Bæjarins besta - 07.02.2013, Blaðsíða 4

4 FIMMTUDAGUR 7. FEBRÚAR 2013
Auglýsingasími Bæjarins besta og bb.is er 456 4560
Á þessari mynd má sjá húsið ásamt bílageymslunni.
Vill byggja ellefu íbúða fjöl-
býlishús á besta stað í bænum
„Ég er nýbúinn að sækja um lóð-
ina og vona það besta. Ég er bjart-
sýnn,“ segir athafnamaðurinn
Guðmundur Tryggvi Ásbergs-
son, en hann hefur sótt um lóðina
Sindragötu 4b á Ísafirði sem
stendur gegnt húsnæði 3X Tech-
nology, á milli söluturnsins Kríl-
isins og gamla húsnæði Mjólk-
ursamlags Ísfirðinga. Guðmund-
ur hyggst reisa þar nútímalegt
íbúðarhúsnæði sem mun rúma
ellefu íbúðir á fimm hæðum. Orri
Árnason arktekt hjá arkitektastof-
unni Zeppelin hefur skilað fyrstu
teikningum af húsinu. Að sögn
Guðmundar er ekkert víst ennþá,
en fái hann lóðinni úthlutað eru
allar líkur á því að hafnar verði
framkvæmdir innan árs.
Guðmundur segist þó enn vera
að skoða markaðinn, þótt margt
bendi til þess að mikil eftirspurn
sé eftir húsnæði á Ísafirði.
„Vissulega er þetta talsverð
aukning á framboði á húsnæðis-
markaði ef af verður, en það er
ljóst að það þarf að byggja ákveð-
ið stórt ef fara á í framkvæmd af
þessu tagi á annað borð,“ segir
Guðmundur. „Hugmyndin að
húsinu byggir á þeirri staðreynd
að það mun standa á mótum íbúð-
arbyggðar og atvinnusvæðis og
eigi sig sjálft. Húsið er hátt og
stendur við kjarri vaxin hól.“
Hér er eingöngu um fyrstu
skissur Zeppelin arkitekta að
ræða og því ekki hægt að greina
nákvæmlega frá því hvernig hús-
ið verður, en samkvæmt fyrstu
hugmyndum er gert ráð fyrir
fjórum hæðum auk inndreginnar
þakíbúðar. „Sennilega verða
íbúðirnar á bilinu 80-120 fermetr-
ar og þakíbúðin um 200 fermetr-
ar, en þaðan verður útsýni yfir
gervallan Skutulsfjörð,“ segir
Guðmundur sem áréttar þó að
ekki sé víst að af þakíbúðinni
verði.
Húsið er fimm hæða, nokkuð
hátt, en til þess ber að líta að það
verður á mörkum íbúðarbyggðar
og atvinnusvæðis og því ekki
óeðlilegt að húsið marki þau skil
með skýrum hætti. Auk þess er
óhætt að fullyrða að hæð hússins
muni auka möguleika fram-
kvæmdarinnar, þar sem útsýni
verður miklu mun meira en ef
gildandi skipulagi væri fylgt og
íbúðir því auðseljanlegri en ella.
„Í húsinu verður lyfta, en sér-
staklega er gaman að benda á
stórar svalir eða sólstofur, en með
þeim má kannski segja að verið
sé að færa hið sólríka suður í hús
á Ísafirði,“ segir Guðmundur.
Bílageymsla mun standa austan
við húsið og áfast því og verður
þannig frá henni gengið að hún
mun líta út eins og lítil grasi og
kjarri vaxin hæð, eða hóll.
Bílastæðin munu að öllum líkind-
um ekki verða opin eins og al-
mennt tíðkast heldur er fyrirhug-
að að stúka þau af og má því
segja að um innanhúss bílskúra
verði að ræða.
„Ég sé enga ástæðu fyrir því
að það ætti ekki að byggja ný-
byggingar á Ísafirði, og þaðan af
síður á eyrinni. Er þetta ekki einn
eftirsóttasti staður landsins?“
spyr Guðmundur léttur í bragði,
enda bjartsýnn fyrir hönd Ísa-
fjarðar. Þess má einnig geta að
Zeppelin arkitektar tóku á sínum
tíma þátt í samkeppninni um
Grunnskólann á Ísafirði og keypti
Ísafjarðabær tillögu þeirra. Á
meðfylgjandi myndum má sjá
hvernig fyrstu teikningar hús-
næðisins líta út. Áætlað er að
bílakjallarinn snúi til móts við
húsnæði 3X Technology, og verði
þakinn grasi. – gudmundur@bb.is