Bæjarins besta - 09.04.2009, Blaðsíða 23
FIMMTUDAGUR 9. APRÍL 2009 23
Sælkerar vikunnar eru Helga Margrét Marzellíus-
ardóttir og Bigir Örn Sigurjónsson á ÍsafirðiSælkerinn
Hátíðarútgáfa af fiski
og Mars ostakaka
Sælkerar vikunnar bjóða upp
á það sem þau segja vera hátíðar-
útgáfuna af fiski og kartöflum,
besta mat í heimi. Einnig láta
þau fylgja með uppskrift að dýr-
indis ostaköku með mars sósu.
„Matur er ekki fullkomnaður
nema með eftirrétti. Hér kemur
einn sem ég mun líklega aldrei
fá nóg af – veit reyndar ekki með
gestina mína. En hver fær nóg af
osta- og súkkulaðikökum?“, seg-
ir sælkerarnir.
Saltfiskur með sól-
þurrkuðum tómötum
Saltfiskur (u.þ.b. 2 pakkning-
ar)
Úrvatnaður aðeins betur. Sjá
leiðbeiningar neðar.
400 g afhýddar kartöflur
2-3 msk ólífuolía
salt, pipar og rósmarín (ég nota
samt ekki mikið rósmarín)
1 dós niðursoðnir, saxaðir
tómatar
½ dós sólþurrkaðir tómatar
(1/2 dl olía úr dósinni)
2-3 tsk tómatþykkni (tomato
paste)
1 stk. meðalstór laukur
3-4 stk hvítlauksgeirar
3-4 msk rauðvínsedik
1-2 msk púðursykur
Rifinn ostur
Kartöflur skornar í sneiðar eða
ræmur og settar í eldfast mót,
olía sett yfir og kryddað með
salti, pipar og rósmaríni. Ofninn
forhitaður og bakað við 180° C í
18-20 mínútur.
Tómatar, tómataþykkni og
sólþurrkaðir tómatar ásamt hluta
af olíunni, söxuðum lauk, press-
uðum hvítlauk, ediki og púður-
sykri sett út í pott og látið sjóða
smá stund. Smakkað til og saltað
og piprað eftir smekk.
Saltfisksflökin skorin niður í
100 gramma bita og raðað ofan á
kartöflurnar þegar þær eru til-
búnar, sósunni helt fiskinn og
kartöflurnar og síðast er osti stráð
yfir. Bakað í 11-13 mínútur til
viðbótar. Borið fram með góðu
brauði og fersku salati.
Til að steikja eða baka í ofni er
gott að útvatna flökin aðeins
betur í ísköldu vatni í 2-4 klst.
fyrir eldun (2 ltr. vatn/1 kg.
fiskur).
Mars ostakakan
½ l rjómi
300 g rjómaostur
200 g flórsykur
Haust hafrakex
Sex mars súkkulaðistykki
Rjómaosturinn og flórsykur-
inn þeyttir saman. Rjóminn
þeyttur fyrir utan einn dl sem
tekinn er frá. Til að koma í veg
fyrir misskilning þá er þetta gert
í sitthvorri skálinni! Rjómaostar-
og flórsykursblöndunni er svo
blandað varlega saman við þeytta
rjómann og 4 mars stykki eru
skorin niður og sett út í.
Hafrakex er svo mulið í botn á
formi, og blandan sett ofan á
kexið. Þetta er svo fryst.
Þegar u.þ.b. einn tími er í að
rétturinn er borinn fram er hann
tekinn úr frystinum. Þá er rjóm-
inn sem tekinn var frá, settur í
pott ásamt tveimur marsstykkj-
um og hitað saman.
Þegar kakan er orðin aðeins
lausari í sér er mars sósunni hellt
yfir og sakar ekki að skreyta með
nóg af jarðarberjum!
Við skorum á Dagný Her-
mannsdóttur á Ísafirði að koma
með uppskrift í næsta blað.
Fundu tónlistarverk frá Þingeyri
Söngleikur var frumsýndur á
Þingeyri á laugardag. Verkið
heitir Dragedukken og undirtit-
illinn er sögulegt leikverk um
Þingeyri í denn. Elfar Logi Hann-
esson leikstjóri verksins segir
verkið eiga sér merkilega sögu.
