Akureyri - 29.03.2012, Qupperneq 9

10 29. MARS 2012
AÐSEND GREIN
Á að brenna plastið eða endurvinna!
Víða um land hefur síðustu ár verið
mikil og góð vakning meðal fólks
varðandi það hvernig umgengni okk-
ar mannanna hefur áhrif á framtíð
lífs á jörðu. Í Stórutjarnaskóla hef-
ur verið unnið ötullega að þessum
málum frá árinu 2008 og á síðasta
ári öðlaðist skólinn grænfána Land-
verndar sem merki um þann árangur
sem unnist hafði. Til að koma okk-
ar málum áleiðis höfum við verið í
góðu samstarfi við aðila á Akureyri
en fyrst og fremst Gunnar Garðars-
son, sem var í forsvari fyrir Sagapl-
ast ehf og Endurvinnsluna, því við
þurftum að læra að flokka og síðan
að koma hráefninu í réttan farveg.
Fyrir tilstilli Gunnars virtust þessi
mál deginum ljósari; það eina sem
við þyrftum að gera var að breyta
þeim handtökum sem áður höfðu
verið viðhöfð er kom að því að leggja
frá sér tómar umbúðir. Frá upphafi
flokkuðum við plastið í aðgreint hart
plast og lint plast og ætlum að halda
því áfram. Okkur fannst ekki þurfa
sérstaklega að útskýra það að ekki
væri gott að safna til lengri tíma
umbúðum með matarafgöngum eða
öðrum óæskilegum efnum.
Núverandi bæjarstjórn á Akur-
eyri kom á flokkunarkerfi meðal Ak-
ureyringa fyrir nokkrum misserum
sem okkur fannst afar gott framtak.
En eftir á litið hefði líklega verið
betra að fara hægar af stað því það
virðist augljóst að enn er stór hópur
fólks sem vill loka augunum fyrir
því sem augljóslega er að gerast í
umhverfinu nær og fjær og rekja
má beint til lifnaðarhátta okkar
mannanna.
Við viljum með þessu bréfi kom því
á framfæri að það eru ekki eingöngu
Akureyringar sem hafa not af flokkun
Endurvinnslustöðvarinnar, það gera
líka sveitirnar í kring og það er hart
fyrir þá sem hafa vandað sig við flokk-
un í lengri eða skemmri tíma að heyra
svo að til eru slóðar og/eða sóðar sem
verða þess valdandi að flokkun þeirra
samviskusömu er fyrir borð borin.
Þetta er engan vegin ásættanlegt
en okkur sýnist þó að engin leið sé
til önnur en að halda ótrauð áfram
því góða framtaki sem verið hefur í
gangi og láta ekki deigan síga í flokk-
un. Það munum við gera og hvetjum
alla til hins sama. Við eigum bara
eina jörð.
F.h. umhverfisnefndar
Stórutjarnaskóla,
Sigrún Jónsdóttir
AÐSEND GREIN
Enn af augnlækningum
Fyrir skömmu ritaði ég grein í tilefni
þess að hingað til Akureyrar hefur
að undanförnu vanið komur sínar
augnlæknir einn að sunnan sem
tekið hefur ótæpilegt gjald af bæj-
arbúum fyrir þjónustu sína. Eitthvað
virðist þessi grein mín hafa valdið
misskilningi. Ætlunin með henni
var alls ekki að kasta neinni rýrð
á störf Margrétar Loftsdóttur eða
annarra. Hún stendur vel fyrir sínu.
Hitt er svo annað mál eins og hún
bendir reyndar réttilega á að ekki
er nema um svokallaðar almennar
augnlækningar að ræða og ekki þarf
mikið út af að bera til að sjúklingar
séu sendir suður.
Sjálfur hef ég þurft oftar en einu
sinni að fara suður vegna fremur
ómerkilegra smáaðgerða sem þurft
hefur að gera með leisertæki sem
ekki er til hér og þar stendur hnífur-
inn í kúnni. Það er með augnlækn-
ingar eins og annað í heilbrigðismál-
um hér á Akureyri. Hér hefur ekki
verið komið fyrir tækjum til að gera
sérhæfða hluti svo neinu nemi og má
þar líklega mest um kenna heilbrigð-
isyfirvöldum og stjórnmálamönnum.
Menn gera sér ef til vill ekki grein
fyrir því að markaðurinn er mun
stærri en hann virðist í fljótu bragði.
