Víkurfréttir - 19.01.2012, Side 4

4 FIMMTUdagUrInn 19. janúar 2012 • VÍKURFRÉTTIR
Tekið er á móti auglýsingum á póstfangið gunnar@vf.is. Auglýs-
ingar berist fyrir kl. 17 á þriðjudegi fyrir útgáfudag sem er almennt á
fimmtudögum. Móttaka smáauglýsinga fer fram á vef Víkurfrétta, vf.is.
Smáauglýsingar berist fyrir kl. 15 á þriðjudögum. Sé fimmtudagur
frídagur þá kemur blaðið út á miðvikudögum og þá færist skilafrestur
auglýsinga fram um einn sólarhring.
Efni til Víkurfrétta skal sendast á póstfangið vf@vf.is. Aðsendar greinar
birtast á vef Víkurfrétta, vf.is. Það er mat ritstjórnar hvaða aðsendu
greinar birtast í prentaðri útgáfu blaðsins. Ekki er greitt fyrir aðsent
efni, texta eða myndir, hvort sem það birtist í blaðinu eða á vefsíðum
Víkurfrétta.
Víkurfréttir ehf., kt. 710183-0319
Grundarvegi 23, 260 Njarðvík, sími 421 0000
Páll Ketilsson, sími 421 0007, pket@vf.is
Hilmar Bragi Bárðarson, sími 421 0002, hilmar@vf.is
Eyþór Sæmundsson, eythor@vf.is
Gunnar Einarsson, sími 421 0001, gunnar@vf.is
Víkurfréttir ehf.
Þórgunnur Sigurjónsdóttir, sími 421 0011, thorgunnur@vf.is
Þorsteinn Kristinsson, steini@vf.is, sími 421 0011
Rut Ragnarsdóttir, sími 421 0009, rut@vf.is
og Aldís Jónsdóttir, sími 421 0010, aldis@vf.is
Landsprent
9000 eintök.
Íslandspóstur
www.vf.is, m.vf.is og kylfingur.is
Útgefandi:
Afgreiðsla og ritstjórn:
Ritstjóri og ábm.:
Fréttastjóri:
Blaðamaður:
Auglýsingadeild:
Umbrot og hönnun:
Auglýsingagerð:
Afgreiðsla:
Prentvinnsla:
Upplag:
Dreifing:
Dagleg stafræn útgáfa:
Leiðari Víkurfrétta
PÁLL KETILSSON, RITSTJÓRI
Guðmundur Stefán Gunnars-
son, íþróttakennari og júdó-
þjálfari er maður ársins 2011
hjá Víkurfréttum. Guðmundur
er aðeins 35 ára Njarðvíkingur
og tók sig til á árinu og stofnaði júdódeild
hjá Ungmennafélagi Njarðvíkur og hefur
á þessum stutta tíma fengið yfir hundrað
krakka og unglinga í deildina. Þau stunda
íþróttina ókeypis og Guðmundur sinnir
þjálfun við aðstæður sem ekki allir létu
bjóða sér, í nær öllum sínum frítíma án þess að þiggja
nokkur laun.
Guðmundur segir í viðtali við Víkurfréttir í tilefni af þessum
tímamótum að júdóið hafi mjög jákvæð og góð áhrif á
krakka og unglinga og þeir geti í raun lært heilmargt út
frá hugmyndafræðinni í júdóinu. „Þú lærir að verja þig og
taka á ósigri án þess að vilja hefna þín eða vera með leiðindi
þrátt fyrir ósigur. Sjálfstraustið byggist upp hjá krökkum
og maður sér þetta alveg greinilega. Krakkar sem lentu oft
í árekstrum í skólanum hætta því nánast alveg eftir að hafa
verið að æfa hjá okkur um tíma“, segir Guðmundur m.a. í
viðtalinu.
Það er mjög virðingarvert þegar einstaklingar í okkar samfé-
lagi taka upp á sitt einsdæmi, með viljann og áhugann einan
að vopni, að sinna óeigingjörnu og ólaun-
uðu starfi með börnum og unglingum með
svona frábærum árangri. Við tökum upp
hatt okkar fyrir slíku fólki. Guðmundur
er frábær fulltrúi ungmennafélagsandans
sem er nauðsynlegur í samfélagi okkar
sem hefur laskast mikið eftir bankahrun.
