Vestfirðir - 11.01.2013, Qupperneq 9

11 janúar 2013 9
og samgöngur liggja niðri í lengri tíma
í lofti á landi og á sjó. Við höfum á að
skipa harðsnúnu liði þegar svona erf-
iðar aðstæður koma upp. Má þar nefna
viðgerðarflokk Orkubúsins, heilbrigð-
isstarfsfólk, snjóruðningsmenn, björg-
unarsveitir og lögreglu en allt þetta fólk
leggur fram krafta sína við mjög erfiðar
aðstæður og fyrir það ber að þakka.
Málið er að við lærum af reynslunni
og gerum úrbætur á því sem brýnast
er og forgangsröðum. Ég tel engan vafa
leika á því að Vestfirðir eigi að vera í
forgangi þegar samgöngur, fjarskipti
og raforkuöryggi er annars vegar. Þþað
kostar peninga og við eigum að sam-
einast um þessi verkefni, þingmenn
kjördæmisins.”
Stórauknir fjármunir til
velferðar- og samgöngu-
mála
- Um hvað snúast komandi kosningar
að þínu mati?
,,Komandi kosningar snúast um
að varðveita þann mikla árangur sem
náðst hefur í uppbyggingu íslensks
efnahagslífs allt frá efnahagshruninu.
Allir hagvísar benda til þess að við
séum komin á lygnari sjó, hagvöxtur
eykst og það er aukin kaupmáttur og
atvinnuleysi fer minnkandi
Jöfnuður í samfélaginu hefur aukist
og skattkerfisbreytingarnar gera það
að verkum að lágtekju og millitekju-
fólk er að greiða lægri skatta en var
fyrir efnahagshrunið en þá hækkuðu
skattar mest á þessa hópa en lækkuðu á
hátekjufólk. Ég veit að tíminn frá Hruni
hefur verið mörgum erfiður en hjá því
var því miður ekki komist þegar allt
stefndi í þjóðargjaldþrot þegar núver-
andi stjórnvöld tóku við þjóðarskút-
unni 2009 af gjaldþrota græðgi og
frjálshyggju.
Sem betur fer erum við að sjá í
fjárlögum ársins 2013 árangur erf-
iðra ákvarðanna í ríkisfjármálum og
leggjum fram metnaðarfullt frumvarp
með aðeins 4 milljarða króna halla frá
216 milljarða króna halla sem var
þegar núverandi stjórnvöld tóku við.
Stórauknir fjármunir eru lagðir til vel-
ferðar og samgöngumála, barnbætur
hækkaðar, fæðingarorlof hækkar,
unnið er að ókeypis tannlækningum
fyrir börn svo eitthvað sé nefnt. Stór-
aukin framlög eru til skapandi greina
og rannsókna og Framkvæmdasjóður
ferðamála og grænn fjárfestingarsjóður
fá hátt á annan milljarð króna og svona
mætti áfram telja. Við erum því á
blússandi siglingu upp á við.
Þess vegna megum við ekki glutra
þessum árangri niður í hendur þeirra
sem komu okkur í þessar fordæma-
lausu aðstæður. Ekki hefur nú verið
mikla hjálp að fá frá stjórnarandstöð-
unni með einstaka undantekningum
þó í þeim erfiðu verkum sem þurft
hefur verið að vinna í frá Hruni þó
eðlilegt væri að menn finndu til eigin
ábyrgðar og leggðust á árarnar með
okkur.
Við eigum að fá tækifæri við eðli-
legar aðstæður að byggja ofan á þann
árangur sem náðst hefur og byggja hér
samfélag velferðar án sérhagsmuna-
gæslunnar sem réði hér ríkjum og
ræður því miður alltof víða enn. Gömlu
valdaklíkurnar bíða gírugar eftir því
að komast til valda aftur ef kjósendur
sofna á verðinum.”
Koma sameiginlega fram
gagnvart ríkisvaldinu
- Hvernig sérðu framtíð Vestfjarða?
