Fréttablaðið - 16.08.2014, Blaðsíða 6

16. ágúst 2014 LAUGARDAGUR| FRÉTTIR | 6
STJÓRNMÁL „Við teljum þetta ekki
rétta forgangsröðun. Við höfum
bent á að hernaðaraðgerðir sem
NATO hefur staðið fyrir hafa ekki
skilað sér í auknum friði og lýð-
ræði, það sést berlega í Afganistan
og Líbíu,“ segir Katrín Jakobsdótt-
ir, formaður Vinstri grænna.
Anders Fogh Rasmussen, fram-
kvæmdastjóri NATO, bað á fundi
með íslenskum ráðamönnum um
að Íslendingar ykju framlög sín til
bandalagsins. Kostnaður ríkisins
vegna aðildar að NATO er nú um
600 milljónir á ári.
Katrín segir að það eigi að nýta
peningana í þróunarsamvinnu og
í diplómatísk samskipti en ekki í
hernað. Hernaðaraðgerðir hvar
sem þær hafi verið viðhafðar hafi
ekki skilað sér í auknum friði.
Guðmundur Steingrímsson, for-
maður Bjartrar framtíðar, segir
að hans skoðun sé sú að þátttaka
Íslendinga í NATO eigi að vera með
áherslu á borgaraleg verkefni. Það
eigi að leggja áherslu á að Ísland sé
herlaust land.
„Annars hefur þingflokkur
Bjartrar framtíðar ekki rætt þetta
sérstaklega. Við eigum eftir að
móta sameiginlega afstöðu til þessa
máls,“ segir Guðmundur.
Össur Skarphéðinsson, fyrrver-
andi utanríkisráðherra og fulltrúi
Samfylkingarinnar í utanríkismála-
nefnd Alþingis, bendir á að Íslend-
ingar verði að gæta þess að standa
við þær skyldur sem á þeim hvíla
sem aðilar að Atlantshafsbandalag-
inu.
„Ef það berast óskir um aukin
framlög verður Alþingi að vega
þær og meta,“ segir Össur og minn-
ir á Ísland sé herlaust land. Það hafi
áður komið óskir um að við sinnt-
um tímabundnum verkefnum á vett-
vangi Atlantshafsbandalagsins og
við höfum sinnt þeim.
„Ef það er þörf á að við tökum
þátt í borgaralegum verkefnum til
dæmis í Úkraínu þá hlýtur Alþingi
að taka vel í það,“ segir Össur. Við
sendum til að mynda ljósmæður og
hjúkrunarfólk til Afganistans og
það sé slík aðstoð sem við getum
látið í té.
Birgitta Jónsdóttir, þingflokks-
formaður Pírata, segir að ekki hafi
verið gefnar skýringar á því í hvað
aukin framlög eigi að fara. Það hafi
verið rætt um að Íslendingar taki
þátt í því að auka netöryggi en hún
segist ekki hafa fengið skýringar á
hvað felist í því, það sé því erfitt að
taka afstöðu að svo stöddu.
„Ég er fylgjandi meira gagnsæi.
Ég vil að við fáum að vita í hvað þeir
fjármunir sem við leggjum í NATO
fara,“ segir Birgitta.
johanna@frettabladid.is
Leggja áherslu á
borgaraleg verkefni
Formaður VG segir að hernaðaraðgerðir NATO hafi ekki stuðlað að friði og lýð-
ræði. Fyrrverandi utanríkisráðherra segir að Alþingi verði að meta óskir NATO
um aukin framlög Íslendinga. Björt framtíð á eftir að móta sameiginlega afstöðu.
Ennþá laus pláss á námskeið fyrir
þá sem vilja losna við nikótínfíkn.
Skráning í síma 780 7911 eða valliskag@gmail.com
Valgeir Skagfjörð heldur námskeið
í Húsinu v/Staðarberg í Hafnarfirði
Þriðjudaginn 28. janúar kl 17.00.
Allir geta hætt að reykja og það þarf ekki að vera erfitt. Valgeir er brautryðjandi í jákvæðri nálgun
á því að hætta að reykja. ( Ásgeir Rúnar Helgason, dósent í sálfræði )
þ i 26. ágúst nk. kl. 17.00
ÁRGANGUR 1950 ÚR KÓPAVOGI

Síðast hittumst við fyrir 25 árum og ætlum að endurtaka leikinn núna
og hittast í Gala Smiðjuvegi 1, Kópavogi, laugardaginn 23. ágúst, kl. 19
Þar verður spjallað, snætt og dansað við tónlist okkar tíma
Miðaverð er kr.6.500,-
Hægt að leggja inn á reikning: 0152-05-260780, kt.281250-4699
og senda kvittun á thordise@arborg.is
Munið að prenta út kvittun.
