Bæjarins besta - 09.06.2011, Blaðsíða 14

14 FIMMTUDAGUR 9. JÚNÍ 2011
Við skólaslit Grunnskólans á
Ísafirði í Ísafjarðarkirkju var
blásið til sérstakrar dagskrár. Sáu
þær Málfríður Arna Helgadóttir
og Melkorka Ýr Magnúsdóttir
úr 9. bekk um kynningu atriða.
Það var glæsilegur hópur 10.
bekkinga sem kvaddi skólann
með tónlistaratriðum og þakkaði
kennurum sínum og starfsmönn-
um skólans samfylgdina.
Regína Sif Rúnarsdóttir flutti
ávarp fyrir hönd nemenda 10.
bekkjar. Skólastjórnendur ávörp-
uðu nemendur og veittu viður-
kenningar fyrir hæstu meðaleink-
unn í 8. og 9. bekk. Í 8. bekk varð
Svanhildur Sævarsdóttir hæst og
í 9. bekk Kristín Harpa Jónsdóttir.
Þá veitti Rótarýklúbburinn sér-
stök verðlaun fyrir ástundun og
framfarir í 8., 9. og 10. bekk.
Aðalsteinn Ólafsson hlaut þau
verðlaun í 8. bekk, Þormóður
Eiríksson í 9. bekk og Tómas
Jóhannsson í 10. bekk.
Í 10. bekk var það Rannveig
Hjaltadóttir sem hlaut verðlaun
fyrir hæstu meðaleinkunn, auk
þess sem hún fékk viðurkenningu
fyrir góðan námsárangur í ís-
lensku, stærðfræði og dönsku,
en dönskuverðlaunin eru veitt af
danska menntamálaráðuneytinu.
Þá hlaut Rannveig einnig viður-
kenningu í íþróttum ásamt Patr-
eki Þór Agnarssyni, en þau verð-
laun voru gefin af Stúdíó Dan.
Vigdís Pála Halldórsdóttir
hlaut viðurkenningu í samfélags-
fræði, Hildur Hálfdánardóttir í
náttúrufræði og Salóme Katrín
Magnúsdóttir í ensku. Freyja
Rein Grétarsdóttir hlaut bók að
gjöf frá sænska ríkinu, en það
styrkir sænskukennslu í íslensk-
um skólum með bókagjöf.
Kvenfélagið Hlíf gaf viður-
kenningar fyrir verk og listgrein-
ar. Viðurkenningu fyrir skapandi
vinnubrögð í listavali hlaut Eva
Lind Smáradóttir, viðurkenningu
fyrir skapandi vinnubrögð í tex-
tílmennt hlaut Salóme Katrín
Magnúsdóttir, viðurkenningu
fyrir framfarir, snyrtimennsku og
vinnubrögð í heimilisfræði hlaut
Skúli Pálsson, viðurkenningu
fyrir framfarir og vinnubrögð í
tæknimennt hlaut Alex Elfarsson
og viðurkenningu fyrir framfarir
og skapandi vinnubrögð í mynd-
mennt hlaut Líf Indíana Sveins-
dóttir.
Til fjölda ára hefur Ísfirðinga-
félagið í Reykjavík gefið pen-
ingagjöf til minningar um Hanni-
bal Valdimarsson. Þessi viður-
kenning er veitt nemendum í 10.
bekk fyrir virka þátttöku í félags-
starfi. Í ár hlutu þrír nemendur
viðurkenningu Ísfirðingafélags-
ins, þau Fanney Dóra Veigars-
dóttir, Martha Þorsteinsdóttir og
Þórir Karlsson. – thelma@bb.is
Fjöldi viðurkenninga veittur við skólaslit GÍ
2,5 milljónir til
nýbúafræðslu
Heildarúthlutun framlags
vegna nýbúafræðslu á fjár-
hagsárinu 2011 til Ísafjarðar-
bæjar nemur 2.530.000 krón-
um. Var það tilkynnt bæjar-
yfirvöldum í bréfi frá Jöfn-
unarsjóði sveitarfélaga, þar
sem fram kemur að sjóðurinn
hafi tekið nemendaskrá til
endurskoðunar á grundvelli
upplýsinga frá kennsluráð-
gjafa í nýbúafræðslu.
Með tilvísun til þessa er
sveitarfélaginu veitt framlag
vegna 23 nýbúa. Framlagið
greiðist með jöfnum mánað-
arlegum greiðslum. Tilkynn-
ing Jöfnunarsjóðs um þetta
var lögð fram til kynningar í
bæjarráði Ísafjarðarbæjar og
send fræðslunefnd til upplýs-
ingar.
