Morgunblaðið - 29.06.2015, Qupperneq 2

Hvalbátar Hvals hf. héldu til veiða í
gær. Fyrstu langreyðarnar gætu
veiðst í dag, ef skilyrði eru rétt.
Hvalur hefur heimild til að veiða
154 langreyðar á ári, auk þess kvóta
sem heimilt er að flytja frá fyrra ári.
Skipin fóru fyrr til veiða í fyrra og
hittifyrra, um miðjan júní, og voru
að veiðum langt fram eftir sep-
embermánuði. Ekki náðist kvótinn
þessi ár því 137 dýr veiddust í fyrra
og 134 árið áður. Veður var óhag-
stætt bæði árin. Þannig þurfti að
leggja skipunum um tíma í júlí á síð-
asta sumri vegna brælu.
Allt er klárt til að hefja vinnslu í
hvalstöðinni í Hvalfirði, að sögn
Guðmundar Steinbach fjármála-
stjóra. Um 150 manns eru við
vinnslu, veiðar og í frystihúsi.
helgi@mbl.is
Hvalbátarn-
ir eru farnir
til veiða
Morgunblaðið/Þórður
Vertíð Hvalur 8 heldur til veiða á
hvalamiðunum vestur af landinu.
2 FRÉTTIRInnlent
MORGUNBLAÐIÐ MÁNUDAGUR 29. JÚNÍ 2015
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is Smartland Marta María Jónasdóttir smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Margir nýttu sér gott veður helgarinnar og sum-
ir gengu því eða hjóluðu um miðbæ borgarinnar
eins og ungi drengurinn sem brunar á hlaupa-
hjóli niður Laugaveginn. Litríkt munstur prýðir
nú stóran kafla Laugavegar en almenningi gafst
kostur á að taka þátt í vinnunni síðastliðinn
föstudag. Göturnar eru í skærum litum en yfir-
bragð þeirra hefur vakið mikla kátínu hjá yngri
kynslóðinni.
Margir á ferð í góðviðrinu í höfuðborginni
Morgunblaðið/Árni Sæberg
Hjólað og gengið um litríkar götur Laugavegar
Helgi Bjarnason
helgi@mbl.is
Líf sem kviknaði í markaði fyrir al-
menna sumarbústaði í byrjun ársins
virðist hafa dofnað heldur í verkföll-
um og kjaradeilum í vor. Viðar
Böðvarsson, framkvæmdastjóri
Foldar fasteignasölu og stjórnar-
maður í Félagi fasteignasala, telur
líkur á að markaðurinn lifni aftur við
nú þegar verkföllin eru liðin hjá.
Ágæt sala var í sumarhúsum eftir
bankahrunið, á árunum 2009 til 2011.
Eftir það fór að dofna yfir og hefur
verið frekar lítil eftirspurn síðustu
árin. Viðar segir að svo virðist sem
leiðréttingin margumrædda undir
lok síðasta árs hafi skýrt stöðu
margra og aukið mönnum bjartsýni.
Það hafi meðal annars komið fram í
aukinni eftirspurn eftir sumarhúsum
í byrjun árs. Sem dæmi um það nefn-
ir hann að selst hafi bústaðir í jan-
úar, sem ekki sé algengt.
„Byrjunin á árinu gaf því góð
fyrirheit en mér fannst dofna aftur
yfir markaðnum í verkfallinu. Þetta
er þannig markaður að fólk tekur
ekki áhættu ef óvissa er um atvinnu
eða tekjur. Nú er búið að leysa öll
verkföll og ég á von á að það lifni aft-
ur yfir þessu,“ segir Viðar.
Sumarhús tiltölulega ódýr
Viðar telur að ágæt kauptækifæri
séu í markaðnum. Almenn sumarhús
hafi ekki hækkað í takt við íbúðarhús
og séu tiltölulega ódýr miðað við
byggingarkostnað. Hann er þá að
ræða um sumarbústaði á verðbilinu
10 til 17 milljónir kr.
Markaðurinn sé hins vegar lag-
skiptur. Önnur lögmál gildi um vand-
aðri sumarhús þar sem staðsetning
skipti miklu máli. Þar sé um að ræða
hús á bilinu 25 og upp í 60 milljónir
kr. Þau seljist tiltölulega hratt ef
eignin er talin standa undir verði.
Til viðbótar við leiðréttinguna seg-
ir Viðar að einhverjar fjármálastofn-
anir séu aftur farnar að lána út á
sumarbústaði. Það gæti hjálpað
markaðnum. Síðustu ár hafi fólk not-
að sparifé til að kaupa sumarhús eða
tekið lán út á skuldlítil íbúðarhús.
