Reykjavík - 25.10.2014, Blaðsíða 2

2 25. Október 2014REYKJAVÍK VIKUBLA
Ð
Vinstri hreyfingin grænt framboð í Reykjavík, VGR,
auglýsir Samfélagssúpuboð á 248 kr. þriðjudaginn
28. október kl. 19.30 að Hamraborg 1 - 3.
Framhaldsaðalfundur félagsins verður kl. 20.
Fundarstjóri er Steinar Harðarson.
Félagsfundur VGR tekur síðan við kl. 20.20 og
verður efni fundarins tileinkað innflytjendum á Íslandi.
Svandís Svavarsdóttir verður málefnastýra,
Líf Magneudóttir segir frá málefnum innflytjenda
í borginni. Fulltrúar innflytjenda verða með innlegg.
Opnar umræður.
Innflytjendamál snertir okkur öll.
Kleinur með kaffinu, allir hjartanlega velkomnir.
Stjórn VGR.
Gjaldskrár velferðarsviðs:
Undirbúa hækkanir hjá öldruðum
Til stendur að hækka flestar gjald-skrár velferðarsviðs Reykja-víkurborgar. Fjallað var um
fyrirhugaðar hækkanir í velferðarráði
í lok september, þar sem þær voru
samþykktar og vísað til borgarráðs.
Borgarráð hefur enn ekki fjallað um
fyrirhugaðar hækkanir. Samkvæmt
upplýsingum frá borginni segir að verði
af þessum hækkunum þá þurfi að kynna
málið vel öllum hagsmunaaðilum.
Gjöld á aldraða hækka
Í drögum að nýjum gjaldskrám sem
Reykjavík vikublað hefur aflað hjá
borginni, kemur meðal annars fram að
þjónustugjöld í íbúðum aldraðra eigi að
hækka ríflega þrjú prósent.
Þetta á við í Lönguhlíð, Furugerði,
Dalbraut og Seljahlíð og Lindargötu.
Mánaðargjöld á þessum stöðum hækka
frá 100 krónum og upp í 700 krónur á
mánuði.
Einnig hækka gjaldskrár í félagsstarfi
fyrir aldraða um 3,45-3,85 prósent. Sú
hækkun er frá 40 krónum á mánuði
fyrir opið félagsstarf.
Þjónustugjald í Foldabæ á að hækka
um tæplega 2.500 krónur á mánuði, upp
í 75.650.
Þá stendur enn fremur til að hækka
tímagjald fyrir heimaþjónustu eldri
borgara um 35 krónur á tímann. Sam-
kvæmt upplýsingum frá borginni á fólk
samt aldrei að greiða fyrir meira en sex
klukkustundir. Njóti fólk aðstoðar við
fleira en þrif, sé þjónustan gjaldfrjáls.
Þá stendur einnig til að hækka verð
á öllum veitingum um allt að tíu pró-
sentum. Verð á kaffibolla á að hækka
um 5 krónur, úr 160 í 165 kall. Og verð
á mjólkurglasi úr 50 í 55 krónur, eða
um tíu prósent.
Máltíðin hækkar
um 20 krónur
Verð fyrir hádegis- og kvöldmat, sem
og heimsendan mat mun einnig eiga
að hækka í verði og nemur hækkunin
frá 2,65 prósentum og upp í 3,13, en
hækkunin nemur um tuttugu krónum
fyrir hverja máltíð.
Til stóð að hækka einnig gjaldskrár
fyrir ferðaþjónustu fatlaðra og akt-
ursþjónustu eldri borgara, en því var
frestað samkvæmt upplýsingum frá
borginni.
Hverfisráð verði kosin af íbúum
Heiðar Ingi Svansson, formaður Hverfisráðs Laugardals telur að
gera megi hverfisráð borgarinnar sjálf-
stæðari og að þau eigi að hafa meira
vægi um stefnumótun um málefni
einstakra hverfa borgarinnar. „Þau
þurfa að koma fyrr að málum og eiga
meiri þátt í að móta stefnuna heldur
en að vera umsagnaraðilar um mál
sem þegar er búið að ákveða eða setja
í farveg. Um leið þarf að tengja Hverfis-
ráðin betur íbúum hverfsins og veita
þeim beina aðild að þeim t.d. með því
að ákveðnir fulltrúar eða jafnvel for-
maður verði kosnir af íbúunum með
beinni kosningu frekar en að þeir séu
tilnefndur af Borgarstjórn.“
Sjá viðtal bls. 8.
Jafnréttisráðstefna utanríkisráðherra:
Kostnaður ekki metinn
Mögulegur kostnaður við væntan-lega jafnréttisráðstefnu Gunnars
Braga Sveinssonar, utanríkisráðherra,
hefur ekki verið metinn. Gunnar Bragi
tilkynnti í lok síðasta mánaðar, að til
stæði að halda sérstaka jafnréttisráð-
stefnu karla. Þetta málþing á að halda
í New York í janúar, sagði ráðherrann,
í samvinnu við Súrínam. Töluvert var
fjallað um málið, jafnt í innlendum
sem erlendum fjölmiðlum.