Óska eftir
rökstuðningi
Sigurlína Jónasdóttir og
Kristín Ósk Jónasdóttir hafa
óskað eftir rökstuðningi
vegna ráðningar sviðsstjóra
Skóla- og tómstundasviðs
Ísafjarðarbæjar en þær voru
báðar meðal umsækjenda.
Minnisblöð með beiðni þeirra
voru lögð fram á bæjarráðs-
fundi í síðustu viku og var
bæjarstjóra falið að svara er-
indinu
Daníel Jakobsson bæjar-
stjóri Ísafjarðarbæjar kvaðst
hafa búist við að óskað yrði
eftir rökstuðningi og yrði
hann gefinn mjög bráðlega.
Jón Reynir Sigurvinsson, skóla-
meistari Menntaskólans á Ísa-
firði, segir það hafa verið mikið
fagnaðarefni þegar Kennarasam-
band Íslands og samninganefnd
ríkisins skrifuðu undir kjara-
samning til þriggja ára. „Það er
ekkert sem truflar meira skóla-
starf og kemur í veg fyrir um-
bætur en karp um kjör kennara
og verkfallsaðgerðir,“ sagði Jón
Reynir í ræðu sinni við skólaslit
MÍ. Þar sagði hann einnig að
Menntaskólinn á Ísafirði hafi að
mörgu leyti gegnt lykilstöðu í
atvinnu- og menningarlífi Ísa-
fjarðar og nágrennis. „Fjölbreytt
námsframboð og atvinnulíf eru
þeir þættir sem þurfa að haldast í
hendur ásamt góðum samgöng-
um milli þéttbýliskjarna, sem
fyrst og fremst koma í veg fyrir
að fólk hrekist úr dreifðum
byggðum landsins.“
Út eru komnar niðurstöður
rannsókna á líðan og starfsum-
hverfi framhaldsskólakennara,
sem voru unnar af Guðrúnu
Ragnarsdóttur lýðheilsufræð-
ingi, framhaldsskólakennara og
kennslustjóra í Borgarholtsskóla,
í samstarfi við Félag framhalds-
skólakennara. Jón Reynir skóla-
meistari nefndi, að í úttekt sem
gerð var sérstaklega fyrir Mennta-
skólann á Ísafirði voru dregin
saman jákvæð atriði sem eru ein-
kennandi í samanburði við um
900 kennara í 30 framhaldsskól-
um landsins sem þátt tóku í þess-
ari könnun. Þar segir m.a. að
kennurum við MÍ takist að halda
góðum vinnuaga í kennslustund-
um, þeir telja sig hafa meira svig-
rúm til að sinna fjölbreyttum
kennsluháttum, upplifa frekar
gagnkvæma virðingu á milli
nemenda og kennara og eru já-
kvæðari en almennt gerist.
Í skýrslu Félagsvísindastofn-
unar Háskóla Íslands, sem út kom
í desember, er greint frá niður-
stöðum spurningakönnunar um
starfshætti framhaldsskóla og
viðhorf starfsfólks, sem er hluti
af rannsóknarverkefninu Skil-
virkni framhaldsskóla. Í níu af
nítján markmiðum um skóla-
starfið telja kennarar MÍ að þeim
takist betur að meðaltali að ná
fram markmiðum sínum, eins og
t.d. að: Undirbúa nemendur fyrir
háskólanám í sérstökum greinum
og undir ákveðið starf. Stuðla að
menntun sem er sniðin að þörfum
atvinnulífsins. Stuðla að alhliða
þroska og góðri sjálfsmynd og
tryggja vellíðan nemenda í
skólanum. Einnig telja kennarar
MÍ sig stuðla að aukinni tillitsemi
og félagshæfni nemenda.
Þá segir Jón Reynir Sigurvins-
son skólameistari, að í svörum
kennara í starfsmannasamtölum
hjá hafi komið fram hjá þeim
öllum, að styrkleiki skólans sé
fyrst og fremst fámennið og hin
mikla nánd kennara við nem-
endur og samfélagið hér vestra.
Veikleikinn er einnig fámennið
og sú íbúaþróun sem verið hefur
marga undanfarna áratugi í fjórð-
ungnum.
– thelma@bb.is
Fámennið bæði styrkleiki
og veikleiki Menntaskólans
Jón Reynir Sigurvinsson skólameistari við skólaslit Menntaskólans á dögunum.