Morgunblaðið - 03.02.2015, Blaðsíða 1

ÞRIÐJUDAGUR 3. FEBRÚAR 2015
ÍÞRÓTTIR
Ofurskálarleikurinn Tom Brady stýrði New England Patriots til sigurs á Seattle Seahawks og vann
sinn fjórða titil. Afdrifarík ákvörðun þjálfara Seattle á örlagastundu. Fyrsti titill Patriots í áratug. 4
Íþróttir
mbl.is
„Ég er að fara í þetta framboð af fullri alvöru.
Þetta er ekkert grín en þeir á KSÍ hringdu í mig
og spurðu mig hvort svo væri,“ sagði Jónas Ýmir
Jónasson við Morgunblaðið en hann hefur boðið
sig fram í kjöri til formanns KSÍ á ársþingi sam-
bandsins sem haldið verður þann 14. þessa mán-
aðar. Hann býður sig fram gegn sitjandi for-
manni, Geir Þorsteinssyni, sem hefur verið
formaður KSÍ frá árinu 2007. Jónas er 38 ára
gamall Hafnfirðingur sem hefur starfað talsvert
fyrir FH, m.a. lýst knattspyrnuleikjum félagsins í
FH Radio og verið ritstjóri vefsíðu stuðnings-
manna félagsins, fhingar.net, um árabil.
„Fyrir tveimur árum hugsaði ég um að bjóða
mig fram þegar engin mótframboð komu en ég lét
ekki verða af því. Ég er með fullt af hugmyndum
sem ég mun skýra betur frá í vikunni. KSÍ virðist
vera afar lokað batterí. Ég vil opna það og gera
upplýsingar aðgengilegri varðandi peningamál og
annað. Geir hefur unnið fínt starf sem formaður
en ég tel rétt að hann stígi til hliðar núna. Það
þarf að opna leið fyrir aðrar hugmyndir og það er
engum hollt að sitja of lengi í svona embætti. Ég
ræddi við lítinn hóp í byrjun. Ég held að flestir
hafa ekki trúað því að ég ætlaði í framboð en nú
þegar það er orðið að veruleika hef ég fundið fyrir
miklum stuðningi. Ég ræddi ekkert við for-
ráðamenn FH um þessa ákvörðun mína og ég hef
ekki fengið nein viðbrögð frá þeim,“ sagði Jónas
Ýmir. gummih@mbl.is
„Þetta er ekkert grín“
 Jónas Ýmir Jónasson býður sig fram til formanns KSÍ  Í baráttu við Geir
SKÍÐI
Sindri Sverrisson
sindris@mbl.is
„Þetta er ótrúlega gaman. Ég brosi hringinn alla
daga. Þetta var rétt ákvörðun,“ sagði skíðakonan
María Guðmundsdóttir við Morgunblaðið í gær.
Hún vann til gullverðlauna nýverið á tveimur al-
þjóðlegum svigmótum í Idre í Svíþjóð, hálfu ári
eftir að við íþróttafréttamenn fengum tilkynningu
um að hún væri hætt skíðaiðkun.
Tilkynningin kom ekkert svakalega á óvart.
María, sem er 21 árs gömul, hafði veturinn áður
slitið krossband í hné í annað sinn á ferlinum,
nokkrum dögum áður en hún átti að keppa á Vetr-
arólympíuleikunum í Sotsjí. Vonbrigðin voru mikil
og María sá fram á langt endurhæfingarferli sem
ekki væri víst að skilaði fullum bata. Þess vegna
hélt hún að ferlinum væri lokið, en svo er aldeilis
ekki og með fyrrnefndum sigrum, eftir aðeins
einn mánuð af fullum æfingaþunga í brekkunum,
hefur María sýnt að hún er sennilega fremsta
svigkona landsins.
Var ótrúlega leið
„Ég var ótrúlega leið eftir að hafa misst af ól-
ympíuleikunum og að hafa slasast aftur svona al-
varlega. Ég var líka orðin þreytt og leið á því að
vera alltaf að þjálfa mig upp aftur og aftur. En
þegar ég var búin að þjálfa mig upp kom löngunin
í að skíða aftur, því ég sá að ég gæti þetta allt
ennþá og að hnéð væri bara fínt. Ég var hrædd
um að ég yrði aldrei alveg jafngóð en svo kom
meiri og meiri löngun, sérstaklega þegar það fór
að kólna úti og svona, og ég ákvað að prófa að
skíða. Það gekk bara frekar vel,“ sagði María.
„Ég fór aftur á skíðin í nóvember en byrjaði
ekki að æfa af fullri alvöru fyrr en í lok desember.
Þess vegna kemur árangurinn hingað til mjög
mikið á óvart. Þetta er alveg geggjað og sýnir
manni að þetta er alveg hægt,“ sagði María en á
seinna mótinu sem hún vann átti hún sitt næst-
besta mót á ferlinum. Hún virðist því hafa fundið
sitt fyrra form á sama ógnarhraða og hún hefur í
brekkunum.
María hefur eins og áður segir slitið krossband í
hægra hnénu tvisvar, en segir ekki meiri hættu en
ella á að hún slíti krossband í þriðja sinn.
