Fréttablaðið - 21.01.2014, Page 35

ÞRIÐJUDAGUR 21. janúar 2014 | SPORT | 31
Skeifunni 11 | Sími 515 1100 www.rekstrarland.is
Hafið samband við sölumenn Rekstrarlands og leitið tilboða.
Rekstrarland er byggt á fyrrum rekstrarvörudeild Olís
og er dótturfyrirtæki Olíuverzlunar Íslands hf.
Öflug fjáröflun
fyrir hópinn
Samsettir fjáröflunarpakkar eða sérsniðnir eftir óskum hópsins
FÓTBOLTI Íslenska karlalandslið-
ið mætir kollegum sínum frá Sví-
þjóð í æfingaleik í Abu Dhabi í
Sameinuðu arabísku furstadæm-
unum í dag. Þar sem ekki er um
alþjóðlegan leikdag að ræða eru
landsliðin án leikmanna sinna sem
leika í sterkustu deildum Evrópu. Í
raun má segja að um Norðurlanda-
úrval sé að ræða því allir leikmenn
sænska liðsins fyrir utan einn
leika í heimalandinu en íslensku
strákarnir dreifa sér á Norður-
löndin Danmörku, Noreg og Sví-
þjóð auk Íslands.
Theodór Elmar Bjarnason er
aftur kominn í landsliðiðið eftir
tveggja ára fjarveru. Kappinn
hefur einmitt leikið knattspyrnu
með félögum á öllum fyrrnefnd-
um Norðurlöndum og fagnar lang-
þráðu tækifæri með landsliðinu.
„Ég hef beðið spenntur. Núna
fær maður tækifærið og verður
að nýta þær mínútur sem maður
fær,“ segir miðjumaðurinn sókn-
arsinnaði. Elmar hefur spilað með
Randers í dönsku úrvalsdeildinni
undanfarin tvö ár en liðið situr í
fimmta sæti deildarinnar þegar
vetrarhlé stendur yfir.
„Ég er alveg pottþéttur á því að
ég hef verið að spila minn besta
fótbolta í vetur,“ segir Elmar. Vest-
urbæingurinn uppaldi segist hafa
bætt leik sinn mikið undanfarið ár.
Þótt hann hafi verið valinn leik-
maður ársins af stuðningsmönn-
um IFK Gautaborgar árið 2010
séu komin meiri gæði í leik hans
í dag. Hann á fast sæti á miðjunni
hjá danska liðinu þar sem hann er
í hlutverki sóknarsinnaðs miðju-
mannsins.
„Við spilum 4-4-2 eins og lands-
liðið gerir þannig að þetta smell-
passar,“ segir Elmar. „Vonandi
næ ég að sýna með landsliðinu
það sem ég hef verið að gera með
Randers.“
Vill komast í stærri deildir
Elmar á að baki tíu A-landsleiki
auk 27 landsleikja með yngri
landsliðum Íslands. Hann þótti
gríðarlegt efni á sínum tíma og
hélt utan til Celtic í Glasgow þegar
hann var sautján ára. Síðan hefur
hann spilað með Lyn í Noregi, IFK
Gautaborg í Svíþjóð og nú Randers
í samnefndum bæ á Jótlandi. Hann
á eitt og hálft ár eftir af samningi
sínum við danska félagið en honum
líður vel í Danmörku.
„Við erum með fínt hús og konan
er ánægð hérna úti,“ segir Elmar
og bætir við að gott gengi liðsins,
sem hafnaði í þriðja sæti deildar-
innar í fyrra auk þess að leika til
úrslita í bikarnum, skemmi ekki
fyrir. Hann stefnir þó hærra.
„Ég er kominn á þann aldur að
ef ég gerði nýjan samning gæti
orðið erfitt að komast lengra,“
segir Elmar. Hann gæti vel hugsað
sér að spila á Englandi eða megin-
landi Evrópu.
„Ef ég held áfram að standa mig
er það raunhæft.“
Enginn hræddur við rússíbanann
Elmar og félagar í íslenska lands-
liðinu nýttu frítíma sinn í gær
meðal annars til þess að skella sér
í rússíbana að hætti arabanna. Sá
ku vera sá hraðskreiðasti í heimi
og segir Elmar alla leikmennina
hafa skellt sér.
