljarðar. Erlendir aðilar
– eða Íslendingar í erlendu dulargervi
- sem eiga kröfur í bú gömlu bankanna
vilja aðgang að þessum eignum í er-
lendri mynt. En þar stendur hnífurinn
í kúnni því þeir komast ekki framhjá
gjaldeyrishöftunum,varnarvopni Ís-
lands.
Óskiljanlegt var þegar núvernadi
stjórnarflokkar neituðu að styðja þá-
verandi ríkisstjórn í því að setja þrota-
búin undir höftin í mars 2012 því hefði
það ekki verið gert væru okkur allar
bjargir bannaðar og tómt mál að tala
um einhvern samfélagslegan ávinning
af fjármagnsflutningum út úr landinu
– hvað þá að slegið yrði heimsmet fyrir
ávinninginn.
Gamlar hugmyndir
Ýmsar leiðir hljóta að vera til skoðunar.
Hugsanlega þarf að bíða átekta um
sinn, einfaldlega vegna þess að kröf-
uhafarnir ákveða sjálfir að bíða. Þá þarf
á þolinmæði að halda. Engu óðagoti.
Ef þeir eru hins vegar áfjáðir að komast
út sem fyrst má setja á þá ríflegan út-
gönguskatt eða fara í ferli kaupa og sölu
þar sem ríkið kæmi við sögu. Slíkir
kostir voru ræddir í síðustu ríkisstjórn.
Um það var þáverandi stjórnarand-
stöðu fullkunnugt. Þannig að vanga-
veltur um að ná í þessa fjármuni eru
ekki nýjar af nálinni. Sá stjórnmála-
maður sem fyrstur setti fram úthugs-
aðar tillögur um þetta efni var Lilja
Mósesdóttir ef ég man rétt.
Óvissa í ríkisfjármálum
En það er ekki aðeins áð óvissa ríki um
hvert stefni í þessu stóra máli. Óvissa
er einnig um hvert stefnir í ríkisfjár-
málunum eftir að ríkisstjórnin ákvað
að falla frá margvíslegri veigamikilli
skattlagningu. Fyrir bragðið verður rík-
issjóður af milljörðum króna sem ella
hefðu gagnast við eflingu velferðarþón-
ustunnar, hvort sem er heilbrgiðsþjóðn-
ustu, menntakerfi, löggæslu, skapandi
greinum og vísindarannsóknum eða í
öðrum mikilvægum geirum.
Hvað launafólk áhrærir er nú ham-
ast við festa í sessi það viðhorf að ekki
megi hreyfa við launum. Það hefur
hins vegar verið gert! Efri hluti launa-
þjóðarinnar hefur verið á blússandi
launaskriði eins og fram hefur komið
í fjölmiðlum á meðan láglaunahópar
og millitekjufólk stendur í stað. Þarna
þarf að rétta hlutföllin af og það verður
aðeins gert með því að hækka neðri
hluta launastigans.
Ögmundur Jónasson
þingmaður VG
í Suðvestur kjördæmi
Ögmundur Jónasson alþingismaður.