Svo við höldum áfram með augn-
lækningarnar þá ætti vel að vera
mögulegt að koma hér upp augn-
veri með markaðssvæði á Norður-
og Austurlandi. Auk þess mætti vel
hugsa sér Færeyjar og Grænland sem
markað líka en beint flug hingað til
Akureyrar þaðan hlýtur að verða að
veruleika innan mjög fárra ára ef hér
á að rísa heimsmiðstöð norðurvís-
inda. Að sjálfsögðu gildir hið sama
um ýmis önnur lækningatæki eins
og til að mynda hjartalækningatæki
og blóðskilju. En það hlýtur að verða
keppikefli heilbrigðisyfirvalda hér
í bæ að þessum tækjum verði hér
komið upp sem fyrst.
Reynir Antonsson
AÐSEND GREIN
Páskar og egg
Framundan er ein stærsta hátíð-
in í kristnum sið. Hebreska orðið
pesah er á latínu pascha en á ís-
lensku tölum við um páska. Pásk-
arnir hafa ekki fasta dagsetningu
eins og jólin. Þeir eru alltaf haldnir
á fyrsta sunnudegi eftir fullt tungl
á vorjafndægri. Tilefnið er upprisa
Jesú. Menn trúa því að Jesú hafi risið
upp frá dauðum á þriðja degi eftir
að hann var krossfestur. Samkvæmt
frásögnum í Nýja testamentinu bar
handtöku og krossfestingu einmitt
upp á páskahátíðinni. Annars má
rekja sögu páskanna og páskaeggj-
anna allt aftur til frumkristni þar
sem menn litu á öll egg sem tákn
um upprisu.
Í Mið-Evrópu greiddu leiguliðar,
sem oft voru fátækir bændur, land-
eigendunum skatt nokkrum sinnum
á ári fyrir afnot af jörðinni. Þeir
greiddu með afurðum af skepn-
um á býlinu eins og mjólk og kjöti.
Páskaskatturinn var oftast greiddur
með eggjum því þau þóttu sérstak-
lega eftirsóknarverð á vorin. Með
árunum fóru landeigendur að gefa
hluta eggjanna til þurfalinga og
barna. Sumir sugu innihaldið úr
eggjunum, máluðu þau og skreyttu
til gjafa. Meðal yfirstéttarinnar og
ríka fólksins varð siður að gefa
páskaegg, skreytt með trúarlegum
myndum, spakmælum eða ljóðum.
Seinna fóru menn að framleiða
pappaegg og fylla með sælgæti en
slík egg eru ennþá til í dag t.d. á
Norðurlöndunum.
Sá góði siður að vera með páska-
egg úr súkkulaði varð algengur á Ís-
landi um 1920. Fyrsta verslunin sem
auglýsti þetta lostæti var Björnsbak-
arí árið 1922. Núna keppa súkkulaði-
verksmiðjur við hverja aðra um verð
og gæði. Eggin eru skreytt ungum og
alls kyns fígúrum og ekki má gleyma
málsháttunum sem fylgja hverju eggi.
Þeir virðast vera alveg séríslenskt
fyrirbæri.
Páskasiðirnir eru margir og mis-
munandi um allan heim. Í Banda-
ríkjunum er t.d siður að börn leiti
að eggjum sem foreldrar þeirra hafa
falið í garðinum og tíni þau í körfu
sem krakkarnir hafa föndrað. Sum-
staðar tíðkast sú regla að klæðast
ekki fínni flík á föstunni fram að
páskum en fara svo í eitthvað nýtt
og litríkt á páskadag. Þó það væri
nema ein lítil páskahúfa.
Tímarnir breytast og mennirnir
með. Kirkjan tekur sífellt upp nýrri
og frjálsari siði. Í kirkjunum voru
áður fyrr haldnar eggjakasts-hátíð-
ir. Á miðöldum kastaði presturinn
harðsoðnu eggi til altarisdrengjanna
sem köstuðu því síðan á milli sín .
Sá sem hélt á egginu þegar klukkan
sló 12 fékk að eiga það. Því ekki að
taka þennan skemmtilega sið upp
að nýju og þá með súkkulaðieggi í
takt við nútímann? Aldrei er of seint
gott að gjöra!
Gleðilega páska.
HVERNIG ER LÍFIÐ Á GAZA?
