Reykjavík - 12.10.2013, Blaðsíða 12

kr.
Fullt af ódýrum

skóm á alla
á frábæru verði
OUTLET-SKÓR | FISKISLÓÐ 75 | 101 REYKJAVÍK
Opið: mán-fös 13-18 & lau 12-16 sími: 514 4407
Stelpu skór
St. 27-35
kr. 6.900
Herra skór
St. 39-51
kr. 9.900
Herra skór
St. 41-48
kr. 9.900
Dömu skór
St. 36–41
kr. 8.900
Kulda skór
St. 27-35
kr. 7.900
… Heilsurækt fyrir konur
Þarabakki 3 ~ 109 Reykjavík ~ sími 566 6161 ~ curves.is
Inga Hildur Yngvadóttir
- 48 ára snyrti- og fótaaðgerðafræðingur.
Ég er búin að vera í Curves í 7 ár og líkar mjög vel ég mæti
alltaf 3 í viku. Mér finnst gott að ráða hvenær ég kem og
hversu oft . Mér finnst mikill kostur að þurfa ekki að stilla
tækin og að ég sé að taka á öllum helstu vöðvahópum. Mér
líður mjög vel á eftir og ekki er verra að halda kílóunum
í skefjum og vera styrkari og liprari. Frábær stöð sem er
bara fyrir konur og þarna er skemmtilegt starfsfólk og mjög
góður andi.
Oddný Sigríður Nicolaidóttir – 82 ára
Ég byrjaði að æfa í Curves vorið 2009. Æfingarnar henta mér
afar vel. Ég mæti 4x í viku og held þannig líkamanum í góðu
formi þrátt fyrir gigt og fleira sem fylgir mínum aldri. Eftir
skurðaðgerð nýlega fór ég í 6 vikna geislameðferð og meðan
á meðferðinni stóð stundaði ég líkamsræktina 4x í viku.
Félagsskapurinn, stuðningurinn og ekki síst það frábæra
starfsfólk sem Curves hefur upp á að bjóða er ómetanlegt.
Þarna hef ég eignast góðar vinkonur og sleppi helst aldrei úr
tíma. Stærsti kosturinn er að ég get mætt þegar mér hentar.
Æfingin hjá okkur
tekur aðeins 30 mínútur
Hringdu og fáðu frían prufutíma
Bjóðum einnig upp á trimform
Settu heilsuna
í fyrsta sæti!
12. október 2013
Deiliskipulag Hofsvallagötu
Nýlega var auglýst breyting á deiliskipulagi á Laugavegs- og Skólavörðustígsreit í Reykja-
vík. Í breytingunni fólst skv. auglýs-
ingunni að húseigendur fengu leyfi til
að gera minniháttar breytingar á húsum
sínum, m.a. gera svalir, setja kvisti,
skyggni og lagfæringar. Almenningi
var gefinn margra vikna frestur til að
gera athugasemdir við þessa breytingu
áður en borgaryfirvöld samþykktu hana
og hefur þó sjálfsagt flestum íbúum
Reykjavíkur staðið hjartanlega á sama.
Auglýsing þessi er valin af handahófi
af hundruðum slíkra. Skipulagslög og
skipulagsreglugerð tryggja mjög vand-
aða málsmeðferð í tilvikum sem þessum.
Um svipað leyti var skipulagi hluta
Hofsvallagötu breytt. Sú breyting skipti
mjög marga íbúa miklu máli. Miklu
meira máli en einhverjar minniháttar
lagfæringar á húsum við Laugaveg eða
Skólavörðustíg. Borgin leit hins vegar
ekki svo á að þarna væri nokkur þörf á
að gera deiliskipulag. "Það er aldrei gert
deiliskipulag fyrir götur" hafa borgar-
yfirvöld sjálfsagt hugsað. Við þekkjum
afleiðingarnar. Samráð við borgarbúa
var í skötulíki og endaði þetta með því að
háttsettur embættismaður hjá borginni
varð að biðja íbúa Reykjavíkur afsök-
unar á samráðsleysinu.
Það má velta því fyrir sér hvort ekki
hefði verið eðlilegra að borgin léti vinna
deiliskipulag fyrir þennan hluta Hofs-
vallagötu í stað þess að fara fram án
nokkurra formlegra skipulagsáætlana.
