Fjarðarpósturinn - 01.04.2015, Blaðsíða 4

4 www.fjardarposturinn.is FJARÐARPÓSTURINN | MIÐVIKUDAGUR 1. APRÍL 2015
Einkaframkvæmdin dýr bókhaldsbrella
Á árunum 1998­2002 var tími
einkaframkvæmdaævintýris í
Hafnarfirði. Líkt og nú leiddi
Sjálf stæðisflokkurinn þá stjórn
bæjarins og boðaði sínar hug­
myndir um hvernig standa ætti
að málum. Einka fram­
kvæmdin var þá kynnt
til sögunnar sem afar
hag kvæm fyrir bæjar­
sjóð. Líkt og margir
bentu á strax í upphafi
reyndist einka fram­
kvæmdin hins vegar
allt annað en hagstæð
fyrir skattgreiðendur.
Hafa margir sagt, m.a.
núverandi bæjarstjóri,
að slíkir samningar séu í reynd
stærstu mistök sem gerð hafi
verið í rekstri sveitarfélaga á
Íslandi.
Hafnfirska
einkaframkvæmdaleiðin
Í hafnfirsku einkafram­
kvæmda leiðinni fólst að einka­
aðilum var falið að byggja, fjár­
magna og reka fasteignir, m.a.
húsnæði leik­ og grunnskóla. Í
stað þess að taka sjálfur lán fyrir
framkvæmdunum eða fjármagna
þær með eigin fé gerði bærinn 25
ára samning við viðkomandi
einka fyrirtæki um leigu á fast­
eign unum. Þannig öðlaðist
einka fyrirtækið dýrmæta trygg­
ingu og gat tekið út á hana lán til
framkvæmdanna.
Það má því segja að hvort sem
farin var leið hefðbundinnar fjár­
mögnunar eða einkaframkvæmd­
ar þá var það í öllum tilvik um
lánstraust bæjarins sem
lá til grundvallar. Í
tilviki einkafram­
kvæmd arinnar sáust
hins vegar engin merki
um auknar skuldir
sveit arfélagsins í árs­
reikningi og það virðist
hafa verið fyrst og
fremst af þeim ástæð­
um sem þáver andi
meirihluti bæjar stjórnar
lagði áherslu á þessa leið öðrum
fremur.
Bærinn borgar bara en
eignast ekki neitt
Samkvæmt svörum við fyrir­
spurn minni og nokkurra annarra
bæjarfulltrúa í bæjarráði um
einka framkvæmdasamning
vegna Áslandsskóla greiðir
Hafn ar fjarðarbær eiganda þess
húsnæðis 12,5 milljónir á mán­
uði í húsaleigu og mun gera það
til ársins 2027. Þess utan greiðir
bærinn eigandanum fyrir rekstur
húsnæðisins og viðhald þess. Þá
kemur einnig fram að kostnaður
við ræstingu hvers fermetra sé
65% hærri í Áslandsskóla en í
öðrum skólum bæjarins og
kostn aður við sorphirðu 150%
hærri.
Þegar samningstíma lýkur
stendur Hafnarfjarðarbær uppi
með að hafa greitt niður allan
kostnað við byggingu og fjár­
mögnun umræddra fasteigna án
þess að hafa eignast nokkuð í
þeim. Engin ákvæði voru sett í
samningana sem tryggðu bænum
uppkaupsrétt eða önnur úrræði
sem tryggt gætu samningsstöðu
bæjarins að samningstíma lokn­
um. Að óbreyttu mun bærinn því
standa frammi fyrir því að þurfa
kaupa skólahúsnæðið á uppsettu
verði, halda áfram að leigja
fasteignirnar á því verði sem eig­
endur þeirra ákveða eða byggja
nýjan skóla á eigin kostnað.
Aldrei aftur
Haraldur Líndal Haraldsson
núverandi bæjarstjóri sagði í
viðtali við Stöð 2 um liðna helgi
að hann teldi samninga af þessu
tagi stærstu mistök sem sveitar­
félög á Íslandi hefðu gert. Þar
erum við Haraldur sammála og
vonandi mun okkur í sameiningu
takast að vinda ofan af þeim
samningum sem enn eru í gildi
en umfram allt verðum við að
tryggja að mistök sem þessi
verði ekki endurtekin.
Höfundur er oddviti
Samfylkingarinnar í
bæjarstjórn Hafnarfjarðar.
