Morgunblaðið - 08.06.2015, Page 8

8 ÍÞRÓTTIR
MORGUNBLAÐIÐ MÁNUDAGUR 8. JÚNÍ 2015
Barcelona tryggði sér á laugardags-
kvöldið sinn fimmta Evrópumeistara-
titil í knattspyrnu eftir sigur á Juven-
tus í bráðskemmtilegum úrslitaleik
Meistaradeildarinnar í Berlín, 3:1.
Liðið tryggði sér jafnframt hina eft-
irsóttu þrennu, eftir að hafa unnið
bæði deild og bikar heima fyrir á
tímabilinu. Juventus gerði slíkt hið
sama á Ítalíu en þurfti að lúta í lægra
haldi gegn Börsungum.
Ekki byrjaði ballið vel fyrir Ítalíu-
meistarana, en Ivan Rakitic kom Bör-
sungum yfir strax á fjórðu mínútu og
var það eina mark fyrri hálfleiksins.
Juventus jafnaði með marki Alvaro
Morata snemma í síðari hálfleik, en
mark Luis Suárez eftir snarpa sókn
um miðjan hálfleikinn slökkti í vonum
ítalska liðsins. Neymar innsiglaði svo
3:1 sigur í uppbótartíma.
Börsungar eru nú komnir í þriðja
til fimmta sæti yfir fjölda Evrópu-
meistaratitla, en þeir jöfnuðu Bayern
München og Liverpool með fimm
slíka. Erkifjendurnir í Real Madrid
eru hins vegar sigursælasta félag álf-
unnar með tíu titla. yrkill@mbl.is
AFP
Meistarar Leikmenn Barcelona gátu fagnað vel og innilega á Ólympíuleikvanginum í Berlín eftir sigur á Juventus í úrslitaleik Meistaradeildarinnar.
Barcelona er Evrópumeistari og náði þrennunni
SMÁÞJÓÐALEIKAR
Ívar Benediktsson
iben@mbl.is
Íslenskir íþróttamenn héldu áfram
að gera það gott á síðasta keppnis-
degi Smáþjóðaleikanna á laugar-
daginn og í sumum greinanna
braut íslenska liðið blað í sögu
sinni í keppninni.
Í fyrsta sinn vann Ísland til gull-
verðlauna í strandblaki þegar
Berglind Gígja Jónsdóttir og Elísa-
bet Einarsdóttir lögðu lið Mónakó í
tveimur hrinum í úrslitaleik. Þær
stöllur fóru á kostum á leikunum
og unnu allar fimm viðureignir sína
og töpuðu aðeins einni hrinu. Að-
eins einu sinni áður hefur Ísland
unnið til verðlauna í strandblaki á
Smáþjóðaleikum. Það átti sér stað
árið 2007 þegar kvennaliðið hafnaði
í þriðja sæti af fjórum keppnis-
liðum.
„Við byrjuðum vel í öllum leikj-
unum, sem hjálpaði mikið til, og
eftir tvo fyrstu leikina sem við unn-
um ætluðum við okkur bara að fara
alla leið. Við fengum frábæran
stuðning og viljum þakka öllum
sem mættu,“ sögðu þær Berglind
og Elísabet við mbl.is eftir sig-
urinn, en fjölmargir áhorfendur
fylgdust með úrslitaleiknum.
Stórir sigrar í golfinu
Íslenska karlalandsliðið sigraði
með yfirburðum á Korpúlfsstaða-
velli. Sveitin lék samtals á 14 högg-
um undir pari vallar og var 31
höggi frá sveit Möltu, sem varð í
öðru sæti. Mónakó endaði í þriðja
sæti.
Kristján Þór Einarsson sigraði í
einstaklingskeppninni á sex högg-
um undir pari samtals, en hann lék
lokahringinn á 77 höggum.
Haraldur Franklín Magnús varð
þriðji á pari vallar samtals. Andri
Þór Björnsson varð fjórði á tveim-
ur höggum yfir pari.
Kvennalandsliðið í golfi vann
einnig í sveitakeppninni og það
nokkuð örugglega eins og karl-
arnir. Sveitin lék á átta höggum yf-
ir pari á lokahringnum og var 33
höggum á undan sveit Mónakó,
sem varð í öðru sæti.
Guðrún Brá Björgvinsdóttir sigr-
aði í einstaklingskeppninni á einu
höggi undir pari á mótinu, en
Sophie Sandolo frá Mónakó var
fjórum yfir pari. Karen Guðnadótt-
ir var í þriðja sæti með fjórtán yfir
pari og Sunna Víðisdóttir í því
fjórða með fimmtán yfir pari. Þetta
var í fyrsta skipti sem keppt var í
golfi á Smáþjóðaleikum.
Íslenskir frjálsíþróttamenn héldu
áfram að raka til sín verðlaunum á
síðasta keppnisdegi. Þeir unnu
fimm gullverðlaun, fer silfur-
verðlaun og fimm bronsverðlaun á
laugardaginn.
Hafdís fór mikinn
Hafdís Sigurðardóttir sló ekki
slöku við. Hún varð önnur í 200 m
hlaupi, vann þrístökk og var í
sigursveitinni í 4x100 og 4x400 m
boðhlaupi. Hafdís vann auk þess
langstökk fyrr á mótinu og hafnaði
í öðru sæti í 100 m hlaupi. Hún fór
þar með til síns heima með fern
gullverðlaun og tvenn silfur-
verðlaun og vann flest verðlaun ís-
lensku frjálsíþróttafólksins. Guð-
mundur Sverrisson krækti einnig í
gull fyrir spjótkast á lokadeginum.
