Fréttir - Eyjafréttir - 05.12.2002, Blaðsíða 6
6
Frcttir
Fimmtudagur 5. desember 2002
Kynörvunarlyfið
Vigel virkar
-segir Ragnheiður Eiríksdóttir sem heldur úti kyn.is
Kynörvunarlyfið Vigel er auglýst í
blaðinu í dag og af því tilefni var
rætt við Ragnheiði Eiríksdóttur
hjúkrunarfræðing en hún á og
rekur veiinn kyn.is. Vigel er selt á
vefnum en það er einnig til sölu í
Lylju, Plús apótckum og Apó-
tekinu.
„Þetta hefur farið ótrúlega vel á stað,
salan gengur vel og konur fíla þetla
greinilega vel. Við vissum að þetta
hefði mikla möguleika en staðfest-
inguna fengum við þegar reynslu-
sögur íslenskra kvenna fóm að berast
inn á vefinn,“ segir Ragnheiður.
A kyn.is er hægt að leita sér ráð-
gjafar hjá fagaðilum en þar starfa auk
Ragnheiðar, Jóna Ingibjörg Jónsdótt-
ir, kynfræðingur, Reynir Harðarson,
sálfræðingur, Helga Harðardóttir, ljós-
móðir og Guðrún Jónasdóttir, brjósta-
gjafaráðgjafi.
„Tilgangur vefsins er að uppfræða
fólk um kynlíf, aðdraganda og afleið-
ingar. Þar er Ijallað um daður, kossa ,
stellingar og leikföng, sjálfsfróun,
blæðingar, fæðingar og frjósemi svo
lítið eitt sé nefnt. Það er hægt að leggja
fram spumingar nafnlaust á vefnum
og ráðgjöfm er ókeypis. Spumingum
reynum við að svara innan fárra
daga.“
Þegar Ragnheiður er spurð um hvers
vegna hún haldi úti vef sem þessum
stendur ekki á svari. „Ég hef verið að
fjalla um kynlíf lengi í fjölmiðlum og
átti mikið af efni. Mér finnst það vera
skylda mín að koma þessu á framfæri.
RAGNHEIÐUR
Vefurinn er rekinn með sölu auglýs-
inga og svo emm við nýbúin að opna
vefverslun. í versluninni er hægt að
kaupa ýmsar vömr sem tengjast kyn-
heilbrigði á einhvem hátt til að mynda
sleipiefni, smokka, frjósemismæla,
vörur við sveppasýkingum og svo
auðvitað Vigelið. Svo vomni við að fá
nýja línu af titrurum frá Natural
contours. Þessir titrarar eru hannaðir
af konum fyrir konur - þeir eru
frábmgðnir öllu öðm sem sést hel'ur á
leikfangamarkaðnum hingað til. Það
skiptir miklu máli að þeir em hannaðir
með kvenlíkamann í huga. Svo er
útlitið líka sérstaklega smekklegt og
sömuleiðis umbúðimar. Þær sem vilja
kynna sér þessa nýju vöm geta séð
hana á vefnum en titraramir fást
aðeins í vefverslun kyn.is."
Ragnheiður segir Vigel vinsælt
krydd í kynlífið og jafnvel geta hjálp-
að konum í fullnægingarvanda.
„Vigel inniheldur amínósýmna L-
arginine sem hefur hvetjandi áhrif á
blóðflæði og piprmyntuolíu sem veld-
ur þægilegri og ferskri tilfinningu
strax eftir að gelið er borið á. Einn til
þrír dropar eru bornir á sníp fyrir
kynlíf og áhrifin ættu að koma í Ijós
innan fárra sekúnda og lýsa sér með
mildri, kældri tilfinningu. Blóðörv-
unaráhrif finnast innan hálfrar
klukkustundar.
Það er allt í lagi að Vigel fari inn í
leggöng við kynlíf og það er óhætt að
nota það við munnmök, þó skal varast
að það berist í augu,“ segir Ragn-
heiður.
Á vefnum má finna reynslusögur af
notkun kremsins eins og fyrr segir.
„Ég keypti túpuna um leið og ég sá
hana í vinnunni hjá mér. Ég og
kærastinn minn drifum okkur í að
pmfa strax um kvöldið. Þetta var allt
annað líf. Ég fann mikinn mun,
sterkari tilfmning og fullnægingin var
frááábær. Kærastanum mínum fannst
meiriháttar að pmfa þetta því að ég
virkilega naut þess. Ein vel fullnægð,"
segir á vefnum kyn.is.