„Það fjallar um lífið á Þingeyri í
lok 18. aldar og upphafi þeirra
nítjándu. Á þessum tíma var
Þingeyri viðkomustaður skipa og
aðeins eitt íbúðarhús var á staðn-
um, sem var faktorshús. Svo það
var mjög fámennt á Þingeyri á
þessum tíma. Faktorinn sem
þarna bjó hét Andreas Michelsen
Steinbach en hann vann fyrst fyrir
norska kaupmanninn Henrik
Henkel en festi síðan kaup á Þing-
eyrarverslun.
Veturnir voru langir og dimmir
en Andreas fann sér ýmislegt til
dundurs, m.a. að semja tónlist.
Hann spilaði á fiðlu og samdi
m.a. nýja tónlist við norska söng-
leikinn Dragedukken. Söngleik-
urinn var frumsýndur í Noregi
nokkrum árum áður en Andreas
flutti til Þingeyrar og semur nýja
tónlist við 1812. Mörgum árum
síðar, á síðustu öld, finna afkom-
endur hans nóturnar á Lands-
bókasafninu og þar með sprettur
hugmyndin að þessu verkefni.
Það þótti mjög merkilegt að finna
tónlist sem samin var og flutt á
Þingeyri þegar þar bjuggu innan
við tólf manns. Það var því
draumur þeirra að tónlistin yrði
einhvern tímann flutt aftur á
Þingeyri. Þannig er þetta verkefni
tilkomið en það hefur verið mjög
lengi í bígerð en nú með tilstuðlan
styrks frá Menningarráði Vest-
fjarða erum við loks að koma því
á koppinn.
Íþróttafélagið Höfrungur stend-
ur að verkefninu og nú er komið
að stóra deginum. Við erum búin
að vera æfa baki brotni. Mjög
stór hópur hefur komið að þessu
verkefni en við eru með þrettán
leikara og átta manna hljómsveit.
Þetta er mjög skemmtilegur hóp-
ur og allir eru búsettir á Þingeyri
fyrir utan einn leikara sem við
fengum að láni frá Ísafirði.“
Steinbachbræður
vinsælir á Vestfjörðum
Henrik Henkel kaupmaður frá
Noregi festi kaup á Þingeyrar-
verslun árið 1788. Á kaupmanns-
árum Henriks Henkel voru bræð-
urnir Daniel Michelsen Stein-
bach og Andreas Michelsen
Steinbach löngum helstu fulltrúar
hans hérlendis og stýrðu dagleg-
um rekstri á Þingeyri og Flateyri.
Bræður þessir voru frá Kóngs-
bergi í Noregi en kynnu að hafa
verið þýskir að ætterni. Daniel
var sannarlega kominn til Þing-
eyrar í apríl 1789 og var þá um
tvítugt en Andreas, sem var yngri,
mun hafa komið síðar. Hann var
þó orðinn útibússtjóri á Flateyri í
janúar 1797 og þá sagður 21 árs
gamall. Daniel, sem kvæntist
systur Henkels haustið 1793, var
útibússtjóri á Flateyri frá 1792–
1796 en gerðist verslunarstjóri á
Þingeyri er Andreas, bróðir hans
tók við útibúinu. Sú skipan hélst
þó í skamma hríð því 1798 eða
því sem næst skiptu þeir bræður
um hlutverk og þaðan í frá stýrði
Daniel rekstrinum á Flateyri en
Andreas sat við stjórn á Þingeyri.
Sagnir herma að þeir Stein-
bachbræður hafi verið prúð-
menni og notið mikilla vinsælda
hjá Dýrfirðingum og Önfirðing-
um. Daníel andaðist árið 1823
og ári síðar andaðist Andreas,
munu margir hafa tregað er hann
andaðist tæplega fimmtugur að
aldri vorið 1824 og í bréfi rituðu
síðar á því ári segir Ebenezer Þor-
steinsson sýslumaður hann hafa
verið ,,einn þann besta mann“ í
allri Ísafjarðarsýslu. Niels M.
Steinbach, sonur Andreas, tók
við versluninni eftir föður sinn
og stýrði henni til 1830.
Elfar Logi Hannesson.
Frá sýningunni.