Bæjarins besta - 10.01.2013, Blaðsíða 14

14 FIMMTUDAGUR 10. JANÚAR 2013
Nýtt ár og nýjar vonir
Stakkur hefur ritað viku-
lega pistla í Bæjarins
besta í mörg ár. Skoð-
anir hans á mönnum
og málefnum hafa oft
verið umdeildar og vak-
ið umræður. Þær þurfa
alls ekki að fara saman
við skoðanir útgefenda
blaðsins. Þrátt fyrir það
bera ábyrgðarmenn
blaðsins ábyrgð á skrif-
um Stakks á meðan
hann notar dulnefni sitt.
Stakkur skrifar
Árið 2013 er gengið í garð og þá er spurt hvað færir það okkur?
Svarið við þessari spurningu reynist engan veginn auðvelt. Álíka
hefur verið spurt um hver áramót og undir liggur spenna og for-
vitni. Það skýrir vinsældir alls kyns spádóma um komandi ár um
hver áramót. Völvur bjarga engu, hvorki þjóðinni né einstökum
mönnum, konum eða körlum. En nánar að því síðar. Árið 2012
kvaddi okkur Vestfirðinga með óveðri, snjóflóðahættu, rafmangs-
leysi og skorti á samgöngum. Sé litið aftur um 18 ár til snjóflóðaárs-
ins skelfilega 1995 þegar Súðavík og Flateyri færðu mannfórnir,
töpuðu alls 34 lífum, verður það sem gekk yfir síðustu daga liðins
árs léttvægt í samanburði. Viðvaranir eru kerfisbundar líkt og þá
var, en mun ítarlegari og spár nákvæmari. Fyrst og fremst hjálpar
til að almenningur er meðvitaður um það hve brýnt er að fara eftir
þeim. Því má heldur ekki gleyma að milljörðum króna hefur verið
verið til að byggja mannvirki og flytja byggð, bæði í Súðavík,
Hnífsdal og Bolungarvík. Allt hjálpar það til að koma í veg fyrir
manntjón. Engu að síður er erfitt að takast á við náttúruhamfarir og
slíkt tekur á íbúa.
Sé litið yfir farin veg ber hæst mikla baráttu við að halda íbúa-
fjölda stöðugum. Meðan hún stendur eru vonir um að íbúum fjölgi
fremur daufar. Mannlíf hefur verið í heildina tekið gott á Vestfjörð-
um og væri vafalaust betra kæmu ekki til afskipti stjórnmálamanna
af því hvernig atvinna er rekin og álögur á hana í formi nýrra skatta.
Auðlindagjaldið á eftir að reynast dýrt Vestfirðingum bæði fjárhags-
lega og einnig mannlega þegar íbúum fækkar enn frekar. Engum
blandast um það hugur að skattheimta er gríðarlega stór þáttur í
ríkisrekstri, en um of hefur verið einblínt á hana sem lausn. Á meðan
hafa tækifæri til þess að nýta aðrar og orkuskapandi auðlindir legið
í láginni. Virkjun í Ófeigsfirði væri stórt framfaraskref fyrir Vestfirð-
inga og landsmenn alla. En síðustu fjögur ár hefur það verið ,,trúar-
atriði“ ríkisstjórnar og meirihluta Alþingis að banna virkjanafram-
kvæmdir. Smám saman töpum við Íslendingar starfhæfu fólki úr
framkvæmdageiranum til útlanda líkt og Vestfirðingar tapa því til
annarra landshluta eða útlanda.
Það kann að vera skemmtiefni að fá hina og þessa ,,sjáendur“ til
þess að útbúa fyrirsögn um það sem gerast kann á nýbyrjuðu ári.
Reyndar getur slíkt verið saklaus skemmtun. Það sem Vestfirðingar
þarfnast eru forystumenn sem bera hag íbúanna fyrir brjósti og láta
ekki undan því sem þykir hæfa við allt aðrar aðstæður og fólki sem
þekkir Ísland út um glugga kaffihúsa á Íslandi og erlendis. Við þurf-
um samstöðu og umræðu um það sem skiptir máli, annað getur beð-
ið. Þá er von.
Auglýsingasími Bæjarins besta og bb.is er 456 4560
„Það sem mér er efst í huga er
hversu virkan þátt starfsfólk
sveitarfélagsins hefur tekið í að
bæta reksturinn án þess að það
bitni á þjónustunni. Forstöðu-
menn hafa lagt sig fram um að
fylgja fjárhagsáætlun og starfs-
menn sveitarfélagsins eru al-
mennt mjög meðvitaðir um rekst-
urinn,“ segir Elías Jónatansson
bæjarstjóri í Bolungarvík, að-
spurður um hvað hafi staðið upp
úr á árinu 2012. Elías telur einnig
að ágætlega hafi tekist að leysa
ýmis verkefni sem skotið hafa
upp kollinum á árinu.