,,Ég tel að tækifæri Vestfjarða liggi
víða, eins og t.d. í sjávarútveginum,
landbúnaði og ferðaþjónustu, ásamt
allri nýsköpun og hugviti og með þessu
þarf að ríkja kraftur og áræðni með
bjartsýnina að leiðarljósi. Við þurfum
samstöðu meðal íbúanna og að leggja
gott til, að hafa trú á okkur sjálfum
og koma sameinuð fram gagnvart
ríkisvaldinu með okkar tillögur til
úrbóta. Ég hef þá bjargföstu trú að
okkur muni takast að efla hér byggð
til framtíðar. Ef við tölum um þetta á
sölumáli markaðssetningar þá þurfum
við að selja þjóðinni og mörkuðum
erlendis viðskiptamódelið umhverfi-
svæna og sjálfbæra Vestfirði sem skili
þjóðarbúinu miklum gjaldeyristekjum
og eiga að sjálfsögðu að fá sinn skerf
til baka af skattgreiðslum landsmanna
í uppbyggingu innviða samfélagsins.
Þar hefur okkur því miður miðað of
hægt sl. 20 ár.
Ef við trúum á okkur sjálf og
stöndum með verkum okkar og fáum
unga fólkið með okkur í þá vegferð
að efla og styrkja vestfirskt samfélag
þá er ég bjartsýn á framtíð Vestfjarða.
Ég vil nota þetta tækifæri til að óska
Vstfirðingum og landsmönnum öllum
gleðilegs árs og gæfu og gengis á nýju
ári,” segir Lilja Rafney Magnúsdóttir
alþingismaður Norðvesturkjördæmis.
Gönguferð um Strandir
er mikil upplifun
Með hækkandi sól fara margir að huga að göngu-ferðum um okkar fallega
land, ekki síst um Strandir. Ekki er
ráð nema í tíma sé tekið. Í júnímánuði
2009 var farin á vegum Ferðafélags
Íslands ferð sem m.a. vakti forvitni um
lifnaðarhætti sela. Rannsóknir ferða-
langanna leiddi m.a. í ljós að að með-
göngutími landsels er ellefu mánuðir
en þar af liggur fóstrið í dvala í tvo
mánuði í móðurkviði. Æxlun fer fram
í sjó á sundi, snemma sumars skömmu
eftir kæpingu. Það er því mjög líklegt
að það sem göngugörpum sýndist vera
leikir sela í Eyvindarfirði hafi í raun
verið tilhugalíf ef ekki beinlínis for-
leikur.
Gönguferðin hófst í Norðurfirði,
gengið í Ingólfsfjörð og þaðan yfir
Brekkuhálsinn í Ófeigsfjörð til Péturs
sumaróðalsbónda. Gengið var um Ey-
vindarfjörð að eyðibýlinu Drangavík,
en húsið var hrunið. Drangaskörðin
eru mikil náttúrusmíð og ógnar-
fögur. Gengið var á Drangajökul, af
flestum! Svona örstutt ferðasaga ætti
að kveikja löngunina hjá einhverjum
til gönguferðar, af nógu er að taka á
Vestfjörðum, ekki bara á Ströndum.
Gönguhópurinn áir í Eyvindarfirði sem er lítill fjörður á Ströndum sem liggur á milli Ófeigsfjarðar fyrir sunnan og Drangavíkur fyrir norðan. Samkvæmt því sem segir í Landnámabók er fjörðurinn
kenndur við landnámsmanninn Eyvind Herröðarson, en bræður hans, Ingólfur og Ófeigur, námu land í Ingólfsfirði og Ófeigsfirði. Einn bær var áður í firðinum eða við mynni hans, undir Dranga-
víkurfjalli, en hann er löngu farinn í eyði. Í fjörðinn fellur Eyvindarfjarðará og er göngubrú yfir hana.
Drangaskörð eru sjö misháir jarðlagastaflar yst á fjallskaga í Árneshreppi á
Ströndum. Drangaskörð ganga fram úr svonefndu Skarðafjalli milli Dranga
og Drangavíkur og eru af sumum talin ein sérstæðasta og hrikalegasta
náttúrusmíð á Íslandi. roföflin hafa sorfið bergið þannig að minnir á strýtur.
af bæjarnöfnunum beggja vegna er ljóst að upphaflega hafa Drangaskörð
heitið Drangar en það nafn er aldrei notað nú.