Morgunblaðið - 08.05.2015, Page 29

MORGUNBLAÐIÐ | 29
Þ
að borgar sig að hugsa vel
um bílinn. Allir vita að
gæta þarf að þrýstingi í
dekkjum, kíkja í skoðun
reglulega og laga hratt og
vel þá hluta bílsins sem eru farnir að
gefa sig. En það skiptir ekki síður
máli að hlúa vel að ytra byrði öku-
tækisins, halda bílnum hreinum,
glansandi og snyrtilegum.
Einar Ásgeir Einarsson er sölu-
maður Sonax hjá Ásbirni Ólafssyni
ehf. Hann segir að það sjáist vel á
bílnum þegar vel er um hann hugsað.
Það getur t.d. hjálpað til við end-
ursölu ef þess hefur verið gætt að
þrífa bílinn rétt með vönduðum efn-
um, og bóna reglulega. „Auk þess er
það hreinlega gott fyrir sjálfs-
traustið, og miklu skemmtilegra að
aka á bíl sem er hreinn og vandlega
bónaður,“ segir hann.
Ekki hjálpar til að íslenskar að-
stæður eru krefjandi. „Það mæðir
mikið á bílunum, saltúði berst af hafi
og mikið af tjöru á götum yfir vetr-
artímann. Ryð og tæring eiga greiða
leið að bílnum ef ekki er passað upp á
að þrífa hann reglulega og verja
lakkið með bóni.“
Þýsk úrvalsvara
Sonax er rótgróið merki og hefur
fengist á Íslandi í tæplega fjóra ára-
tugi. Sonax kemur frá bænum Neub-
urg an der Donau í Þýskalandi en
þar hófst framleiðslan árið 1950. Í
dag er Sonax-vörulínan orðin mjög
breið og hægt að finna þar vörur sem
henta þörfum hvers og eins. „Sonax
er með gríðarlega fjölbreytt vöruúr-
val. Við bjóðum upp á allt frá hrað-
bónum yfir í háklassavörur fyrir þá
kröfuhörðustu sem vilja nostra við
bílinn sinn eins og frekast er unnt.“
Af nýjustu viðbótum við vörulínu
Sonax má nefna vöru sem kallast
einfaldlega Lakkvörn+Gljái. Þetta
efni hefur vakið mikla athygli hjá
fagmönnum og þeim sem bóna bílana
sína oft, enda þykir þar á ferðinni
byltingarkennd nýjung í verndun
lakksins. Er um hátækniformúlu að
ræða sem allir geta notað, auðvelt er
að bera á og veitir langvarandi vörn.
„Þetta efni er mjög létt í vinnslu en
gott er að vinna með lítinn flöt í einu
t.d. hálft húdd eða eina hurð. Efnið
er þá borið jafnt á flötinn, látið taka
sig í 1-2 mínútur, og svo einfaldlega
strokið létt af með örtrefjaklút frá
Sonax þar til fullum gljáa er náð.“
Þegar Sonax Lakkvörn+Gljái er
komið á bílinn hefur efnið öðruvísi
viðkomu en hefðbundið vaxbón;
„Vatnsvörnin er alveg jafn mikil en í
stað þess að gefa bílnum sleipa áferð
eins og vaxbón gefur verður yf-
irborðið ögn stamara,“ útskýrir Ein-
ar.
Hann minnir á að ef lakkið er mjög
illa farið verði að vinna meira með yf-
irborðið áður en Sonax Lakk-
vörn+Gljái er borið á. „Eftir að bíll-
inn hefur verið þveginn er notaður
massi til að ná aftur upp dýptinni á
gljáanum.“
Hreinar felgur áreynslulaust
Nú er landið að koma undan löngum
vetri og þrátt fyrir að hafa reynt sitt
besta eru margir bílaeigendur að
uppgötva að dökk húð hefur lagst á
felgurnar, og tjöruleysir virðist gera
lítið gagn. „Þeir sem eru í þessum
sporum ættu að nota Sonax Xtreme
felguhreinsinn. Þetta er sýrulaus
felguhreinsir svo engin hætta er á að
efnið skemmi felgurnar, hvort sem
er um álfelgur eða stálfelgur að
ræða. Eftir að hafa þrifið felgurnar
er felguhreinsinum úðað á föst
óhreinindin. Efnið er látið standa á í
3-4 mínútur á meðan það gengur í
efnasamband við bremsurykið. Þeg-
ar það hefur myndað rauðan lit er
felgan einfaldlega spúluð eða þvegin
með þvottakústi.“
Eins og tjaran getur verið til leið-
inda á veturna þá eru klesst skordýr
að verða æ meira vandamál fyrir
ökumenn á sumrin. Oft sitja skor-
dýraleifarnar sem fastast og ekki
skemmtilegt verk að hreinsa af
framenda bílsins. „Sonax er með sér-
hæft efni, flugna- og skordýra-
hreinsi, sem úðað er á flugnaóhrein-
indin áður en bíllinn er þrifinn. Þessi
hreinsir inniheldur efni sem losa
flugurnar frá lakkinu svo að mun
auðveldara verður að ná bílnum
hreinum.“
ai@mbl.is
Aldrei auðveldara að vera
á glansandi hreinum bíl
Nýtt efni frá Sonax, Lakkvörn+Gljái, þykir hafa
byltingarkennda eiginleika, veita langavarandi vörn
en vera um leið auðvelt að bera á bílinn.
Morgunblaðið/Ernir
Samtaka Það er alltaf skemmtilegra að þvo bílinn þegar allir hjálpast að. Einar segir vissara að nota svamp eða mjög múkan kúst við þvottinn. Mynd úr safni af feðginum að sápa fjölskyldubílinn.
Fjölbreytni Til eru hreinsivörur sem gegna hver sínu hlutverki við þrifin.
Morgunblaðið/Árni Sæberg
Prýði Einar segir það gott fyrir sjálfstraustið að vera á vandlega bónuðum bíl.
Það er grátlegt þegar bíleigendur
gera einföld mistök við þrif á bíln-
um sem fara illa með lakkið. Ef
bíllinn er rangt þrifinn geta t.d.
hárfínar rispur fljótlega farið að
koma í ljós.
„Við bendum mönnum á að
nota sjampóið frá Sonax og helst
að þvo með svampi eða hreinum
þvottakústi með mjúkum hárum.
Með því að nota sjampó mýkist
vatnið og álagið á bónhúðina sem
fyrir er verður minna svo lakkið er
betur verndað,“ segir Einar.
Einnig margborgar sig að fjár-
festa í vönduðum svömpum og
klútum til að bera hreinsiefnin á
og strjúka þau af. Einar nefnir
sérstaka svamppúða frá Sonax til
að bera á bónið. „Þessir áburð-
arsvampar gefa mjög jafnt átak,
svo að auðveldara er að bera á og
bónið dreifist með jafnari hætti,“
segir Einar.
„Þeir sem eru vanir að nota
gamla boli, grisjur, sokka eða
viskustykki við bílþvottinn ættu
að prufa að fjárfesta í örtrefjak-
lútum, eins og rauðu undraklút-
unum frá Sonax. Þeir henta sér-
staklega vel til að ná fram
skýlausri áferð. Klútarnir fara svo
einfaldlega í þvottavélina, án
mýkingarefnis, og koma út jafn-
góðir í næstu bílþrif.“
Réttu klútarnir
og svamparnir
auðvelda þrifin