Hafnarfjörður - Garðabær - 12.12.2014, Blaðsíða 4
4 12. Desember 2014
HAFNARFJÖRÐUR / gARÐAbæR
23. TbL. 4. ÁRgANgUR 2014
Útgefandi: Fótspor ehf. Ábyrgðarmaður: Ámundi Ámundason, sími: 824 2466,
netfang: amundi@fotspor.is. framkvæmdastjóri: Ámundi Steinar Ámundason, netfang:
as@fotspor.is. auglýsingastjóri: Ámundi Ámundason, Suðurlandsbraut 54, 108 Reykjavík.
Auglýsingasími 578 1190, netfang: auglysingar@fotspor.is, Veffang: fotspor.is, Ritstjóri:
Ingimar Karl Helgason, sími: 659-3442 netfang: ingimarkarlhelgason@gmail.com,
Matarblaðamaður: Svavar Halldórsson. Sími. 869-4940. Netfang. svavar@islenskurmatur.is,
Umbrot: Prentsnið, Prentun: Ísafoldarprentsmiðja, 13.500 eintök. dreifing: Póstdreifing.
Fríblaðinu er dreiFt í 13.500 e intökum
í allar íbúðir í HaFnarFirði / Garðabæ
Mikið er ég ánægður með krakkana í 8. bekk í Öldutúnsskóla. Í stað þess að halda pakkajól fyrir sig sjálf í skólanum fara krakkarnir með peninga sem annars hefðu farið í gjöf fyrir bekkjarfélaga og kaupa
gjöf fyrir barn úti í bæ. Þessu hafa þau pakkað inn og gefið Mæðrastyksnefnd
bæjarins. Því miður er það svo í okkar ágæta samfélagi að þeir eru fjölmargir
sem búa við fátækt og erfiðar aðstæður. Hundruð manna í Hafnarfirði einum
leita sér aðstoðar fyrir jólin, og margir raunar allt árið.
Við veitum meðbræðrum okkar og systrum sannarlega stuðning í gegnum
skattana okkar og þeim peningum er vel varið. Enga á að skilja útundan og
það má svo sannarlega gera betur. En blessunarlega eru líka fjölmargir úti í
samfélaginu sem eru boðnir og búnir og veita samborgurum sínum aðstoð
og hlýju með óeigingjörnu starfi.
En það getur mikið stress fylgt jólunum, líka hjá þeim sem alltaf hafa allt til
alls. Það getur hreinlega tekið fólk á taugum. Allt á að vera svo frábært og
fullkomið. Kreditkortið keyrt í botn. En jólin þurfa ekki að vera keppni um
flottustu skreytingarnar, besta matinn og dýrustu gjafirnar. Hvernig líður þér
þegar útvarpsþulurinn á Rás 1 segir: „Útvarp Reykjavík, útvarp Reykjavík.
Gleðileg jól.“? Þá koma jólin og þessi dásamlegi friður.
Jólin marka líka mikilvæga breytingu. Sólin fer loksins að hækka á lofti á ný,
dagarnir lengjast og allt í einu kemur blessað vorið.
Gleðileg jól kæru lesendur og hafið það sem allra best yfir hátíðarnar. Við
sjáumst á nýju ári.
Ingimar Karl Helgason
Þá koma jólin
Leiðari Gleðilega hátíð, bjart
og farsælt komandi ár
Aðventan er yfirleitt tími ann-ríkis. Allt er á fullu, viðburðir í skólum barnanna, fjölskyldur
hittast, vinnufélagar gera sér glaðan
dag og umhverfið breytir um svip með
ljósum og skrauti. En aðventan er ekki
síður tími íhugunar, endurlits og eftir-
væntingar. Við höfum öll gott af því að
hægja á okkur, staldra við, njóta augna-
bliksins og lifa í núinu. Enda fylgja
jólakveðjum manna á milli oftast ekki
bara óskir um glaðar stundir á nýju ári,
heldur ekki síður þakkir fyrir hið liðna.
