Ský - 01.12.2009, Blaðsíða 11

4. tbl. 2009 SKÝ 11
Sigrar Emiliönu Torrini
Emiliana Torrini hefur verið í fluggírnum þetta árið þrátt fyrir að kreppa
ríki nú á Íslandi. Lag hennar Jungle Drum sat á toppnum í Þýskalandi
svo vikum skipti í sumar og platan hennar Me and Armini hefur
selst gríðarvel víða um heim. Emiliana fór í vel heppnaða tón-
leikaferð um þrjár heimsálfur á árinu og spilaði fyrir fullu
húsi víðast hvar ásamt Lay Low. En gullplötur og vin-
sældir í Evrópu eru afrakstur margra ára vinnu
þessa vinsæla lagahöfundar og söngstjörnu. Hún kom fram með GusGus árið 1997 þegar hún var aðeins tvítug og nokkrum árum síðar samdi hún lagið Slow ásamt
öðrum fyrir áströlsku poppdívuna Kylie Minogue.
Lagið sló í gegn á heimsvísu og Emilíana fékk
Grammy-verðlaun fyrir það. Á yngri árum æfði
Emiliana óperusöng og tók þátt í söngkeppnum í
heimabæ sínum Kópavogi.
Þessi misserin vinnur hún með helstu
tónlistarframleiðendum heims. Nýlega hefur hún
unnið með hinum heimsfræga plötusnúði og
pródúsent Paul Oakenfold og Sneaker Pimps frá
Bretlandi. Emiliana hefur verið iðin við kolann
í tónlistarsköpun í áraraðir. Það sem kom henni
rækilega á kortið í hinum alþjóðlega tónlistarbransa
var söngur hennar í lokalagi annarrar myndarinnar
af Hringadróttinssögu, Turnarnir tveir. Einungis
það að myndbandinu við lagið var leikstýrt af
Peter Jackson hefði valdið straumhvörfum á
ferli hvaða tónlistarmanns sem er og ekki var
verra að tugir milljóna áhorfenda hlýddu á lagið í
myndinni. Frá 2002, þegar myndin var frumsýnd,
hefur ferill Emiliönu aðeins legið upp á við.
Hún hóf feril sinn með hljómsveitinni Spoon
árið 1994 og var búin að safna aðdáendum bæði
hér á landi og erlendis um árabil þegar platan
Fisherman’s Wife kom út árið 2005. Platan vakti
heimsathygli og vann víða til verðlauna en hún
var unnin í samvinnu við Dan Carey. Lagið Sunny
Road vann m.a. íslensku tónlistarverðlaunin fyrir
besta myndbandið og platan var vikum saman
á listanum yfir söluhæstu plöturnar hér á landi.
Emiliana getur vart kvartað yfir vinsældum
sínum á Íslandi því plöturnar hennar hafa náð
metsölu hér á landi. Þessi 32 ára söngstjarna á því
hug og hjörtu okkar.
Emilíana býr núna í Englandi en hefur
undanfarið ár verið á löngu tónleikaferðalagi til
að fylgja eftir plötunni sinni. Hún hefur komið
fram með Moby, Sting, Dido, Travis og Tricky. Við
náðum í skottið á henni í Bordeaux í Frakklandi.
„Ég er búin að fara út um allt þetta árið,“ segir
hún. „Evrópu, Bandaríkin og til Ástralíu. Ég er með
bestu hljómsveit í heimi og frábært lið í kringum
mig í ferðinni. Ég kalla þá sjóræningjana mína og
við erum með Lay Low með okkur. Þetta hefur
verið æðislegt.“
Það er hálfpartinn hægt að búast við svona
jákvæðni frá Emiliönu. Þessi jákvæði tónn er alveg
í takt við tónlistina hennar sem er full af hugsun
og léttleika. Tónlistin endurspeglar listamanninn.
Emiliana kemur að öllum stigum lagasmíða sinna,
sem hafa einhvern sólskinsblæ yfir sér. Ljóð hennar
eru síðan um hina afstæðustu hluti sem snerta
hana eða þá sem hún vinnur með á einhvern
hátt en hlustendur finna samhljóm með. Með
öðrum orðum; persónuleiki Emiliönu kemur
vel fram í tónlist hennar. Plöturnar hennar eru
beinlínis geislandi af persónutöfrum. Tónlistin
er persónuleg og þægileg – þýð rödd hennar og
mestmegnis órafmagnaður hljóðheimur sem
undirspil. Á síðustu plötum hefur hún fundið eigin
stíl í þjóðlagahefðinni – stíl sem setur hana í allra
fremstu röð listamanna á hennar sviði.
Sjálf segir hún að einfaldleikinn sé lykillinn
að lagasmíðum sínum og Dans Carey sem samdi
með henni plötuna Me and Armini. „Carey spilar
EfTir Ben H. Murray
•
„Einfaldleikinn er lykillinn
að lagasmíðunum á
Me and Armani.“