Alþjóðleg handverkssýning Vestnorden:
Skemmtilegt tækifeeri
-segir Margo Renner glerlistakona sem sérstaklega var boðið að vera með
MARGO var beðin um að sýna hvernig hún vinnur.
Vestnorden stóð fyrir alþjóðlegri
handverkssýningu og ráðstefnu í
Laugardalshöll dagana 18. til 24.
nóvember. Tólf þjóðir tóku þátt í
sýningunni sem var sölusýning á
gæðahandverki landanna.
Margo Renner, starfsmanni Vinnu-
miðlunar og handverkskonu, var
boðið að vera með sýningarbás en
ljöldi þátttakenda frá íslandi var
takmarkaður.
Margo segir sýninguna hafa verið
stórkostlega og skipulag og kynningu
í ljölmiðlun til fyrirmyndar. „Aðsókn
var mjög góð og það er alltaf
skemmtilegt að sjá hvað margir Vest-
mannaeyingar mæta á handverks-
sýningar hvort sem þeir búa uppi á
landi eða em í helgarferð."1
Margo segir sérstaklega gaman að
taka þátt í sýningu þar sem handverks-
menn frá mörgum þjóðlöndum koma
saman. „Ég var mjög hrifin af öllu frá
Grænlandi hvort sem það vom
skartgripir, föt eða aðrir hlutir sem þeir
vinna. Ríkið styrkir handverksfólk á
Grænlandi til þess að koma til móts
við fólk sem hefur misst vinnu við
hefðbundna atvinnuvegi. Veiði-
mannasamfélagið á Grænlandi hefur
breyst mikið á undanfömum ámm og
það þarf að skapa ný tækifæri. Þetta er
mikið til fólk sem vann hefðbundin
störf á Grænlandi sem nú em á
undanhaldi.
Fötin frá Finnlandi vom glæsileg og
öll þeirra hönnun til fyrirmyndar. Ég
var meðal annarra beðin um að vinna
handverk á staðnum og sýndi glerlist.
Þarna mátti sjá fólk vinna muni úr tré
og hægt að fylgjast með því hvernig
Grænlendingar útbúa muni úr beini.
Einnig vann fólk við kertagerð, leirlist
og skartgripagerð svo eitthvað sé
nefnt.
Sýning sem þessi er góð kynning á
okkar framleiðslu og samband kemst
á milli fólks á Vestnorden-löndum.
Það var líka mjög skemmtileg ráð-
stefna fyrir handverksfólkið í tengsl-
um við sýninguna. Þar var til dæmis
íjallað um gamalt handverk, þróun
handverks og þjóðlega hluti.
Það er frábært að kynnast fólki frá
öðmm löndum sem vinnur að
handverki og auðvitað alltaf gaman að
hitta íslendinga sem em í þessu en við
þekkjumst orðið mjög vel,“ segir
Margo sem sýnt hefur á fjölda hand-
verkssýninga í gegnum tíðina.
GUÐNÝ og Halla á nýju Ijósmyndastofunni.
Halla og Guðný opna
Ljósmyndastúdíó
Halla Einarsdóttir Ijósmyndari og
Guðný systir hennar hafa opnað
ljósmyndastofu á efri hæð Vöru-
hússins, Skólavegi 1. Þar er einnig
Auglýsingastofan De-Vídó sem Sæ-
þór Þorbjarnarson á og rekur.
Halla er enginn nýgræðingur í
greininni, útskrifaðist sem ljósmynd-
ari frá Háskólanum í Alabama árið
1994. „Við bjóðum upp á alls konar
Ijósmyndun, bama- og fjölskyldu-
myndir, skímar- og fermingarmyndir,
stúdenta- og brúðkaupsmyndir og svo
hvað eina sem fólk óskar. Ekki má
heldur gleyma passamyndunum,"
sagði Halla.
Þær hafa komið sér upp góðri
aðstöðu og Halla segir að viðtökumar
hafi verið frábærar. „Það hefur komið
okkur á óvart hvað fólk er jákvætt
vegna þessa framtaks og hefur ótrú-
legasta fólk verið að senda okkur
blóm og gjafir. Þetta hefur komið
okkur á óvart en er okkur hvatning til
að standa okkur. Við bjóðum alla
velkomna og bendum á að nú er
byrjað að panta myndatökur fyrir
jólin,“ sagði Halla að lokum.
