Fréttablaðið - 13.06.2013, Qupperneq 60

13. júní 2013 FIMMTUDAGUR| MENNING | 44
Gamanmyndin The Internship
var frumsýnd í vikunni. Það eru
þeir Vince Vaughn og Owen Wil-
son sem fara með aðalhlutverkin
en þeir léku einnig saman í gaman-
myndinni Wedding Crashers sem
kom út árið 2005. The Internship
fjallar um félagana Billy og Nick
sem eru reknir úr störfum sínum
sem sölumenn og þurfa að hugsa
sér til hreyfings. Billy, sem leik-
inn er af Vince Vaughn, sækir um
lærlingsstöðu hjá Google fyrir þá
félagana þrátt fyrir að hafa nán-
ast enga kunnáttu á nútímatækni.
Þeir eru ráðnir í störfin og eyða
sumrinu í liðakeppni með öðrum
lærlingum, þar sem liðin keppast
um að sigra og tryggja sér þar með
stöðu hjá tölvurisanum.
Það er kanadísk-bandaríski leik-
stjórinn Shawn Adam Levy sem
leikstýrir myndinni en hann hefur
meðal annars leikstýrt gaman-
myndunum Big Fat Liar, Just
Married, Cheaper by the Dozen,
Night at the Museum og Date
Night. Kvikmyndir leikstjórans
hafa samanlagt velt um tveimur
milljörðum dala og myndir hans
fallið í góðan jarðveg. Margar
spennandi myndir eru væntan-
legar með þeim Wilson og Vaughn
í burðarhlutverkum. Í lok árs er
von á framhaldi kvikmyndar-
innar The Anchor man, en þar
fer Vaughn með hlutverk frétta-
pésans Wes Mantooth, erkióvinar
Rons Burgundy sem leikinn er af
Will Ferrell. Owen Wilson er með
margt í pípunum en þar ber eflaust
hæst að nefna framhald myndar-
innar um Derek Zoolander, þar
sem Wilson fer með hlutverk karl-
fyrirsætunnar Hansel.
Grínmynd um Google
Gamanleikararnir Vince Vaughn og Owen Wilson fara með aðalhlutverk í
kvikmyndinni The Internship sem frumsýnd var í vikunni.
SÆKJA UM HJÁ GOOGLE Þeir Owen Wilson og Vince Vaughn fara með hlutverk þeirra Billys og Nicks sem sækja um lærlings-
stöðu hjá tölvurisanum Google.
Sú mýta hefur lengi loðað við Hollywood að
þegar leikkonur skríða yfir 35 ára aldurinn fari
hlutverkunum fækkandi. Tímaritið „The
Hollywood Reporter“ fjallaði um efnið
í vikunni og segir að nú sé annað
uppi á teningnum. Á síðasta ári voru
níu af tíu launahæstu leikkonunum
í Hollywood 37 ára eða eldri, en þar
má telja þær Söndru Bullock, Meryl
Streep og Angelinu Jolie. Bent er á að
handritshöfundarnir Tina Fey, Amy
Poehler, Sarah Polley, Mindy Kaling,
Lena Dunham og Kristen Wiig,
sem bæði skrifaði og lék
aðalhlutverkið í hinni stór-
skemmtilegu Bridesma-
ids, skrifi kvenhlutverkin
eftir sínu eigin höfði og
ekki eftir því hvort leik-
konurnar teljast kyn-
verur eða ekki. Einnig
er talað um að lýtaað-
gerðir hljóti að hafa
sitt að segja, en sumar
leikkonur í Hollywood
taka varla útlits-
breytingum svo árum
skiptir sökum
botox-aðgerða.
Fertugar leikkonur
með yfi rburði
Eru valdar í hlutverkin fram yfi r þær yngri.
YFIRBURÐIR
Níu af tíu
launahæstu
leikkonunum í
Hollywood árið
2012 voru 37 ára
eða eldri.
➜ The Internship velti
rúmlega 2 milljörðum fyrstu
sýningarhelgina.
Henry Cavill verður sífellt vin-
sælli í Hollywood. Cavill fer með
hlutverk Supermans í stórmynd-
inni Man of Steel sem frumsýnd
verður hér á landi í næstu viku.
Leikarinn fetar í fótspor þeirra
Georges Reeves, Christophers
Reeve og Brandons Routh sem
allir hafa farið með hlutverk
Clarks Kent. Hinn breski Cavill
hefur hingað til aðeins birst í
litlum hlutverkum í kvikmynd-
um en það var í sjónvarpsþátt-
unum The Tudors sem Cavill hóf
að vekja athygli. Það eru engir
nýgræðingar sem leika við hlið
Cavills í Man of Steel, en þar má
nefna þau Amy Adams og Russell
Crowe, Michael Shannon, Kevin
Costner og Diane Lane.
Vonir bundnar
við Henry Cavill
MYNDARLEGUR Henry Cavill fer með
hlutverk Clarks Kent í kvikmyndinni
Man of Steel sem frumsýnd er í næstu
viku.
Michael Bay leikstýrir hasarmynd-
inni Pain & Gain sem frumsýnd var
á dögunum, en myndin er byggð á
sannri sögu sem kom út árið 1999.
Kvikmyndin segir frá þremur lík-
amsræktarfrömuðum sem flækja
sig í mannrán og fjárkúgun þar
sem allt fer úrskeiðis. Það er stór-
leikarinn Mark Wahlberg sem fer
með aðalhlutverkið en hann leik-
ur Daniel Lugo, fyrrverandi fanga
sem vinnur í líkamsræktarstöðinni
Sun Gym ásamt besta vini sínum,
Adrian, sem leikinn er af Anthony
Mackie. Í líkamsræktarstöðina
mætir hinn forríki og spillti við-
skiptajöfur Victor Kershaw. Þeir
Daniel og Adrian eru tilbúnir að
gera allt til að láta drauma sína ræt-
ast og þegar þeim stendur til boða
að fremja mannrán til að koma sér
áfram í heiminum hika þeir ekki.
Þeir leggja á ráðin um að ræna
Kershaw en eins og svo margoft
áður fara hlutirnir ekki á réttan veg.
Leikstjórinn Michael Bay er þekkt-
ur fyrir að senda frá sér stórmyndir,
stútfullar af tæknibrellum, og leik-
stýrði meðal annars Arma geddon,
Pearl Harbor og Transformers-
myndunum sem allar skiluðu gríðar-
legum hagnaði. Það verður því
spennandi að sjá hvort Pain & Gain
muni gera slíkt hið sama.
Hasar og spilling
Michael Bay sendir frá sér enn einn hasarinn.
Kvikmyndin Pain & Gain byggir á sannri sögu.
LEGGJA Á RÁÐIN Þeir Dwayne Johnson, Mark Wahlberg og Anthony Mackie fara
með aðalhlutverkin í kvikmyndinni Pain & Gain.
Mýrin Kringlunni • Mýrin Hafnarbúðum Geirsgötu
Úrval sumarkjóla