Vesturbæjarblaðið - 01.09.2008, Page 12

12 Vesturbæjarblaðið SEPTEMBER 2008
Forgangur verkefna í miðborg
Reykjavíkur samkvæmt ábend-
ingum af vefnum 1,2 og Reykja-
vík er að Laugavegurinn og
miðborgin gangi í endurnýjun
lífdaga. Það er einnig eindregin
ósk Íbúasamtaka Miðborgar að
unnið skuli að hverfisvernd Mið-
borgarinnar, en það er verkefni
sem ekki fellur beint að ramma
verkefnisins, þó ekki sé það utan
hans heldur.
Gera Laugaveginn að göngu-
götu er áberandi vinsælt í ábend-
ingum um Laugaveginn og stung-
ið er upp á setja niður ruslafötur
sem hægt sé að flokka rusl í eins
og víða erlendis. Halda skal hús-
um snyrtilegum og máluðum, þó
þau standi tóm og/eða bíði niður-
rifs. Hvatt er til betri þrifa í bak-
lóðum við Laugaveg og stungið
upp á þeim möguleika að gera
kaffihús og smáverslanir á bak-
lóðum ásamt þeim möguleika að
hægt sé að ganga á milli húsa og
gatna eftir smástígum á svæðinu
milli Laugavegs og Grettisgötu.
Fegra miðbæinn almennt, laga
gömul hús, mjókka Lækjargötu
og stækka göngusvæði og opna
Lækinn.
Opna þarf á möguleika fyr-
ir afþreyingu fyrir alla fjölskyld-
una, s.s leiksvið og tónlistarpalla,
boltavelli, hjólabrettaaðstöðu,
mini-golfvelli og þroskandi leik-
tæki fyrir börnin. Einnig mætti
stuðla að fleiri menningarviðburð-
um sem myndu gera staðina líf-
legri og skemmtilegri. Til þess að
það sé hægt þarf að gera aðgengi
að rafmagni mun betra. Svið sem
væri hluti af umhverfinu myndi
auðvelda tónleikahald en einnig
mætti halda annars konar atburði
svo sem útimarkaði, bíó “jóla-
þorp” o.s.frv. Til þess að svæðin
nýtist betur að vetrarlagi mætti
gera gönguskíðabrautir með því
að þjappa snjóinn.
Andlitslyfting
Hverfisgötunnar
Næst kom nausyn andlitslyft-
ingar Hverfisgötunnar. Rætt var
um Hverfisgötuna sem álíka
mikilvæga og Laugaveginn í Mið-
borginni og að nauðsynlegt sé
að halda henni hreinni og stöðva
niðurníðslu húsa þar. Fram koma
hugmyndir um að stofna samtök
hollvina Hverfisgötunnar sem
borgin styrki til hreinsunar- og
fegrunarverka og að borgin beiti
sektum gagnvart húseigendum
ef með þarf. Reka þarf slömm og
dóp-stimpilinn af götunni.
Mannlíf, stjörnumælir,
hitamælir o.fl.
Síðan koma:
• Lækjartorg með iðandi mann-
lífi. Í þessum ábendingum er rætt
um að hafa hitamæli á torginu,
að opna ætti torgið í átt að Stjórn-
arráðinu og takmarka umferð
um Lækjargötu þar, setja upp
gosbrunn, tré, bekki og leiktæki
og annað sem gæfi fólki ástæðu
til að staldra þarna við og njóta
mannlífs. Í dag er þetta aðeins
svæði sem labbað er í gegnum og
ein og ein fjöldasamkoma. Setja
mætti upp handverksmarkað um
helgar á sumrin þar sem íslenskt
handverksfólk gæti selt sína fram-
leiðslu. Hægt væri að hanna og
setja upp aðstöðu, sem borgin
ætti, sem væri nothæft í hinum
ýmsu veðrum, fenginn stjórnandi
til að sjá um þetta og beina sjón-
um að íslensku handverki og
nytjalist þannig að þarna yrði ekki
í samkeppni við Kolaportið. Eins
mætti tengja svona aðstöðu lista-
hátíðum eða öðrum viðburðum.
• Frítt í strætó fyrir alla – alltaf.
Geysivinsæl ábending.
• Austurbæjarskóli. Koma í veg
fyrir óþarfa umferð upp rampana
að skólanum og að gera þurfi við
þessa rampa, handrið og skúra.
