Harmoníkan - 30.05.1996, Qupperneq 17

HÉRAÐSBÚA
Þann 13. apríl s.l. fór fram lagakeppni
H.F.H. á Egilsstöðum. Um 230 manns
tóku þátt í borðhaldi og dagskrá og á eft-
ir bættust við um 100 manns á dansleik-
inn sem haldinn var í beinu framhaldi af
lagakeppninni. Gestir komu víða að af
Austurlandi, úr H.F.Þ. og víðar. Urslit
lagakeppni urðu sem hér segir:
Hljómsveitin XD3 semflutti lögin í keppninni, ásamt Tatu Kantomaa og söngvurunum Birni
Sveinssyni og Ragnhildi Rós Indriðadóttur á sviði í Valaskjálf (Mynd: Vikublaðið Austri
Egilsstöðum)
Verðlaunahafar lagakeppni H.F.H. Frá vinstri: Aðalsteinn Isfjörð, Gylft Björnsson og Jón
Arngrímsson með verðlaunagripina sem Hlynur Halldórsson frá Miðhúsum smíðaði. (Mynd:
Vikublaðið Austri Egilsstöðum)
1. verðlaun lagið - Svartiskógur. Höf-
undur lags, Sigurður Gylfi Bjömsson
H.F.H. Höfundur texta, Hákon Aðal-
steinsson
2. verðlaun lagið - Þú. Höfundur lags og
texta, Jón Ingi Amgrímsson H.F.Þ.
3. verðlaun lagið - Haustminning. Höf-
undur lags, Aðalsteinn Isfjörð H.F.Þ.
Höfundur texta, Þorgrímur Bjömsson
Við óskum höfundum vinningslaga og
- texta til hamingju með sigurinn. Von-
andi verður framhald á þessari laga-
keppni hjá Harmoníkufélagi Héraðsbúa
því svona keppni hvetur menn til dáða og
um leið fjölgar íslenskum danslögum. Þá
er búið að hljóðrita lögin með hljóm-
sveitinni XD3 sem flutti lögin í keppn-
inni, ásamt Tatu Kantomaa og söngvur-
unum Birni Sveinssyni og Ragnhildi Rós
Indriðadóttur, og á að gefa út á geisla-
plötu (og þá sennilega einnig snældu)
sem kemur sennilega á markað upp úr
miðju ári. Þá er einnig fljótlega væntan-
leg önnur geislaplata með Tatu
Kantomaa, þar sem hann leikur lög eftir
höfunda af Austurlandi. Þriðja geislaplat-
an er einnig væntanleg, einnig með Tatu,
en þar leikur hann tónlist sem hann velur,
og gefur út sjálfur, væntanlega á næsta
ári. Öll hljóðvinna í sambandi við þessar
plötur fóru fram í hljóðverinu Ris í Nes-
kaupstað.
Þ.Þ.
Er sólin í
hafdjúpið
silfurblátt hneig
I síðasta blaði voru á bls. 13, nótur
að lagi eftir Svavar Benediktsson,
„Er sólin í hafdjúpið silfurblátt
hneig“ en til er ljóð við lagið sem við
ætluðuin að birta með laginu en kom
ekki og bætum við úr því núna.
Er sólin í hafd júpið
silfurblátt hneig
Er sólin í hafdjúpið silfurblátt hneig
allt sveipaðist vomæturfriði.
A auga hvert draumljúfur svefnhöfgi seig
og sofnuð var bára á miði.
I lundinn við ána var leiðin oss kunn,
þar ljúft var að sitja og dreyma.
Og horfa á bergvatnsins blátæru unn,
við bakkana hljóðlega streyma.
Og meðan að vornóttin húnrdökk og hljóð,
leið hægt yfir skóga og engi
þér aleinni söng ég mín ljúfustu ljóð
á langspilsins titrandi strengi.
Að barmi mér höfði þú hallaðir þétt
og hugur þinn ungur og dreyminn
á tónanna vængjum sér lyfti svo létt
og leið út í tindrandi geiminn.
Því handan við sæfjöllin hugurinn á
hulduland blámóðu vafið.
Og þangað á svanavæng svífur vor þrá
er sólin er runnin í hafið.
Ijóð: R. Reinhardtsson