Brutu blað á lokadegi
 Íslenskir íþróttamenn unnu flest verðlaun á Smáþjóðaleikunum sem lauk á
laugardag  Kylfingar fóru á kostum  Hafdís fór fyrir sveit frjálsíþróttafólks
Morgunblaðið/Styrmir Kári
Gullverðlaun Berglind Gígja Jónsdóttir og Elísabet Einarsdóttir glaðbeittar með gullverðlaunin um hálsinn eftir
sigur í strandblaki á Smáþjóðaleikunum. Þær unnu alla fimm leiki sína á mótinu og töpuðu bara einni hrinu.
Skipting verðlauna
» Ísland vann til flestra verð-
launa á Smáþjóðaleikunum að
þessu sinni. Ísland vann til 115
verðlauna, 38 þeirra voru gull,
46 silfur og 31 brons.
» Lúxemborg vann næstflest
verðlaun, alls 80. Af þeim voru
34 gull, 22 silfur og 24 brons.
» Kýpur varð í þriðja sæti með
52 verðlaunapeninga, 20 gull,
16 silfur og annað eins af
bronsverðlaunum.
Golf var tekið inn sem val-
grein á Smáþjóðaleikana í fyrsta
skipti í 30 ára sögu þeirra, en
frammistaða íslenskra kylfinga
vakti athygli mína og eflaust
fleiri.
Íslensku kylfingarnir hrein-
lega rústuðu liðakeppninni í
karla- og kvennaflokki og áttu
auk þess einnig báða meist-
arana í einstaklingskeppninni.
Kvennamegin vann íslenska
sveitin með 33 höggum og
karlamegin voru þau 31 talsins.
Yfirburðir Íslands koma
hins vegar ekki á óvart ef miðað
er við fjölda golfvalla í lönd-
unum. Á Íslandi eru 64 skráðir
golfvellir á heimasíðu Golf-
sambands Íslands. Það er fimm-
faldur fjöldi golfvalla hjá þeim
þjóðum sem tóku þátt í golfinu!
Eftir stutta leit á veraldar-
vefnum kom í ljós að Lúx-
emborg hefur sex golfvelli, San
Marínó og Andorra hafa tvo
hvort, á Möltu og í Mónakó er
aðeins einn völlur en engan „al-
vöru“ golfvöll er að finna í
Liechtenstein.
Ekki nema að við teljum með
níu holu fjallagolfvöll í Ölpunum
þar í landi. Þar mæla heima-
menn með því að að taka aðeins
þrjár kylfur með sér og góða
gönguskó.
Líkurnar eru kannski ekki
með okkur að golf verði fyrir
valinu hjá San Marínó árið 2017.
Ekki eru þær mikið meiri þegar
Svartfellingar halda leikana
2019, en þeir hyggjast ljúka við
að gera fyrsta átján holu golfvöll
í sögu þjóðarinnar vorið 2016.
Erlendir keppendur mótsins
voru þó afar ánægðir með um-
gjörð mótsins. Auk þess kom
Korpúlfsstaðavöllur þeim
skemmtilega á óvart.
BAKVÖRÐUR
Pétur Hreinsson
peturhreins@mbl.is
Aalesund – Haugesund ........................... 2:1
 Aron Elís Þrándarson lék fyrstu 70 mín-
úturnar hjá Aalesund og lagði upp mark en
Daníel Leó Grétarsson sat allan tímann á
bekknum.
Lilleström – Viking ................................. 2:1
 Finnur Orri Margeirsson spilaði allan
leikinn með Lilleström en Árni Vilhjálms-
son var ekki með. Rúnar Kristinsson þjálf-
ar Lilleström og Sigurður Ragnar Eyjólfs-
son er aðstoðarþjálfari.
 Jón Daði Böðvarsson spilaði allan leikinn
með Viking og Indriði Sigurðsson fyrirliði
var tekinn af velli á 79. mínútu. Steinþór
Freyr Þorsteinsson sat allan tímann á
bekknum og Björn Daníel Sverrisson er frá
keppni vegna meiðsla.
Start – Strömsgodset .............................. 0:1
 Matthías Vilhjálmsson og Guðmundur
Kristjánsson spiluðu allan leikinn fyrir
Start en Ingvar Jónsson var ónotaður vara-
markvörður.
Vålerenga – Rosenborg.......................... 1:2
 Elías Már Ómarsson kom inn á sem
varamaður á 70. mínútu hjá Vålerenga.
 Hólmar Örn Eyjólfsson spilaði allan leik-
inn með Rosenborg.
Staða efstu liða:
Rosenborg 12 9 2 1 37:13 29
Stabæk 12 8 2 2 22:11 26
Vålerenga 12 7 2 3 28:20 23
Molde 12 6 2 4 30:15 20
Odd 12 5 5 2 18:13 20
Viking 12 6 1 5 20:16 19
Lillestrøm 12 5 4 3 18:15 19
Strømsgodset 12 5 3 4 19:21 18
Sarpsborg 12 4 5 3 16:13 17
Aalesund 12 4 3 5 15:26 15
Mjøndalen 12 3 4 5 17:27 13
Start 12 3 3 6 15:19 12
Haugesund 12 3 3 6 10:20 12
Tromsø 12 2 3 7 17:23 9
Bodø/Glimt 12 2 2 8 19:29 8
B-deild:
Sandnes Ulf – Bærum ............................. 3:2
 Hannes Þór Halldórsson spilaði allan
leikinn með Sandnes Ulf.
NOREGUR