Nefndin sjálfskipaða
Nánari uppl.: prentari@est.is og Facebook; Gaggó Kóp. árgangur 1950
Orkhúsinu / Suðurlandsbraut 34 / 517 3900
Ertu með
verki í
hnjám eða
ökkla?
Flexor býður mikið úrval af
stuðningshlífum fyrir flest
stoðkerfisvandamál.
LÖGREGLUMÁL Rúmlega þrítugur
karlmaður hefur verið úrskurðaður
í gæsluvarðhald á Akureyri vegna
gruns um að hann hafi brotið gegn
tveimur átta ára drengjum.
Samkvæmt heimildum Frétta-
blaðsins er um að ræða eitt ein-
stakt brot gegn drengjunum í
sameiningu. Gunnar Jóhannes-
son, lögreglufulltrúi á Akureyri,
segir að ekki sé um brot af alvar-
legustu gerð að ræða. „Svona brot
gegn börnum eru samt alltaf litin
alvarlegum augum,“ segir hann.
Tilkynning um brotið barst frá
foreldrum drengjanna á miðviku-
dag. Þá þegar var vitað hver brota-
maðurinn er og var hann í kjölfarið
handtekinn og færður til skýrslu-
töku. Maðurinn er ekki tengdur
börnunum fjölskylduböndum.
„Þetta mál er til rannsóknar og
er litið alvarlegum augum. Svo
hefur það bara sinn gang,“ segir
Gunnar. Hann segir rannsókn
miða vel áfram.
Maðurinn hefur verið úrskurð-
aður í gæsluvarðhald til föstudags-
Rúmlega þrítugur maður grunaður um kynferðisbrot gegn ungum drengjum:
Foreldrar þekktu til brotamanns
Á AKUREYRI Brotið kom inn á borð
lögreglunnar á Akureyri og átti sér stað
þar í bæ. FRÉTTABLAÐIÐ/PJETUR
STJÓRNSÝSLA Ríkisstjórn Sigmundar Davíðs Gunn-
laugssonar hefur ekki sett sér nýjar siðareglur fyrir
ráðherra og lítur svo á að siðareglur fyrri ríkis-
stjórnar, frá árinu 2011, séu enn í gildi.
Þetta kemur fram í svari forsætisráðherra við
fyrirspurn Tryggva Gunnarssonar, umboðsmanns
Alþingis.
Sigmundur segir að með meginbreytingum á
stjórnarráðslögum sé ekki gerð lagaleg krafa til
þess að hver ríkisstjórn setji sér eða staðfesti siða-
reglur sérstaklega. Hins vegar sé ekki sé ólíklegt að
ráðist verði í einhverjar breytingar á reglunum með
það að markmiði að skýra þær og einfalda. - jme
Segir enga lagalega kröfu gerða til ríkisstjórnarinnar um að setja siðareglur:
Ráðherra svarar umboðsmanni
SVARAÐI UMBOÐSMANNI Forsætisráðherra segir í bréfi
til umboðsmanns Alþingis að ríkisstjórnin hafi ekki sett sér
siðareglur. FRÉTTABLAÐIÐ/DANÍEL
BAÐ UM AUKIN FRAMLÖG Anders Fogh Rasmussen hitti íslenska ráðamenn í
vikunni og fór fram á að Íslendingar ykju framlög sín til NATO. FRÉTTABLAÐIÐ/GVA
Ef það berast óskir um
aukin framlög verður
Alþingi að vega þær og
meta.
Össur Skarphéðinsson,
fyrrverandi utanríkisráðherra.
Við höfum bent á að
hernaðaraðgerðir sem NATO
hefur staðið fyrir hafa ekki
skilað sér í auknum friði og
lýðræði.
Katrín Jakobsdóttir,
formaður VG.
Það á að leggja áherslu
á að Ísland er herlaust land.
Guðmundur Steingrímsson,
formaður Bjartrar framtíðar.
Ég er fylgjandi meira
gagnsæi. Ég vil að við fáum
að vita í hvað þeir fjármunir
sem við leggjum í NATO fara.
Birgitta Jónsdóttir,
þingflokksformaður Pírata.