• Hreinsun miðbæjar að næt-
urlagi. Stungið er upp á að hefja
hreinsun gatna fyrr að nóttu til að
ýta við fólki að koma sér heim.
• stungið upp á að fjölga hjól-
reiðarstígum í Miðborginni.
• lmenningssalerni og almenn-
ingssímar. Bent er á skort á þess-
ari aðstöðu í Miðborginni.
• Hitamælir við Tjörnina. Áhugi
er á að vera með hitamæli við
Tjörnina, sem einnig myndi sýna
hvort ísinn sé mannheldur. Hægt
yrði að skoða hitamælinn í vef-
myndavél.
• Stungið upp á því að koma
fyrir stjörnukíki fyrir almenning á
Arnarhóli.
• Unnið verði að gerð þriggja
torga í Miðborginni; við gatna-
mót Óðinsgötu og Freyjugötu, við
gatnamót Óðinsgötu og Baldurs-
götu og svo á Óðinstorgi sjálfu.
Margir íbúa miðborgarinnar vilja
gera Laugaveg að göngugötu
Horft eftir Hverfisgötunni. Íbúar vilja stöðva niðurníslu húsa þar.
Föstudaginn 19. september sl. hélt
starfsfólk Þjónustumiðstöðvar Vest-
urbæjar starfsdag. Starfsfólkið lagði
mikið í daginn og öll umgjörð var
til fyrirmyndar. Sérstaklega var farið
yfir hvernig starfstöðvar Þjónustu-
miðstöðvarinnar gætu veitt íbúum
Vesturbæjar enn betri þjónustu sem
er þó ekki slæm fyrir. Stemmningin
var gríðarlega góð, öllum var mjög
í mun að finna út hvernig veita má
betri þjónustu. Allir voru sammála
um að vel hefði tekist til.
Meðfylgjandi mynd sýna samvinnu-
æfingar sem starfsfólkið leysti með
miklum ágætum undir styrkri umsjón
Björns Vilhjálmssonar, Jakobs Magn-
ússonar og Jóns Ragnars Jónssonar.
Starfsfólk Þjónustumiðstöðvar Vestur-
bæjar vill sérstaklega þakka Þjónustu-
miðstöð Árbæjar og Grafarholts fyrir
veitta aðstoð. Svo má ekki gleyma
Árbæjarsafni sem skapaði frábæra
umgjörð um starfsdaginn. Framtíðin
er sannarlega björt hvað varðar þjón-
ustu Reykjavíkurborgar í Vesturbæ.
Starfsdagur Þjónustu-
miðstöðvar Vesturbæjar
ÚTFARARSTOFA
KIRKJUGARÐANNA
Vesturhlíð 2 • Fossvogi • Sími 551 1266 • www.utfor.is
REYNSLA • UMHYGGJA • TRAUST
Önnumst alla þætti útfararinnar
Þegar andlát ber að höndum
Arnór L. Pálsson
framkvæmdastjóri
Ísleifur Jónsson
útfararstjóri
Frímann Andrésson
útfararþjónusta
Svafar Magnússon
útfararþjónusta
Hugrún Jónsdóttir
útfararþjónusta
Guðmundur Baldvinsson
útfararþjónusta
Þorsteinn Elísson
útfararþjónusta
Ellert Ingason
útfararþjónusta
Samhæfing er ekki bara holl og skemmtileg, heldur ekki síður
nauðsynleg.
Jónuróló nefnt eftir fyrsta
formanni dagmæðra
Á velheppnaðri nýárshátíð
Skerfirðinga á sl. vetri steig
Margrét Gunnarsdóttir formað-
ur Skjaldar á stokk við upphaf
blysfarar og kynnti þá tillögu
stjórnar að leiksvæðið milli Ein-
arsness og Skildinganess yrði
nefnt Jónuróló eftir Jónu M.
Sigurjónsdóttur, frumkvöðli
meðal dagmæðra, sem lengi not-
aði þetta leiksvæði enda búsett
að Skildinganesi 4.
Tillögunni var vel fagnað og
einnig vel tekið af borgaryfirvöld-
um þegar hún var kynnt þeim
enda kjörið að borgin heiðri minn-
ingu fyrsta formanns samtaka
dagmæðra í Reykjavík. Leiksvæð-
ið hefur lengi gengið undir gælu-
nafninu Aparóló meðal barna
hverfisins en uppruni þess heitis
er leiktæki sem löngu er horfið.
