Vesturbæjarblaðið - 01.07.2008, Page 2

Anna Kristinsdóttir
mannréttindastjóri
Reykjavíkurborgar
Að tillögu ráðgjafanefndar verð-
ur lagt til á næsta fundi borgar-
ráðs að Anna Kristinsdóttir, stjórn-
málafræðingur og fyrrverandi
borgarfulltrúi, verði ráðin mann-
réttindastjóri Reykjavíkurborgar.
Alls sóttu 23 einstaklingar um
embættið. Anna hefur aflað sér
víðtækrar reynslu og þekkingar á
sviði jafnréttis- og mannréttinda-
mála, bæði sem borgarfulltrúi í
Reykjavík og sem þátttakandi í
frjálsum félagasamtökum. Hún
sat í jafnréttisnefnd Reykjavíkur-
borgar árin 1998 – 2002, í Jafnrétt-
isráði frá 2004 – 2007 og í Svæðis-
ráði málefna fatlaðra í Reykjavík
frá 2003. Anna hefur á undanförn-
um árum starfað með frjálsum
félagasamtökum þar sem mann-
réttindi hafa skipað stóran sess,
meðal annars verið í Landsstjórn/
Framkvæmdaráði Þroskahjálpar
frá 2001 og formaður foreldrasam-
taka fatlaðra frá 2001-2004. Anna
lauk BA - gráðu í stjórnmálafræði
frá Háskóla Íslands árið 2006. Hún
vinnur nú að lokaritgerð í meist-
aranámi í opinberri stjórnsýslu
frá HÍ.
Stefnt að varðveislu
götumyndarinnar við
Laugaveg 4 – 6
Á fundi borgarráðs hefur verið
í morgun var samþykkt tillaga
skipulagsráðs varðandi uppbygg-
ingu við Laugaveg 4-6. Fram kom
á fundinum að undirbúningur að
uppbyggingu húsanna hafi gengið
afar vel og að um metnaðarfullt
verkefni væri að ræða þar sem
mannlíf og virðing fyrir sögunni
fengi að njóta sín. Megininntak
tillögunnar er verndun götumynd-
ar við Laugaveg, endurbygging
gömlu húsanna og góð uppbygg-
ing fyrir verslun og þjónustu á
reitnum. Götumyndin við neðan-
verðan Laugaveg, frá fyrri hluta
20. aldar, er þannig varðveitt með
endurbyggingu Laugavegar 4 og 6
samhliða uppbyggingu á reitnum,
þar sem gert er ráð fyrir góðu
verslunar- og þjónustuhúsnæði.
Ytra byrði gömlu húsanna verð-
ur fært í það horf sem það var
á fyrri hluta 20. aldar. Gerð verð-
ur létt tengibygging sem tengir
saman gömlu húsin, með kjallara,
einni hæð og annarri inndreginni.
Ábendingar frá Minjasafni Reykja-
víkur og Húsafriðunarnefnd voru
hafðar til hliðsjónar við gerð til-
lögunnar.
Miðað er við að hægt verði að
hafa gegnumgang milli húsanna
við Laugaveg og hússins við Skóla-
vörðustíg 1a. Á þaki tengibygging-
arinnar skapast gott rými til úti-
vistar. Í bókun meirihlutans segir
að með samþykki þessarar tillögu
sé staðið við fyrirheit um að snúa
vörn í sókn við Laugaveginn, með
öflugri uppbyggingu og fegrun á
öllu umhverfi miðborgarinnar,
samhliða því sem staðinn er vörð-
ur um mikilvæg menningarverð-
mæti. Tillagan marki þannig
tímamót í skipulagi Laugvegar og
miðborgar.
