Víkurfréttir - 01.11.2012, Blaðsíða 21

VÍKURFRÉTTIR • fimmtudagurinn 1. nóvember 2012 21
V aknaði frekar þreytt og fyrsta hugsunin var: þetta verður erf-
iður dagur! Fann að mér var þungt fyrir
brjósti - og klukkan var rétt hálf sjö. Fékk
mér sterkan kaffibolla, greip með mér
boozt á leiðinni út og brunaði í vinnuna.
Það fór ekki framhjá neinum þar að það
var brjálað að gera hjá minni. Hljóp um
gangana og munaði minnstu að ég hlypi
einn nemandann niður í látunum. Hellti
niður heilsuteinu með róandi
jurtunum, blótaði eins og baví-
ani og var farin að missa hárið
upp úr kl. 11.00. Ljósritunarvélin
flækti, dvd diskurinn sem ég ætl-
aði að nota í kennslu var týndur
og ég mætti of seint að kenna.
Sveitt undir höndunum, kjóll-
inn krumpaður, hálsinn rauður
og svipurinn hefði landað mér
hlutverki í ,,grumpy old woman“.
Ég hugsaði: dæmigert, einn af
þessum dögum.
Borðaði hrökkbrauð í hádeginu
með þurri spægipylsu, HVER
hefur tíma í að borða hollan og
góðan hádegismat. Komst einhvern veg-
inn í gegnum daginn og fór strax eftir
vinnu í líkamsræktina. Kippti með mér
heyrnartólum af símanum sem pössuðu
að sjálfsögðu ekki í mp-3 spilarann og tók
út pirringinn á brettinu. Það reyndist erfitt
að halda einbeitingunni þar, því þyngdar-
punkturinn sveiflaðist til og frá þar sem
brjóstahaldarinn varð eftir heima, upp,
niður, upp, niður. Komst heim, útkeyrð
(köllum það endurnærð á íþróttamáli),
ekki í stuði til að elda mat. Tók til einhvern
óspennandi meinhollan mat og þegar
sonurinn ætlaði að kvarta tók ég ,,þú getur
eldað þinn eigin mat ef þetta er ekki nógu
gott“ ræðuna. Kominn tími til að slaka
Hellti niður heilsuteinu með róandi
jurtunum, blótaði eins og bavíani og var
farin að missa hárið upp úr kl. 11.00.
aðeins á. Hlammaði mér í sófann með
bunka af þvotti til að brjóta saman, maður
notar tímann. Horfði á niðurdrepandi
fréttir þar sem ég öskraði á skjáinn þegar
fréttamennirnir fóru með rangt mál. Í
framhaldinu var það þáttur um ljósmæður
sem var svo raunverulegur að ég var farin
að anda ótt og títt í sófanum, komin með
5 í útvíkkun og búin á líkama og sál. Kom-
inn tími á heitt og slakandi bað. Þegar ég
labbaði eins og vaggandi gæs upp á bað-
herbergið með hendurnar á mjóbakinu,
birtist sonurinn: bíddu, hvað er málið, af
hverju labbarðu svona? Ég snarstoppaði,
sneri mér óhugnanlega hægt við (Anthony
Hopkins hægt) pírði augun og sagði hvasst
og skýrt: þú, frekar en aðrir karlmenn,
mundir aldrei skilja það! Hann skynjaði
hættuástand og lét sig hverfa jafnskjótt
og hann birtist. Náði að pússa spegilinn,
þurrka af hillunum og raða snyrtivör-
unum á meðan baðið fylltist. Lagðist ofan
í og var rétt að ná slökun þegar það er
bankað á hurðina. Ég hrökk við og kallaði:
HVAAAAAAÐ! Sonurinn ofur varlega:
sorry, ég var bara að spá í af hverju síminn
væri inni í ísskáp!!
Þessi slökun ónýt svo þá var það bara
rúmið. Lagðist hálf meðvitundarlaus upp
í, loksins fengi ég hvíld. Reis upp nokkrum
mínútum síðar, þráðbein í baki starandi
út í tómið: pistill vikunnar, verð að skila
honum á morgun. Um hvað á ég að skrifa!
