Fréttatíminn - 18.09.2015, Blaðsíða 8
Þróunaframlag Svíar, norðmenn og Danir örlátir
Við erum neðarlega í hópi
þjóða þegar framlög til þró-
unarmála eru reiknuð sem
hlutfall af þjóðartekjum.
í slendingar leggja 0,21% af þjóðartekjum til þróunarmála og eru því langt frá 0,7% við-
miði Sameinuðu þjóðanna, að því
er fram kemur í Heimsljósi, vefriti
um þróunarmál sem gefið er út af
Þróunarsamvinnustofnun Íslands.
Árið 2013 komust Bretar í úrvals-
flokk þjóða sem uppfylla alþjóðleg-
ar skyldur um 0,7% framlög til þró-
unarmála miðað við þjóðartekjur,
segir í vefritinu þar sem vitnað er
í fréttaskýringu breska blaðsins
Guardian um framlög ríkra þjóða
til þróunarmála með fyrirsögninni
– Alþjóðleg þróunaraðstoð: hvaða
þjóðir eru örlátastar?
„Af 29 þjóðum sem eru meðlim-
ir í DAC, þróunarsamvinnunefnd
OECD, voru auk Breta aðeins
Norðmenn, Svíar, Danir og Lux-
emborgarar sem ráðstöfuðu meira
en 0,7% af þjóðartekjum til alþjóð-
legrar þróunarsamvinnu á árinu
2013. Það ár hækkuðu framlög
Breta um 27,8% til þróunarmála og
samkvæmt nýjustu tölum frá árinu
2014 hafa Bretar bætt um betur og
verja nú 0,71% af þjóðartekjum til
þróunarmála.
Framlög Íslendinga eru lægst
allra þjóða innan OECD, „tækni-
lega“ séð, eins og það er orðað í
The Guardian, eða aðeins 35 millj-
ónir Bandaríkjadala, miðað við síð-
asta ár eftir 3,8% niðurskurð milli
ára. Við erum líka í hópi neðstu
þjóða þegar framlögin eru reiknuð
sem hlutfall af þjóðartekjum en á
síðasta ári námu þau 0,21%. Sam-
kvæmt nýframlögðu fjárlagafrum-
varpi stendur ekki til að breyta
þeirri prósentutölu á næsta ári,“
segir enn fremur.
„Þegar horft er til örlátustu þjóð-
anna á síðasta ári sést að hæstu
framlögin berast frá Bandaríkjun-
um, eða 32 milljarðar Bandaríkja-
dala. En þegar hins vegar horft er
á hlutfall af þjóðartekjum sést að
Bandaríkin eru langt frá örlátustu
þjóðunum því hlutfallið er aðeins
0,19%, eða sambærilegt og hjá
Portúgal og Japan, örlítið minna en
framlag Íslands. Norrænar þjóðir
eru hins vegar í úrvalsflokknum,
Svíar örlátastir með 1,1% þjóðar-
tekna til þróunarmála, eða 6,2
milljarða Bandaríkjadala. Þeir voru
líka fyrstir þjóða til að uppfylla við-
mið Sameinuðu þjóðanna um 0,7%
framlög af þjóðartekjum og náðu
því marki árið 1974 – og hafa alla
tíð síðan verið yfir viðmiðunar-
markinu. Næst örlátasta þjóðin eru
Lúxemborgarar sem létu 1,07% af
þjóðartekjum af hendi rakna til þró-
unarsamvinnu á síðasta ári, Norð-
menn koma þar á eftir með 0,99%
og Danir með 0,85%. Bretar voru
síðan í fimmta sæti.
Utan OECD eru hins vegar þjóð-
ir sem verja miklum fjármunum
til alþjóðlegrar þróunarsamvinnu
en eins og The Guardian bendir á
voru Sameinuðu arabísku fursta-
dæmin með hlutfallslega hæstu
framlög á síðasta ári eða 1,17% af
þjóðartekjum. Þeir fjármunir fara
að stórum hluta til Egyptalands.