Samkvæmt upplýsingum úr ut-
anríkisráðuneytinu hefur kostnaður
við fyrirhugaða ráðstefnu hins vegar
ekki verið metinn. Ekki er gert ráð
fyrir kostnaði vegna svona ráðstefnu í
frumvarpi til fjárlaga og eftir því sem
Reykjavík vikublað heyrir innan úr
fjárlaganefnd Alþingis, hefur engin
beiðni borist þangað um peninga fyrir
jafnréttisráðstefnu ráðherrans.
Vilja bæta aðstöðu Leiknis
Íþrótta- og tómstundaráð hefur samþykkt að hefja viðræður við Íþróttafélagið Leikni í Efra-
Breiðholti um að bæta aðstöðu fé-
lagsins við Austurberg.
Karlalið Leiknis í knattspyrnu sigr-
aði í fyrstu deild í sumar og leikur í
úrvalsdeild að ári. Þetta er í fyrsta
sinn sem félagið leikur í efstu deild.
Í samþykkt Íþrótta- og tómstunda-
ráðs segir að úrbætur eigi að gera á
keppnisvelli félagsins til að hann
fullnægi kröfum Knattspyrnusam-
bands Íslands um áhorfendaaðstöðu,
fjömiðlastúku, varamannaskýli og
fleira. Nú eru rúmlega 400 sæti í
stúku Leiknis, en þurfa að vera 500
samkvæmt reglum KSÍ. Segir í sam-
þykkt Íþrótta- og tómstundaráðs
að stefnt skuli að því „að ráðast í
nauðsynlegar framkvæmdir áður
en Leiknir hefur keppni í efstu deild
sumarið 2015.“
Skjól fyrir
reykvískri rigningu
Fulltrúi Framsóknar og flugvallarvina
lét jafnframt bóka að styðja yrði
knattspyrnudeild Fjölnis í Grafarvogi
og „bregðist eins hratt við og styðji
vel við knattspyrnudeild Fjölnis við
byggingu á fyrirmyndar áhorfenda-
aðstöðu og einnig við byggingu á þaki
yfir áhorfendaaðstöðuna enda Fjölnir
að hefja sitt annað ár í efstu deild.
Knattspyrna er vinsælasta íþrótt á Ís-
landi og í heiminum öllum og eigum
við að styðja við hana að fullum krafti.
Til að hverfisliðin hafi meðstuðning á
keppnisleikjum þá er nauðsynlegt að
öll hverfisknattspyrnufélögin búi að
fyrirmyndar áhorfendaaðstöðu með
þaki yfir til að skýla áhorfendum frá
íslenskum vind og kulda og nánast
daglegri Reykvískri rigningu.“
Heimildargildi Landnámu í endurskoðun:
Rangir túristabæklingar?
Það má færa sterk rök fyrir því að margt í Landnámu sér hreinn til-
búningur höfunda,“ segir Helgi Þorláks-
son, prófessor í sagnfræði við Háskóla
Íslands. Helgi er einn fjölmargra fræði-
manna sem flytur erindi á fyrirlestrarröð
Miðaldastofu um landnám Íslands, sem
stendur í vetur. Helgi bendir á að heim-
ildargildi Landnámu hafi verið dregið
verulega í efa síðustu áratugi. Þess sjáist
þó oft engin merki. „Höfundar héraðs-
sagna og ferðmannabæklinga gætu tekið
upp ábendingar um þetta, þær eru oft
hnýsilegar.“ Sjá bls. 6.
Deilur vegna fram-
kvæmda Valsmanna
Framsóknarmenn og flug-vallarvinir lögðu til í borgarráði í vikunni að hafnar yrðu viðræður
við félög sem tengjast uppbyggingu á
Hlíðarendasvæðinu. Hugmyndin er
að fyrirhugaðar byggingar á svæðinu
komist fyrir án þess að vera hindrun
fyrir svokallaða „neyðarbraut“ á Reykja-
víkurflugvelli, norður-suður braut.
Valsmenn hf. hyggja á íbúða-
byggingar á svæðinu og vilja reisa
600 íbúðir. Áður var fyrirhugað að
þær yrðu 360. Unnið er að skipulagi.
Samtökin Hjartað í Vatnsmýri
hafa gagnrýnt að til standi að hefja
framkvæmdir á svæðinu. Samtökin
héldu fjölsóttan fund um málið í vik-
unni. Fyrirhuguðum framkvæmdum
er mótmælt þar sem Rögnunefndin
svonefnda sé enn að störfum. Hún á
að leggja til framtíðarstaðsetningu
fyrir innanlandsflug og ljúka störfum
fyrir áramót. Ragna Árnadóttir sá sér
ekki fært að svara fyrirspurn blaðsins.
Fyrsti snjór vetrarins féll í vikunni. Vel gekk að ryðja götur og stíga í borginni og börnin nutu sín, eins og þessir
krakkar á leikskólanum Holti sem renndu sér á snjóþotu.