Akureyri - 02.10.2014, Blaðsíða 8

8 36. tölublað 4. árgangur 2. október 2014
VILTU SEGJA SKOÐUN ÞÍNA?
Akureyri vikublað óskar eftir að komast í samband við bæjabúa sem
sjaldan eða aldrei hafa veitt viðtöl en væru til í að segja skoðun sína í
blaðinu eða veita stutt viðtöl. Vinsamlegast sendið okkur tölvu-
póst á bjorn@akureyrivikublad.is eða hringið í síma 862 0856.
LOF OG LAST VIKUNNAR
LAST fá þeir sem heimila að bílstjóri
flutningabíls aki niður göngu/hjólastíg og
bakki yfir skólalóð 5 mínútum áður en
hringt er inn. Svo segir móðir á Akureyri
og á þar við Brekkuskóla. Svo hafi bíllinn
ekið sömu leið til baka um leið og bjallan
hringdi. „Finnst fólki þetta ásættanlegt?
Ég hef enga þolinmæði gagnvart svona-
löguðu,“ segir konan...
LOF fær Eiríkur Björn Björgvinsson
bæjarstjóri á Akureyri fyrir að orða hlutina
hreint út, skrifar karl á Brekkunni í bréfi
til blaðsins. Hann segir Eirík hafa vaxið
með árunum og sé ekki lengur „fastur í
faðmi diplómatíunnar“ öllum stundum
heldur „taki nú slaginn við þá sem þarf að
taka slag við, þar má benda á Landsnet,“
skrifar karlinn...
LOF fær starfsfólk Dalakofans í Reykja-
dal, en þar er alltaf gott að koma, segir
Þingeyingur sem heldur fram að Dalakof-
inn sé orðin ein mesta menningarsmiðja
héraðsins. Hann segir „með ólíkindum“
hvað gott skap og frumkvæði einstaklinga
geti oft breytt miklu fyrir heilu byggðirn-
ar...
Feitt LAST vikunnar fær Mjólkur-
samsalan fyrir „glæp gegn neytendum“
skrifar karl úr Skagafirði í bréfi til blaðsins.
Hann segist ekki þurfa að taka fram að
hann verði að fá að lýsa þessari skoðun
sinni nafnlaust, „af því að tengsl KS og
MS séu slík og eiginlega alræði KS með
þeim hætti hér í Skagafirði að mér yrði
ekki vært hér áfram ef þessi ummæli
væru höfð eftir mér og þess vegna sendi
ég nafnleysis uppáhaldsdálkinum mínum
þetta bréf,“ skrifar Skagfirðingurinn. Hann
getur þess þó einnig að tvær hliðar séu á
öllum málum. Þakkar KS að hluta mikla at-
vinnusköpun í héraðinu sem hafi hækkað
fasteignaverð. „En menn eru ekki frjálsir
að sinni skoðun hér,“ bætir karlinn við...
LOF fær Ríkisútvarpið fyrir skemtilegan
og áhugaverðan sjónvarpsþátt, Hraunið,
sem sýndur er nú á sunnudagskvöldum.
Svo mælir kona af Eyrinni sem hringdi í
blaðið. „LAST fær Rúv hins vegar fyrir
breytingarnar á útvarpsdagskránni, þær
eru mér ekki að skapi,“ segir sama kona...
AKUREYRI VIKUBLAÐ 36. TÖLUBLAÐ, 4. ÁRGANGUR 2014
ÚTGEFANDI Fótspor ehf. ÁBYRGÐARMAÐUR Ámundi Ámundason 824 2466, amundi @ fotspor.is.
FRAMKVÆMDASTJÓRI Ámundi Steinar Ámundason, as @ fotspor.is.
AUGLÝSINGASTJÓRI Ámundi Steinar Ámundason, as @ fotspor.is. 578-1193.
RITSTJÓRI Björn Þorláksson, bjorn @ akureyrivikublad.is, 862 0856 MYNDIR Björn Þorláksson, Völundur Jónsson og fleiri.
UMBROT Völundur Jónsson PRENTUN Ísafoldarprentsmiðja - Svansmerkt prentun. DREIFING
14.500 EINTÖK ÓKEYPIS – UM ALLT NORÐURLAND
13% heimsóttu Norðurland
Ýmsar áhugaverðar niðurstöður er að finna í könnun með-
al erlendra ferðamanna sem unnin hefur verið fyrir Ferða-
málastofu. Niðurstöður úr svörum gesta sem heimsóttu
landið síðastliðinn vetur liggja fyrir og í árslok verða birtar
niðurstöður úr svörum sumargesta 2014.
Um var að ræða netkönnun þar sem netföngum var safn-
að með skipulögðum hætti á komu- og brottfararsvæði flug-
stöðvar Leifs Eiríkssonar á tímabilinu október 2013 til maí
2014. Úrtakið var 4.500 manns og var svarhlutfallið 55,8%.
Íslandsferðin stóðst væntingar 95,4% svarenda og tæp 84%
töldu líklegt að þau myndu ferðast aftur til Íslands.
LISTSKÖPUN LAÐAR AÐ
Almennur áhugi á landi og þjóð var það sem flestir
nefndu þegar spurt var hvaðan hugmyndin að Íslandsferð
hefði kviknað, eða um 48%. Þar á eftir koma upplýsingar
frá vinum og ættingjum og Internetið. Áhugavert er að sjá
vaxandi hlut tveggja síðarnefndu þáttanna m.v. síðustu
kannanir. Internetið og vinir og ættingjar auka einnig hlut
sinn sem helsta uppspretta upplýsinga áður en ferð var far-
in, sem gæti bent til vaxandi áhrifa samfélagsmiðla á ferða-
hegðun fólks og mikilvægi þess að viðhalda góðu orðspori
áfangastaðarins. Þá eru listsköpun og menningaráhrif að
trekkja mikla fjármuni inn í landið því þegar gefinn var
svarmöguleiki hvort áhrifaþátt Íslandsferðar mætti rekja til
menningarafurðar s.s.
kvikmynda, sjónvarpsþátta eða tónlistarmyndbanda
með íslensku landslagi nefndi tæplega tíundi hver gestur
þann valmöguleika.