Gunnar Axel
Axelsson
FJÖRÐUR Páll B. Guðmundsson
löggiltur fasteignasali
Ársæll Ó.
sölufulltrúi
896 6076, as@remax.is
Lækjargötu 34d, Hafnarfirði
Vantar eignir á skrá
Mikil eftirspurn! Frítt söluverðmat
Vill byggja 2 þús. m² hús á
lóð Suðurbæjarsundlaugar
Skipulagsstjóri tekur ekki neikvætt í umsókn
Björn Kr. Leifsson fram­
kvæmdastjóri World Class hefur
óskað eftir að fá að byggja allt að
2.000 m² líkamsræktarstöð inni á
lóð Suðurbæjarlaugar, næst
Hvammabrautinni. Í um sögn
skipulags­ og bygg ingarfulltrúa
myndi notkunin sam ræmist
aðalskipulagi en kallar á
breytingu á deiliskipulagi þar
sem ekki er byggingarreitur á
lóðinni. Segir hann bygginguna
nokkuð umfangsmikla að flat­
armáli, en ekki háreista, þannig
að hún ber ekki sund laugar bygg­
inguna ofurliði. Byggingin virð­
ist ekki skerða útsýni íbúa í
ná grenninu né valda skugga­
varpi. Inngrip í útisvæði á lóð
sundlaugarinnar yrði hins vegar
allmikið og þyrfti að endurhanna
lóðina. Samantekið tekur hann
ekki neikvætt í umsóknina.
Spjaldtölvur í leikskólastarfi
Frá því í haust hefur starfsfólk
á leikskólanum Arnarbergi verið
að tileinka sér notkun spjaldtölva
í leikskólastarfi með aðstoð og
hjálp Rakelar Magnúsdóttur.
Margskonar smáforrit eru í boði
fyrir börn á leikskólaaldri við
nám og leik og hafa nokkur
þeirra verið prófuð í leik skólan­
um.
Sl. fimmtudag var tæknidagur
í leikskólanum með opnu húsi
fyrir foreldra og aðra þá sem
vildu koma og fylgjast með
börn unum vinna og því sem
starfs fólkið hefur verið að prófa
sig áfram með.
Áhugi barnanna var mikill og
tóku þau þátt í að fá risaeðlur til
að lifna við úr bók í þrívídd með
skemmtilegu námsefni sem
ætlað er börnum. iDinosaur er
bók og smáforrit með efni sem
býður börnunum að fræðast um
þessi ógnar dýr, sjá hreyfingar
dýranna og heyra hljóð þeirra.
Samskonar efni var einnig um
himintunglin, iSolar system.
Áhugavert og spennandi tæki
MaKey Makey var í boði þar
sem börnin notuðu banana, vatn
og leir til að leika tónlist á. Gott
þroskatæki sem heitir Osmo og
er til að nota með iPad, ætlað
börnum frá 2 ára aldri til að raða
saman formum, finna fyrstu
hljóð í orðum, þekkja stafi og
teikna myndir. Náms efni sem
hjálpar til við lestur, kennir form
og liti og er um leið skemmtilegt
og hvetj andi.
Þetta var aðeins lítið eitt af því
sem var í boði þennan dag en
dagurinn var byggður upp með
tíu stöðvum sem allar höfðu
mismunandi efnivið og við­
fangs efni en áttu þó allar sam­
eigin legt að kennslan fór fram
með spjaldtölvu. „Fyrr í vetur
höfum við verið að kynnast og
læra að gera rafbækur þar sem
sköpun barnanna hefur fengið að
njóta sín bæði í orðum og verki,“
segir Kristbjörg Lára Helgadóttir
aðstoðar leikskólastjóri á
Arnarbergi.
Krakkarnir voru áhugasamir fyrir tölvum og banönum!
Aðalfundur
Bandalags kvenna í Hafnarfirði
verður haldinn í safnaðarsal Víðistaðakirkju
þriðjudaginn 21. apríl nk. kl. 18.30.
Dagskrá fundarins:
Venjubundin aðalfundarstörf.
Önnur mál.
Veitingar á fundinum kr. 1.500.
Leiðrétting Víðistaðakirkja
Helgistund kl. 11
Í auglýsingu Víðistaðakirkju segir að helgistund sé kl. 10.30 á
föstudaginn langa. Það er rangt, helgistundin er kl. 11.
Formaður FH hefur ritað
sviðsstjóra stjórnsýslu hjá
Hafn ar fjarðarbæ bréf og óskað
eftir að gatnagerðargjöld og
tengd gjöld af íþróttamann­
virkjum í Kaplakrika verði felld
niður. Telur hann sig hafa verið
fullvissaðan um að 18 milljóna
skuld félagsins við Hafnar­
fjarðarbæ hafi átt að fella niður.
Skuldin er ógreidd gatna gerðar­
gjöld vegna byggingar á Risan­
um sem er í eigu FH­knatthúsa
ehf. en bygging Risans var án
aðkomu Hafnar fjarðarbæjar.
Þá er óskað eftir að gatna­
gerðargjöld vegna miðasöluhúss
sem nú er í byggingu, að upp­
hæð ein milljón kr., verði felld
niður sem og óálögð gatna­
gerðargjöld vegna Dvergsins,
lítils knatt húss sem FH­knatthús
ehf. er að byggja.
Jafnframt óskar hann eftir að
Hafnarfjarðarbær felli niður
gatnagerðargjöld af væntanlegu
fullstóru knattspyrnuhúsi sem
nú eru í undirbúningi.
Málið var tekið upp á fundi
bæjarráðs í síðustu viku og var
bæjarstjóra falið að afla frekari
upplýsinga.
Vill að Hafnarfjarðarbær
gefi FH eftir 18 milljónir kr.