Fréttir - Eyjafréttir - 06.12.2001, Qupperneq 2

2
Fréttir
Fimmtudagurinn 6. desember 2001
Þingmenn Suðurlands svara gagnrýni stjórnarformanns VSV:
Byggðastofnun verður að
gera öllum jafnt undir höfði
Andrea áfram í leyfi
Á fundi bæjarráðs á föstudaginn lá
fyrir bréf frá Andreu Atladóttur sem
skipaði fimmta sætið á lista
Sjálfstæðisflokksins fyrir síðustu
kosningar. Hún hefði því ált að taka
sæti Sigurðar heitins Einarssonar í
bæjarstjóm en óskaði eftir leyfi á
sínum tíma. Hún óskar eftir
áframhaldandi leyfi sem aðalmaður
í bæjarstjóm Vestmannaeyja út
þetta kjörtímabil og var það sam-
þykkt. Tekur þvf Helgi Bragason
sæti áfram sem aðalmaður í
bæjarstjóm Vestmannaeyja.
Róleg helgi hjá
lögreglunni
Alls voru 160 færslur í dagbók
lögreglu í sl. viku sem eru nokkuð
færri en á undanfömum vikum.
Enginn þjófnaður, skemmdar-
verk eða og líkamsárásir voru
lilkynntar eða kærðar til lögreglu í
vikunni og verður það að teljast til
undantekninga að engin atvik í
þessum málaflokkum hafi verið
kærð.
Engin umferðar-
óhöpp í hálkunni
Einungis tvö umferðarlagabrot voru
kærð í vikunni og var annað þeitra
ólögleg lagning en hitt vanræksla á
að færa ökutæki til skoðunar.
Þrátt fyrir snjó og hálku var ekki
tilkynnt um nein umferðaróhöpp í
vikunni og verður það að teljast
ökumönnum til hróss hversu var-
lega þeir aka í erfiðri færð.
Eftírlitslaus sam-
kvæmi unglinga
Lögreglan hafði sputnir al' eftir-
litslausu unglingapartýi urn sl. helgi
og er það með ólíkindum að for-
eldrar skuli leyfa slíkt. Lögreglan
bendir á að alltaf er hætta á að eldri
ungmenni slæðist inn í partýin með
hættuleg fíkniefni og þá er voðinn
vfs. „Foreldrar athugið að þið berið
ábyrgð á bömum ykkar. Það er ekki
alltaf hægt að benda á að lögreglan
standi sig ekki ef illa fer,“ segir í
tilkynningu frá lögreglu.
Anhríki á
skemmtistöðum
Þrátt fyrir að Eyjamenn hafi hagað
sér vel um helgina var nóg að
snúast hjá lögreglu í hinum ýmsu
verkefnum sem tengdust skemmti-
stöðum bæjarins og þurfti lögreglan
nokkrum sinnum að hafa afskipti af
ölvuðu fólki.
Gjaldskrá hafnar-
innar hækkar um 6%
Frá og með I. desember hækkaði
gjaldskrá hafnarinnar um 6%. Þetta
var samþykkt á fundi Hafrmstjómar
28. nóvember sl. en Hafnarsamband
sveitafélaga lagði til 8% hækkun.
Góðar viðtökur
Ingvar Sigurjónsson frá Skógum
segir að salan á disknum, Til Heiðu,
sem hann gaf út fyrir sköntmu
gangi vel. Fyrsta upplagið er á
þrotum en von er á viðbót. Ingvar
segist mjög ánægður og líka þakk-
látur fyrir móttökumar.
I ræðu sinni á aðalfundi Vinnslu-
stöðvarinnar deildi Jakob Björns-
son hart á þingmenn Suðurlands.
Sagði hann þá hafa horft upp á 500
störf tapast í fiskvinnsiu í Eyjum á
síðasta áratug án þess að hafa
nokkuð að gert. Hann gagnrýndi
einnig Byggðastofnun og að smá-
bátar hafi komist upp með að auka
stöðugt hlutdeild sína í heildarafla.