„Þar má nefna sem dæmi dag-
vistun yngstu barnanna. Þar hafði
sveitarfélagið forystu um að út-
búa húsnæði fyrir dagmæður sem
vinna saman að daggæslu. Annað
verkefni sem rétt er að nefna er
endurnýjun á leikskólalóðinni
við Glaðheima, en þar voru öll
leiktæki endurnýjuð ásamt fall-
vörnum,“ segir Elías, sem tekur
þó fram að undirskriftin við vel-
ferðarráðuneytið um endurnýjun
hjúkrunarrýma í Bolungarvík sé
eftirminnilegust.
Rekstur Bolungarvíkurkaup-
staðar gekk vel á síðasta rekstrar-
ári og var að sögn Elíasar í sam-
ræmi við áætlanir. „Gert er ráð
fyrir að rekstur sveitarfélagsins
verði hallalaus á árinu og að hlut-
fall heildarskulda verði komið
niður fyrir 150% af rekstrartekj-
um ársins og þar með myndi
sveitarfélagið uppfylla viðmið
laga um fjárhagslega sjálfbærni,“
segir Elías.
Elías segir það markmið sveit-
arfélagsins að skila ásættanlegum
hagnaði eða rekstrarafgangi eins
og nauðsynlegt sé, til að Bolung-
arvíkurkaupstaður geti staðið við
skuldbindingar sínar. „ Áhersla
er lögð á að snyrta ásýnd bæjarins
m.a. með lagningu göngustíga
um hafnarsvæðið og endurnýjun
á gangstéttum. Þá mun áfram
verða lögð áhersla á að veita íbú-
um sveitarfélagsins góða þjón-
ustu á sem flestum sviðum. Ekki
má heldur gleyma því að Bolung-
næsta árs í sveitarfélaginu felst í
byggingu hjúkrunarheimilisins
samkvæmt samningi við velferð-
arráðuneytið. „Þá er reiknað með
að bæta við vaðlaug eða fjölskyldu-
potti í sundlaugargarðinum og
ljúka við tengibyggingu á milli
grunnskólans og sundlaugar-
innar. Talsverðu fé verður varið í
að snyrta umhverfið m.a. með
endurnýjun gangstétta og fegr-
unar opinna svæða.“
Aðspurður um aðrar fram-
kvæmdir í bænum nefnir Elías
að hjá Bolungarvíkurhöfn verður
sett niður ný flotbryggja, sem
búið er að steypa og byggt verður
geymsluport fyrir höfnina. „Þá
verður áfram unnið að því að
snyrta umhverfi hafnarinnar m.a.
með lagningu göngustíga fyrir
gesti og gangandi.“ Þrátt fyrir
bættan fjárhag og góðan rekstur
sveitarfélagsins er Elías uggandi
yfir ástandinu í sjávarútveginum.
„Þau verðmæti sem fara um
höfnina hafa gríðarlega þýðingu
fyrir rekstur bæjarfélagsins en
segja má að rekstur þess standi
og falli með sjávarútvegi. Það
hefur sýnt sig enn og aftur og
ekki síst á undanförnum árum
með síaukinni og stórefldri út-
gerð frá Bolungarvík.“
„Útgerðarmenn og sjómenn
hafa greinilega trú á staðnum sem
hefur sýnt sig í talsverðri endur-
nýjun í bátaflotanum. Með hlið-
sjón af góðri rekstrarafkomu
hafnarinnar var því tekin ákvörð-
un um lækkun aflagjaldsins í
1,5% af aflaverðmæti fyrir næsta
ár. Stærsta áhyggjuefnið varð-
andi rekstur sveitarfélagsins er
þó í raun síaukin skattlagning
hins opinbera á sjávarútveginn.
Þeir fjármunir sem fluttir eru til
ríkisins með skattlagningunni
geta ekki á sama tíma nýst í
áframhaldandi uppbyggingu
greinarinnar á staðnum eins og
menn eru að verða áþreifanlega
varir við þessa daganna,“ segir
Elías Jónatansson, bæjarstjóri í
Bolungarvík.
– gudmundur@bb.is
arvíkurhöfn stefnir alltaf að því
að vera með sem besta aðstöðu
og að veita viðskiptavinum sínum
ávallt úrvalsþjónustu,“ segir
Elías.
Í síðasta mánuði nefndi Elías í
samtali við Bæjarins besta að til
stæði að byggja í bænum á næsta
ári. Lang stærsta framkvæmd
Elías Jónatansson.
Framkvæmdagleði í Bolungarvík