Við óskum Guðmundi til hamingju með
þessa stærstu útnefningu Víkurfrétta á
hverju ári. Hann er svo sannarlega vel að
henni kominn.
Eins og alltaf þegar Víkurfréttir velja mann ársins koma
nokkrir aðilar til greina. Allmargar ábendingar komu um
einstaklinga, félög, fyrirtæki og stofnanir sem hafa staðið sig
vel. Hér má minnast á framtak Suðurnesjamanna sem gerðu
upp bifreið fatlaðs manns og gríðarlega öflugt starf hjá Mið-
stöð símenntunar á Suðurnesjum. Þessir tveir aðilar komu
næstir Guðmundi í vali á Manni ársins á Suðurnesjum.
Þessi útnefning hefur farið fram hjá Víkurfréttum síðan
1991 og er Guðmundur sá tuttugasti og fyrsti sem hlýtur
nafnbótina en fyrsti sem varð fyrir valinu var Dagbjartur
Einarsson, útgerðarmaður í Grindavík. Í fyrra var Axel Jóns-
son, veitingamaður í Skólamat valinn en hann stýrir ásamt
fjölskyldu sinni framsæknu fyrirtæki sem sérhæfir sig í gerð
skólamatar og er með yfir 70 manns í vinnu.
vf.is
Ekki er vika án Víkurfrétta - sem koma næst út fimmtudaginn 26. janúar 2012. Bókið auglýsingar í síma 421 0001 eða gunnar@vf.is
Suðurnesjamaður ársins 2011
Þjónusta Virk á Suðurnesjum›› AÐSENT ‹‹
Virk starfsendurhæfingar-sjóður er sjálfseignarstofnun
sem öll helstu samtök stéttarfélaga
og atvinnurekenda á vinnumark-
aði eiga aðild að. Samið var um
stofnun Virk í kjarasamningum
á árinu 2008. Á vegum Virk og í
samvinnu við stéttarfélög um allt
land eru starfandi sérhæfðir ráð-
gjafar sem bjóða upp á þjónustu á
sviði starfsendurhæfingar.
Það eru tveir ráðgjafar starfandi á
Reykjanesi þau eru Guðni Erlends-
son og Elfa Hrund Guttormsdóttir.
Þau eru með skrifstofu á Krossmóa
4 á fjórðu hæð í Reykjanesbæ.
Fleiri sérfræðingar koma einnig að
starfinu og hefur Virk gert samn-
inga við fjölda fagaðila um við-
eigandi þjónustu fyrir einstaklinga
með skerta vinnugetu.
Hlutverk og stefna VIRK
Hlutverk VIRK er að draga mark-
visst úr líkum á því að launafólk
hverfi af vinnumarkaði vegna
varanlegrar örorku. Það er gert
með ráðgjöf, fjölbreyttum úrræðum
og sérhæfðri starfsendurhæfingu.
Stefna VIRK er meðal annars að
skipuleggja og fjármagna ráðgjöf
og þjónustu fyrir starfsmenn sem
veikjast til lengri tíma eða slasast
þannig að vinnugeta þeirra skerðist.
Sérstök áhersla er lögð á að koma
snemma að málum í samstarfi
við atvinnurekendur, sjúkrasjóði
stéttarfélaga og heilbrigðiskerfið
Þjónusta Virk
Öll þjónusta sem veitt er af hálfu
ráðgjafa VIRK hefur það að mark-
miði að auka starfsgetu einstak-
linga og stefna að því að þeir fari
aftur til vinnu. Um er að ræða fjöl-
breytta þjónustu sem er þeim að
kostnaðarlausu. Hægt er að skipta
þessari þjónustu í þrjá flokka:
1. Aðstoð ráðgjafa
Ráðgjafi aðstoðar einstaklinginn
meðal annars við að efla færni
sína og vinnugetu út frá heilsufars-
legum og félagslegum þáttum og í
samvinnu við sérfræðinga ef þörf
er á. Um er að ræða ráðgjöf og
hvatningu sem tekur mið af að-
stæðum og þörfum hvers og eins.