Nefndi hann í því sambandi nýlega
skýrslu Byggðastofnunar um þau
áhrif sem kvótasetning á smábáta
hefði á atvinnulíf á Vestfjörðum.
Fréttir leituðu til þingmanna
kjördæmisins og var gagnrýni
Jakobs borin undir þá.
Skýrslan gerð án vitundar
stjómar Byggðastofnunar
Drífa Hjartardóttir (D) fyrsti þing-
maður Suðurlands á sæti í stjóm
Byggðastofnunar. Hún segir að þegar
skýrslan margumtalaða hafi verið lögð
fram hafi hún gert athugasemdir við
hana.
„Eg bað um að Suðurland eða hið
nýja Suðurkjördæmi yrði einnig tekið
út, þá sérstaklega í tilliti til Vest-
mannaeyja, Þorlákshafnar, Haí'nar í
Hornafirði og Suðurnesja. Einnig að
tekið yrði tillit til þeirra fmmvarpa
sem sjávarútvegsráðherra hefur lagt
fram á þingi nú í haust,“ sagði Drífa.
Ennfremur segir hún að skýrslan
hafi verið gerð að beiðni stjórnar-
formanns Byggðastofnunar Kristins
H. Gunnarssonar þingmanns Fram-
sóknarflokksins á Vestfjörðum. Hafi
það ekki verið tilkynnt í stjóm fyrr en
hún var lögð fram. Drífa segist ekki
vilja sitja undir því að stjórn Byggða-
stofnunar sinni aðeins Vestfjörðum.
„Til að mynda vom nýlega veittar
100 milljónir til styrktar Eignarhalds-
félagi Vestmannaeyja og var það
algert stílbrot frá fyrri ákvörðunum
stofnunarinnar þar sem við vomm að
kljúfa okkur út úr Suðurlandskjör-
dæmi til þess að styrkja atvinnulíf í
Vestmannaeyjum. Svo má einnig
nefna að Byggðastofnun hefur veitt
stór lán til ýmissa verkefna sem snúa
að Eyjunum, t.d. varðandi byggingu
Hallarinnar og nýja Hugins VE,“
sagði Drífa og vildi alls ekki kannast
við að Byggðastofnun væri sérstakt
verkfæri Vestfirðinga.
Byggðastofnun of upptekin
af vanda Vesttjarða
Guðni Ágústsson (B) landbúnaðarráð-
herra segist ekki vilja gera lítið úr
þeim vanda sem steðjar að Vest-
firðingum. „En ég tek undir þau orð
stjómarformanns Vinnslustöðvarinnar
að Byggðastofnun hefur verið of upp-
tekinn af vanda Vestfjarða og þar af
leiðandi hafa önnur byggðalög setið
eftir,“ sagði Guðni og bætti við að
hann teldi Byggðastofnun ekki hafa
sinnt Suðurlandi sem skyldi.
Aðspurður um hvort hann sé
hræddur við að tjá skoðun sína opin-
berlega á þessu máli segir Guðni. „Ég
hef margoft, bæði í ræðum og grein-
um bent á það sem betur má fara á
þessu sviði, t.a.m. varðandi þá miklu
möguleika sem Vestmannaeyingar
búa að með einstakri náttúru varðandi
ferðamannaiðnaðinn og rannsóknir
þannig að ég vísa því á bug,“ sagði
Guðni.
„Mér fannst það leitt að Eyjamenn
skyldu taka þá ákvörðun að segja sig
frá samstarfi við sveitastjómir á
Suðurlandi varðandi atvinnuuppbygg-
ingu.“
Guðni segir Byggðastofnun verða
að fara að snúa sér að öðrum byggða-
lögum sem hafi möguleika til þess að
byggja upp atvinnulífið. „Ég hef oft
sagt það að Eyjamenn þurfi að byggja
upp atvinnu á fleiri vígstöðum, vera
ekki með öll eggin í sömu körfu. Ef
það er einhver staður á landinu sem
hefur burði til þess þá eru það
Vestmannaeyjar,“ sagði Guðni að
lokum.
