Fréttir - Eyjafréttir - 09.09.1998, Page 4

4
Fréttir
Miðvikudagur 9. september 1998
Unga fólkið er komið til starfa í skólunum enda starfsemi þeirra komin í fullan gang.
Þúsund á skólabekk
Eitt af því sem einkennir haustið
eru nemendur skólanna að taka
fram bækurnar og það sem
tilheyrir miklum lærdómi og visku-
þrá. Framhaldskólinn var settur
26. ágúst síðastliðinn. Nemendur
Barnaskólans og Hamarsskóla
mættu svo á skólasetningu þriðju-
daginn 1. september. Nýnemar í
Framhaldsskólanum voru busaðir á
föstudaginn var og þeir „niður-
lægðir“ og látnir beygja sig og
hugta fyrir sér eldri og trúlega
vitsmunaríkari eldri nemendum.
Ólafur H. Sigurjónsson skóla-
meistari Framhaldsskólans segir að
busavígslan hafi farið vel fram og
verið innan þeirra marka sem væri
ásættanleg Hann segist að minnsta
kosti ekki vita annað en allir hafi verið
ánægðir. í Framhaldsskólanum eru
265 nemendur skráðir nú á verk- og
bóknámsbrautum, þó eru fleiri nem-
endur á bóknámsbrautum. Við
skólann er einnig öldungadeild og
frekar dræm aðsókn í hana, nema í
spænsku, segir Ólafur. 20 fastir kenn-
arar eru við skólann auk stunda-
kennara. 10 leiðbeinendur eru og við
skólann, þar af eru 4 kennarar sem eru
í fjamámi í uppeldis- og kennslufræði.
Jóna Ólafsdóttir aðstoðarskólastjóri
Bamaskóla Vestmannaeyja, segir
erfitt að byrja kennslu á þessu hausti
sökum kennaraskorts og þrengsla.
Það eru 431 nemandi í skólanum, en
það er fjölgun frá því í fyrra, en þegar
skóla lauk í vor voru 411 nemendur í
skólanum. Fella varð niður dönsku-
kennslu í 6. bekk til og með 9. bekk,
auk hannyrða á unglingstigi. Leið-
beinendur eru í stuðningskennslu
smíði og siglingafræði. Þrír bekkir
em tvísettir vegna þrengsla, þannig að
ef vel ætti að vera þyrfti að fjölga
kennslustofum um fjórar til fimm.
Halldóra Magnúsdóttir skólastjóri
Hamarsskóla segir 350 nemendur í
skólanum í vetur. Það er fækkun frá
því í fyrra. Við skólann starfa 30
kennarar og 4 leiðbeinendur. Leið-
beinendur eru í myndmennt, stuðn-
ingskennslu og aímennri kennslu.
Engin kennsla er í heimilisfræðum til
áramóta vegna námsleyfis Unnar
Tómasdóttur. Halldóra segir góða
stemmningu í skólanum og að vet-
urinn leggist vel í alla.
Keikó keniu
Eva Benjamínsdóttir myndlistarmaður bítur í „uggann".
Eva Benjamínsdóttir myndlistar-
maður kom til Vestmannaeyja í
tilefni af komu Keikós til Eyja.
Eva er ekki alveg ókunnug Eyjum
vegna þess að hún var hér á
vertíðum í eina tíð og síðast 1974.
Eva segist hins vegar lítið hafa séð
af eyjunni þá fyrir loðnu. „Þetta
var árið eftir gos og maður sá þá
að það ómögulega er mögulegt. Eg
gat svo lagt fyrir pening eftir vinnu
mína hér og komst í myndlistar-
nám til Frakklands.
Nú er Eva með í fórum sínum
plakat og póstkort sem hún gerði í
tilefni af þeim mikla heimsviðburði
sem koma Keikós er. Eva segir að
hún hafi lengi verið hugfangin af
hvölum og ekki síst mjúkum
hreyfingum þessara stóru dýra.