Sérstök áhersla er lögð á góða
tengingu við vinnustað og
atvinnulífið til að auka líkur á
farsælli endurkomu til vinnu.
2. Aðstoð sérfræðinga
Ef þörf er á aðkomu fleiri sér-
fræðinga við að meta starfsgetu og
möguleika á starfsendurhæfingu
þá eru þeir kallaðir til eftir þörfum.
Um er að ræða sérfræðinga eins
og sálfræðinga, félagsráðgjafa,
sjúkraþjálfara, iðjuþjálfa, lækna,
náms- og starfsráðgjafa og fleiri.
3. Ýmis úrræði í
starfsendurhæfingu
Dæmi um þjónustu sem getur
eflt starfsgetu eru meðal annars
meðferðarviðtöl við sálfræðing,
fjármálanámskeið, námskeið eða
önnur aðstoð til sjálfsstyrkingar,
vinnuprófanir, líkamsrækt með
stuðningi sérfræðinga, sjúkra-
þjálfun, næringarráðgjöf , ráðgjöf
til heilsueflingar og námskeið til að
auka möguleika á vinnumarkaði.
Árangur í starfsendurhæfingu
Það má líta á starfsendurhæfingu
sem nokkurs konar brú á milli heil-
brigðiskerfis og vinnumarkaðar
– brú sem tryggir og byggir upp
samvinnu, skilning og þekkingu til
að endurkoma til vinnu verði sem
farsælust og árangursríkust. Til
að slíkt sé mögulegt þarf að koma
til samvinna margra aðila eins og
viðkomandi einstaklings, heimilis-
læknis, atvinnurekanda og ráðgjafa
í starfsendurhæfingu.
Rannsóknir og reynsla bæði hér-
lendis og erlendis hafa sýnt fram á
að til að tryggja varanlegan árangur
í starfsendurhæfingu þá skiptir öllu
máli að:
1. Koma snemma að málum og
bjóða ráðgjöf á sviði starfsendur-
hæfingar um leið og fyrirséð er að
starfsmenn verði fjarverandi vegna
heilsubrests í lengri tíma.
2. Vinna í nánu samstarfi við at-
vinnulífið. Gæta þess að einstak-
lingar missi ekki vinnusamband
sitt vegna veikinda eða slysa og
stuðla að farsælli endurkomu til
vinnu eftir langtíma fjarvistir.
Ráðgjafar VIRK á landsvísu höfðu
veitt 2100 einstaklingum ráðgjöf
og þjónustu frá stofnun VIRK og
um mitt árið 2011. Af þessum
2100 einstaklingum hafa 600 lokið
þjónustu og stærstur hluti þeirra
hefur náð fullri vinnufærni og eru
þátttakendur á vinnumarkaði í dag.
Þessi þjónusta hefur eingöngu verið
fjármögnuð af atvinnulífinu og
hefur hún skilað miklum árangri
bæði fyrir þá sem hennar njóta og
fyrir samfélagið í heild sinni. Það
er áhugavert að að skoða þessa
miklu uppbyggingu í þjónustu á
sviði starfsendurhæfingar í sam-
hengi við þá staðreynd að dregið
hefur verið úr nýgengi örorku
bæði hjá Tryggingastofnun ríkisins
og hjá mörgum lífeyrissjóðum.
Tryggingastofnun vísar mörgum
einstaklingum til ráðgjafa VIRK.
Ráðgjafar VIRK hafa haft umsjón
með um 400 endurhæfingaráætl-
unum sem sérstaklega eru gerðar
samkvæmt þeim kröfum sem TR
gerir vegna greiðslu endurhæfingar-
lífeyris. Vinnuframlag ráðgjafa við
gerð endurhæfingaráætlana nemur
nokkrum þúsundum klukkutíma
á undanförnum tveimur árum.
Við þessa vinnu bætist svo vinna
annarra sérfræðinga og endur-
hæfingaraðila um allt land. Þessi
þjónusta er unnin og fjármögnuð
af VIRK – starfsendurhæfingar-
sjóði.
