Morgunblaðið - 08.05.2015, Side 28

28 | MORGUNBLAÐIÐ
A
uðvitað er bílaflotinn að eldast en að
sama skapi virðist fólk hugsa betur
um gömlu bílana sína. Það þarf að
vera á þeim áfram og hugsar því um
að halda þeim við. Það birtist meðal
annars í því að ekki er stórlegur munur á end-
urskoðunarhlutfalli eða athugasemdum skoð-
unarmanna nú miðað við fyrri ár þegar með-
alaldur bílaflotans var yngri,“ segir Bergur
Helgason, framkvæmdastjóri Aðalskoðunar, í
samtali við Morgunblaðið.
Af hálfu Bílgreinasambandsins hefur aldur
íslenska bílaflotans verið gerður að umtalsefni,
gjarna við hver mánaðamót þegar birtar eru
tölur um bílasölu og nýskráningar.
Meðalaldurinn með því hæsta
Um nýliðin mánaðamót var meðalaldur fólks-
bíla sagður vera 12,7 ár sem væri með því
hæsta sem þekkist. Sagði það nauðsynlegt að
endurnýja flotann svo neytendur fengju notið
þess besta í bílum er sneri að umferðaröryggi
og eldsneytisnotkun. Bergur segir að svo virð-
ist sem athugasemdir og aðfinnslur í skoðun
væri að fara örlítið upp á við, en hvort það væri
tölfræðilega marktækt yfir lengri tíma kvaðst
hann ekkert vilja staðhæfa um.
„Við erum hins vegar að sjá breytingar í
dæmingunum. Þar fjölgar þeim þáttum sem
fólk á erfiðara með að fylgjast sjálft með.
Þannig eru til dæmis að aukast dæmingar á
ryð og styrkleikamissi, svo sem á ryð í sílsum
og burðarvirki. Á árabilinu 2010 til 2014 fjölg-
aði slíkum athugasemdum um 50%. Þetta
bendir ef til vill til þess, að þótt fólk geti haldið
bílunum við þá vinnur tíminn á þeim.“
Bergur sagðist ekki hafa það sundurgreint
hvernig þessi þróun skiptist milli eldri bíla og
nýrra. Gera mætti þó því skóna, að það væru
frekar eldri bílar sem stæðu að baki þessari
aukningu; væru að fá á sig dóma vegna ryðs.
„Svo sjáum við líka að hjólabúnaðurinn er
dæmdur meira; spindilkúlur, hjólaspyrnur og
sérstaklega gormar og fjaðrir. Það jókst nokk-
uð á síðasta ári. Menn hafa velt því fyrir sér
hvort það tengist kannski ástandi vega sem
verið hefur talsvert í umræðunni. Ég er ekki
með tölfræði fyrir þetta ár á takteinum en til-
vikum þar sem dæmdir voru brotnir gormar
fjölgaði upp á 65% á árunum 2010 til 2014. Það
er í sjálfu sér ekkert órökrétt ef meira var um
holur og klaka á nýliðnum vetri en áður að
ætla að það skýri þetta því klaki og holur
reyna mjög á fjöðrunarbúnað bíla. Það eru
svona hlutir sem eru að aukast, en í lagi eru
frekar hlutir sem fólk sér og getur fylgst með,
svo sem ljósabúnaður og annað.“
Aðalskoðun fagnaði 20 ára afmæli í byrjun
ársins. „Við byrjuðum föstudaginn 13. janúar
1995 og höfum starfað allan þennan tíma á
sömu kennitölu og staðið við okkar skuldbind-
ingar og skyldur. Í þeirri samkeppni sem ríkir
hefur okkur gengið ágætlega að byggja upp og
endurnýja stöðvar okkar. Við erum með fjórar
skoðunarstöðvar á höfuðborgarsvæðinu, í
Hafnarfirði, Kópavogi, inni í Skeifu og uppi á
Grjóthálsi. Síðan erum við með stöð í Njarðvík
í Reykjanesbæ. Í Grundarfirði, á Reyðarfirði
og Ólafsfirði skoðum við svo tvisvar í mánuði í
samstarfi við verkstæði í heimabyggð,“ segir
Bergur, en alls eru starfsmenn Aðalskoðunar
um 30.