Alfarið ákvörðun ráðherra
Sjálfstæðisflokksins og
meirihluta Alþingis
„Það er mjög sérstætt, að þegar
þingmenn Suðurlands eru gagnrýndir
virðist ætíð vera nægt pláss á síðum
vikublaðsins Frétta til að fjalla um þá
gagnrýni. Það sýnir áhuga blaðsins á
störfum þingmanna Suðurlands,“
sagði Lúðvík Bergvinsson (S) þegar
haft var samband við hann.
„Vegna spuminga blaðsins vil ég
taka fram að ég heyrði ekki ræðu
stjórnarformannsins og því eru allar
mínar upplýsingar um hana fengnar
frá fjölmiðlum. Af því sem ég hef
heyrt, undrar mig mjög að hann sem
einn af talsmönnum núverandi fisk-
veiðistjómurkerfis láti sér koma það á
óvart að í miðstýrðu skömmtunarkerfi,
eins og kvótakerfið er, skuli geðþótta-
úthlutun aflaheimilda koma honum í
opna skjöldu. Það er eðli miðstýrðra
kerfa að í þeim em teknar geðþótta-
ákvarðanir. I þessu tilviki hafa
stjómvöld, undir forystu Sjálfstæðis-
flokksins og ráðherra hans, ákveðið að
færa aukna allahlutdeild til smábáta.
Það kemur illa við Vestmannaeyjar,
einkanlega í ýsunni. Þetta er ekki í
fyrsta skipti sem það er gert. Það er
ljóst hverjir tóku þessa ákvöðmn. Það
var ríkisstjómin með stuðningi meiri-
hluta Alþingis. Því ber ég ekki ábyrgð
á henni frekar en ýmsu öðru sem
ríkisstjómin hefur gert. Ég hef ætíð
gagnrýnt tilviljanakenndar úthlutanir á
aflaheimildum einsog þingræður bera
með sér og geri það einnig nú.
Stjómarformanninum væri nær að
beina athugasemdum sínum að þeim
sem þessa ákvörðun tók.
Það er rétt að rifja upp í þessu
samhengi að á meðan á kalda stríðinu
stóð var athugasemdum og óánægju
oft beint að smáríkinu Albaníu þegar
menn meintu Sovétríkin. Ég geri ráð
fyrir að stjómarfbrmaðurinn hafi valið
að fara þá leið í þessu tilviki. Ég vil á
hinn bóginn hvetja stjómarförmanninn
til þess að beina gagnrýni sinni beint
að þeim sem tóku þessa ákvörðun,
Sjálfstæðisflokknum, sjávarútvegs-
ráðherra og þingmeirhluta Fram-
sóknar- og Sjálfstæðisflokks. Við það
yrði hann maður að meiri. Að öðru
leyti veit ég ekkert um tilurð þessarar
skýrslu Byggðastofnunar nema að
hvað hún er unnin fyrir stjómarfor-
manninn. Hann hefur lýst yfir því að
sambærilegar skýrslur verði unnar um
önnur landssvæði. Verð ég ekki að
gera ráð fyrir því að af því verði,"
sagði Lúðvík Bergvinsson.
Eðlilegt að álíka skýrsla sé
unnin í öðrum landshlutum
Kjartan Olafsson (D) sem nýlega tók
sæti á Alþingi í stað Áma Johnsen
segist lítið getað tjáð sig um þau 500
störf sem Jakob segir að tapast hafi í
sjávarútvegsgeiranum í Eyjum síðasta
áratug. „Eg hef þessar tölur ekki í
hendi en þetta er að sjálfsögðu
alvarlegt mál en við verðum að líta á
heildarmyndina, t.a.m. hversu mikill
hluti af þessum störfum hefur verið
lagt niður vegna tæknibreytinga.“
Kjartan segir þá aðferð sem notuð
hafi verið gagnvart kvótakerfinu gangi
ekki til lengdar. „Ef við lítum á þetta
heildrænt þá sér hver maður að það
gengur ekki til lengdar að færa enda-
laust á milli staða og færa til þeirra
sem ekki eru færir að sjá um sig sjálfir.
