Morgunblaðið - 03.02.2015, Blaðsíða 4

4 ÍÞRÓTTIR
MORGUNBLAÐIÐ ÞRIÐJUDAGUR 3. FEBRÚAR 2015
Lífræn Jurtablanda
• Bætir meltinguna
• Brýtur niður fitu í fæðunni
• Hjálpar gegn brjóstsviða
• Dregur úr uppþembu
• Vatnslosandi
• Virkar fljótt
Nánari upplýsingar á www.heilsa.is
Fæst í apótekum og heilsuvöruverslunum
sem léttir
meltinguna
NFL
Gunnar Valgeirsson
Los Angeles
Tom Brady, leikstjórnandi New
England Patriots, sýndi enn einu
sinni af hverju hann er talinn einn af
bestu leikstjórnendum í sögu NFL-
deildarinnar með því að stjórna
tveimur sóknarlotum í endamark í
lokaleikhluta Ofurskálarleiksins
gegn Seattle Seahawks á sunnu-
dagsvöld í Phoenix.
Með sigrinum hafa þeir Brady og
þjálfarinn Bill Belicheck nú náð að
vinna fjóra meistaratitla eftir 28:24
sigur í æsispennandi leik.
Sóknarlið New England náði fljót-
lega stjórn á leiknum í fyrri hálf-
leiknum með löngum sóknum þar
sem markmiðið var að leika af ör-
yggi. Vörn Seattle hélt hinsvegar
tuðrunni frá því að komast í enda-
markið, m.a. komst Jeremy Lane
inn í sendingu Toms Brady í enda-
markinu. Það kom þó engum á óvart
þegar Patriots náði forystunni, 7:0, í
upphafi annars leikhlutans.
Liðin skiptust síðan á þremur
snertimörkum það sem eftir lifði
hálfleiksins og Seattle jafnaði leik-
inn, 14:14, tveimur sekúndum fyrir
hálfleik.
Þrátt fyrir yfirburði Patriots í
hálfleiknum náði Seattle að hanga
jafnt á stigatöflunni.
Leikmenn Seattle virtust vita að
þeir voru heppnir að vera enn með í
leiknum í hálfleik, en þá mætti ein-
hver Kate Perry ásamt fólki í bún-
ingum sem hristi sig á stóru sviði í
allt of langan tíma.
Seattle náði forystunni í upphafi
seinni hálfleiksins með vallarmarki,
17:14, en um miðjan þriðja leikhlut-
ann náðu varnarmenn Seahawks að
komast aftur inn í sendingu Toms
Brady. Þetta tækifæri notfærði
Seattle sér og eftir snertimark Do-
ugs Baldwin náði Seahawks tíu stiga
forystu, 24:14.
Eftir það skiptust liðin á valdi á
tuðrunni þar til Danny Almendola
minnkaði forystuna í þrjú stig með
snertimarki fyrir New England eftir
sendingu Toms Brady – 24:21 þegar
tæpar átta mínútur voru eftir.
Spennan í hámarki í mikilvægasta
leik ársins.
Vörn New England náði að stoppa
Seattle og Tom Brady hafði nægan
tíma til að koma Patriots upp leik-
völlinn. Hann sendi fjórðu sendingu
sína í endamarkið til Julians Edelm-
an þegar tvær mínútur voru eftir og
staðan allt í einu 28:24 New England
í vil.
Seattle þurfti því að skora vall-
armark á þeim tíma til að vinna leik-
inn.
Afdrifarík ákvörðun
Russell Wilson sýndi afburða-
hæfni með því að koma liði sínu í
skorunarfæri tveimur jördum frá
endamarki eftir frábæran leik
Marwhawns Lynch þegar tæp hálf
mínúta var eftir. Þjálfarar Seattle
tóku þá afdrifaríku ákvörðun að
reyna sendingu inn í endamark,
þrátt fyrir það að Lynch hefði gert
vel í því allan leikinn að troða sér í
gegnum varnarmúr New England.
„Þeir höfðu sett vörnina upp til að
stoppa Lynch svo við tókum þá
ákvörðun að reyna sendingu í enda-
markið og láta þá Lynch reyna að
skora í næstu tilraun ef það mistæk-
ist, sagði Pete Carroll, hinn geð-
þekki þjálfari Seattle, eftir leikinn
þegar hann var inntur eftir þessu í
leikslok.
Það var í þessari leiktilraun sem
Malcom Butler, varnarmaður Pat-
riots, komst óvænt inn í sendingu
Russells Wilson og gerði þar með út
um leikinn þegar aðeins 20 sekúndur
voru eftir. Ótrúlegur endir á æsi-
spennandi leik.
Eftirminnilegur endir tryggði
fjórða meistaratitilinn
Þetta var einn af eftirminnileg-
ustu Ofurskálarleikjunum þar sem
gengi liðanna sveiflaðist fram og aft-
ur allan leikinn. Þetta voru aug-
ljóslega tvö bestu liðin í deildinni
með tvo frábæra leikstjórnendur og
var spennan í leiknum kærkomin
þeim sem hafa meiri áhuga á leikn-
um sjálfum en öllum þeim endalausu
spádómum sem í kringum hann
ganga í fjölmiðlum.
Þetta var fyrsti meistaratitill New
England í áratug og voru margir
farnir að spá að nú færi hver að vera
síðastur á þeim bænum að vinna tit-
ilinn, enda Brady orðinn 37 ára.
Hann sýndi hinsvegar í lokaleikhlut-
anum af hverju hann er talinn einn
af bestu leikstjórnendum í sögu
deildarinnar.
