Bæjarins besta - 30.12.2009, Qupperneq 6

6 MIÐVIKUDAGUR 30. DESEMBER 2009
Útgefandi: H-prent ehf., kt. 600690-1169, Sólgötu 9, 400 Ísafjörður, sími 456 4560, fax 456 4564. Ritstjóri: Sigurjón J. Sigurðsson, sími
892 5362, bb@bb.is. Blaðamenn: Thelma Hjaltadóttir, símar 456 4693 og 849 8699, thelma@bb.is, Friðrika Benónýsdóttir, símar
456 4560 og 697 8618, fridrika@bb.is. Ritstjóri netútgáfu bb.is: Sigurjón J. Sigurðsson. Ljósmyndari: Halldór Sveinbjörnsson, sími 894
6125, halldor@bb.is. Ábyrgðarmenn: Sigurjón J. Sigurðsson og Halldór Sveinbjörnsson Lausasöluverð er kr. 400 eintakið með vsk. Veittur er
afsláttur til elli- og örorkulífeyrisþega. Einnig sé greitt með greiðslukorti. Önnur útgáfa: Ferðablaðið Á ferð um Vestfirði. ISSN 1670 - 021X
Ritstjórnargrein
„Nú genginn er sérhver þess gleði og þraut“
Árið sem nú kveður verður Íslendingum minnisstætt fyrir margra
hluta sakir. Ef til vill ekki hvað síst fyrir sundurlyndisfjandann sem
herjaði á þjóðina eins og hver önnur plága og fáum eirði. Sóttkveikjan:
bankahrun, fjárhagsleg kollsteypa samfélags meðal efnuðustu þjóða
heims; ríkidæmi sem glataðist í pókerspili þar sem æra íslensku
þjóðarinnar var lögð að veði.
Svartnættinu sem hrun spilaborgarinnar olli verður vart með orð-
um lýst. Sama til hvers horft er. Og svo brugðust krosstré sem önnur
tré. Alþingi, sem afdráttarlaust átti að vera sameiningartákn þjóðar-
innar á örlagastundu, varðaði í þess stað veginn með rifrildi í stað
rökræðna, sem vænta mátti að leitt hefðu til samstöðu um úrlausn
mála. Fjölmiðlar slóu taktinn daginn út og inn. Bölmóðurinn allsráð-
andi. Smáaletrið dugði góðum fréttum.
Vantraustið jókst með hverri vikunni sem leið. Daglega nýjar
fréttir af misferli, svikum og prettum. Ætlar þetta aldrei að taka
enda? Jafnvel nú, þegar komið er undir lok árs, berast fréttir um
meint gjaldeyrissvik sem Seðlabankinn sé með til athugunar og
sögð eru jafngilda um 93% af útflutningi þorsks fyrstu níu mánuði
ársins! Ætlar okkur aldrei að láta segjast?
Hverra kosta eigum við þegar nýju ári er fagnað? Almenningur er
tortrygginn, spyr um ábyrgð og krefst réttlætis. Heiðarleiki var krafa
þjóðfundarins. Eitt skal yfir alla ganga, menn standi ábyrgðir gjörða
sinna, ekki bara búðarhnuplarinn. Réttmæt krafa. Hafi einhverjir
brotið gegn lögum í aðdraganda bankahrunsins verðum við að
treysta að fólkið sem vinnur að rannsókn mála og dómstólar, komi
til þeirra kasta, rísi undir ábyrgð. Með lögum skal land byggja. Þótt
sárindin risti djúpt og biðin eftir niðurstöðu kunni að þykja löng
eigum við ekki annarra kosta völ en að treysta að réttlætið sigri að
lokum. Á meðan verðum við að halda áttum. Okkar bíður það mikil-
væga verk að byggja nýja Ísland, að tryggja að sagan endurtaki sig
ekki.
,,Hvað boðar nýárs blessuð sól?“ spurði klerkurinn og þjóðskáldið
frá Skógum í Þorskafirði. Bjargföst trú hans var að í hendi Hans sem
yfir öllu vakir væri ,,allt vort stríð, - hið minnsta happ, hið mesta fár,
- hið mikla djúp, hið litla tár. “ Látum ekki vandamál líðandi árs
byrgja okkur sólarsýn á nýju ári.
