Neytendablaðið - 01.03.2014, Blaðsíða 22
NEYTENDABLAÐIÐ // MARS 2014 // réTTinDi fArsíMAnoTEnDA
réttindi
farsímanotenda
Er hægt að ímynda sér heiminn án farsíma?
Á fáum árum hafa farsímar orðið ómissandi
þáttur í lífi fólks um allan heim.
En um leið og fjöldi farsíma í heiminum nálgast 7 millj
arða má spyrja hvernig þjónustu notendur séu að fá? Eru
réttindi símnotenda virt? Á alþjóðadegi neytenda þann
15. mars verður áhersla lögð á réttindi símnotenda og
fjallað um þau atriði sem hafa mest áhrif á neytendur á
farsímamarkaði.
Mikilvægt mál
Árið 2013 var áætlað að um 6,8 milljarða farsíma væru í
umferð. Árið 2011 var talan um 6 milljarðar og 2010 um
5,4 milljarðar. Jarðarbúar eru um 7,2 milljarðar svo ljóst
er að farsíminn er orðinn gríðarlega útbreiddur.
Á sama tíma hefur tæknin umbreyst frá því að einungis
var hægt að tala og senda texta milli símtækja. Með
aukinni snjallsímavæðingu minna símar þannig fremur á
smágerðar en fullkomnar tölvur og hefðbundin símtöl
eru orðin mun smærri þáttur af símnotkun. Bætt
fjarskiptatækni felur ekki aðeins í sér aukin þægindi
heldur verður hún æ mikilvægara verkfæri til að efla
borgara og neytendur. Aðgangur að farsímaneti er orðin
brýn nauðsyn og miklu meira en skemmtilegur óþarfi.
Hvað þarf að bæta?
Í tilefni alþjóðadags neytendaréttar þann 15. mars gera
Alþjóðasamtök neytenda (CI) eftirfarandi kröfur um
bætt réttindi farsímanotenda:
1. Sanngjarnir samningar á skýru og skiljanlegu máli.
Neytendum finnst þeir oft vera sviknir af farsíma
fyrirtækjum, annað hvort með ósanngjörnum samn
ingsskilmálum eða af því að þeir skildu ekki hvað þeir
voru að samþykkja. Símafyrirtæki ættu alltaf að bjóða
neytendum sanngjarna samninga með þeim upplýsingum
sem skipta máli, útskýrðum þannig að neytendur geti
nýtt sér rétt sinn til að velja á upplýstan hátt.
2. Þjónusta sem er peninganna virði.
Neytendur kaupa farsímaþjónustu til að hafa samskipti
við aðra og fá aðgang að upplýsingum. Það er því
eðlilegt að þeir geri ráð fyrir stöðugri og órofinni
þjónustu og að gæði þjónustunnar séu fullnægjandi.
3. Sanngjörn og gagnsæ reikningagerð. Það ætti ekki
að innheimta fyrir óumbeðna þjónustu. Krafan er að
reikningar séu réttmætir og skýrir og að neytendur þurfi
ekki að óttast svik.
4. Neytendur hafi stjórn yfir upplýsingum sem þeir
veita. Símafyrirtæki jafnt sem stjórnvöld verða að
vernda persónuupplýsingar sem neytendur gefa upp til
að geta notað símaþjónustuna. Það að gefa upp persónu
upplýsingar getur vissulega aukið möguleika í farsíma
notkun en eins getur það ógnað öryggi neytenda.
Neytendur verða sjálfir að geta valið á upplýstan hátt
hvernig gögnin eru notuð.
5. Að hlustað sé á neytendur og brugðist við kvört
unum þeirra. Símafyrirtæki eiga að koma upp skilvirkum
kvörtunarferlum og ef neytendur eru ekki sáttir þarf
úrskurðarnefndir til að tryggja sanngjörn málslok. Það
verða að vera afleiðingar og viðurlög við því að stunda
vonda og óréttmæta viðskiptahætti.
22