Bæjarins besta - 10.01.2013, Blaðsíða 4

4 FIMMTUDAGUR 10. JANÚAR 2013
Eftirtaldir einstaklingar / aðilar fengu atkvæði í valinu á Vestfirðingi ársins 2012: Þorbjörn Steingrímsson, Anna Jakobína Hinriksdóttir, Gísli á Uppsölum, Björgunar-
sveitirnar á Vestfjörðum, Stefán Dan Óskarsson, Hörður Guðmundsson, Elías Jónatansson, Halldór Eraclides, Steinunn Jónsdóttir, Lilja Jónsdóttir, Guðni Albert
Einarsson, Snorri Már Snorrason, Davíð Rúnar Gunnarsson, Arna Sigríður Albertsdóttir, Jón Guðbjartsson, Sigríður Hafliðadóttir, Guðmundur M. Kristjánsson, Eggert
Einer Nielson, Þorsteinn Haukur Þorsteinsson, Þórður Sævar Jónsson, Lára Thorarensen, Þórunn Arna Kristjánsdóttir, Fanney Inga Halldórsdóttir, Ritstjóri BB og sam-
starfsfólk, Eiríkur Örn Norðdahl, Reimar Vilmundarson, Eyþór Jóvinsson, Elfar Logi Hannesson, Hallgrímur Sveinsson, Matthías Vilhjálmsson, Magnús Hauksson, Hall-
dór Gunnar Pálsson, Sigurður Ólafsson, Baldur Vilhelmsson, Tryggvi Sigtryggsson, Ingvi Ólafur Ingvason, Kristbjörn Sigurjónsson, Sigríður Inga Sigurjónsdóttir, Herdís
Anna Jónasdóttir, Bræðurnir í Edinborg, Finnbogi Örn Rúnarsson, Guðrún Sigríður Valgeirsdóttir, Agnes M. Sigurðardóttir, Matthías Garðarsson, Gunnlaugur Jónasson,
Ingvar Jakobsson, Guðmundur Trygvi Ásbergsson, Stjórn Mýrarboltafélags Íslands, Jóna Valgerður Kristjánsdóttir, Úlfar Lúðvíksson og fólkið í Vesturbyggð.
Agnes M. Sigurðardóttir:
„Frábær fyrirmynd fyrir allar konur – Frábær leiðtogi fyrir
okkur sem tilheyrum Þjóðkirkjunni – Fyrst íslenskra kvenna
til að vera biskup – Glæsilegur fulltrúi Vestfirðinga – Hefur
staðið sig vel sem prestur og prófastur á Vestfjörðum –
Heldur Vestfjörðum á lofti – Glæsilegur fulltrúi vestfirskra
kvenna – Braut blað í íslenskri kirkjuhefð – Skákaði
karlaveldinu innan kirkjunnar – Frábær prestur sem þjónaði
Bolvíkingum í 18 ár – Frábær kona sem er gull af manni.“
Finnbogi Örn Rúnarsson:
„Hefur djúp áhrif á alla sem hann hitta –
Vitrustu spekingar geta lært margt af Finn-
boga – Stendur sig eins og hetja í veikindum
sínum – Gleðigjafi þrátt fyrir erfið veikindi –
Einstaklingur með einstakan húmor sem fær
mann alltaf til að brosa – Búinn að upplifa
margt þrátt fyrir ungan aldur – Hefur sýnt smitandi gleði og
æðruleysi þrátt fyrir erfið veikindi og mótlæti frá fæðingu –
Algjör hetja – Sannkallaður gullmoli.“
Vestfirðingur ársins 2012 sam-
kvæmt vali lesenda fréttavefjar-
ins bb.is er Agnes M. Sigurðar-
dóttir, biskup Íslands. Agnes,
sem er fædd á Ísafirði, var um
árabil sóknarprestur í Bolungar-
vík eða allt þar til hún tók við
embætti biskups Íslands á síðasta
ári, fyrst íslenskra kvenna. Agnes
fékk 30% greiddra atkvæða en
vel á fjórða hundrað atkvæði bár-
ust. Í öðru sæti með 10% greiddra
atkvæða varð Finnbogi Örn
Rúnarsson, 11 ára drengur sem
búsettur er í Bolungarvík. Finn-
bogi Örn fæddist með Downs
heilkenni og hjartagalla. Þegar
hann var þriggja mánaða gamall
gekkst hann undir hjartaaðgerð í
London og í apríl á síðasta ári
gekkst hann undir stóra hjartaað-
gerð í Lundi í Svíþjóð þar sem
hjartaloka var lagfærð og var
framtíðin björt. Stóra áfallið kom
síðan 1. desember síðastliðinn
þegar Finnbogi Örn fékk heila-
blóðfall með þeim afleiðingum
að hægri hlið líkamans lamaðist
auk þess sem hann missti málið.
Finnbogi Örn liggur nú á Barna-
spítala Hringsins. Hann hefur náð
ótrúlegum styrk og fengið málið
aftur.
Í þriðja sæti var Sigurður Ól-
afsson á Ísafirði, oftast kallaður
Bíi með 8% greiddra atkvæða.
Sigurður hefur í fjölda ára unnið
mikið sjálfboðastarf fyrir Krabba-
meinsfélagið Sigurvon og hefur
verið formaður félagsins um ára-
bil. Í fjórða sæti var Eyþór Jó-
vinsson, kaupmaður í Vestfirzku
verzluninni á Ísafirði með 5%
greiddra atkvæða og í fimmta
sæti voru björgunarsveitirnar á
Vestfjörðum með 4% greiddra
atkvæða.
Áður hafa fengið nafnbótina
Vestfirðingur ársins þau Örn
Elías Guðmundsson, Mugison
(2011), Benedikt Sigurðsson
(2010), Halldór Gunnar Pálsson
(2009), Egill Kristjánsson (2008),
Arna Sigríður Albertsdóttir
(2007), Sunneva Sigurðardóttir
(2006), Sigríður Guðjónsdóttir
(2005), Örn Elías Guðmundsson,
Mugison (2004), Magnús Guð-
mundsson (2003), Hlynur Snorra-
son (2002) og Guðmundur Hall-
dórsson (2001).
Aðstandendur valsins á Vest-
firðingi ársins 2012, Gullauga
ehf., á Ísafirði, Advania hf., í
Reykjavík og fréttavefurinn bb.is
óska öllum þeim sem fengu til-
nefningu til hamingju og þakka
lesendum þátttökuna og óska
þeim velfarnaðar á nýbyrjuðu ári.
Í tilefni útnefningarinnar var
Agnesi fært viðurkenningarskjal
til staðfestingar á valinu, farand-
grip og eignargrip sem smíðaður
er af Dýrfinnu Torfadóttur gull-
smið. Afhendingin fór fram í
Reykjavík á laugardag og kom
það í hlut Sunnu Dís Másdóttur
blaðamanns að afhenda Vestfirð-
ingi ársins viðurkenningarnar.
Sjá viðtal við Vestfirðing ársins
á bls. 8. –bb@bb.is
Agnes er Vestfirðingur ársins 2012
Vestfirðingur ársins 2012, Agnes M. Sigurðardóttir, biskup Íslands ásamt Sunnu Dís Másdóttur blaðamanni sem afhenti Agnesi viðurkenningarnar.
Ljósm: Spessi.