Bifhjól og fornbílar
Síðastliðinn laugardag var Aðalskoðun með
skoðunardag fyrir bifhjól við skoðunarstöðina í
Njarðvík í samvinnu við Erni, bifhjólaklúbb
Suðurnesja. „Það tókst glimrandi vel, var vel
sótt, enda vorum við heppnir með veður,“ segir
Bergur og bætir við að um árlegan viðburð
sé að ræða. „Síðan erum við með árlega skoð-
un á fornbílum í samvinnu við Krúser-
klúbbinn, en hann var einmitt í gær. Þar er um
að ræða klúbb fornbílaáhugamanna sem hefur
byggst upp undanfarin 10-15 ár. Þeir koma
hingað einn dag á hverju vori og krúserbandið,
sem er blúshljómsveit innan félagsins, heldur
oftar en ekki uppi fjörinu.“
Í tilefni af afmælisárinu hefur Aðalskoðun
tekið upp á því að endurgreiða 20 heppnum
viðskiptavinum skoðunargjaldið í mánuði
hverjum. „Við erum með viðskiptavinaklúbb
sem við köllum Aðal. Skrái fólk sig í hann þeg-
ar það mætir til skoðunar þá eru dregnir út 20
bíleigendur í hverjum mánuði sem fá end-
urgreitt. Klúbbfélagar fá jafnframt nið-
urstöður skoðunarinnar sendar í tölvupósti.
Viðbrögð við því hafa verið jákvæð því ef eitt-
hvað reynist að bílnum og þarf að kaupa vara-
hluti er allar viðeigandi upplýsingar að finna í
póstinum; hvað var sett út á og hvað þarf að
bæta úr. Klúbblistann notum svo svo í framtíð-
inni til að minna fólk á hvenær færa þarf bíl til
skoðunar. Með því við viljum hjálpa bíleig-
endum til að komast hjá því að þurfa að borga
vanrækslugjald sem fylgir því að færa bílinn
ekki til skoðunar á réttum tíma, en það vill
stundum gleymast,“ segir Bergur.
Stoltir í úrvalshópi
Hann sagði loks hróðugur frá því að Að-
alskoðun væri nú í hópi framúrskarandi fyr-
irtækja í úttekt Creditinfo. „Það þýðir að Cre-
ditinfo skoðar ársreikninga allra fyrirtækja í
landinu þrjú ár aftur í tímann. Uppfylli þau
ákveðin fjárhagsleg skilyrði; eru í föstum
rekstri, með jákvæða afkomu, ákveðið eig-
infjárhlutfall og slíkt; séu einfaldlega í góðu
lagi þá komast þau í þennan flokk. Í hann kom-
ust ekki nema 1,7% fyrirtækja í síðustu úttekt.
Að fylla þennan flokk fyrirtækja er talsverður
árangur, ákveðin viðurkenning á því að menn
standi sig vel í rekstrinum og fjárhagurinn sé í
lagi. Af því að vera þarna á meðal erum við
mjög stolt, en árangurinn þökkum við við-
skiptavinum okkar og starfsfólki,“ sagði Berg-
ur Helgason að lokum. agas@mbl.is
Fólk hugsar betur um bílana sína
Ánægjulegt er að sjá að land-
inn er farinn að hugsa betur
um bílana sína. Tíminn vinnur
þó á ökutækjunum hægt og
bítandi og því nauðsynlegt að
fylgjast vel með.
Morgunblaðið/Árni Sæberg
Vildarklúbbur „Við erum með viðskiptavinaklúbb sem við köllum Aðal. Skrái fólk sig í hann þegar það mætir til skoðunar þá eru dregnir út 20 bíleigendur í
hverjum mánuði sem fá endurgreitt,“ segir Bergur Helgason forstjóri Aðalskoðunar. Fyrirtækið fagnar 20 ára afmæli um þessar mundir.