Kappinn sýndi mikla yfirvegun í
að stjórna sóknarleik Patriots á mik-
ilvægustu augnablikum leiksins,
þrátt fyrir tvenn alvarleg misök fyrr
í leiknum sem næstum kostuðu lið
hans sigurinn. Hann sendi alls fjórar
sendingar í endamark í leiknum og
var kosinn maður leiksins, sem kom
engum á óvart.
Samheldnin í hópnum
„Þetta fór ekki alveg eins og við
höfðum gert ráð fyrir og sending-
arnar sem þeir komust inn í hjálp-
uðu sannarlega ekki. Við erum hins-
vegar með hörkulið sem aldrei gefst
upp og það hefur hjálpað okkur allt
keppnistímabilið. Það var sam-
heldnin í liðshópnum sem hélt föst í
lokin og það var það sem tókst vel til
með í kvöld. Seattle er með frábært
lið, en okkur tókst að vinna þetta á
síðustu sekúndunum. Jafnara gat
það ekki verið,“ sagði Brady í leiks-
lok.
Eins og við skrifuðum á þessum
síðum fyrir leikinn eru þessir Ofur-
skálarleikir oft leiðinlegir þegar
annað liðið tekur leikinn í sínar
hendur, en þetta voru tvö jöfn, vel
leikandi lið sem gáfu allt sem þau
áttu til að vinna titilinn.
gval@mbl.is
Brady vann fjórða titilinn
 New England sýndi mikla yfirvegun á lokamínútum Ofurskálarleiksins
 Brady stjórnaði tveimur sóknarlotum í endamarkið í lokin gegn Seattle
EPA
Meistarinn Tom Brady fagnar sigri New England Patriots á Seattle Seahawks í fyrrinótt.
Handboltaíþróttin stendur
í þakkarskuld við frönsku
heimsmeistarana. Umræðan um
aðkeypt lið Katar hefði orðið
allsráðandi ef gestgjafarnir
hefðu unnið mótið. Er hún alveg
nógu hávær þrátt fyrir að Frakk-
ar hafi haft sigur eins og þeir
hafa vanið sig á að gera í úr-
slitaleikjum.
Enginn sómi er að þessari
liðssmölun hjá Katar. Hins vegar
eru til ótal dæmi í öðrum íþrótt-
um, til dæmis í boltagreinunum,
um svipað hugarfar án þess að
vandlæting íþróttaunnenda
verði jafn áberandi.
Var smölun Bandaríkja-
manna fyrir HM í knattspyrnu í
fyrra mjög fjarskyld því sem
Katar gerði? Þegar BNA er ann-
ars vegar er nóg að foreldrar
leikmanns hafi sótt þar nám um
hríð. Ef viðkomandi fæddist í
landinu er hann með ríkisborg-
ararétt. Jackie Charlton stóð í
mikilli smölun í landslið Írlands
á sínum tíma. Náði hann bæði í
Skotann Ray Houghton og Eng-
lendinginn John Aldridge. Ásgeir
okkar Sigurvinsson var einnig
spurður í beinni útsendingu
hvort hann vildi spila fyrir V-
Þýskaland.
Í fótboltanum var þó sett
regla árið 2004 þar sem óheim-
ilt er að skipta um A-landslið.
Aðrar íþróttagreinar mættu gera
slíkt hið sama en það bindur
ekki enda á svona lagað. Ekki á
meðan ríkin eru tilbúin til að
skella ríkisborgararétti á
íþróttamenn af litlu tilefni. Leik-
menn geta verið frábærir þótt
þeir hafi ekki leikið A-landsleik
eins og bandarískir körfubolta-
menn. 2. og 3. kynslóðar smöl-
un er þekkt í íþróttunum og þar
eru tengingarnar við þjóðirnar
stundum litlar sem engar. Hug-
arfarið er því ekkert frábrugðið
því sem sjá má hjá Katarbúum.
BAKVÖRÐUR
Kristján Jónsson
kris@mbl.is
Elías Snorrason
úr KFR og María
Helga Guðmunds-
dóttir úr Þórs-
hamri eru efst á
stigalistunum eft-
ir annað bikarmót
Karatesambands
Íslands sem fram
fór um helgina.
Keppt var í
bæði kata og ku-
mite en þetta var annað mótið af
þremur. Bikarmeistarar verða
krýndir í lok þriðja mótsins hinn 25.
apríl en stig úr bæði kata og kumite
gilda til bikarmeistaratitils.
Elías vann sigur í kata en María
Helga varð í 3. sæti í kata og í 5.-6.
sæti í kumite. Bikarmeistari síðustu
fimm ára, Kristján Helgi Carrasco,
dvelur erlendis þessar vikurnar og
gat ekki keppt. Bikarmeistari
kvenna, Telma Rut Frímannsdóttir,
vann sigur í kumite en hún missti af
fyrsta mótinu þar sem hún var í æf-
ingabúðum í Frakklandi.
Elías er með 20 stig eftir tvö mót í
karlaflokki, Ólafur Engilbert Árna-
son úr Fylki er með 18 stig og Jó-
hannes Gauti Óttarsson úr Fylki 16
stig.
María Helga er með 21 stig í
kvennaflokki, Svana Katla Þorsteins-
dóttir úr Breiðabliki er með 20 stig og
Kristín Magnúsdóttir úr Breiðabliki
er með 19 stig.
Elías og María
efst eftir tvö
bikarmót
Elías
Snorrason