Fagnaðarboði - 01.01.1970, Síða 8

8
FAGNAÐARBOÐI
r -n
THínisburður
V____________________________________________________/
Mig langar til þess að vitna hér um kraftaverk, sem
Drottinn Jesús gerði fyrir nokkrum árum á eiginmanni
mínum, sem hafði verið ofdrykkjumaður um nokkurra
ára skeið. Síðustu árin drakk hann hvern einasta dag.
Var nú svo komið fyrir honum, að hann var orðinn
lífshættulega veikur og lagður inn á spítala. Þar kom í
Ijós við rannsókn, að lifrin var mikið skemmd, og höfðu
læknar ekki vonir um neinn bata, hvað þá heldur, að
hann yrði nokkru sinni maður til vinnu. Stundum var
hann með háan hita.
Ég og fleiri báðum mikið fyrir honum, að Jesús gerði
kraftaverk á honum og læknaði hann, því að ég gat
ekki hugsað mér, að hann dæi svona. Grátandi lá ég
oft á hnjánum og ákallaði Guð, manni mínum til hjálp-
ar og miskunnar. Þegar hann svo hafði legið nokkrar
vikur í spítalanum, hringdi ég til Guðrúnar Jónsdóttur,
í Hafnarfirði, og bað hana um að biðja Jesúm að gera
sitt máttarverk á honum og lækna hann. Einnig bað ég
hana um að biðja fyrir sál hans.
Og svo kom bænarsvarið.
Læknirinn sagði mér, að vottur um bata hefði nú
komið í Ijós. Og batinn hélt áfram hægt og hægt. —
Skömmu áður en maðurinn minn átti að fara heim af
spítalanum, kallaði læknirinn mig til viðtals og sagði
mér meðal annars, að þeir læknarnir hefðu haldið, að
maðurinn minn hefði krabbamein í lifrinni, sem nú
reyndist ekki vera. Þarna er ég viss um, að Guð hefur
gripið inn í og gert kraftaverkið.
Og mikið hef ég Drottni að þakka fyrir það, að Hann
gaf mér manninn minn aftur heilbrigðan. Vínástríðuna
hefur Drottinn einnig tekið frá honum. Nú er hann eins
og annar maður, stundar sína vinnu og hefur enga
löngun til víndrykkju.
Guði sé lof og dýrð. Ekkert er Honum ómáttugt.
Þakklát eiginkona.
Geíið út af Sjálfseignarstofnuninni Austurgötu 6, Hafn-
arfirði, sími 50075. — Afgreiðsla á sama stað. Árgjald
blaðsins 28 kr. en eintakið 7,00 kr. 4 blöð koma út á ári.
/ iS
Siuii
hdmsókn
Nú skulum við tala um trúmál í kvöld.
Hér tími vor senn er á þrotum.
Hann mælist vart lengur sem ár eða öld,
en aðeins í mínútubrotum.
Ég segja vil ekkert, er særir þig djúpt.
En sannleikann verð ég að boða.
Og hollt er það hverjum, þó leiði sé ljúft,
— lendingu vandlega skoða.
Því ólgandi brimrótið ógnar hér þrátt,
og yfir vor lífsfley það gengur.
Hvert stefnir þitt far þessa stormsömu nátt?
Fær strand þess ei dulizt þér lengur?
Ég sé þú ert bitur, og særð er þín lund.
En sætti við Guð má ég bjóða.
Ó, kom þú sem barnið á Frelsarans fund
og fagnandi njóttu þess gróða.
Ó, kom þú til Jesú og lcrjúp þú Hans tign,
er krossfestur var hér og hæddur.
Þá verður þú talinn Hans eilífðar eign,
af Anda Guðs lifenda fæddur.
Og lofgjörð mun stíga frá brjósti þér brátt,
þó brimrótið kringum þig iði.
Þá verður að degi hin dimmasta nátt
með dýrðlegum, himneskum friði.
Kristján Kristmundsson.
V.___________________________________________)
1. tbl.
1970
23. árg.