Akureyri - 02.10.2014, Blaðsíða 2

2 36. tölublað 4. árgangur 2. október 2014
Vertu viðbúinn
vetrinum
Mest seldu snjókeðjur á Íslandi
Léttar • Sterkar • Traustar
Ísnet Húsavík • s. 5 200 555
Ísnet Akureyri • s. 5 200 550
Ísnet Sauðárkrókur • s. 5 200 560
Kristbjörg Ólafsfjörður • s. 5 200 565
Óseyrarbraut 28 • 220 Hafnarfjörður • Sími 5200 500 • isfell@isfell.is
www.isfell.is
Hafðu samband og kynntu þér vöruúrvalið og þjónustuna
Skil ekki þessi hörðu viðbrögð
„Bæjarstjórn Akureyrar ber að gæta
hagsmuna síns samfélags umfram
allt og eðlilegt að brugðist sé við
þegar störf og þá ekki síst mikilvæg
opinber störf eru flutt úr sveitarfé-
laginu. Sveitarstjórnarmenn annarra
sveitarfélaga hefðu og hafa gert hið
sama. Ég skil ekki þessi hörðu við-
brögð og tel þau hafa verið sett fram
í fljótfærni,“ segir Eiríkur Björn
Björgvinsson, bæjarstjóri á Akureyri,
spurður út í viðbrögð vegna harð-
orðra yfirlýsinga Húsvíkinga í kjöl-
far þess að Akureyrarbær lýsti þeirri
skoðun sinni í bréfi til Innanríkis-
ráðuneytisins að embætti sameinaðs
sýslumanns á Norðurlandi ætti að
vera á Akureyri en ekki á Húsavík.
Bæjarstjórinn á Húsavík hef-
ur sagt að afstaða Akureyringa sé
ótaktísk og að meginmálið sé að
Norðlendingar sameinist um að
verja opinber störf í héraðinu. For-
seti bæjarstjórnar Norðurþings hef-
ur talað um afstöðu Akureyringa
sem „svartan blett“ á norðlensku
sveitarstjórnarstarfi og að afstaða
Akureyringa sé „galin“.
Blaðið spurði Eirík Björn hvort
Akureyrarbær hefði hugsað um of
um eigin hag á kostnað nærliggj-
andi byggðakjarna og nálægra
sveitarfélaga.
„Ég vil vekja athygli á því að Bæj-
arstjórn Akureyrar stóð formlega
með Húsvíkingum og Þingeying-
um þegar harkalega var gengið í
niðurskurði á heilbrigðisþjónustu
í Þingeyjarsýslum árið 2010. Það
sama höfum við gert varðandi sam-
göngumál og jarðgöng á Austur-
landi. Okkur er mjög umhugað um
samfélögin í kringum okkur. Það
virðist stundum gleymast.“ -BÞ
Formaður verkalýðsfélags segir
Slippmálið vera fordæmalaust
„Það er vont að lenda í því að starfs-
menn hætti fyrirvaralaust yfir há-
sumarið þegar erfiðast er að manna.
Við buðum þessum starfsmanni að
vinna hjá okkur í 3-4 vikur eftir að
hann sagðist vilja hætta og þar með
hefði málinu lokið af okkar hálfu.
Svo þegar hann þáði það ekki var
ákveðið að fara fram á bætur vegna
tapaðrar framlegðar,“ segir Anton
Benjamínsson, forstjóri Slippsins á
Akureyri.
Eins og frá er greint á forsíðu
blaðsins í dag var suðumanni sem
hætti störfum hjá Slippnum vegna
tækifæris að fara túr á sjó gert með
bréfi að greiða tæpar tvær millj-
ónir króna í skaðabætur, þar sem
hann vann ekki uppsagnarfrest.
Deilendum ber samkvæmt heim-
ildum blaðsins ekki saman um að
hve miklu leyti maðurinn sagðist
tilbúinn að koma á móts við Slipp-
inn, en ósk hans var að sumarfríi
yrði flýtt. Spurður um réttmæti
upphaflegrar fjárkröfu Slippsins
segir Anton Benjamínsson: „Það
var aldrei meiningin að rukka þetta
allt saman en við gerðum honum
ljóst að svona væri ekki hægt að
koma fram. Þetta snýst um bæði
skyldur og réttindi. Niðurstaðan
varð svo að starfsmaðurinn greiddi
um sjötta hluta af því sem var stillt
upp í upphafi.“
Heimildum ber ekki saman um
að skaðabótafjárhæðin sem maður-
inn greiddi Slippnum hafi verið 1/6
af upprunalegri kröfu. Er haldið
fram að heildartjón starfsmannsins
vegna sáttar sem gerð, en einn sam-
starfsmaður mannsins telur þving-
aða sátt, hafi kostað starfsmanninn
600.000-700.000 krónur þegar allt
er talið.
„Það má deila um hvað er sann-
gjarnt,“ segir Anton Benjamínsson.