því eins og segir einhver staðar Guð
hjálpar þeim sem hjálpa sér sjálfir,“
sagði Kjartan og bætti við að á stöðum
eins og Vestmannaeyjum verður
höggið mjög þungt þegar illa árar í
sjávarútvegi enda er hann stór hluti
atvinnulífsins þar.
„Varðandi skýrslu Byggðastofn-
unar skilst mér að hún hafi verið unnin
að beiðni stjómarformannsins án vit-
undar stjómar og mér finnst mjög
eðlilegt að unnið sé álíka skýrsla fyrir
aðra landshluta og þá hafa menn
staðreyndir fyrir sér.“ Kjartan segir
það af og frá að hann sé hræddur við
að tjá sig., jlg hef aldrei verið hræddur
eða feiminn við að tjá skoðanir mínar
á málum, líkt og ég er að gera núna,“
sagði Kjartan að lokum.
Ámælisverð vinnubrögð
Margrét Frímansdóttir (S) segir það
vissulega eðlilegra að skýrsla for-
manns fjalli um alla landshluta og að
stjórnarmenn komi að vinnunnni við
skýrsluna. „Þetta em ámælisverð
vinnubrögð, Suðurland á fulltrúa í
stjórn Byggðastofnunar en þessi
vinnubrögð hafa ekki verið rædd á
sameiginlegum fundi okkar,“ sagði
Margrét og bætti við að hún ætti ekki
von á því að nokkur sé hræddur við að
tjá sig opinberlega. „Við hljótum að
krefjast þess að allir landshlutar fái
sambærilega meðhöndlun inni í stjóm
Byggðastofnunar, þó formaðurinn
komi frá ákveðu kjördæmi sem
vissulega er illa statt. Allar breytingar
á kvótakerfinu koma misjafnlega
niður á landshlutum því verður að
ræða þær hugmyndir sem uppi em og
breytingar sem þegar er ákveðið að
gera út frá mismunandi stöðu lands-
hluta. Við verðum að tryggja að okkar
sjónarmið heyrist inni í stjóm
Byggðastofnunar og að þar sé tekið
hlutlaust á málurn," sagði Margrét að
lokum.
Ekki náðist í ísólf Gylfa Pálmason.
Útgefandi: Eyjaprent ehf. Vestmannaeyjum. Ritstjóri: Ómar Garðarsson. Blaðamenn: Sigursveinn Þórðarson, Guðbjörg
Sigurgeirsdóttir. íþróttir: Júlíus Ingason. Ábyrgðarmenn: Ómar Garðarsson & Gísli Valtýsson.
Prentvinna: Eyjaprent ehf. Vestmannaeyjum. Aðsetur ritstjórnar: Strandvegi 47II. hæð. Sími: 481-3310. Myndriti: 481-
1293. Netfang/rafpóstur: frettir@eyjar.is. Veffang: http/Arvww.eyjaf retti r. is
FRÉTTIR koma út alla fimmtudaga. Blaðið er selt í áskrift og einnig í lausasölu á Kletti, Tvistinum, Toppnum, Kránni,
Vöruval, Herjólfi, Flughafnarversluninni, Tanganum, Söluskálanum Friðarhöfn og í Jolla í Hafnarfirði. FRÉTTIR eru prentaðar í 2000 eintökum. FRÉTTIR eru aðilar að
Samtökum bæjar- og héraðsfréttablaða. Eftirprentun, hljóðritun, notkun Ijósmynda og annað er óheimilt nema heimilda sé getið.

FRÉTTIR
8