Iðnaðarmál - 01.04.1968, Blaðsíða 10

Frá vettvangi stjórnunarmála
Listln „að fara á hausinn“
Eftir Roy Pearson
Hugmyndaauðgi, gáfur, skapfesta, sannfæringarkraftur, hæfileikinn til að skilja hið
mannlega, ásamt þjálfun þessara eiginleika — allt eru þetta margtuggin orð til að ]ýsa
eiginleikum góðra stjórnenda í viðskiptalífinu. En ef þú leitar að úrvalsaðferð til að
verða ekki góður stjórnandi, þá er vandinn ekki annar en ,„skipta aftur á bak“ og þá
mun þér sennilega takast þetta, segir höfundur þessarar greinar, Roy Pearson, forstöðu-
maður Andover Newton Theological School, Massaohusett.
Sumir menn kæra sig ekki um að
skara fram úr í viðskiptalífinu. Þeir
verða óttaslegnir, þegar þeir standa
utan við fjöldann. Það, sem fram-
undan er, skiptir e. t. v. mestu máli,
en þeir kjósa fremur öruggan stað á
bak við.
í augum flestra kunningja sinna
eru slíkir menn kynjakvistir, sem erf-
itt er að skilja. En þótt rýnt sé ræki-
lega í stjórnarskrána, er þar engan
lagastaf að finna, er mælir svo fyrir,
að nokkrum skuli þröngvað til að
ganga í fararbroddi. Þar sem enginn
þarf að klífa upp á við, ef hann ósk-
ar að staðnæmast á jafnsléttu, er hér
með lagt fram skjal til varnar þeim
rétti að mega vera skussi. Ef þú hef-
ur þegar ákveðið, að þú kærir þig
ekki um að vera í fararbroddi á fram-
kvæmdasviðinu, þá eru hér fimm að-
ferðir til að þú getir haldið þér sem
næst loftvarnabyrginu í kjallaran-
um.
1. Kaefðu ímyndunaraflið
Fólk, sem gætt er ímyndunarafli,
býr jafnan yfir spennikrafti. Sé það
lokað inni í klefa hinnar almennu
vitneskju, mun það brjóta sér braut
út úr honum. Það sem er, veldur því
ekki heilabrotum, heldur það, sem
gœti orðið. Slík hugmyndaauðgi fylg-
ir jafnan happasælli forustu. Foringj-
ar lesa ekki um fréttirnar — þeir
skapa þær.
Jæja, ef þú ert einn af þeim, sem
ekki kæra sig um skrifstofu á efstu
hæð, þá gríptu ímyndunarafl þitt
föstum tökum, lokaðu það inni í loft-
þéttum geymi og festu lokið vandlega
á. Ef ekki er unnt að komast hjá því,
máttu viðurkenna, að tímarnir séu að
breytast, en reyndu ekki að draga
neina lærdóma af fortíðinni, fyrr en
vandræðin standa föst í hálsinum á
þér. Sá tími mun koma, að þú verð-
ir að yfirgefa nítjándu öldina með
öllu, en gerðu það ekki of snemma.
Láttu þá draga þig yfir í tuttugustu
öldina.
Forustumenn hefja framkvæmdir,
en þú skalt láta þér nægja að gagn-
rýna þá, sem eru á sviðinu. Forustu-
menn sjá fyrir sér atburði framtíðar
innar, en þín aðferð er sú að láta
atburðina skeiða fyrir framan nefið
á þér, áður en þú kemur auga á þá.
Fyrr eða síðar verður þú að standa
augliti til auglitis við morgundaginn,
en þú skalt ekki ganga föstum, á-
kveðnum skrefum inn í framtíðina
-— heldur með afturendann á undan.
Þetta kostar auðvitað talsverðan
aga. Það er ekki auðvelt fyrir heil-
brigðan mann að forðast allar hugs-
anir um nýja framleiðslu, betri vinnu-
aðferðir og stærri markaði. En þótt
freistingin drepi á dyr hjá þér, þarftu
ekki endilega að hleypa henni inn —
og sannaðu til — eftir nokkurn tíma
heyrir þú ekki lengur til hennar. í-
myndunarafl þitt mun hverfa á braut,
og þú getur hvílzt í friði. Engum mun
nokkru sinni koma til hugar að biðja
þig um að gerast forustumaður.
2. Varpaðu skynseminni fyrir borð
Maður, sem er á undan fjöldanum,
á jafnan sérstakan afkima í huga sín-
um, þar sem hann getur gefið hug-
myndum sínum lausan taum eins og
ungum folum og leyft þeim að hoppa
og leika sér að vild án þess að hirða
um hagnýtt gildi þeirra þegar í stað.
Hann er reiðubúinn að taka til athug-
unar sérhvern möguleika til að efla
viðskipti sín eða bæta fyrirtækið. En
áður en hann velur sér einhvern fol-
ann til að bera merki sitt á kappreið-
um eða draga vagninn sinn upp
bratta fjallshlíðina, grandskoðar
hann draum sinn í svölu og tæru
morgunloftinu.
En hafir þú raunverulega ákveðið,
að þú kærir þig ekki um neina fylgj-
endur, þá er hreint ekki svo slæm
byrjun að varpa skynseminni fyrir
borð. Þannig losarðu þig við heil-
brigða hugsun og hæfileikann til að
meta hugmyndir þínar og gerir enga
tilraun til að komast að raun um,
hvort þessi flunkunýju hugarfóstur
þín eiga rætur sínar að rekja til dul-
innar snilligáfu þinnar eða hugaróra
og of margra hanastéla. Oðrum kann
að virðast gáleysi þitt hreinasta fjar-
stæða, en djarflegt markmið krefst
72
IÐNAÐARMÁL