„Þegar Ijóst vap að háhyrningurinn
Keikó kæmi til ísíands mundi ég eftir
því að hafa gert mynd af hvalavöðu
árið 1982 sem ég kallaði
,Ejölskylduna“. Ég tók mig til og og
leitaði uppi myndina og sýndi hana
nokkrum vinurn mínum. í framhaldi
af því hvöttu þeir mig til að gera
eitthvað vegna komu Keikós.“
Eva lét ekki sitja við orðin tóm
heldur lét prenta plakat og póstkort
sem hún er nú komin með til Eyja.
„Ég vildi gera eitthvað vegna komu
hans. Af hverju ekki? Þetta er það
mikill heimsviðburður að mér finnst
ekki annað hægt en að taka vel á móti
hvalnum og sýna það í einhverri
sýnilegri mynd. Þó að ég hafi gert
þessa mynd árið 1982, þá finnst mér
vel við hæfi að koma þessari mynd
fram í dagsljósið nú, alveg eins og
Keikó kemur sjálfur aftur til íslands.
Og ef að Keikó verður nú svo lán-
samur að komast aftur í faðm
fjölskyldunnar og öðlast frelsi, þá
erum við komin í hring. Böm í
Bandaríkjunum segja að fjölskylda
Keikós sé heima á Islandi, þannig að
þetta kemur allt heim og saman.“
Póstkortin sem Eva hefur látið
gera eru einnig með mynd af
hvalavöðunni, en á þeim er prentaður
texti á íslensku og ensku. ,£g leitaði
í huganum að einhverjum texta sem
mér fannst við hæfi og væri lýsandi
fyrir myndefnið og tjölskylduna.
Sem dæmi um texta er: „Bergmálið
er endurkast náttúrunnar“ Þetta
finnst mér lýsandi fyrir tímaskeiðið.
Þetta er eins og bjúgverpill sem er að
koma til baka eftir 21 ár og þar inni er
endurkoma Keikós og endurkoma
myndarinnar sjálfrar.“
Eva segist hafa verið orðinn leið
plasthvölum og fannst í lagi að koma
myndlist til skila og einhverri
tilfinningu frá sjónum vegna komu
Keikós. „Ég átti von á því að Vest-
mannaeyingar nýttu sér virkilega
þessa aðstöðu og hugsuðu fljótt
eitthvað í sambandi við Keikó. Það
er fullt af frjóu og hugmyndaríku
fólki hér í Eyjum og óþarfi að láta
ímyndaðan ótta ná tökum á sér. Þetta
er kannski spuming um að gefa sér
lausan tauminn. Ég hugsa þetta
kannski örðuvísi. Ég var lengi í
Bandaríkjunum og þar voru alltaf
„Velkominn og Bless veislur“ og
hvað er betur við hæfi nú þegar
Keikó er að koma. Það er ákveðið
uppeldi á Ameríkumönnum sem
segir þeim að vera á réttum stað á
réttum tíma og mér fannst vera rétti
tíminn fyrir mig núna í Eyjum.“
Eva vildi að lokum koma þakklæti
til Vestmannaeyinga fyrir góðar
móttökur og óskar þeirn allra heilla
með Keikó sinn.
Sjötíu sóttu Far-
skóla safnmanna
ióhannseturfarskólann.
Farskóli Félags íslenskra safn-
manna á suðurlandi og í Vest-
mannaeyjum var starfræktur í
Vestmannaeyjum 2. til 5. sept-
ember.
