Fréttatíminn - 29.05.2015, Side 48

48 matur & vín Helgin 29.-31. maí 2015
Réttarhálsi 2 • 110 Reykjavík
Sími: 520 6666 • sala@rv.is • rv.is
Rekstrarvörur
- vinna með þér
Rekstrarvörur
– fyrir þig og þinn vinnustað
Hágæða postulín
- með innblæstri frá náttúrunni
Verið velkomin
í verslun RV og
sjáið úrval af
glæsilegum
hágæða
borðbúnaði
Kryddin frá okkur
eru ómissandi
í eldhúsið hjá ykkur
Krydd fyrir framandi matargerð
Arabískar nætur
Ljúfeng líbönsk blanda
til að kryddleggja, kjöt,
fisk, fugl og grænmeti.
Eþíópía
Gott til að kryddleggja
allt kjöt, fisk og
grænmeti.
Best á allt
Alhliða kryddblanda
fyrir allan mat, til
steikingar, í pottrétti
og margt fleira.
Fredda dam hot chili
 Chilíkeppni Tvöfaldur sigurvegari
Galdurinn liggur í grunninum
Á hverju ári eru
haldnir Ásbrúardagar
á gamla hersvæðinu
við Keflavíkurflug-
völl. Undanfarin
tvö ár hefur mat-
reiðsluneminn Friðrik
Alexandersson sigrað
í chilíkeppni sem
þar er haldin. Hann
segist ekki hafa verið
mikill áhugamaður
um chilí áður en
hann tók þátt, en
ákvað að láta reyna
á þetta. Hann segir
uppskriftina ekkert
leyndarmál og leyfir
lesendum Frétta-
tímans að fá upp-
skriftina.
C hilíkeppnin hefur verið haldin í fjögur ár og veisluþjónustan, sem ég
er á samningi hjá, hefur unnið öll
skiptin,“ segir matreiðsluneminn
Friðrik Alexandersson sem er á
samning hjá Menu.is. „Ég ákvað
svo fyrir tveimur árum að taka þátt
og vann svo ég varð að verja titilinn
í ár, sem tókst,“ segir Friðrik.
„Bandaríska sendiráðið hefur
staðið fyrir keppni á Ásbrúardög-
unum og starfsmennirnir þar
þekkja chilírétti mjög vel,“ segir
hann. „Ég var enginn sérstakur
áhugamaður um chilí svo ég stökk
nú bara út í djúpu laugina með
þetta, sem er svolítið minn stíll,“
segir hann léttur. „Grunnurinn er
aðalatriðið,“ segir Friðrik. „Það er
nauðsynlegt að láta hann bragðast
sem best áður en maður byrjar
að setja þetta sterka í réttinn.“
Dómnefndin dæmir réttinn út
frá þremur þáttum, grunnbragði,
styrk og framreiðslu. Friðrik segir
að rétturinn verði að höfða til sem
flestra. „Þetta er ekki spurningin
um að búa til sterkasta réttinn
sem enginn getur borðað,“ segir
hann. „Þetta verður allt að blandast
vel saman. Uppskriftin er einföld
og allir ættu að geta gert þetta
heima.“
Friðrik er á öðru ári af fjórum í
matreiðslunáminu og segist hafa
mjög gaman af því. „Þessi hug-
mynd datt nú bara upp í hendurnar
á mér,“ segir hann. „Ég hafði verið
að vinna sem smiður og fyrirtækið
sem ég vann fyrir fór á hausinn,
svo ég fór að hjálpa til við að keyra
út og annað fyrir Menu.is. Svo
var ég bara kominn með nefið það
langt ofan í pottana að ég ákvað
að skella mér í þetta nám,“ segir
hann. „Ég ætla svo að halda áfram
hjá þeim eftir námið en ég veit ekk-
ert hvað framtíðin ber í skauti sér,“
segir Friðrik Alexandersson mat-
reiðslunemi og chilímeistari.
Hannes Friðbjarnarson
hannes@frettatiminn.is
Friðrik Alexandersson er
sannkallaður chilímeistari.
Hann gefur okkur hér
siguruppskriftina.
Innihald
500 gr nautahakk
1 stk laukur
2 geirar hvítlaukur
1-3 tsk chilíkrydd
1-3 tsk cumin (brodd-
kúmen)
1-3 tsk oregano
1-3 tsk salt
nýmulinn pipar
½ l niðursoðnir tómatar
500 gr nýrnabaunir
Aðferð
Laukur og hvítlaukur eru
saxaðir og létt steiktir á
pönnu í smá olíu, án þess
að láta laukinn brúnast.
Laukurinn tekinn af
pönnunni og hakkið
steikt þar til það hefur
brúnast. Bætið lauknum
í og kryddið með chilí
kryddi, cumin, salti og
pipar.
Setjið niðursoðnu
tómatana og nýrnabaun-
inar saman við og látið
malla á lágum hita í 1 til
2 tíma.
Til að gera chilíið sterkt:
Takið Habenero chilípipar
og bakið við 160°C í 10
mínútur til að fá fram
sætt bragð af piparnum.
Saxið síðan piparinn
án steinanna (kjarnans)
og setjið út í chilíið. Notið
kjarnann ef þið viljið hafa
chilíið enn sterkara.
Til að gera chilíið
„daaamn hot“:
Takið 6 stk Habanero
chilípipar og maukið
með steinum í um það
bil 500 ml af olíu. Látið
brotna saman á nokkrum
dögum. Blandist saman
við hina uppskriftina.
Meðlæti
Fínt saxaður kóríander,
laukur og Nacho-flögur.
Svo má ekki gleyma
einum köldum.