Bæjarins besta óskar landsmönnum öllum friðar og farsældar á
komandi ári og þakkar lesendum og velunnurum nær og fjær og við-
skiptavinum samfylgdina í aldarfjórðung.
s.h.
Góð afkoma hjá Bolungarvík
þrátt fyrir lækkun útsvars
Bæjarstjórn Bolungarvíkur
vísaði fjárhagsáætlun ársins 2010
til síðari umræðu á fundi sínum
fyrir jól. Áætlunin gerir ráð fyrir
að heildartekjur A- hluta verði
542 milljónir króna en heildar-
tekjur A- og B-hluta verði 643
milljónir auk 73 milljóna króna
óvenjulegra tekna. Gert er ráð
fyrir að A-hluti bæjarsjóðs skili
52 milljóna hagnaði, en þar af
eru 14 milljónir vegna sérstaks
álags á útsvar. Ennfremur er gert
ráð fyrir að rekstur samstæðunnar
A- og B-hluta skili 108 milljóna
króna hagnaði, en hagnaður í fé-
lagslega íbúðakerfinu, sem er B-
hluta fyrirtæki skýrist að mestu
af niðurfellingu lána hjá Íbúða-
lánasjóði að fjárhæð 73 milljónir
króna. Því er reiknað með að
sveitarfélagið verði orðið sjálf-
bært á árinu 2010 eins og fyrri
áætlanir og samningur við Eftir-
litsnefnd með fjármálum sveitar-
félaga gerðu ráð fyrir. Ekkert álag
verður því á útsvar frá og með
árinu 2011.
Fjárhagsáætlunin gerir ráð fyr-
ir mun minni skatttekjum en
stefnir í árið 2009 og er munurinn
ríflega 50 milljónir til lækkunar.
Þá er gert ráð fyrir minni tekjum
úr Jöfnunarsjóði sveitarfélaga
sem nema 12 milljónum króna.
Veltufé frá rekstri er áætlað 126
milljónir eða 20% af heildartekj-
um. Gert er ráð fyrir niðurgreið-
slu skammtíma- og langtímalána
að upphæð 221 milljónir króna
og fjárfestingu sem nema 66
milljónum en tekin verði ný lán
upp á 80 milljónir. Heildarskuldir
samstæðunnar að frádregnum
veltufjármunum og langtíma-
kröfum eru áætlaðar 760 millj-
ónir í árslok 2010 og lækka um
73 milljónir á árinu þrátt fyrir 66
milljóna króna fjárfestingu.
Þannig hækkar eigið fé um 108
milljónir.
Með þeim hagræðingarað-
gerðum sem ráðist var í á árinu
2009 hefur tekist að varðveita
grunnþjónustu sveitarfélagsins.
Áfram verður unnið að hagræð-
ingu og má þar nefna sérstaklega
þær aðgerðir sem eru til skoðunar
varðandi sorpmál og slökkvi-
liðið.
„Þótt reynst hafi nauðsynlegt
að hægja á í útgjaldafrekustu
framkvæmdinni á vegum sveitar-
félagsins, þá verður henni haldið
áfram á næsta ári þótt ekki sé
fyrir séð að hún klárist á árinu.
Sveitarfélagið á því að vera vel í
stakk búið til að standa við skuld-
bindingar sínar og veita íbúunum
áfram góða þjónustu,“ segir í
stefnuræðu bæjarstjóra.
Bolungarvík.
Netspurningin er birt viku-
lega á bb.is og þar geta
lesendur látið skoðun sína
í ljós. Niðurstöðurnar eru
síðan birtar hér.
Eyðir þú minni
fjármunum í flug-
eldakaup í ár?
Alls svöruðu 484.
Já sögðu 339 eða 70%
Nei sögðu 145 eða 30%
Fyrsta tölu-
blað á nýju
ári kemur út
fimmtudaginn
7. janúar.
Gleðilegt ár
með þökk fyrir
samskiptin á
árinu sem er
að líða!
Spurningin