Þær þjóðir sem verja minnstu
fjármagni til þróunarmála innan
DAC ríkjanna eru Slóvakar með
0,08%, Tékkar, Grikkir og Slóvenar
með 0,11%, Suður-Kórea með 0,13%
og Spánn með 0,14%,“ segir í vefrit-
inu. „Utan OECD ríkjanna,“ segir
þar, „eru líka þjóðir sem sýna ná-
nasarhátt eins og Ísrael með 0,07%
og Lettland með 0,08%.“
Jónas Haraldsson
jonas@frettatiminn.is
Íslendingar langt
frá viðmiði SÞ
Íslendingar eru neðarlega meðal þjóða þegar framlög til þróunarmála eru reiknuð sem hlutfall af þjóðartekjum en á síðasta ári
námu þau 0,21%. Mynd/Þróunarsamvinnustofnun
Samgöngur táknræn aðgerð við opnun nýS vegar
Birkipennar úr Teigsskógi til
áréttingar um vegagerð
Nýr vegur um vegarkaflann frá Eiði
í Vattarfirði að Þverá í Kjálkafirði
á sunnanverðum Vestfjörðum var
formlega tekinn í notkun síðastlið-
inn föstudag af Ólöfu Nordal innan-
ríkisráðherra og Hreini Haralds-
syni vegamálastjóra. Vegurinn er
16 kílómetrar að lengd og leysir af
hólmi 8 kílómetrum lengri malar-
veg sem lá fyrir botn Mjóafjarðar
og Kjálkafjarðar. Vegurinn þverar
báða firðina.
Vegamálastjóri, innanríkisráðs-
herra og fleiri nefndu að þótt það
væri mjög ánægjulegt að þessari
vegagerð væri lokið væri enn einn
kafli eftir á sunnanverðum Vest-
fjörðum, um Gufudalssveit. Helst,
að mati heimamanna, ætti sú leið
að liggja um Teigsskóg, að því er
fram kemur á síðu Vegagerðarinn-
ar. „Þessu til áréttingar, að vega-
gerðinni væri ekki lokið, færði
Ásthildur Sturludóttir, bæjarstjóri
Vesturbyggðar, vegamálastjóra
og innanríkisráðherra sinn hvorn
pennann sem gerður er úr birki
úr Teigsskógi. Nota á pennann við
nauðsynlegar undirskriftir í því
sambandi,“ sagði enn fremur.
Ólöf Nordal ræddi Vestfjarðaveg á
fundi á Patreksfirði og lagði áherslu
á að geta hafið vegarlagningu í gegn-
um Teigsskóg. Fengi málið viðun-
andi lausn væri hægt að bjóða út
verkið fyrir lok næsta árs. -jh
Hjálpum Nepal
Þann 25. apríl síðastliðinn skók öflugur jarðskjálfti
Nepal. Annar skjálfti reið yfir þann 12. maí. Um
10 þúsund manns létu lífið, rúmlega 20 þúsund
slösuðust og milljónir fjölskyldna misstu heimili sín.
Fjallað verður um störf þeirra sjö sendifulltrúa
sem fóru til Nepal á vegum Rauða krossins á Íslandi
og hvernig þeim fjármunum sem söfnuðust hér
á landi var ráðstafað í hjálparstarfinu.
Fimmtudaginn 24. september verður opinn
fræðslufundur í húsi Rauða krossins að
Efstaleiti 9, kl. 16.30-17.45.
2 x 14 cm
Allir velkomnir
Skráning á raudikrossinn.is
H
V
ÍT
A
H
Ú
S
IÐ
/
S
ÍA
–
1
5–
19
56
PANTAÐU Á CURVY.IS
EÐA KOMDU Í VERSLUN
OKKAR AÐ FÁKAFENI 9
NÝ SENDING
STÆRÐIR 16-24
Fjórar sýningar að eigin vali
á besta verðinu.
Áskriftarkort
Borgarleikhússins
Vertu með
í vetur!
Miðasala
568 8000 | borgarleikhus.is
8 fréttir Helgin 18.-20. september 2015