Morgunblaðið - 08.06.2015, Síða 1

MÁNUDAGUR 8. JÚNÍ 2015
ÍÞRÓTTIR
Körfuknattleikur Íslensku landsliðin máttu gera sér að góðu silfurverðlaun á Smáþjóðaleikunum.
Svartfellingar og Lúxemborgarar voru of sterkir. Þriðja sinn í röð sem kvennaliðið fær silfur. 6
Íþróttir
mbl.is
Morgunblaðið/Eggert
Á förum? Rúrik Gíslason er orð-
aður við brottför til Þýskalands.
FÓTBOLTI
Andri Yrkill Valsson
yrkill@mbl.is
Landsliðsmaðurinn Rúrik Gíslason,
leikmaður FC Köbenhavn, var í
dönskum miðlum um helgina orðaður
við þýska 2. deildarliðið Nürnberg, en
keppni í dönsku úrvalsdeildinni lauk í
gær. Viðræður eru sagðar standa yfir
á milli félaganna en ekkert er enn fast
í hendi. Þó ætti það að skýrast á
næstu dögum hvort félögin ná saman.
Rúrik hefur verið í herbúðum FCK
í þrjú ár og er samningsbundinn í ár
til viðbótar. Í dönskum miðlum var
því í gær slegið föstu að hann vildi
verða seldur, en sjálfur segir Rúrik
hins vegar ummæli sín í beinni út-
sendingu eftir síðasta leikinn hafa
verið tekin úr samhengi.
„Það er alls ekki staðan, ég elska
að vera í FCK og mér líður frábær-
lega hérna. Ég á eitt ár eftir af samn-
ingnum svo það er engin pressa á
mér að fara. Miðað við hvað allir hafa
farið vel með mig hér síðustu ár
mundi ég hins vegar vilja að þeir
fengju pening fyrir mig ef eitthvað
kæmi upp,“ sagði Rúrik þegar Morg-
unblaðið innti hann eftir viðbrögðum
við fréttum ytra.
Rúrik er væntanlegur til landsins í
dag ásamt öðrum landsliðsmönnum,
enda er fram undan mikilvægur leik-
ur við Tékkland í undankeppni
Evrópumótsins. Rúrik segir þessar
getgátur í kringum framtíð sína ekki
trufla undirbúning sinn fyrir leikinn.
„Nei, í rauninni ekki. Við sjáum bara
hvernig þetta þróast.“
Skýrist á næstu dögum
 Landsliðsmaðurinn Rúrik Gíslason er eftirsóttur  Líður
vel í Kaupmannahöfn og er með hugann við Tékkaleikinn
HANDBOLTI
Ívar Benediktsson
iben@mbl.is
„Mér fannst það algjör óþarfi hjá
okkur að tapa leiknum svona stórt og
þar af leiðandi er ég hundfúll með úr-
slitin, þar sem í fjörutíu mínútur lék
liðið svona heilt yfir vel,“ sagði Ágúst
Þór Jóhannsson, landsliðsþjálfari
kvenna í handknattleik, eftir níu
marka tap, 28:19, fyrir Svartfelling-
um í fyrri leiknum um sæti á heims-
meistaramótinu, en leikið var í
Podgorica síðdegis í gær.
Staðan var jöfn í hálfleik, 12:12, en
fyrri hálfleikur var góður, þar af voru
fyrstu 20 mínúturnar hreint frábær-
ar. Svartfellingar komust í 3:1 en ís-
lenska liðið svaraði með níu mörkum
gegn einu. „Við byrjuðum síðari hálf-
leik hreint afleitlega. Sóknirnar stytt-
ust og margar ákvarðanir voru slak-
ar. Fyrir vikið fengum við á okkur
hvert hraðaupphlaupið á fætur öðru,
sem gengur ekki gegn jafn sterku liði
og Svartfellingar hafa á að skipa,“
sagði Ágúst.
„Þegar tíu mínútur voru eftir var
ekki nema þriggja marka munur,
20:17, en þá kom annar slæmur kafli
og við misstum leikinn alveg úr hönd-
um okkar. Það er alveg ljóst að ef ís-
lenska liðið ætlar sér að komast í hóp
átta til tíu bestu í heiminum verður
það að spila betur úr sínum spilum en
það gerði í þessum leik,“ sagði Ágúst
Þór Jóhannsson ómyrkur í máli í
gærkvöldi.
Morgunblaðið/Ómar
Erfitt Þóreyjar Rósu Stefánsdóttur
og félaga bíður erfitt verkefni.
