Hafnarfjörður - Garðabær - 04.04.2014, Blaðsíða 14

14 4. apríl 2014
„Mögulegt að lifa af tónlistinni en erfiðara að lifa án hennar“
Hafnfirðingurinn Kristján Tryggvi Martinsson er að gera frábæra hluti
í djasstónlist, og hlaut á dögunum þrenn verðlaun í flokki djass og blús
á Íslensku tónlistarverðlaununum. Verðlaunin voru fyrir tónverk ársins,
tónhöfund ársins og plötu ársins - Meatball Evening - með K tríó, en Kristján
starfrækir hljómsveitina, sem hann stofnaði í ársbyrjun 2008. Svanur Már
Snorrason ræddi við Kristján.
„Ég er fæddur í London árið 1986 og
fluttist til Hafnarfjarðar þegar ég var
eins árs gamall,“ segir Kristján spurður
um uppruna sinn, og bætir við: „Ég bjó
á Hringbraut til fimm ára aldurs, og
fluttist svo í Setbergið; stundaði nám
í Setbergsskóla og svo í Flensborgar-
skóla. Þar var gott að vera og félagslífið
var frábært. Úr Hafnarfirðinum fór ég
svo til Amsterdam í framhaldsnám í
tónlist, fyrir um sex árum síðan.“
Úr bílskúrssveitum í FÍH
Kristján segir að hann hafi aldrei tekið
ákvörðun um að leggja tónlistina fyrir
sig, en óhætt er að segja að hann sé
fjölhæfur. „Ég byrjaði í píanótímum í
Tónlistarskóla Hafnarfjarðar, átta ára
gamall, og nokkrum árum síðar bætt-
ist þverflautan við. Þegar unglingsárin
nálguðust bætti ég svo þriðja hljóð-
færinu við og fór að spila á rafbassa
í nokkrum bílskúrshljómsveitum, til
dæmis Climax Hysteria - með Jóni
Jónssyni og fleirum góðum - Lodix og
rappsveitinni Diplomatics. Ég held ég
hafi bara aldrei tekið ákvörðun um að
verða tónlistarmaður, það bara þróaðist
í þá áttina, og svo var ekki aftur snúið.“
- Hvað varð til þess að þú lagðir fyrir
þig píanóið og djassinn?
„Píanó-djass hefur alla tíð heillað
mig, og frá og með tólf ára aldri lærði
ég djass hjá Carli Möller í Tónlistar-
skóa Hafnarfjarðar. Það var svo loka-
hnykkurinn í ferlinu þegar Helgi Eg-
ilsson, vinur minn úr norðurbænum,
hringdi í mig og stakk upp á því að
við sæktum saman um í Tónlistarskóla
FÍH í Reykjavík. Á þeim tíma spilaði ég
mikið á bassa og þess vegna lá beinast
við fyrir mig að sækja um á bassa, en
þar sem Helgi er bassaleikari sannfærði
hann mig um að sækja frekar um á
píanó svo við gætum spilað saman. Ég
hef ekki enn séð eftir því.“
- Hverjir eru þínir helstu áhrifavaldar?
„Það eru þeir Fats Waller og Glenn
Gould, þeir eru svo eftirminnilegir og
voru samkvæmir sjálfum sér frá a til ö.“
Mikið á flakki
Það er hellingur að gera hjá Krist-
jáni, hann er á fullu í námi sínu í
Amsterdam, og þá spilar hann mjög
mikið.
„Núna er ég að ljúka EUJAM
mastersnámi mínu með áherslu á
jazz píanó og tónsmíðar. Námið
krefst þess að maður sé á miklu flakki.
Fyrsta önnin var hér í Amsterdam,
önnur önnin í Berlín, þriðja önnin
í París og fjórða önnin, sem lýkur í
júní, er í Amsterdam. Því miður er
ekkert skipulagt með K tríóinu á Ís-
landi í bráð, en fyrstu vikuna í maí
fer hljómsveitin í vikutúr til Lettlands,
og fyrstu vikunna í júní spilum við í
Amsterdam. Hér í Amsterdam spila
ég einnig í mörgum öðrum hljóm-
sveitum. Secret Swing Society er ein
þeirra sem er í miklu uppáhaldi hjá
mér, en þar spila ég á harmoniku, og
hljómsveitin mun halda tónleika á Ís-
landi í ágúst.“
Erfitt að lifa án tónlistar
- Skipta tilnefningar og verðlaun miklu
máli fyrir tónlistarmenn?
„Óbeint skipta tilnefningar máli.
Annars vegar til að fá staðfestingu á því
að maður sé að skapa tónlist sem fólki
líkar og hins vegar að koma manni á
framfæri.“
Hvernig gengur að lifa af tónlistinni?
„Það er nú misjafnt eins og
mánuðirnir eru margir. Ég held að það
sé alveg mögulegt að lifa af tónlistinni
en erfiðara að lifa án hennar.“
Félag eldri borgara
í Garðabæ
Félag eldri borgara
á Álftanesi
MARKMIÐ ÞINGSINS ERU AÐ LEITA
SVARA VIÐ ÞVÍ:
• hvaða væntingar þeir hafa sem komast á efri
árin á næstu árum og áratugum
• hvernig stuðla megi að farsælum efri árum
íbúa í Garðabæ í nútíð og framtíð
Niðurstöður þingsins verða afhentar Garðabæ sem
innlegg í stefnumótunarvinnu í málaflokknum.
UNNIÐ VERÐUR MEÐ
ÞJÓÐFUNDARFYRIRKOMULAGI
BOÐIÐ VERÐUR UPP Á VEITINGAR
Framtíðarþing um farsæl efri ár í Garðabæ verður
haldið í Sjálandsskóla þriðjudaginn 8. apríl kl. 17-20
ÞÁTTTAKENDUR ÓSKAST
Óskað er eftir þátttakendum úr eftirfarandi
aldurshópum:
• 75 ára og eldri
• 55-75 ára
• 55 ára og yngri
Vinsamlegast tilkynnið þátttöku á netfangið
gardabaer@gardabaer.is eða í síma 525 8500
eigi síðar en 3. apríl nk. Taka þarf fram nafn,
kennitölu, netfang og símanúmer.
Þátttaka er öllum heimil en fjöldi þátttakenda er takmarkaður