Áður fyrr veltu skipulagsyfirvöld lítið
fyrir sér svæðinu á milli húsanna. Þar
voru einfaldlega götur og gangstéttar
og aðalatriðið var að umferð væri greið
fyrir bifreiðar og að gangandi fólk héldi
sig á gangstéttum. Reiðhjól voru leik-
tæki fyrir börn og áttu ekkert erindi út
á götur.
Þetta er allt gjörbreytt. Ég held að
það sé kominn tími til nýrrar hugsunar
í skipulagsmálum borgarinnar. Það
gengur ekki að líta svo á að borgin hafi
frítt spil við endurskipulag gatna án
nokkurs samráðs við borgarbúa. Það
væri rannsóknarefni hvort ekki væri
eðlilegt að beita deiliskipulagi þegar
farið er af stað með breytingar eins og
gerðar voru á Hofsvallagötu. Það tryggir
lögbundið samráð við borgarbúa og
vandaða vinnu skipulagsfólks.
Flugvöllur eða ekki í Vatnsmýrinni ?
Samtök um betri byggð stóðu fyrir blaðamannafundi síðastliðinn fimmtudag í tilefni að sam-
þykktri tillögu borgarstjórnar að nýju
aðalskipulagi. Markmið fundarins var
að beina kastljósinu að hinni hliðinni
Vill 71,8% höfuðborgarbúa
flugvöll í Vatnsmýri?
Nýverið létu samtökin Hjartað í Vatns-
mýrinni MMR gera könnun meðal
borgarbúa þar sem fram kom að 71,8%
þeirra vilja flugvöllinn áfram í Vatns-
mýrinni en könnunin fór fram dagana
9. til 11. september og svarhlutfalla var
87% en alls tóku 330 manns af höfuð-
borgarsvæðinu þátt í könnuninni. Í
könnuninni var stuðningur við áfram-
haldandi veru flugvallar í borginni
mældur hjá kjósendum ólíkra flokka á
alþingi en þar kom fram að flokksmenn
Framsóknarflokks og Sjálfstæðisflokks
voru mjög fylgjandi flugvellinum eða
89% framsóknarmanna og 87,2%
sjálfstæðismanna á meðan fylgi fylgis-
manna annarra flokka var minna en
minnst hjá Samfylkingunni eða 44,9%
og Pírötum eða 46,3%. Meirihluti kjós-
enda Bjartrar Framtíðar (62,6%) og
VG (65,1%) vildu flugvöllinn áfram í
Vatnsmýrinni.
Síðastliðinn fimmtudag höfðu
69.735 manns skrifað undir áskorun
samtakanna Hjartað í Vatnsmýrinni
á www.lending.is um að flugvöllurinn
verði þar áfram.
Hin hliðin er Hólmsheiði
betri staðsetning?
Að sögn forsvarsmanna samtakanna
þeirra Gunnars H. Gunnarssonar verk-
fræðings og Arnar Sigurðssonar þá
telja þeir að niðurstaða ofangreindrar
könnunar feli í sér að borgarbúar séu
að taka afstöðu gegn bæði þjóðarhag og
hagsmunum borgarinnar. Bent er á að
árið 2001 hafi Reykvíkingar kosið flug-
völlinn burt í kosningu sem haldin var
fyrir atbeina Samtaka um betri byggð
en þar var ákveðið að flugvöllurinn
skyldi farinn úr Vatnsmýrinni 2016.
Það er mat þeirra að síðan þá hafi engin
málefnaleg og rökræn umræða farið
fram um tilfærslu flugvallarins en slík
umræða og kynning sé forsenda þess
að höfuðborgarbúar geti tekið afstöðu
í málinu líkt og gert var 2001.
Í upplýsingum sem dreift var til fjöl-
miðla kemur fram að samtökin fagna
nýju aðalskipulagi til 2030 þar sem
helsta markmið þess sé þétting byggðar.
Samtökin benda á að Vatnsmýri er eina
svæðið í borgarlandinu þar sem mögu-
legt er að reisa þétta og blandaða mið-
borgarbyggð. Fram kemur að á þessu
tímabili sé metin húsnæðisþörf 24.000
íbúðir sem höfuðborgarsvæðið mun
ekki geta brugðist við heldur muni
mikill meirihluti nýrra íbúða til 2030
rísa í nágrannabæjarfélögum.