Óleyfisframkvæmdir
beittar dagsektum
Á fundi skipulagsráðs 16. júlí
sl. var lagt fram að nýju bréf bygg-
ingarfulltrúa dags. 16. júní 2008
vegna óleyfisframkvæmda við
Lambhól við Starhaga. Einnig lagt
fram bréf Kristjáns Kristjánssonar
til byggingarfulltrúa dags. 2. júlí
2008. Bréf byggingarfulltrúa var
samþykkt. Í borgarráði 17. júlí sl.
var samþykkt skipulagsráðs tekin
fyrir og ákveðið að beita dagsekt-
um til að knýja á um framkvæmd-
ir við Lambhól.
Hrein og fögur borg
Í tilefni af hreinsunarátaki meiri-
hlutans í miðborginni í vor sem
að mati VG gekk of langt. Lagði
VG fram eftirfarandi bókun í borg-
arráði 10. júlí sl.: ,,Það hlýtur að
vera kappsmál allra borgarbúa að
Reykjavík sé hrein og fögur borg.
Hreinsunarátak er því af hinu
góða, en öllu má of gera. Átak það
sem kennt hefur verið við mið-
borgina nú á vormánuðum virðist
hafa farið úr böndunum, þar sem
grá málning þekur nú áratuga-
gömul listaverk sem ekki verða
aftur fengin. Hafi þær svipmóts-
breytingar sem um ræðir talist
byggingarleyfisskyldar hlýtur að
hafa verið um hefðbundnar óleyf-
isframkvæmdir að ræða sem ber
að meðhöndla sem slíkar. Ekki er
vitað til þess að borgaryfirvöld
ráðist í breytingar á óleyfisfram-
kvæmdum- öðrum en þessum
- án formlegs samþykkis sveitar-
stjórnar eða samráðs við eigend-
ur skv. byggingareglugerð. Brýnt
er að borgaryfirvöld gæti ávallt
meðalhófs í aðgerðum sínum sem
og andmælaréttar viðkomandi
húseigenda sem ella gætu óskað
bóta úr hendi borgarinnar.”
Í bókun borgarstjóra og borgar-
ráðsfulltrúa Sjálfstæðisflokks seg-
ir m.a.: ,,Hreinsunar- og fegrunar-
átak í miðborginni var nauðsyn-
legt og hefur þegar skilað miklum
árangri á mjög skömmum tíma.
Miðborg Reykjavíkur hefur ekki
verið fegurri eða hreinni um langt
árabil sem er í samræmi við skýr
loforð borgarstjóra og meirihlut-
ans um að vinna hratt og örugg-
lega að þessum mikilvægu umbót-
um. Í upplýsingum frá embættis-
mönnum borgarinnar kemur fram
að í 2 tilvikum virðist hafa verið
málað yfir verk á húsveggjum fyr-
ir mistök. Það er miður, en breyt-
ir engu um þann mikla árangur
sem borgarbúar hafa orðið vitni
af á undanförnum vikum og mán-
uðum. Um leið og meirihlutinn
heitir því að halda áfram hreinsun
og fegrun borgarinnar, er komið á
framfæri þökkum til allra þeirra
fjölmörgu starfsmanna Reykjavík-
urborgar sem að þessu átaki hafa
komið og sinnt því af kostgæfni
og krafti.”
Áfram frítt í strætó
fyrir námsmenn
Borgarráð hefur samþykkt að
halda áfram niðurgreiðslum í
strætó fyrir námsmenn í Reykja-
vík, skólaárið 2008 til 2009. Sam-
þykktin var gerð sem liður í verk-
efninu Græn skref. Verkefnið var
kallað Frítt í strætó en markmið
þess er að efla ímynd almennings-
samgangna á höfuðborgarsvæð-
inu. Framhalds- og háskólanemar
í skólum innan sveitarfélaga með
aðild að Strætó bs. fengu frítt í
strætó frá ágúst 2007 til 1. júní
2008. Nemendafélög skólanna sáu
um dreifingu strætókorta sem gef-
in voru út sérstaklega vegna verk-
efnisins. Samkvæmt mælingum
og viðhorfskönnunum á notkun
strætisvagna í mars 2008 hafði far-
þegaaukningin numið 10% í kjöl-
farið á verkefninu Frítt í strætó
sem var meiri en búist hafði ver-
ið við. Viðbótarkostnaður vegna
verkefnisins er samtals 270 millj-
ónir króna.