Í öðru tilviki þar sem starfs-
maður Slippsins hætti án þess að
vinna uppsagnarfrest, segir Ant-
on að ljúka mætti því máli með
að starfsmaðurinn inni af hendi
10.000 króna sektargreiðslu, tákn-
rænni málamyndagreiðslu . Hann
ber við að sá starfsmaður hafi haft
úr minni fjármunum að spila en
hinn. Það sé ein helsta ástæða þess
að brugðist sé mismunandi við
málunum. Akureyri Vikublað hefur
heimildir um að í upphafi hafi þeim
starfsmanni sem virðist nú laus við
eftirmála þar sem hann sinnti lítt
kröfum Slippsins verið gerð mun
hærri krafa í upphafi.
„Þetta er hundleiðinlegt en
starfsmenn verða að virða skyldur
sínar. Ef við vinnuveitendur ætluð-
um að hegða okkur eins og þessir
starfsmenn, yrðum við tjargaðir og
fiðraðir upp fyrir haus af verka-
lýðshreyfingunni. Þetta eru kaup
kaups,“ segir forstjóri Slippsins.
ERFITT MÁL
Jóhann Sigurðsson, formaður Fé-
lags málmiðnaðarmanna á Akur-
eyri, þekkir málið vel. „Þetta var
erfitt mál, því það er nú einu sinni
þannig að við erum að berjast fyrir
kaupum og kjörum félagsmanna og
viljum ekki að brotið sé á þeim. En
við getum ekki heldur stutt að brot-
ið sé á fyrirtækjum,“ segir Jóhann.
Spurður um lyktirnar, að mað-
urinn hafi fyrst verið krafinn um
milljóna bætur og hafi í öllu falli
tapað nokkrum hundruðum þús-
unda segist Jóhann telja að málið
hafi verið leyst eins vel og hægt
var miðað við þær aðstæður sem
höfðu skapast í upphafi. „Í upphafi
deilunnar var klárt að sanngirni
var ekki gætt, en ég tel útkomuna
hafa orðið eins góða og hægt var.“
„Ég þekki engin fordæmi síðan
ég tók við þessu starfi“ segir Jó-
hann og vísar til beitingu hjúalag-
anna. Hann tekur fram að málinu
hafi lokið með afskiptum lögmanna
deilenda en ekki farið fyrir dóm-
stóla. Upphafleg krafa Slippsins
hafi ekki gert ráð fyrir að skaði
deildist jafnt milli aðila.
Í 5. grein hjúalaga frá 1928 segir
m.a.: „Ef hjú, án þess að sjúkleiki
eða önnur lögleg forföll tálmi, eða
fyrir hendi séu ástæður, er heimili
því að rifta vistarráðunum, kemur
ekki í vistina á ákveðnum tíma, svo
að því er synjað viðtöku eða kem-
ur alls ekki, skal það greiða hús-
bónda bætur, sem svarar til helm-
ings áskilins kaups fyrir umsaminn
vistartíma.“
Blaðið hefur heimildir um að
starfsmaðurinn hafi orðið fyrir
áfalli vegna málsins og sé ósáttur
við málalok en hann vill ekki tjá sig
um málið af ótta við frekari fjár-
skaða. -BÞ
Sektin í engu sam-
ræmi við brotið
„Ég er ósáttur við afgreiðslu
málsins. Í fyrsta lagi nota þeir
svokölluð hjúalög um brottföll
hjúa úr vinnu, þetta eru lög sem
að stofni til eru frá 18. öld en
meginbreytingin á þeim var gerð
árið 1928. Þó að lögin
séu í gildi hef ég nán-
ast ekki fundið nein
dómafordæmi um
beitingu þeirra, þau
hafa harla lítið ver-
ið notuð í seinni tíð,“
segir Þórarinn Hjart-
arson, trúnaðar-
maður starfsmanns-
ins sem gert var að
greiða háar bætur til
vinnuveitanda síns,
Slippsins.
„Í öðru lagi varðar þessi laga-
bókstafur brotthlaup úr vinnu.
Ég tel ekki að þetta geti kallast
brotthlaup úr vinnu vegna þess
að starfsmaðurinn bauðst til
að vinna uppsagnafrestinn eft-
ir þennan túr á sjónum. Ég veit
ekki betur en það hafi alltaf leg-
ið fyrir. Brotið, frekar
en að vera brotthlaup,
var þess vegna frem-
ur einhliða fær-
sla á sumarfríi eða
fyrirvaralaus taka
sumrarfrís. Ég segi
þó ekki að þarna hafi
ekki verið framið brot,
því þessi mál eiga að
vera samkomulags-
atriði milli aðila en
ég tel sektina úr öllu
samræmi við brotið,“
segir Þórarinn Hjartarson, trún-
aðarmaður í Slippnum. -BÞ
Forstjóri Slippsins segir að deila megi um hvað þyki sanngjarnt en starfsmenn verði að virða skyldur sínar. Völundur
Ummæli Húsvíkinganna fallið í fljótfærni að mati bæjarstjórans á Akureyri. Völundur
Anton Benjamínsson forstjóri Slipps-
ins: Bréf sent þar sem farið var fram á
2 milljónir króna í skaðabætur. „Aldrei
meiningin að rukka þetta allt saman.“
Þórarinn Hjartarson
trúnaðarmaður: Sekt í
engu samræmi við brot.