Jú streitu, skrifa um streitu - allt of mikið
af liði þarna úti sem kann ekki að slaka á
og njóta lífsins. Hvað er það!! - var síðasta
hugsunin áður en ég missti meðvitund.
Streita er ekki eitthvað sem gerist óhjá-
kvæmilega - ég bý hana að miklu leyti til
sjálf. Aðal vopnið í baráttunni við streitu
er að velja eina hugsun fram yfir aðra sem
þýðir að við verðum að vera meðvituð
um hvaða hugsanir það eru sem auka
á streituna. Hvernig ég hugsa um verk-
efnin: sé ég þau sem áskorun þar sem ég
hef stjórnina? Er ég tilbúin að takast á
við breytingar og hvernig eru viðhorfin
mín? Er glasið mitt hálf-tómt eða hálf-
fullt? Hverju svara ég þegar fólk spyr mig
hvernig gangi í vinnunni? Er alltaf brjálað
að gera! Af hverju er svona mikið að gera
hjá okkur öllum og hvað ætlum við að
gera í því? Hverju getum við breytt og
hvernig líf viljum við eiga? Erum við að
setja samasemmerki á milli ,,mikið að gera
= mikilvægur“.
Við getum öll ákveðið að minnka streit-
una í lífi okkar með því að byrja á því að
ákveða að taka stjórnina og skoða hvaða
hugsanir tengjast verkefnum daglegs lífs.
Taka einn dag í einu og ákveða að einfalda
lífið eftir bestu getu, vera til staðar hér og
nú og stjórna sjálf tímanum í stað þess að
láta hann stjórna okkur.
90:10 reglan er sú að einungis 10% af lífi
okkar eru undir því komið hvað gerist en
hin 90% eru viðbrögð okkar við því sem
gerist.
Hvernig ætlar þú að bregðast við lífinu?
Þangað til næst – gangi þér vel.
Anna Lóa
Fylgstu með mér
www.facebook.com/Hamingjuhornid
PISTILL
Brjálað að gera hjá minni!
ANNA LÓA
ÓLAFSDÓTTIR
SKRIFAR
HamIngjUHoRnIð
Anna Lóa
Hellti niður heilsuteinu
með róandi jurtunum,
blótaði eins og bavíani
og var farin að missa
hárið upp úr kl. 11
Fré
ttir
Fullur stuðn-
ingur við
„Betra líf“ SÁÁ
Bæjarráð Reykjanesbæjar samþykkti í síðustu viku
samhljóða eftirfarandi yfir-
lýsingu:
„Bæjarráð Reykjanesbæjar tekur
undir þau sjónarmið sem koma
fram í „frumvarpi“ SÁÁ undir
heitinu „Betra líf “, og veitir
því fullan stuðning. Markmið
frumvarpsins er að gerbylta lífs-
gæðum þeirra sem þjást vegna
áfengis- og vímuefnavandans
og bæta með því samfélagið
allt. Áfengis- og vímuefnasýki
er sá sjúkdómur sem hefur mest
áhrif á flestar fjölskyldur á Ís-
landi. Mikilvægt er að endur-
heimta ómæld verðmæti sem
í þeim einstaklingum búa sem
enn þjást vegna áfengis- og
vímuefnavandans og mun það
hafa margföld jákvæð áhrif á líf
alls almennings.
Mikilvægt er að sveitarfélög
og ríki taki höndum saman
með SÁÁ um vinnu að þessum
málum. Fjármunir til þessa verk-
efnis eru til í gegnum áfengis-
gjald sem þegar er innheimt“.
Sérfræðingur frá Ecco
verður á staðnum á
fimmtudag og föstudag
Hafnargötu 29 • Sími 421 8585
Xpedition - dömu og herra
Verð nú kr. 25.595
Verð áður kr. 31.995
Stærðir: 36 - 47 | Vörunr. 810023/4 52570
Shiver - dömu
Verð nú kr. 17.595
Verð áður kr. 21.995
Stærðir: 35 - 42 | Vörunr. 220523-01001
Track Uno - barna
Verð nú kr. 9.595
Verð áður kr. 11.995
Stærðir: 20 - 28 | Vörunr. 750791-57585/57629
Ecco dagar í Skóbúðinni Keflavík
Kynningarafsláttur á
Ecco skóm dagana
1. - 3. nóvember
20% afsláttur