Erfitt er að spá í verðþróun á
markaðnum, að sögn Viðars, enda
fer hún eftir kaupmætti fólks og
fleiri atriðum. Hann telur líkur á að
eftirspurn sé að aukast og það ætti
að öðru jöfnu að hafa áhrif á verð.
Framboðið geti þó líka líka aukist en
þá frekar á eldri bústöðum því að lít-
ið hafi verið byggt undanfarin ár.
Kylfingum fer fjölgandi
Alltaf er mesta eftirspurnin eftir
sumarhúsum innan klukkutíma
akstursfjarlægðar frá Reykjavík. Þá
eru kylfingar vaxandi hópur sumar-
bústaðakaupenda og sækja í svæði
sem liggja vel við golfvöllum.
Lifnar yfir sumarhúsamarkaði
 Leiðréttingin og auknir lánamöguleikar hleyptu lífi í markaðinn  Aftur dró úr eftirspurn
vegna verkfalla og vinnudeilna  Fasteignasali telur að ágæt kauptækifæri séu í sumarhúsum
Grímsnes Fjöldi fjölmennra sumarhúsahverfa er í Grímsnesi.
„Við blásum alveg á spádóma um
það. Við höfum ekkert séð sem gefur
til kynna að ekki verði góð makríl-
vertíð, þvert á móti byrjar vertíðin
vel hjá okkur,“ segir Jón Axelsson,
skipstjóri á Álsey VE-2, um byrjun
makrílvertíðarinnar, en sumir höfðu
spáð því að makríllinn kæmi ekki í
ár.
Makríll hefur veiðst undanfarna
daga við Eyjar. Einnig er byrjað að
leita fyrir austan land en vertíðin
virðist byrja seinna þar en oft áður.
Álsey var nýkomin á miðin undir
kvöld í gær, þegar rætt var við Jón,
og var nýbúið að kasta. Veður var
leiðinlegt þannig að Jón hélt sig inni
á Grindavíkurdýpi. Um fjögur önnur
skip voru á svæðinu, sum utar og
vestar. Tvö skip fengu ágætis veiði
þar í gær. „Það er mjög gott ástand á
þessu hér við Vestmannaeyjar.
Menn eru að fá fínustu höl og stóran
og fallegan makríl. En veðrið er að
angra okkur,“ segir Jón.
helgi@mbl.is
Fínustu höl og
fallegur makríll
Morgunblaðið/Helgi Bjarnason
Afli Makríllinn sem veiðist við Vest-
mannaeyjar er stór og fallegur.
Pétur H. Blöndal,
stærðfræðingur og
þingmaður
Sjálfstæðisflokksins,
lést á föstudags-
kvöldið, 71 árs að
aldri. Hann hafði set-
ið sem alþingismaður
Reykvíkinga síðan
1995. Banamein Pét-
urs var krabbamein
og lést hann í faðmi
fjölskyldunnar.
Útför Péturs mun
fara fram í kyrrþey
að hans ósk. Þeim
sem vilja minnast
hans er bent á Minningarsjóð
krabbameinslækningadeildar
Landspítalans.
Pétur fæddist í Reykjavík 24.
júní 1944. Foreldrar hans voru
Haraldur H. J. Blön-
dal, sjómaður og
verkamaður, og Sig-
ríður G. Blöndal
skrifstofumaður. Pét-
ur lauk stúdentsprófi
frá MR árið 1965 og
diplom-prófi í eðlis-
fræði, stærðfræði og
tölvufræði við
Kölnarháskóla 1968.
Hann lauk svo dip-
lom-prófi í hagnýtri
stærðfræði, lík-
indafræði, tölfræði,
tryggingastærðfræði
og alþýðutryggingum
við Kölnarháskóla 1971 og dokt-
orsprófi í líkindafræði við sama
háskóla 1973.
Pétur starfaði sem sérfræðingur
við Raunvísindastofnun Háskóla
Íslands á árunum 1973-1975. Hann
var stundakennari við Háskóla Ís-
lands 1973-1977 og forstjóri Líf-
eyrissjóðs verslunarmanna 1977-
1984. Þá sinnti hann trygg-
ingafræðilegri ráðgjöf og
útreikningum fyrir lífeyrissjóði og
einstaklinga árin 1977-1994. Pétur
var framkvæmdastjóri Kaupþings
hf. 1984-1991 og kennari við
Verslunarskóla Íslands 1991-1994.
Hann var starfandi stjórnar-
formaður Tölvusamskipta hf.
1994-1995. Frá 1995 til þessa dags
starfaði Pétur sem alþingismaður.
Pétur var fráskilinn, en hann
kvæntist tvisvar. Fyrri kona hans
var Monika Blöndal. Seinni kona
hans var Guðrún Birna Guð-
mundsdóttir. Börn Péturs eru
Davíð, Dagný, Stefán Patrik,
Stella María, Baldur og Eydís.
Andlát
Pétur H. Blöndal