L
ánafyrirtækið Ergo býr að
langri sögu og er í dag rekið
sem sjálfstæð eining innan
Íslandsbanka. Þar er í boði
tækjafjármögnun af ýmsum
toga, frá bíla-, bifhjóla- og tjaldvag-
nalánum fyrir neytendur yfir í vinnu-
tækjafjármögnun fyrir atvinnulífið.
Haraldur Ólafsson er for-
stöðumaður útlánasviðs Ergo og seg-
ir hann að undanfarin ár hafi lánveit-
ingar einkum verið til fyrirtækja. Nú
virðist þetta vera að breytast og
hlutur lána til almennings fer vax-
andi. „Eftir hrunið var skiptingin
þannig að um 80% lána voru tekin af
fyrirtækjum en 20% af ein-
staklingum. Fyrir um veimur árum
fór þetta hlutfall að breytast en er þó
enn nokkuð langt frá því sem kalla
má eðlilegt jafnvægi. Ætti skiptingin
að vera nær 55% á móti 45% þegar
bílasala hefur náð sér að fullu á
strik.“
Að sögn Haralds má koma auga á
ýmsar breytingar í vali og áherslum
almennings þegar kemur að bílalán-
um. Þannig velji í dag 95% lánþega
að taka óverðtryggð lán. Þá hefur
hlutur bílasamninga, þ.e. kaupleigu-
samninga, farið minnkandi ár frá ári
á meðan fleirin velja hefðbundið veð-
lán.
Verkfallið truflar
Haraldur segir veðlán og bílasamn-
inga hafa bæði sína kosti og galla en
flækjustigið geti stundum verið
meira ef um hefðbundið veðlán er að
ræða. „Fullnægja þarf fleiri forms-
atriðum eins og er að koma í ljós
núna þegar verkfallsaðgerðir hafa
orðið þess valdandi að fjöldi bílalána
bíður þinglýsingar svo ekki er hægt
að ganga frá gerðum samningum.“
Að mati Haralds er greinilegt að
Íslendingar eru í dag orðnir miklu
meðvitaðri neytendur í bíla-
viðskiptum. Lánshlutföllin eru þann-
ig lægri en þau voru fyrir hrun og
segir Haraldur að að meðaltali fjár-
magni lánið um 57-8% af kaupverði
bílsins. Þá skipti það lántakendur
miklu að eiga kost á að borga lánið
upp hraðar án uppgreiðslugjalds.“
Um leið er minna hlutfall bílaflot-
ans fjármagnað með lánum og hefur
farið úr u.þ.b. 70% fyrir hrun niður í
hér um bil 23% 2009. Hlutfallið var
komið upp í 36% í fyrra og er enn á
uppleið.
Nýjar lánavörur þýða síðan að
neytendur hafa úr fleiri kostum að
velja. Vaxtalaus bílalán eru viðbót
við flóruna og eru í boði hjá völdum
bílaumboðum. „Er þá lánshlutfallið
lægra og lánstíminn styttri. Er gert
ráð fyri 60% innborgun og 40% láni
til þriggja ára og greidd föst krónu-
uphæð út lánssamninginn.“
Virðist þessi fjármögnunarleið
ekki síst höfða til eldri kaupenda sem
hafa ágætis fjárráð. „Þetta er fólk
sem á fyrir nokkuð stórri útborgun
og kann að meta að engin óvissa er í
kringum afborganirnar.“
ai@mbl.is
Íslendingar orðnir meðvitaðri neytendur
Landsmenn sýna meiri varkárni í bílakaupum og
fjármögnunarhlutfallinu í hóf. Merkileg tilfærsla
hefur orðið í aðalsölutíma notaðra bíla.
Morgunblaðið/Árni Sæberg
Vöxtur Haraldur Ólafsson segir bílalán til almennings vera að aukast.
Hagsýni Íslendinga í bílakaupum
er meðal annars farin að birtast í
því að annasamasti sölutími not-
aðra bíla hefur færst til. Haraldur
segir að áður hafi komið kippur í
sölu notaðra bíla á vorin en núna
komi kúfurinn á haustin. „Það er
á haustin sem bílaleigurnar losa
sig við umframbíla úr flotanum
eftir háannatíma sumarsins.
Áhrif frá bíla-
leigunum