Á tímamótum er hollt að líta yfir far-
inn veg, íhuga hvort gatan hafi verið
gengin til góðs og leggja drög að fram-
haldinu. Síðustu vikur í bæjarstjórn
Hafnarfjarðar hafa einkennst af yfir-
ferð yfir rekstur bæjarins og áætanagerð
inn í framtíðina. Að öðrum verkefnum
ólöstuðum, hlýtur fjárhagsáætlunin að
teljast það mikilvægasta, grundvöllur
alls annars starfs á vegum bæjarins.
Ákvarðanir um reksturinn byggjast
jafnan á mótaðri stefnu, fjárhagslegur
grundvöllur þarf að styðja við sett
markmið.
Framtíðarbærinn
Hafnarfjörður
Samstarfssáttmáli meirihlutans sem
lagður var fram síðastliðið sumar
inniheldur meðal annars nokkur lyk-
ilorð um stefnuna fram á veginn. Við
viljum að Hafnarfjörður sé ábyrgur,
aðgengilegur og áhugaverður fram-
tíðarbær. Ábyrgur rekstur, aðgengi á
öllum sviðum fyrir bæjarbúa og gesti og
skemmtilegt mannlíf eru þannig okkar
markmið og síðast en ekki síst skal ötul-
lega stutt við yngsta fólkið okkar, sjálfa
framtíðina.
Helstu tíðindi endanlegrar fjárhags-
áætlunar, helsta breytingin frá fyrstu
drögum, hljóta því að vera þau ánægju-
legu tíðindi að ekki reyndist nauðsyn-
legt að hækka gjöld í leikskólum og
tómstundaheimilum bæjarins, sem áður
hafði virst óumflýjanlegt.
Í áætlun fjölskyldusviðs bæjarins má
meðal annars greina þau ánægjulegu
tíðindi að þörf fyrir fjárhagsaðstoð
hefur minnkað að undanförnu og að
næsta ár verður þörfin minni en árið
2014. Samningar um notendastýrða
persónulega aðstoð (NPA) sem byggðu
á tveggja ára tilraunaverkefni sem lýkur
um þessi áramót verða framlengdir,
enda er bæjarstjórn einhuga um þá
stefnu að fylgja því verkefni áfram.
Rýnt til gagns
Fjölmörg greiningarverkefni hafa verið
sett af stað á undanförnum mánuðum,
enda óhjákvæmilegt að nýr meirihluti
og nýráðinn bæjarstjóri rýni gaum-
gæfilega allar forsendur sem liggja til
grundallar viðfangsefnum næstu ára.
Nú stendur yfir alhliða rekstrarúttekt á
starfsemi bæjarins, en einnig má nefna
starfshóp um fyrirkomulag heilsdags-
skóla og stuðning bæjarins við íþrótta-
og tómstundaiðkun, yfirferð yfir fé-
lagslegt húsnæði á vegum bæjarins,
endurskoðun deiliskipulags í Skarðshlíð
og almenna greiningu á möguleikum til
þéttingar byggðar í Hafnarfirði.
Verkefnalisti bæjarstjórnar þessa dag-
ana er því að mörgu leyti líkur annríkri
aðventu. Hér hefur einungis verið tæpt á
örfáum málum, en í samræmi við stærð
„heimilisins“ – þessa þriðja stærsta bæj-
arfélags landsins – er sannarlega í nógu
að snúast. En um leið er staldrað við,
litið um öxl og rýnt til gagns, til undir-
búnings frekari framtíðaráætlana.
Fyrir hönd Bjartrar framtíðar í
Hafnarfirði vil ég óska bæjarbúum gleði
og friðar um jól og áramót og farsældar
á nýju ári, megi það reynast okkur öllum
gæfuríkt.