Því er tímabært að leiksvæðið fái
formlegt nafn sem tengist sögu
hverfisins.
Jóna bjó lengstum í Skerjafirði.
Hún sótti hverfisskólann, Mela-
skóla, sem var nýbyggður þegar
hún kom þar við sögu. Þaðan fór
Jóna síðan í Gaggó Vest. Þegar á
unglingsárum axlaði hún ábyrgð
á heimilisrekstri á Reynivöllum,
sem nú heitir Skildinganes 4. Hún
varð snemma móðir og kunni
uppeldisstörfum vel og samein-
aði því að hlúa að fósturföður,
tengdamóður og fjölskyldu. Eft-
ir stuttan stans í Stigahlíð flutti
Jóna í Skerjafjörð að nýju. Með
húsmóðurstörfum gætti hún
barna og varð svo líka forystu-
kona dagmæðra. Jóna vann ötul-
lega að réttindamálunum og varð
fyrsti formaður samtaka þeirra í
Reykjavík.
Þegar Jóna lét af barnfóstrinu
hóf hún að vinna á skrifstofu Bæj-
arútgerðar Reykjavíkur. Síðan lá
leiðin á Borgarspítalann og enn
síðar í hið mikla brauðhús Myll-
una. Nokkur sumur sá hún um
kaffihlaðborðið í Nesbúð á Nesja-
völlum og eitt sumar vann hún
að veitingastörfum í torfbænum á
Hrafnseyri við Arnarfjörð.
Jóna var ekki bundin við land-
steina, fór m.a. segja á sjó einu
sinni á frystitogaranum Örvari.
Einn túr var alveg nóg til að hún
gerði sér grein fyrir að velgja fylg-
di veltingi! Síðustu árin var Jóna
síðan starfsmaður Hagaskóla, mat-
móðir unglingana í Vesturbænum
og var þeim að auki stuðningur
og stefnuviti.
Síðan var hún öflugur upp-
alandi þúsunda ungmenna í Vest-
urbænum, þar sem hún stýrði
mötuneyti í Hagaskóla. Hún
kenndi kúnstugum að skilja, hafði
stjórn á ungviðinu. Nemendur
Hagaskóla voru fljótir að læra, að
það þýddi ekki að reyna að snúa
Jónu niður eða trufla friðinn. Ef
þau ætluðu lengra en góðu hófi
gegndi eða breyta leikreglunum
sem hún setti lokaði hún bara
sjoppunni. Jóna iðkaði stefnu-
mál Hagaskóla, að koma öllum
til nokkurs þroska. Hún ól með
sér jákvæða mannsýn. Hún tamdi
sér umburðarlyndi gagnvart hegð-
un, tilraunum, og lífsferli annarra.
Hún skildi fjölbreytileikann og að
fólk er ólíkt. Hún mætti fólki þar
sem það var og á þess eigin for-
sendum. En sjálf fór hún eigin
leið, lagði gott til, dæmdi ekki,
en skemmti sér svolítið og hló að
hinu kátlega.
Viltu vinna í þínu hverfi?
Leikskólinn Gullborg, Rekagranda 14, auglýsir eftir leikskólakennur-
um og/eða starfsfólki með aðra uppeldismenntun. Einnig er óskað eftir
starfsfólki með menntun í listgreinum, s.s myndlist eða tónlist.
Gullborg er skemmtilegur fjögurra deilda leikskóli í Vesturbænum.
Aðalmarkmið skólanámsskrár Gullborgar er að efla jákvæða sjálfs-
mynd barnanna. Leikskólinn er meðal annars í samstarfi við Mynd-
listaskóla Reykjavíkur, íþróttafélagið KR og nokkur Evrópulönd í
gegnum eTwinning. Sjá nánar á heimasíðu skólans www.gullborg.is
Allar nánari upplýsingar um starfið veitir Rannveig Bjarnadóttir
leikskólastjóri í símum 562-2455 og 693-9820, eða á netfanginu
gullborg@leikskolar.is. Umsækjendur eru beðnir um að sækja um
störfin á heimasíðu Reykjavíkurborgar: www.reykjavik.is/storf
Vakin er athygli á stefnu Reykjavíkurborgar um jafnan hlut kynja í störfum og að
vinnustaðir borgarinnar endurspegli það margbreytilega samfélag sem borgin er.
Leikskólasvið