Það voru unt 70 safnmenn sem
komu til Eyja að þessu sinni og
dvöldu hér. Þetta er tíunda árið sem
skólinn er starfræktur og í fyrsta
skipti í Vestmannaeyjum. Skóla-
stjóri skólans nú er Jóhann
Friðfinnsson safnstjóri Byggðasafns
Vestmannaeyja og setti hann skólann
í safnaðarheimili Landakirkju á
fimmtudaginn. Meðal þess sem
fjallað var um f skólanum að þessu
sinni voru minjar og margmiðlun þar
sem Hallgrímur Thorsteinsson og
Halldór Sigurjónsson fjölluðu um
hvemig nýta mætti margmiðl-
unartæknina til eflingar safnastarfi.
Rögnvaldur Guðmundsson, Bjöm G.
Bjömsson og Auróra Friðriksdóttir
vom með framsöguerindi um
ferðaþjónustu og sérsýningar.
Einnig vom fluttar framsögur unt
fomleifar og ferðamenn, þar sem
Hjörleifur Stefánsson, Arthúr B.
Bollason og Stefán Öm Stefánsson
fjölluðu um fomleifar og kynningu
þeirra fyrir ferðamenn.
Golfklúbbur
Vestmannaeyja 60 ára
Golfklúbbur Vestmannaeyja er 60
ára unt þessar mundir. Það var 4.
desember 1938 að stofnfundur
klúbbsins var haldinn að Hótel
Berg og voru stofnfélagar 37. Arið
áður höfðu nokkrir einstklingar
reynt fyrir sér í golfíþróttinni inni í
Herjólfsdal og hefur golf verið
leikið í dalnuni síðan að
undanskyldu gosárinu og fram til
1977 er búið var að koma vellinum
í leikhæft ástand á ný. A meðan
var leikið á 6 holu velli utaní
Sæfellinu. Frá 1938 var leikið á 6
holu velli í inndalnum í kringum
tjörnina en 1968 var farið að leika
á 9 holu velli þar sem fyrri 9
holurnar eru á vellinum í dag. Arið
1994 voru síðan seinni 9 holurnar
teknar í notkun og þykir völlurinn
í Vestmannaeyjum einhver besti
18 holu golfvöllurinn á Islandi í
dag. Hefur hróður vallarinns
einnig borist út fyrir landssteinana
því í virtu bresku golf tímariti
sagði blaðamaður völlinn í Eyjum
vera meðal 200 bestu golfvalla í
Evrópu. I sumar hefur nokkur
fjöldi blaðamanna heimsótt okkur
og vonumst við til að þeir beri
vellinum okkar vel söguna.
Þegar GV var stofnaður voru
aðeins fyrir 2 golfklúbbar á
landinu, Golfklúbbur Islands
(síðar Golfklúbbur Reykjavíkur)
og Golfklúbbur Akureyrar.
Golfsamband Islands var síðan
stofnað 1940 og stóðu áðurnefndir
golfklúbbar að stofnuninni. Aðrir
golfklúbbar komu í raun ekki til
sögunnar fyrr en eftir 1960, en á
síðasta áratug hefur orðið mikil
golfsprengja hér á landi og eru
golfklúbbar á íslandi nú yfir 50
talsins
I tilefni þessara tímamóta í sögu
GV hafa félagar ákveðið að halda
afmælismót sem styrkt er af
Sparisjóði Vestmannaeyja næsta
laugardag og verður afmælishóf í
golfskálanum um kvöldið.
SÝ SLUMAÐURINN í
VESTMANNAEYJUM
Bifreiðaeigendur athugið!
Þeir bifreiðaeigendur sem enn eiga ógreidd bifreiðagjöld eru minntir
á að byrjað er að klippa af bifreiðum vegna þreirra.
Gjalddagi bifreiðagjalda vegna 1. tímabils 1998 var 1. júlí og eindagi
15. ágúst.
Innheimta ríkissjóðs í Vestmannaeyjum skorar hér með á
viðkomandi að gera skil sem allra fyrst, svo komast megi hjá þessum
aðgerðum. Ekki má búast við frekari viðvörunum áður en til þeirra
kemur.
Sýslumaðurinn í Vestmannaeyjum
Innheimta