Akureyri - 02.10.2014, Blaðsíða 10

10 36. tölublað 4. árgangur 2. október 2014
Hugmynd um stjórn-
sýsluhús vel tekið
Starfsfólk Fiskistofu mótmælir
harðlega ákvörðun sjávarútvegs-
og landbúnaðarráðherra um flutn-
ing höfuðstöðva stofnunarinnar
til Akureyrar og þeim „löglausu
fyrirætlunum sem kynntar voru í
bréfi ráðherra til starfsmanna dag-
settu þann 10. september síðast-
liðinn,“ eins og segir í ályktun frá
starfsmönnum til fjölmiðla.
„Ljóst er að ákvörðunin styðst
ekki við lagaheimild og er til þess
fallin að skaða starfsemi stofn-
unarinnar, enda hafa engir starfs-
menn, utan fiskistofustjóra, lýst
áhuga á að flytjast með henni norð-
ur. Hvetur starfsfólk Fiskistofu ráð-
herra til þess að falla þegar í stað
frá hugmyndum um flutning stofn-
unarinnar, sem virðist afar misráð-
inn og undirbúningi áfátt.“
„Undanfarna daga hefur ráð-
herra ítrekað látið í veðri vaka í
viðtölum við fjölmiðla að unnið sé
að verkefninu í samráði við starfs-
menn stofnunarinnar. Starfsfólk
Fiskistofu vísar þessu alfarið á bug.
Skal áréttað að fulltrúum starfs-
manna var ekki boðið að taka þátt í
gerð tillagna sem starfsmenn ráðu-
neytisins ásamt fiskistofustjóra
unnu að og lagðar voru fyrir ráð-
herra í ágústlok. Var ráðherra þá
gerð skýr grein fyrir því að starf-
menn ættu enga aðild að tillögun-
um. Virðist hann því tala gegn betri
vitund,“ segir í ályktuninni.
RÁÐHERRA DRÓ Í LAND
Á Sprengisandi á Bylgjunni sl.
sunnudag viðurkenndi Sigurður Ingi
Jóhannsson, byggðamálaráðherra, að
hann hefði talað af ónákvæmni um
samráð við starfsmenn. Ráðherra
lagði skýra áherslu í samtali við Ak-
ureyri Vikublað á dögunum vegna
málsins að um byggðaaðgerð væri að
ræða en harmaði við sama tækifæri
reykjavíkurmiðaða fjölmiðlun.
„Starfsfólk Fiskistofu harmar
dapurlega tilburði stjórnmála-
manna sem reynt hafa að notfæra
sér flutning Fiskistofu til þess að
etja saman landsbyggðinni annars
vegar og höfuðborgarsvæðinu hins
vegar. Engu skiptir hver á í hlut
þegar með valdboði er reynt að
flytja fólk nauðugt viljugt lands-
hornanna á milli. Málflutningur
á þessum nótum er óboðlegur og
engum til framdráttar,“ segir m.a. í
ályktun starfsmanna Fiskistofu.
MÁL MEÐ MARGAR HLIÐAR
Eiríkur Björn Björgvinsson, bæjar-
stjóri á Akureyri, segir í samtali við
Akureyri Vikublað að
Akureyrarbær hafi ekki tek-
ið neina formlega afstöðu til til-
lögu um að ríkið greiði fyrir því
að starfsfólk Fiskistofu geti flutt
til Akureyrar. „Þetta mál hefur
nokkrar hliðar en stjórnvöld velja
á hverjum tíma þær aðferðir sem
þau telja réttar og vænlegastar til
árangurs,“ segir bæjarstjóri.
Rætt er um hvaða húsnæði henti
undir starfsmann Fiskistofu. Ak-
ureyri Vikublað greindi frá því á
dögunum að Akureyrarbær telur
æskilegt að ríkið komi að byggingu
stjórnsýsluhúss á Akureyri. Spurð-
ur um þessi mál, segir bæjarstjóri:
„Ég hef engar nýjar upplýsingar
um húsnæðismál stofnunarinnar.
Við höfum ekki fengið nein form-
lega viðbrögð við hugmynd okkar
um nýtt eða stærra stjórnsýsluhús
á Akureyri. Hugmyndinni hef-
ur þó verið tekið vel af mörgum
starfsmönnum ríkisins, ekki síst
hér á Akureyri.
-BÞ
NÝR YFIRLÆKNIR
Víðir Sigrúnarson geðlæknir, doktorsnemi í Þrándheimi, hefur verið ráðinn
yfirlæknir legudeildar geðdeildar Sjúkrahússins á Akureyri frá 1.október.
Þetta staðfestir Sigmundur Sigfússon geðlæknir. Vandi við mönnun sér-
fræðinga á sviði geðlækninga á Norðurlandi hefur verið í sviðsljósinu
síðastliðin misseri. Sigmundur lýsir ánægju með ráðningu Víðis.
Hof og Hótel KEA
gera samning
Menningarhúsið Hof og Hótel KEA
hafa undirritað samstarfssamning
sem felur meðal annars í sér sam-
starf í auglýsinga- og markaðsmál-
um með áherslu á menningarbæinn
Akureyri. Til að mynda verður boð-
ið upp á pakkatilboð þar sem hægt
verður að kaupa miða á ákveðna
viðburði í Hofi og mat og gistingu
á Hótel Kea .
Hof og Hótel Kea bjóða til
að mynda upp á sérstök tilboð í
tengslum við sýninguna Kenneth
Máni sem sett verður upp í Hofi 17.
október næstkomandi í samstarfi
við Borgarleikhúsið. Sambæri-
leg tilboð verða einnig í boði fyr-
ir þá sem hyggjast kaupa miða á
heiðurstónleika Populus Tremula í
Hofi 25. október.
Hrafnhildur E. Karlsdóttir, hót-
elstjóri á Hótel Kea, segir að öflugt
menningarlíf sé eitt helsta aðdrátt-
arafl Akureyrar, sérstaklega yfir
veturinn. „Við sjáum það á okkar
gestum. Þeir koma ekki bara til
að njóta náttúru og útivistar held-
ur ekki síður til að sækja tónleika,
leiksýningar og aðra slíka viðburði.
Það er okkur því mikilvægt að vera
í góðu samstarfi við menningar-
stofnanir í bænum.“ a
Sigurður Ingi
Jóhannsson
» Frábær þjónusta við
skipa og báta
» Löndunarþjónusta
» Fiskmarkaður
» Vélsmiðjur
» Ísstöð
» Flutningafyrirtæki
www.dalvikurbyggd.is/hafnir
Hafnir
Dalvíkur-
byggðar