„Enginn vildi viðurkenna að
hann þyrði ekki í rússíbanann,“
segir Elmar léttur en viðurkenn-
ir að hafa fengið mikinn fiðring í
magann. „Maður verður að prófa
þetta fyrst maður er hérna. Þetta
var þvílíkt stuð.“
KR-ingurinn var síðast valinn í
æfingahóp hjá landsliðinu í janú-
ar árið 2012. Þá voru fram undan
æfingaleikir við Japan og Svart-
fjallaland en meiðsli viku fyrir
brottför komu í veg fyrir þátt-
töku Elmars í leikjunum. Síðan
hefur hann beðið eftir kallinu
og lýsti meðal annars yfir von-
brigðum í dönskum fjölmiðlum
síðastliðið haust með að vera ekki
valinn í hópinn í ljósi meiðsla
landsliðsfyrirliðans Arons Ein-
ars Gunnarssonar. Hann fagn-
ar þeirri fagmennsku sem hann
segir á hverju strái í starfshópi
liðsins.
„Mér finnst persónulega búið
að færa þetta upp á hærra stig,“
segir Elmar sem lék áður undir
stjórn Eyjólfs Sverrissonar og
Ólafs Jóhannessonar í landslið-
inu. „Það er meira skipulag, mynd-
bandsfundir og farið ofan í kjölinn
á hinu og þessu. Á þeim stutta tíma
sem maður er hérna kemst maður
inn í hlutina og er fljótur að ná
þessu.“
Elmar segir aðstæður í austri
til fyrirmyndar, hitastig rúmar
20 gráður og hlakkar til leiks-
ins. Flautað verður til leiks í Abu
Dhabi í dag klukkan 16 og verður
í beinni útsendingu á Stöð 2 Sport
og textalýsingu á Vísi.
kolbeinntumi@frettabladid.is
Elmar beið spenntur eft ir kallinu
Theodór Elmar Bjarnason er kominn aft ur í íslenska karlalandsliðið eft ir tveggja ára fj arveru. Elmar ætlar að nýta tækifærið gegn
löndum Lars Lagerbäck frá Svíþjóð í Abu Dhabi í dag þar sem segja má að Norðurlandaúrval beggja þjóða leiði saman hesta sína.
Landsliðsmenn
Íslands dreifa sér
svona á Norður-
löndin fjögur.
10
0
2
4
8
6
NFL Tvö bestu liðin í NFL-deild-
inni þetta tímabilið, Denver
Broncos og Seattle Seahawks,
munu eigast við í úrslitaleiknum,
Super Bowl, í New York 2. febrú-
ar næstkomandi. Liðin unnu sigra
í úrslitaleikjum sinna deilda í
fyrrinótt.
NFL er skipt í tvær aðaldeildir,
Ameríku- og Þjóðardeild. Seattle
hafði betur gegn San Francisco
49ers, 23-17, í úrslitaleik Þjóðar-
deildarinnar eftir að hafa verið
10-3 undir að loknum fyrri hálf-
leiknum. Þá greip hin margróm-
aða vörn Seattle í taumana og
sló öll vopnin úr höndum Colins
Kapernick, leikstjórnanda San
Francisco.
Russell Wilson og félagar hans
í sókn Seattle gengu á lagið og
gerðu nóg til að veita félaginu
tækifæri til að vinna sinn fyrsta
meistaratitil frá upphafi.
Hinn margreyndi leikstjórn-
andi Denver Broncos, hinn 37 ára
gamli Peyton Manning, fór fyrir
sínum mönnum í sigri liðsins á
New England Patriots, 26-16, í
úrslitaleik Ameríkudeildarinnar.
Manning fór á kostum í leikn-
um – kastaði samtals 400 jarda og
fyrir tveimur snertimörkum en
sókn Denver hefur farið á kostum
allt tímabilið.
Super Bowl verður sýndur í
beinni útsendingu á Stöð 2 Sport.
- esá
Besta sóknin mætir
bestu vörninni
Denver og Seattle mætast í úrslitaleiknum í NFL.
MAGNAÐUR Peyton Manning með bikarinn sem Denver Broncos fékk fyrir að
vinna Þjóðardeildina. FRÉTTABLAÐIÐ/AP
Byrjunarlið Íslands
Leikur Íslands og Svíþjóðar hefst
klukkan 16.00 og er í beinni útsend-
ingu á Stöð 2 Sport. Byrjunarliðið er
þannig skipað:
Hannes Þór Halldórsson,
markvörður.
Ari Freyr Skúlason, fyrirliði
Indriði Sigurðsson
Hallgrímur Jónasson
Birkir Sævarsson
Matthías Vilhjálmsson
Theodór Elmar Bjarnason
Haukur Páll Sigurðsson
Steinþór Freyr Þorsteinsson
Jón Daði Böðvarsson
Arnór Smárason
TVEIR GÓÐIR Elmar í baráttu við Danann Nicklas Bendner í landsleik í undan-
keppni Evrópumótsins árið 2008 á Parken í Kaupmannahöfn. Elmar er enn að bíða
eftir sínu fyrsta marki með A-landsliði Íslands. NORDICPHOTOS/AFP