Húnavaka - 01.05.1992, Qupperneq 30

28
HUNAVAKA
Þessi rekstur tók á þriðja sólarhring því að það var haldið stöðugt
áfram, með stuttum hvíldum fyrir féð, frá því lagt var af stað að
heiman og þar til fénu var sleppt fram á heiði. Eftir að ég fór að
búa rak ég aldrei lengra en fram á Sjónarhól sem er fram við
Hrafnabjargarbungu og síðustu árin bara fram fyrir girðinguna hjá
Hrafnabjörgum.
Það hefur gengið á ýmsu og gengur enn
Þú hefur tekid mikinn þátt ífélagsmálum sveitarinnar?
Eg hafði fljótt áhuga á að fylgjast með því sem var að gerast í
kringum mig og blanda geði við sveitunga mína. Eg lenti svo í
hreppsnefnd árið 1954 og varð oddviti 1962 og var það til 1990.
Oddvitastarfið var að mörgu leyti skemmtilegt og lærdómsríkt.
Það var töluvert stúss við Qallskilin á haustin þó að það væri oddvid
Svínavatnshrepps sem var aðalstjórnandi þeirra mála á Auðkúlu-
heiði en oddviti Torfalækjarhrepps á Sauðadal. Eiginlega þótti
mér meira starf að fást við fjallskil í hreppnum en oddvitastarfíð að
öðru leyti, því að inn í fjallskilamálin blandaðist girðingarvinna,
refavinnsla og gróðurverndarmál á heiðinni. Eg tek nú undan
Blönduvirkjunarmálið sem var sérmál og lenti vestan Blöndu á
þremur hreppum, Svínavatns- Torfalækjar- og Blönduóshreppi, en
umræða um þetta mál mun hafa byrjað um 1974. Þá voru haldnir
fundir með ráðamönnum þegar Gunnar Thoroddsen var iðnaðar-
ráðherra. Uppistaðan í þeim samningsdrögum var í raun og veru
allt önnur en varð seinna meir. Þá var hægt að fá frítt rafmagn hjá
virkjuninni og var þá ef ég man rétt völ á 14-15 kílówöttum á hvert
býli hér í Torfalækjar- og Svínavatnshreppum. Svo lá þetta mál
niðri þangað til rétt eftir 1980 og kom þá í þann farveg sem að lok-
um var samið um. Það er of mikið mál að lýsa starfinu við fundar-
höld og fleira við þetta mál bæði hér fýrir norðan og sunnan. Það
hefur gengið á ýmsu og gengur enn.
Oddvitastarfið fýrir utan fjallskilamálin og þetta Blönduvirkjun-
armál var að mínu viti ekki mjög mikið. Eitt aðalstarfið var inn-
heimtan og er enn að hluta til. Eg hafði alltaf ánægju af því, fór
heim á bæina, rabbaði við fólkið. Uppgjör leystist alltaf á þann veg
að alla mína oddvitatíð var ekki fellt niður útsvar eða önnur gjöld