Hugsa sem minnst um þetta
„Þegar það er liðið heilt ár frá aðgerðinni á allt
að vera gróið. Þegar ég sleit í seinna skiptið þá var
það því alveg jafnmikil óheppni og í fyrra skiptið.
Það hafði ekki áhrif að hafa slitið krossband áð-
ur,“ sagði María, en hefur það ekki sín áhrif á
hana í keppni að hafa tvívegis orðið fyrir svo al-
varlegum meiðslum?
„Kannski smá, aðallega í stórsviginu. Þar er
meiri hraði og ég hef slasast í stórsviginu, en ég
reyni að hugsa sem minnst um þetta. Það þýðir
ekkert að velta sér upp úr þessu. Ef maður er
smeykur þá fer maður alla vega ekki hratt.“
Líklegra að maður geti sýnt eitthvað núna
María heldur í dag til Bandaríkjanna líkt og
aðrir liðsmenn landsliðsins í alpagreinum þar sem
íslenski hópurinn mun nýta næstu daga til loka-
undirbúnings vegna sjálfs heimsmeistaramótsins
sem hefst í dag. Fyrstu íslensku keppendurnir
renna sér svo af stað á HM í næstu viku, eða 12.
febrúar. María keppir í sinni sterkustu grein,
svigi, 14. febrúar, sem er nokkuð sem hún hugsaði
varla um fyrir nokkrum mánuðum.
„Ég ætla bara að fara út og gera mitt besta. Ef
ég skíða tæknilega vel þá veit ég að ég get gert
ágætis hluti. Aðalmarkmiðið er að komast í þann
hóp sem skíðar seinni ferðina,“ sagði María sem
keppti á HM í Schladming 2013 og hefur einnig
reynslu af því að fara á HM unglinga.
„Það er mjög gott að hafa prófað þetta áður og
þá eru meiri líkur á að maður geti sýnt eitthvað
núna,“ sagði María.
Sá að ég gæti allt ennþá
 María Guðmundsdóttir setti skíðin á hilluna eftir önnur krossbandsslit
 Hætti við að hætta og vann tvö alþjóðleg mót  HM í Colorado framundan
Ljósmynd/Auðunn Níelsson
Endurkoma María Guðmundsdóttir er aftur byrjuð að renna sér í skíðabrekkunni.
 Rúnar Sigtryggsson var lyk-
ilmaður í varnarleik Íslands sem lék
um verðlaun á EM í handknattleik í
Svíþjóð árið 2002. Liðið þurfti þó að
sætta sig við tap fyrir Dönum í leikn-
um um bronsið 3. febrúar, 22:29.
 Rúnar fæddist 1972 og lék með
Þór, Val, Víkingi og Haukum, en sem
atvinnumaður með Göppingen, Wallau
Massenheim og Eisenach í Þýskalandi
og Ciudad Real á Spáni. Með spænska
liðinu varð hann bikarmeistari og vann
EHF-bikarinn árið 2003. Hann þjálfaði
Eisenach, Þór og lið Akureyrar, og
þýska liðið Aue frá 2012. Rúnar lék 118
landsleiki og skoraði í þeim 105 mörk.
ÍÞRÓTTA-
MAÐUR-
DAGSINS
Víðir Sigurðsson
vs@mbl.is
„Þetta er stórt
skref fyrir mig á
ferlinum og má
segja að draumur
sé að rætast með
að spila í svona
stórri deild,“ sagði
knattspyrnumað-
urinn Sverrir Ingi
Ingason við Morg-
unblaðið í gær-
kvöld eftir að hann
skrifaði undir samning við belgíska
félagið Lokeren til hálfs fjórða árs.
Lokeren kaupir hann af Viking í
Noregi fyrir um 100 milljónir ís-
lenskra króna en Sverrir fór til
norska liðsins frá Breiðabliki fyrir
ári síðan.
„Nú byrja ég að æfa af fullum
krafti með liðinu á morgun, þá hefst
vinnan fyrir alvöru og vonandi verð
ég tekinn fljótlega inn í liðið. Ég hef
fulla trú á því, ég er í góðri æfingu
eftir hörku undirbúningstímabil í
Noregi síðasta mánuðinn, og finn að
þjálfarinn hérna hjá Lokeren treyst-
ir á mig og það eru gerðar vænt-
ingar til mín, enda er ég keyptur
fyrir háa upphæð,“ sagði Sverrir,
sem er 21 árs miðvörður og á tvo A-
landsleiki að baki en hann var fyr-
irliði 21-árs landsliðsins í síðustu
undankeppni.
Keyptur fyrir Scholz
Sverrir á að koma í vörn Lokeren
í staðinn fyrir Alexander Scholz,
fyrrverandi leikmann Stjörnunnar,
sem Lokeren seldi til Standard á
dögunum. „Umræðan hjá félaginu
er mjög jákvæð í garð Íslendinga,
enda hafa þeir verið margir hérna
og svo kom Scholz til þeirra frá Ís-
landi,“ sagði Sverrir.
„Þetta er
stórt skref
á ferlinum“
Sverrir Ingi
Ingason
 Sverrir gæti farið
beint í lið Lokeren