DVELJA MEST SEM NÆST „GULLNA HLIÐINU“
Þegar gögn frá Ferðamálastofu eru skoðuð mætti orða
það þannig að „Gullna hliðið“, Keflavíkurflugvöllur, reynist
þeim hagsmunaaðilum sem næst flugvellinum búa mikil
búbót, á kostnað tækifæra t.d. á Norðurlandi. Dvöl vetr-
argesta var að miklu leyti bundin við höfuðborgarsvæðið
síðastliðinn vetur. Um 94,4% svarenda gistu í Reykjavík og
nágrenni og var meðaldvalarlengdin 4,3 nætur. Þegar spurt
er hvaða svæði voru heimsótt kemur í ljós að aðeins 13,3%
erlendra ferðamanna heimsóttu Norðurland þrátt fyrir átak
um vetrarferðamennsku í fjórðungnum. Heldur færri gista
á Norðurlandi eða 11% erlendra ferðamanna.
- BÞ
Kirkjan hætti leit
að blórabögglum
Ekki dettur mér í hug að gera lítið úr gagnsemi þjóð-kirkjunnar. Veldur þó hver á heldur þegar kemur
að störfum presta, þar er misjafn sauður í mörgu fé.
Sjálfur er ég í þjóðkirkjunni og prestar skírðu börn-
in mín. Ég giftist líka í kirkju. Ég hef oft upplifað
styrk frá prestum á sorgarstundum, farið á jarðar-
farir sem hafa verið markaðar fagmennsku frá a-ö.
Ég kaupi alveg að það séu lífsgæði fólgin í því fyrir
einstaklinga að hafa aðgang að svo gott sem ókeypis
prestaþjónustu hvort sem er vegna gleðiatnurða eða
sálgæslu. Kristnin er líka sögu okkar, siðferðisgildum
og menningu nátengd.
En það hefur skapast menningarlegur fjölbreytileiki
síðustu áratugi hér á landi sem þýðir að kristni er ekki
allra. Það hefur líka pusað ítrekað yfir þjóðkirkjuna
undanfarið, ekki síst vegna hins svokallaða biskups-
máls og skammar prófasta og arftaka biskups til að
bregðast við af visku, manndómi og réttsýni. Fjöldi
Íslendinga hefur sagt sig úr þjóðkirkjunni síðustu
ár. Bent hefur verið á að núverandi fyrirkomulag, að
kirkjan fái milljarða af skattfé almennings á kostnað
annars, stangist á við jafnræðisreglu. Sumir nefna líka
að með aukinni upplýsingu og aukinni menntun minnki
trú á stokka og steina að jafnaði. Nútíma menntun
kennir rökhyggju í stað loftkenndra hugtaka og trúar
á kraftaverk.
Síðasta hneyksli kirkjunnar er bænaskráin sem
send var út í kjölfar svokallaðs Kristsdags um síðustu
helgi. Fjölmiðlar greindu frá og spurðu spurninga
vegna forneskju sem þar birtist. Dómkirkjuprestur
brást við með að lýsa yfir að fréttastofa Rúv væri “af-
brigðileg“.
Þetta eru furðuleg viðbrögð hjá dómkirkjupresti,
enda verður ekki séð að efnistök fréttamiðla hafi haft
neitt að gera með fordóma eða neikvæðan hug til kirkj-
unnar. Því var líka haldið fram í svokölluðu biskups-
máli. Bænaskrá sem gefur kúgun gegn konum undir
fótinn er meira en varasöm. Hún er ekki einkamál
kirkjunnar. Jesús var hugmyndafræðingur sem lét enga
stund ónýtta til að ráðast á vald, lét sig hag lítilmagn-
anna miklu varða, ólíkt öfgahægrinu sem hermt er að
hafi lagt hönd á bænaskrána. Á Kristsdegi hlýtur þjóðin
að bregðast við harðlínustefnu gegn fóstureyðingum
og fleira vafasamt mætti nefna í bænaskránni.
Einn helsti vandi kirkjunnar hefur verið að úthrópa
blóraböggla utan stofnunarinnar í stað þess að leita
skýringa í eigin ranni. Köllum það ljós í myrkri kirkj-
unnar að sumir prestar nenni ekki lengur að kóa með
vitleysunni: „Mér leist ekkert á þessa bænaskrá,“ sagði
Hildur Eir Bolladóttir, prestur á Akureyri og undir það
hafa fleiri prestar tekið.
Með ritstjórakveðju
Björn Þorláksson
PÁLI LENT Í HINU BJARTA NORÐRI. Emil Jónsson ljósmyndari tók þessa mögnuðu mynd af flugvélinni Páli Sveinssyni þegar vélin bjó sig
til lendingar á Akureyrarflugvelli laugardaginn 20. september sl. Flugvélin kom frá Reykjavík en verður geymd í vetur á Flugsafni Íslands.
Viðamiklar endurbætur hafa verið gerðar á Þristinum, eins og vélin er kölluð, en sjötíu og eitt ár er liðið síðan hún var smíðuð í Kali-
forníu.