Það er mat samtakanna að upp-
safnað tjón Reykvíkinga og lands-
manna allra vegna flugvallarins nemi á
20 ára tímabili um 1.725 milljörðum en
þeir útreikningar byggja á áætlunum
um fækkun bíla og minni akstur borg-
arbúa samanborið við akstur annarra
borgarbúa í Evrópu. Einnig vísa þeir
í skýrslu frá ParX frá 2007 sem unnin
var fyrir samgönguráðherra og borgar-
stjóra þar sem sýnt er fram á ábata þess
að flytja flugvöllinn úr Vatnsmýri og
reisa þar í staðinn blandaða miðborgar-
byggð en samkvæmt Gunnari þá sýndi
umrædd skýrsla ennfremur fram á að
hagkvæmast væri að byggja upp flug-
völl á Hólmsheiðinni. Í tilkynningu
til fjölmiðla kemur fram: dr. Haraldur
Ólafsson veðurfræðingur fullyrti árið
2008 og ítrekaði í ágúst 2013 að nýting
á hugsanlegum flugvelli á Hólmsheiði
væri 96-98% að óbreyttum forsendum.
Að mati flugrekenda nægja 95%.
Áhrif af flutningi á innanlandsflugi
til Keflavíkur
Í skýrslu KPMG „Áhrifin ef miðstöð
innanlandsflugs flyst til Keflavíkur“
(september 2012) sem unnin var fyrir
nokkur sveitarfélög á landsbyggðinni
kemur fram að 70% farþega í inn-
anlandsflugi er landsbyggðarfólk og
að með flutningi innanlandsflugs til
Keflavíkur muni ferðakostnaður lands-
byggðarfólks aukast um 6 til 7 milljarða
á ári. Þar kemur fram að tilflutningur
myndi þýða fækkun flugferða um 40%
og að innanlandsflug í núverandi
mynd til Ísafjarðar, Hornafjarðar og
Vestmannaeyja myndi leggjast af auk
þess sem kostnaður við ríkisstyrkt flug
myndi aukast vegna færri farþega.
Í skýrslu KPMG er gengið útfrá því
að flugvöllur á Hólmsheiði sé ekki val-
kostur sökum veðurskilyrða þar sem
svæðið sé berskjaldað og vindasamt.
Auk þess eru reifaðir aðrir kostir s.s.
landfylling út í Skerjafjörð sem er of
dýr og fyrir utan hraunið í Hafnarfirði
sem á eftir að móta og er því ekki tekin
afstaða til.
Er pólitísk málamiðlun í
uppsiglingu
Á blaðamannafundinum kom jafn-
framt fram að viðræður um flugvöll-
inn og aðalskipulag Reykjavíkurborgar
milli Dags B. Eggertssonar og Hönnu
Birnu Kristjánsdóttur innanríkisráð-
herra um flugvöllinn en Samtökin um
betri byggð óttast að niðurstaða þeirra
viðræðna verði einhverskonar pólitísk
málamiðlun sem er ekki síst ætlað að
bæta fylgi stjórnarflokkana í borginni
í komandi sveitarstjórnarkosningum.
Breyta texta
Er kominn tími til að kjósa ?
Af ofangreindu er ljóst að ákvarðanir
varðandi staðsetningu á miðstöð inn-
anlandsflugs skipta miklu máli fyrir
alla landsmenn og að fylgi við áfram-
haldandi veru flugvallarins hefur aukist
síðustu ár. Þess má þó geta að kosn-
ingaþátttaka árið 2001 var takmörkuð
og tók ekki til allra landsmanna heldur
eingöngu íbúa Reykjavíkur. Á þeim
tíma var takmörkuð umræða um hina
hliðina sem síðan þá hefur fengið byr
undir báða vængi. Kannski mætti nýta
tækifærið í næstu kosningum til að
kjósa um fleiri þætti en bókstafi fram-
boða svo sem staðsetningu flugvallar
(með þátttöku allra landsmanna),
áframhaldandi viðræður við Evrópu-
sambandið og nýja stjórnarskrá?
SGK
Höfundur er
Einar Örn Thorlacius
lögfræðingur
12