Ágúst hundfúll með úrslitin
 Níu marka skellur í Podgorica  Íslenska liðið náði sex marka forskoti í fyrri
hálfleik  Þriggja marka munur tíu mínútum fyrir leikslok  HM-vonin er veik
Meistaraefnin frá Þýskalandi fara
heldur betur vel af stað á heims-
meistaramóti kvenna í knattspyrnu
sem hófst í Kanada um helgina.
Þýskaland fór illa með Fílabeins-
ströndina í gær, 10:0, þar sem þær
Celia Sasic og Anja Mittag skoruðu
báðar þrennu. Þetta var næst
stærsti sigur á HM frá upphafi, en
Þýskaland á einnig þann stærsta,
sem kom gegn Ástralíu árið 2007
og vannst 11:0.
Noregur vann Taíland sömuleiðis
örugglega, 4:0, og er með þrjú stig í
B-riðlinum ásamt Þýskalandi eftir
fyrstu umferðina. María Þórisdóttir
sat allan tímann á varamannabekk
Noregs. yrkill@mbl.is
AFP
Þrenna Celia Sasic skoraði þrjú mörk fyrir Þýskaland í gær og er hér í baráttu við Sophie Aguie og Raymonde
Kacou í liði Fílabeinsstrandarinnar. Þýskaland vann 10:0 og er á toppi B-riðils með þrjú stig eins og Noregur.
Tvær þrennur
og tíu mörk í
fyrsta leik
 Sigurður Grétarsson varð sviss-
neskur meistari í knattspyrnu með
Grasshoppers í annað sinn á þremur
árum 8. júní 1991.
 Sigurður fæddist 1962 og lék með
Breiðabliki, Homburg, Iraklis, Luzern,
Grasshoppers, Val og Völsungi en lauk
ferlinum með Breiðabliki sem spilandi
þjálfari árið 2000. Hann hafði áður
verið spilandi þjálfari hjá Affolten í
Sviss og Val. Sigurður lék 46 landsleiki
fyrir Íslands hönd á árunum 1980 til
1992 og skoraði í þeim 8 mörk.
ÍÞRÓTTA-
MAÐUR-
DAGSINS
Landsliðsmaður-
inn Ari Freyr
Skúlason meidd-
ist á síðu í loka-
umferð dönsku
úrvalsdeildar-
innar í knatt-
spyrnu í gær.
Hann var tekinn
af velli í hálfleik
þegar OB tapaði
fyrir Randers og
staðfesti Heimir Hallgrímsson, ann-
ar landsliðsþjálfara Íslands, við
Morgunblaðið að Ari hefði strax
farið á sjúkrahús í myndatöku.
„Hann var ekkert neikvæður
þannig séð en það er ekkert komið
út úr því ennþá. Hann kemur til
landsins á morgun [í dag] og fer
einnig í skoðun hér heima til örygg-
is,“ sagði Heimir og sagði það skýr-
ast betur þegar líða tæki á vikuna
hvort Ari yrði leikfær gegn Tékk-
um á föstudag. yrkill@mbl.is
Óvissa um
meiðsli Ara
Ari Freyr
Skúlason
Podgorica, undankeppni HM kvenna,
fyrri leikur sunnudaginn 7. júní 2015.
Gangur leiksins: 3:1, 3:6, 4:10, 6:10,
8:12, 12:12, 16:12, 16:13, 18:14, 19:16,
20:17, 24:18, 28:19.
Mörk Svartfjallalands: Katarina Bu-
latovic 10, Milena Knezevic 8, Rad-
mila Petrovic 4/2, Djurdjina Jaukovic
3, Majda Mehmedovic 2, Suzana
Lazovic 1.
Varin skot: Alma Hasanic 16, Ljubica
Nenezic 1/1.
Utan vallar: 2 mínútur.
Mörk Íslands: Ramune Pekarskyte
5, Hrafnhildur Hanna Þrastardóttir
4, Arna Sif Pálsdóttir 3/1, Þórey
Rósa Stefánsdóttir 3, Steinunn
Hansdóttir 1, Rut Arnfjörð Jónsdóttir
1, Kristín Guðmundsdóttir 1, Hildur
Þorgeirsdóttir 1.
Varin skot: Guðrún Ósk Maríasdóttir
7, Florentina Stanciu 6/1.
Utan vallar: 2 mínútur.
Dómarar: Zigmars Stolarovs og
Renars Licis frá Lettlandi.
Áhorfendur: Um 2.000.
 Síðari leikurinn fer fram í Laugar-
dalshöll á sunnudaginn.
Svartfjallaland – Ísland 28:19