Árni í fyrsta sæti á D-lista:
Ánægður og sáttur
með niðurstöðuna
Árni R. Árnason, alþingismaður,
skipar fyrsta sæti framboðslista
Sjálfstæðisfiokksins í Suðurkjör-
dæmi og leiðir því listann í næstu
alþingiskosningum.
„Ég er mjög ánægður og sáttur við
niðurstöðuna,"" sagði Ámi. „Listinn er
skipaður þróttmiklu og hæfu fólki sem
hefur mikla þekkingu og góða reynslu
úr hlutum kjördæmisins. Ég nefni
ekki síst Guðjón Hjörleifsson sem
kemur nýr inn í ömggt sæti og Böðvar
Jónsson, sem skipar fimmta sæti
listans, hefur staðið sig afar vel í
bæjarstjórn Reykjamessbæjar. Hann
er vaxandi stjómmálamaður. Mér
finnst hins vegar miður að félagi minn
Kristján Pálsson hlaut ekki sæti á
listanum. Við störfum í Qölmennum
stjómmálaflokki sem alltaf þarf að
velja milli þeirra sem til álita koma, og
verðum að vera við því búin að
væntingar okkar gangi ekki alltaf eftir
og það átti einnig við um fleiri að
þessu sinni. Ég óska honum velfam-
aðar í öðmm störfum.""
I Vestmannaeyjum hefur orðið fólks-
fækkun undanfarin ár og atvinnuleysi
er viðvarandi. Hverju mun Sjálfstæð-
isflokkurinn helst beita sér fyrir í
málefnum Vestmannaeyja á næsta
kjörtímabili?
„Sjálfstæðisflokkurinn getur ekki
boðið upp á auknar fiskveiðiheimildir
til Vestmannaeyja frekar en annarra
sjávarplássa sem standa frammi fyrir
svipuðum eða sama vanda. Honum
valda nokkrar ástæður sem við öll
þekkjum. Eins er mikill samdráttur í
afla vegna ástands fiskistofna við
landið. Onnur er mikil tækniþróun og
vélvæðing í sjávarútvegi og fiskiðnaði
rétt eins og í öðmm atvinnugreinum.
Hina þriðju má nefna, sem hefur þó
ávallt verið breytileg og ræðst af
markaðsaðstæðum og stefnu einstakra
fyrirtækja, það er útflutningur afia án
vinnslu hér heima. Þessar ástæður
geta stjómmálamenn eða stjómvöld
ekki gripið inn í. Auðvitað má líka
nefna umtalsverðan fjölda erlendra
verkamanna sem starfa hérlendis við
fiskvinnslu þar sem Islendingar fást
ekki til þeirra starfa.
Við styðjum eftir megni viðleitni
bæjaryfirvalda og annarra aðila í
Vestmannaeyjum til að byggja upp
nýja starfsemi, þar á meðal undirbún-
ing að stofnun þorskseiðaeldisstöðvar
sem verður algjör nýjung í atvinnulífi
landsmanna og við beitum okkur til
þess að verði staðsett í Vestmanna-
eyjum. Það er ljóst að seiðaeldis-
stöðin er stærsta málið en við höfum
líka stutt við aðra atvinnuþróun.
Islensk matvæli hafa með stuðningi
útflutningsráðs kynnt sínar vörur og
afurðir í Bandaríkjunum. Ég vænti
þess að sú kynning hafi tekist vel og
eigi eftir að skila auknum verkefnum
og viðskiptum. Staða Guðjóns á
okkar framboðslista verður til að auka
og styrkja tengsl milli þingmanna
fiokksins og ríkisstjómar við atvinnu-
þróun í Vestmannaeyjum."
Ámi sagði að á lista Sjálfstæð-
isflokksins væri samtaka fólk og að
það rnyndi standa fyrir öfiugri kosn-
ingabaráttu.
„Ég þykist þess fullviss að þeir sem
ekki fengu sínar væntingar uppfylltar
við ákvörðun um framboðslistann
muni styðja flokkinn jafn vel og alltaf
áður . Eg er bjartsýnn á framhaldið,“
sagði Ámi að lokum.