Breytingar við
Bræðraborgarstíg
Á fundi Byggingafulltrúa nýver-
ið var tekin fyrir beiðni Þrastar
Ólafssonar og Þórunnar Klemens-
dóttur Bræðraborgarstíg 21b um
leyfi til að byggja yfir svalir á vest-
urgafli og gera herbergi þar á 2.
hæð, bæta við svölum á 2. hæð á
suðurhlið auk minni háttar breyt-
inga á fyrirkomulagi innanhúss í
tvílyfta einbýlishúsinu á steypta
sökklinum frá 1916 á lóð nr. 21B
við Bræðraborgarstíg. Afgreiðslu
var frestað. Droplaug Ólafsdóttir,
Bræðraborgarstíg 24a sækir um
leyfi til að byggja kvist á suðaust-
urþekju og byggja svalir á suðvest-
urgafl íbúðarhússins nr. 24A við
Bræðraborgarstíg. Samþykki með-
eigenda fylgir. Afgreiðslu frestað
og málinu vísað til umsagnar
skipulagsstjóra til ákvörðunar um
grenndarkynningu.
Veggskreyting
samþykkt
Húsfélagið Njálsgötu 4 hefur
sótt um leyfi fyrir áður gerðri
veggskreytingu á gafli hússins nr.
4 við Njálsgötu gerðri af Söru Riel
í maí 2007. Málinu fylgir ljósmynd
af veggskreytingunni og bréf hús-
félagsins. Byggingafulltrúi sam-
þykkti leyfið. Kjósi eigendar að
mála yfir myndverkið þarf ekki
að sækja um byggingarleyfi þess
vegna. Sennilega er þessi beiðni
tilkomin vegna hreinsunarherferð-
ar borgaryfirvalda í miðborginni.
2 Vesturbæjarblaðið
Útgefandi: Borgarblöð ehf.
Vesturgötu 15 • 101 Reykjavík
Sími: 511 1188 • 561 1594
Fax: 561 1594
Ritstjóri: Geir A. Guðsteinsson, Sími 564 5933, 898 5933
Netfang: geirgudsteinsson@simnet.is
Auglýsingasími: 511 1188 • 561 1594 • 895 8298
Netfang: borgarblod@simnet.is
Framkvæmda- og auglýsingastjóri: Kristján Jóhannsson
Umbrot: Valur Kristjánsson
Prentun: Landsprent ehf.
Dreifing: Íslandspóstur
7. tbl. 11. árgangur
Vesturbæjarblaðinu er dreift í hvert hús í póstnúmerum 107 og 101.
S T U T T A R
B O R G A R F R É T T I R
B orgarráð hefur afsalað Vaktarabænum í Garðastræti 23 í hendur Minjaverndar og verður húsið gert upp í upphaflegri mynd. Húsið er frá árinu 1844 og er eitt fyrsta timburhús
Grjótaþorpsins utan Innréttinganna. Reykjavíkurborg keypti húsið í
janúarmánuði á þessu ári fyrir 25 milljónir króna en þá var búið að
sækja um leyfi til að rífa það. Minjavernd sér um fjármögnun endur-
byggingarinnar og þann kostnað sem kann að hljótast af fornleifa-
könnun á staðnum en á lóð hússins eru leyfar gamla torfbæjarins í
Grjótaþorpi. Annað hús, ekki ýkja fjarri við Vesturgötuna, Gröndals-
hús, bíður hins vegar enn eftir því að komast í endurnýjun lífdaga,
en ekkert samkomulag virðist vera í sjónmáli um hvert það á að fara
eða hvenær. Hugmyndum um staðsetningu í Grjótaþorpi hefur verið
mótmælt harðlega af íbúum þar, m.a. með undirskriftsarlistum, en
kannski hefði verið snjallt af þeim að benda þá á staðsetningu fyrir
húsið. Þessi mótmæli bera svolítið keim af því að allt í lagi sé að
byggja í görðum nágrannans, bara ekki mínum. Þrautarlending er að
flytja húsið upp á Árbæjarsafn eða kannski á bílastæðið við hlið Borg-
arbókasafnsins við Tryggvagötu ef UMFÍ fær ekki að byggja þar. Grön-
dalshús færi þá ekki í ýkja langt ferðalag, og það væri af hinu góða.