Samtök hernaðarandstæðinga halda fund í Akur-
eyrarAkademíunni (gamla Húsmæðraskólanum) þriðju-
dagskvöldið 3. apríl. Efni hans er frá Palestínu: Æska, líf
og dauði á Gaza. Sérstakur gestur fundarins og ræðu-
maður er Anees Mansour forstöðumaður Rachel Corrie
miðstöðvarinnar fyrir börn og unglinga á Gaza. Einnig
talar leikkonan Þóra Karítas Árnadóttir sem fyrir skömmu
lék titilhlutverk í einleiknum „Ég heiti Rachel Corrie“ sem
byggir á skrifum Rachel sem drepin var af ísraelskri jarðýtu
þegar hún mótmælti niðurrifi húsa á Gaza-svæðinu. Þóra
Karítas heimsótti Palestínu í tengslum við uppsetninguna.
Fundurinn er öllum opinn og hefst kl. 20.
ALVILDA ÖSP
ÓLAFSDÓTTIR
RACHEL CORRIE
Skipulags- og matslýsing, Vestursíða - Borgarbraut
Um þessar mundir er unnið að gerð deiliskipulags við Vestursíðu – Borgarbraut í samræmi við
skipulagslög nr. 123/2010.
Bæjarstjórn Akureyrarkaupstaðar hefur lagt fram til kynningar skipulags- og matslýsingu á verk-
efninu. Þar koma m.a. fram hvaða áherslur eru ráðandi við gerð deiliskipulagsins og upplýsingar
um forsendur og fyrirliggjandi stefnu. Þá er fyrirhuguðu skipulagsferli lýst og hvernig kynningu og
samráði verður háttað gagnvart íbúum og öðrum hagsmunaaðilum.
Skipulags- og matslýsingin mun liggja frammi í þjónustuanddyri Akureyrarkaupstaðar, Geislagötu 9,
1. hæð, svo að þeir sem þess óska geti kynnt sér gögnin og komið með ábendingar. Skipulags- og
matslýsinguna er einnig að finna á heimasíðu Akureyrarkaupstaðar, www.akureyri.is/skipulagsdeild
undir: auglýstar tillögur.
Þeir sem vilja koma ábendingum til skipulagsnefndar er bent á að skila þeim skriflega til skipulags-
deildar Akureyrarkaupstaðar, Geislagötu 9, 3. hæð, og/eða í tölvupósti (skipulagsdeild@akureyri.is)
þar sem nafn, kennitala og heimilisfang sendanda kemur fram.
Skipulagsstjóri Akureyrarkaupstaðar
29. mars. 2012
Deiliskipulag miðbæjar, Drottningarbrautarreitur
Bæjarstjórn Akureyrarkaupstaðar hefur þann 20. mars 2012 samþykkt eftirfarandi deiliskipulag: Mið-
bær suðurhluti – deiliskipulag Drottningarbrautarreits. Svæðið sem deiliskipulagið nær til afmarkast
af Drottningarbraut í austri, Kaupvangsstræti í norðri, lóð Akureyrarkirkju og Eyrarlandsvegi í vestri
og lóðarmörkum Hafnarstrætis 65 og Austurbrú í suðri.
Tillagan var auglýst þann 28. desember 2011 og var athugasemdafrestur til 7. febrúar 2012.
Auglýsingar birtust í Lögbirtingarblaðinu og Dagskránni, Akureyri. Skipulagsgögn voru aðgengileg
í þjónustuanddyri Akureyrarkaupstaðar, Geislagötu 9, 1. hæð og á heimasíðu Akureyrarkaupstaðar:
www.akureyri.is/skipulagsdeild.
Athugasemdum sem bárust á auglýstum athugasemdatíma var svarað á fundi skipulagsnefndar þann
14. mars 2012. Ekki var gerð breyting á áður auglýstum gögnum vegna athugasemdanna. Frekari
upplýsingar er hægt að nálgast á skipulagsdeild Akureyrarkaupstaðar.
Hverjum þeim sem telur á rétt sinn hallað með samþykkt þessari er heimilt að skjóta máli sínu til
úrskurðarnefndar umhverfis- og auðlindamála með kæru sbr. 52. gr. skipulagslaga nr. 123/2010 en
kærufrestur er einn mánuður frá birtingu deiliskipulagsins í B-deild Stjórnartíðinda.
Skipulagsstjóri Akureyrarkaupstaðar
29. mars 2012