Fréttabréf Siglfirðingafélagsins í Reykjavík og nágrenni - okt. 2014, Blaðsíða 8
8
Heiðar Ástvaldsson Siglfirðing og
danskennara þekkja mjög margir.
Hann hefur verið virkur í störfum
Siglfirðingafélagsins og m.a. verið
formaður þess. Dansinn hefur verið
hans ævistarf og margir Siglfirðingar
notið þar góðs af.
Heiðar var snemma kominn með
dansfiðring í fæturna og fór á öll
skólaböll á Siglufirði og dansaði alla
daga. Þá voru eingöngu dansaðir
gömlu dansarnir. Móðir hans innrætti
honum kurteisi sem m.a. fólst í því að
dansa við allar dömur sem hann þekkti.
Auðvitað hlýddi hann móður sinni.
Hann hélt suður í framhaldsnám og
fór í Verzlunarskóla Íslands. Trúr sínu
áhugamáli fór hann í dansskóla Rigmor
Hansen. Hann greiddi fyrir fyrsta
mánuðinn en varð eftir
það aðstoðarkennari
hennar. Lét samt engan
vita af því í Versló.
Það þótti ekki gott til
afspurnar á þessum
tímum.
Eftir Verzlunar-
skólann lá leiðin til
London og þar sótti
hann böllin því "það
var svo auðveld leið
til að hitta stelpur."
Í London voru allt
öðruvísi dansar - menn
dönsuðu þar rúmbu,
samba, tangó, quick
step og enskan vals. Hann var þarna
einn vetur en snéri aftur heim og vann
í Landsbankanum einn vetur og þótti
það afspyrnu leiðinleg vinna. Hann hélt
svo aftur í heimahagana árið 1956 og
vann í Tunnuverksmiðjunni á daginn
en langaði til að koma dansmenntinni á
framfæri og kenna dans seinnipartinn.
Í fyrsta tímann mætti einn nemandi
en svo bað Heiðar pabba sinn um að
fjármagna auglýsingu í útvarpið. Hún
lukkaðist svo vel að 60 manns mættu
og meira en nóg var að gera og mun
meiri tekjur að hafa við danskennsluna
en í vinnunni í Tunnuverksmiðjunni.
Heiðar keypti hljómplötur hjá Agli
Melsted og fékk lánaðan grammófón
hjá Jóhanni Sigurðssyni, manni Lóu
Jóns. Kennslan fór fram í Sjómanna-
heimilinu í skítakulda og tilraunir til
að hækka hitann báru lítinn sem engan
árangur.
Auk dansins hafði Heiðar áhuga
á að læra þýsku og spænsku og hann
hélt til Þýskalands til að læra dans, og
þýsku í leiðinni, og fór í Hamburger
Fremdsprachenschule fyrripart dags
en dansnámið síðdegis.
Í Hamborg hitti hann Steindór
Steindórsson og Kiddu Dúa konu hans
og Steindór fékk þá frábæru hugmynd
að Heiðar kæmi og kenndi dans í MA.
Þórarinn Björnsson skólameistari MA
tók því vel og einnig Jóhann Frímann
skólastjóri Gagnfræðaskólans og
Hannes J. Magnússon skólastjóri
Barnaskóla Akureyrar. Heiðar ætlaði
hvorki að verða ríkur né frægur en
varð fljótt mjög þekktur danskennari
og stofnaði eigin skóla sem hann rak
í áratugi við góðan orðstír og mikinn
metnað.
Heiðar hefur ekki
hugmynd um hve
mörgum þúsundum
hann hefur kennt.
Hann fór einu sinni
á kaffihús með einni
systur sinni og henni
leiddist svo truflunin af
því að fólk var alltaf að
koma og þakka Heiðari
fyrir danskennsluna
að hún fór að telja og
á stuttum tíma komu
29 manns og heilsuðu
honum.
Heiðar lítur
ánægður yfir farinn
Fór á öll skólaböll
Móðir hans sagði honum að vera kurteis og
dansa við allar stelpurnar sem hann þekkti
Heiðar og Guðrún systir hans
ásamt nokkrum starfsmönnum.
Heiðar og Guðrún í sveiflu.
Inga Ingvarsdóttir, Heið
ar og Hulda