Íþróttafélög meirihlutaeig-
endur í rekstrinum
K R-sport var stofnað í marsmánuði 1998 og var hugmyndin að félagið ræki meistaraflokk karla í knattspyrnu sem og ann-an flokk karla. Sama ár var samþykkt að breyta félaginu úr
einkahlutafélagi í eigu knattspyrnudeildar KR í hlutafélag. Haldið var
almennt hlutafjárútboð þar sem boðið var hlutafé fyrir 46 milljónir
króna, og seldist það allt til hundruða hluthafa. Reksturinn hefur
gengið ágætlega en þó varð um 15 milljón króna rekstrartap í fyrra,
sem að hluta til skýrist af þjálfaraskiptum er Teiti Þórðarsyni var
sagt upp störfum vegna afleits gengis KR-liðsins. Tekjur KR-sport
hafa verið styrkir og auglýsingasala, sala aðgöngumiða, sjónvarps-
tekur og tekur vegna stuðningsmannafélagsins, KR-klúbbsins. Vegna
nýrra reglna UEFA, Evrópuknattspyrnusambandsins, verður rekst-
urinn færður til knattspyrnudeildarinnar. Þessar nýju reglur krefjast
þess að íþróttafélög verða að eiga meirihluta í félögum sem reka
knattspyrnustarfsemi. Knattspyrnudeild KR mun því á leiktímabilinu
2009 sjá um reksturinn sem og samninga við leikmenn sem til þessa
hafa verið hjá KR-sport. Hlutafélagið KR-sport verður áfram til og
mun styrkja knattspyrnustarfið hjá KR eftir mætti. Þessu er svolítið
öðru vísi farið hjá öðrum knattspyrnufélögum í Reykjavík. Valsmenn
hf. er almenningshlutafélag sem fyrst og fremst hefur komið að mann-
virkjum á félagssvæði Vals á Hlíðarenda og því ekki rekstrarfélag eins
og KR-sport. Hjá rekstrarfélaginu FRAM, Fótboltafélag Reykjavíkur,
hefur knattspyrnufélagið Fram átt meirihluta og því hafa nýjar reglur
UEFA um eignarhald ekki áhrif hjá Safamýrarfélaginu.
Farsælar ferðavikur
N ú hefur farið í hönd mestu umferðarvikur ársins, vonandi með sem fæstum óhöppum og slysum. Framundan er versl-unarmannahelgin þar sem landsmönnum er boðið upp á úti-
hátíðir í alls konar formi, jafnvel íþróttafélög bjóða til útihátíðar til að
afla tekna og þar er drykkjuskapurinn því miður oftast mestur, stund-
um með alvarlegum afleiðinum eins og nauðgunum. VESTURBÆJAR-
BLAÐIÐ óskar öllum Vesturbæingum sem og öðrum landsmönnum
góðrar ferðar, sem og ánægjulegrar dvalar heima við þeim sem þess
æskja, og minnir á um leið að eftir einn ei aki neinn.
Geir A. Guðsteinsson
Eitt elsta timburhús
Grjótaþorpsins verndað
Vesturbæingar
Tökum undir sjálfsagðar
kröfur um betri Vesturbæ með
heilsugæslu í hverfinu, bætta
umferðarmenningu og
sparkvelli fyrir krakkana.
JÚLÍ 2008