100 ár af kosningarétti
Þann 30. desember verður blásið í lúður og afmælisár boðið velkomið. Fluttur verður fyr-
irlestur Bríetar Bjarnhéðinsdóttur
sem hún hélt einmitt þann dag árið
1887. Hann er oft talinn marka upp-
haf kvennabaráttunnar á Íslandi (fyr-
irlesturinn má nálgast á heimasíðunni
www. baekur.is og slá þar inn nafn
Bríetar). Margt hefur að sönnu breyst
frá árinu 1887. Það hefur þó komið
þeim sem undirbúa flutninginn á óvart
hversu margt er enn óbreytt og ógert.
Það er full ástæða til að leggja leið sína
í Iðnó þann 30. desember kl. 16. Allir
eru velkomnir (gegn vægu gjaldi), en
húsrými er takmarkað. Missið ekki af
þessum upptakti!
Á næsta ári verða liðin 100 ár frá því
Kristján konungur X skrifaði undir lög
frá Alþingi sem færðu konum kosn-
ingarétt til Alþingis, mjög takmark-
aðan að vísu, en langþráðan. Þetta
gerðist þann 19. júní 1915 og alla tíð
síðan hefur sá dagur verið sérstakur
kvenréttindadagur.
Þessa stórviðburðar verður minnst
með margvíslegum hætti. Alþingi
hefur samþykkt að láta um 100 millj-
ónir rakna til afmælishaldsins. Sérstök
framkvæmdanefnd, sem kjörin var á
almennum kvennafundi í september
2013, hefur haft veg og vanda af að
velja afmælisverkefni. Auk upptaktsins
í Iðnó þann 30. desember eru verk-
efnin þessi:
1) Safnasýningar
Höfuðsöfn landsins munu setja upp
sérstakar sýningar. Í Landsbókasafni
opnar sýning 16. maí 2015 er fjallar
um sögu og þróun kosningaréttarins.
Í Listasafni Íslands opnar sýningin
„Áhrifakonur í íslenskri myndlist“
þann 30. janúar, og sýning helguð Nínu
Tryggvadóttur opnar 12. september.
Þjóðminjasafnið heldur sýningu sem
nefnist „Konur í 100 ár“ auk þess sem
farið verður yfir grunnsýningu safns-
ins með kynjagleraugum.
2) Hátíðahöld á Austurvelli
Sérstakur hátíðaþingfundur verður
í Alþingishúsinu fyrir hádegi þann
19. Júní 2015. Húsið verður opið al-
menningi þennan dag og þar verður
sérstök sýning með leiðsögn. Eftir há-
degi verður efnt til almennrar hátíðar
á Austurvelli. Meðal viðburða verða
kvennatónleikar þar sem nokkrar af
okkar fremstu tónlistarkonum munu
koma fram.
3) Ráðstefna
Framkvæmdanefndin mun ásamt
fleirum gangast fyrir alþjóðlegri ráð-
stefnu, sem tileinkuð verður kosninga-
rétti kvenna, lýðræði og lýðréttindum.
Hún verður haldin dagana 22. -23.
október 2015. Meðal gesta verða
Vigdís Finnbogadóttir, Gro Harlem
Brundtland og Laura Ann Liswood.
4) Rit
Rannsóknarrit, helgað 100 ára afmæli
kosningaréttar kvenna, mun koma út
á árinu 2020, en þá fengu konur kosn-
ingarétt til jafns við karlmenn. Sögu-
félagi hefur verið falin umsjá ritsins.
5) Verkefnastyrkir
Stofnaður var sérstakur sjóður um
styrki vegna verkefna sem tengjast
markmiðum afmælisársins. Mikill
fjöldi umsókna barst þegar styrkir
voru auglýstir í október og var sótt
um til margháttaðra verkefna um allt
land sem sýna mikinn áhuga, metnað
og hugmyndaauðgi. Úthlutun er nú
lokið, en styrkir verða aftur auglýstir
í febrúar.