Hægt er að fá upplýsingar um þjón-
ustuna á heimasíðu VIRK www.
virk.is
Elfa Hrund Guttormsdóttir
og Guðni Erlendsson
ráðgjafar hjá sjúkrasjóðum
stéttarfélaga á Reykjanesi
Á vegum Virk og í samvinnu við stéttarfélög um allt land eru starfandi
sérhæfðir ráðgjafar sem bjóða upp á þjónustu á sviði starfsendurhæfingar.
Má bjóða þér á
námskeið í mark-
miðasetningu?
Á nýju ári er gott að horfa fram á veginn og gera áætl-
anir um hvernig maður vill haga
hlutunum. Okkur finnst eðlilegt
að gera áætlanir um ýmislegt og
má þar nefna ferðaáætlanir áður
en við höldum af stað í ferðalag,
greiðsluáætlanir í byrjun árs til að
dreifa álaginu í peningamálum,
námsáætlanir í byrjun náms
o.s.frv.
Staðreyndin er hins vegar sú að
það eru tiltölulega fáir sem gera
skýr og greinileg markmið um
hvernig manneskjur þeir vilja vera
eða hvert þeir vilja stefna í lífinu
almennt. Markmið varðandi fjöl-
skylduna, heilsuna og heilbrigði,
sjálfsþroska og frama á einhverju
sviði eru mikilvæg vilji maður ná
árangri. Það er staðreynd að fólk
sem setur sér skrifleg markmið nær
betri árangri og á skemmri tíma
en þeir sem hafa óljósa hugmynd
um það sem þeir vilja. Með því að
setja sér markmið og hefja þá vinnu
sem fylgir því að ná þeim opnast
oft margar aðrar leiðir og tækifæri
sem viðkomandi dreymdi ekki um
áður. Þetta snýst um að vera öku-
maður í eigin lífi en ekki farþegi í
lífi annarra.
MSS hefur ákveðið að bjóða upp á
ókeypis námskeið í markmiðasetn-
ingu í janúar. Námskeiðið er ein
kvöldstund og þátttakendur fá verk-
efnahefti sem þeir vinna að hluta til
á námskeiðinu. Ef þú kæri lesandi
hefur áhuga á að koma á námskeið
í markmiðasetningu og setja þér
markmið fyrir árið 2012 þá getur
þú skráð þig inni á vefsíðu okkar
www.mss.is. Námskeiðið verður
haldið í húsnæði MSS, Krossmóa 4a
þann 30. janúar og hefst kl. 19.30 og
er í u.þ.b. tvær klukkustundir. Það
er Anna Lóa Ólafsdóttir náms- og
starfsráðgjafi sem er leiðbeinandi á
námskeiðinu.
Mikilvægt að skrá sig!
Vonumst til að sjá þig!
Fyrir hönd MSS,
Anna Lóa Ólafsdóttir
Náms- og starfsráðgjafi
Næsta matarút-
hlutun 2. febrúar
Fjölskylduhjálp Íslands í Reykjanesbæ verður með
næstu matarúthlutun fimmtu-
daginn 2. febrúar. Engar út-
hlutanir hafa verið nú í janúar.
Í dag og næsta fimmtudag
verður hins vegar fatamark-
aður hjá Fjölskylduhjálpinni í
Grófinni. Markaðurinn hefst
kl. 14 og stendur til 18.
Bóndadagstón-
leikar í Hlöðunni
Föstudaginn 20. janúar næstkomandi, á bóndadag,
mun Markús Bjarnason koma
fram á sérstökum Bóndadag-
stónleikum Hlöðunnar.
Tónleikarnir hefjast kl. 20:00
í Hlöðunni við bæinn Minni-
Voga, Egilsgötu 8, í Vogum á
Vatnsleysuströnd. Aðgangur er
ókeypis og allir velkomnir.
Viðburðurinn er sá fyrsti í röð
viðburða sem Hlaðan býður
upp á í ár en dagskráin er komin
út og má m.a. nálgast hana á
vefs íðu Hlöðunnar www.
hladan.org. Menningarverk-
efnið Hlaðan er styrkt af Menn-
ingarráði Suðurnesja.