Auk þessa má nefna að Íslands-
póstur gefur út sérstakt amælisfrí-
merki þann 30. apríl 2015. Sinfóníu-
hljómsveit Íslands verður með tónleika
þann 11. júní 2015 undir yfirskriftinni
„Höfuðskáld og frumkvöðlar“ og á
efnisskrá verða eingöngu verk eftir
konur. Margt er enn í mótun víða um
land, sem væntanlega verður greint
frá síðar.
Ég vil hér með hvetja alla skipu-
leggjendur til að tilkynna viðburði
til afmælisnefndar sem heldur úti
sérstakri upplýsingavefsíðu með
viðburðadagatali: www. kosningar-
ettur100ara.is. Þar er skráður nokkur
fjöldi viðburða og bætist ört í hópinn.
Það er fljótlegt og gott að geta nálgast
alla viðburði á einum stað. Fylgist með
frá byrjun!
Leikskólagjöld
í Garðabæ
Bæjarfulltrúar þurfa á hverjum tíma að takast á við ýmis álita-efni og hækkanir á gjaldskrám
bæjarins voru til ákvörðunar nú sam-
hliða gerð fjárhagsáætlunar. Almenna
reglan fram að hruni var sú að gjald-
skrár hækkuðu samhliða hækkun verð-
lags. Ef það er ekki gert þá þýðir það að
bærinn verji æ stærri hluta skatttekna
íbúa til niðurgreiðslna á þjónustu fyrir
þá sem njóta viðkomandi þjónustu.
Kostnaður hjá Garðabæ við rekstur
leikskóla og skóla hefur verið að hækka
þar sem þjónustan hefur verið að
aukast, sér í lagi gagnvart yngsta aldurs-
hópunum. Áður fyrr var viðmið gjald-
skrár á leikskólum þannig að foreldrar
greiddu um 40% af heildarkostnaði og
niðurgreiðslur bæjarins námu um 60%.
Þrátt fyrir hækkanir á heildarkostnaði
við rekstur leikskóla hin síðustu ár hafa
leikskólagjöld ekki verið hækkuð í sam-
ræmi við hækkanir verðlags og nemur
því hlutfall bæjarins í niðurgreiðslum
með leikskólum rúmlega 80% nú og
hlutfall foreldra tæplega 20%.
FÓLKIÐ – í bænum hefur lagt til
að fastsetja hlutfall greiðslna foreldra í
kostnaði leikskólagjalda. Þannig skapist
grundvöllur fyrir sameiginlegu átaki
bæjaryfirvalda og foreldra í að halda
kostnaði í lágmarki. Einnig mætti hugsa
sér að breyta samhliða, samsetningu
leikskólagjaldanna þannig að ákveðinn
fjöldi tíma daglega væri á grunngjaldi
en kostnaður yrði meiri eftir því sem
dvölin væri lengri.
FÓLKIÐ- í bænum hefur lagt til í
bæjarstjórn að rýna verklag vegna
niðurgreiðsna til leikskóla og grunn-
skóla og breyta þannig að fjárhæð
fylgi barni óháð skóla og rekstrar-
formi vistunarinnar. Með góðri rýni
og samræmingu milli skólanna mætti
sjá fyrir sér að hægt væri að ná hagræði
í heildarkostnaði við rekstur leikskóla
og grunnskóla, á sama hátt og Hafn-
firðingar eru að gera undir forystu
Haraldar Líndal bæjarstjóra.
f.h. FÓLKSINS- í bænum,
Höfundur er
Guðlaug Kristjánsdóttir,
Forseti bæjarstjórnar
Hafnarfjarðar og oddviti
Bjartrar framtíðar
Höfundur er
Auður Styrkársdóttir,
forstöðukona Kvennasögusafns
Íslands og formaður fram-
kvæmdanefndar um 100 ára
afmæli kosningaréttar kvenna
Höfundur er
María Grétarsdóttir,
bæjarfulltrúi