Dagblaðið Vísir - DV - 11.03.2009, Síða 10

miðvikudagur 11. mars 200910 Neytendur
Eigandi Sveinsbakarís segir upplýsingar í þjónustubók rangar:
10% afsláttur af tertum
„Í mig var hringt frá Félagi eldri
borgara og ég spurður hvort ég vildi
vera með í þessu. Ég samþykkti að
veita eldri borgurum tíu prósent af-
slátt af tertum,“ segir Hjálmar Jóns-
son, eigandi Sveinsbakarís.
Ellilífeyrisþegi hafði samband
við DV og sagðist í nokkurn tíma
hafa verslað við bakaríið, sem er
með verslanir á þremur stöðum
á höfuðborgarsvæðinu. Hann
hafi, samkvæmt þjónustubók
Landssambands eldri borgara,
fengið tíu prósent afslátt af vörum
í bakaríinu. Á dögunum hafi hann
hins vegar heyrt af því að afsláttinn
væri ekki lengur að fá. Hjálmar segir
að hann geti því miður ekki veitt
tíu prósent afslátt af öllum vörum,
því álagning á mjólkurvörum sé til
dæmis svo lítil að hann neyddist þá
til að selja hana á kostnaðarverði.
Hann segir að hann hafi komst að
þessu fyrir tilviljun í síðustu viku
og að hann hafi þá leiðrétt þennan
misskilning. „Þetta átti aldrei að
vera svona. Hins vegar er ég fús til
að veita eldri borgurum tíu prósent
afslátt af tertum,“ segir hann.
Hjá Félagi eldri borgara fengust
þau svör að ný þjónustubók væri
væntanleg eftir fimm daga. Í nýju
bókinni væri Sveinsbakarí ekki á
lista yfir verslanir sem veita tíu pró-
sent afslátt af öllum vörum.
baldur@dv.is
NorðmeNN
versla mest
á NetiNu
„Samkvæmt nýrri rannsókn sem
gerð var innan EES-svæðisins
hefur 91 prósent af þeim Norð-
urlandabúum sem hafa aðgang
að netinu verslað þar á síðasta
ári. Hvergi annars staðar á EES-
svæðinu er jafn mikið verslað á
netinu.“ Frá þessu segir á heima-
síðu Neytendasamtakanna, ns.is.
Þar kemur fram að sambærilegar
tölur fyrir Bretland, Frakkland og
Þýskaland séu 50 prósent.
fæstir versla
í útlöNdum
Samkvæmt rannsókninni, sem
gerð var innan EES-svæðisins,
versla 150 milljónir neytenda á
netinu, jafnvel þó enn séu marg-
ar hindranir í vegi, bæði hvað
varðar tungumál, praktískar hlið-
ar, lagaleg álitaefni og persónu-
vernd. Þetta er talið halda aftur af
þróuninni hvað varðar netvið-
skipti. Rannsóknin sýnir einnig
að þrátt fyrir að 150 milljónir
manna versli á netinu á þessu
svæði skipti aðeins 30 milljón-
ir neytenda við önnur lönd en
þeirra eigin. Einnig kemur fram
að þeim sem versla á netinu, inn-
an EES, hafi fjölgað í 33 prósent
úr 27 á árunum 2006 til 2008.
n Viðskiptavinur Hag-
kaupa hringdi í DV þar
sem hann stóð fyrir
framan kjötborðið.
Hann hugðist kaupa
sér hálfan grillaðan
kjúkling en hann kost-
aði 1.048 krónur. Það fannst
honum hátt verð því heill grill-
aður kjúklingur var 50 krónum
ódýrari. Hann fékk þau svör að
þetta
væri rétt
verðmerking.
n Kona sagðist hafa farið í brasilíska
vaxmeðferð hjá Snyrtistofunni Amira,
að Fákafeni 9. Hún hafi verið
sneggsta, sársaukaminnsta og
vandaðasta meðferð sem hún
hafði nokkru sinni greitt fyrir.
Hún vildi líka koma því á
framfæri að Amira hefði komið
best út í verðkönnun
sem hún fram-
kvæmdi sjálf.
sENdið LOF Eða LasT Á NEYTENdur@dv.is
Dísilolía
algengt verð verð á lítra 143,4 kr. verð á lítra 154,6 kr.
skeifunni verð á lítra 141,8 kr. verð á lítra 152,6 kr.
algengt verð verð á lítra 143,4 kr. verð á lítra 154,6 kr.
bensín
dalvegi verð á lítra 141,7 kr. verð á lítra 152,5 kr.
fjarðarkaupum verð á lítra 136,1 kr. verð á lítra 150,0 kr.
algengt verð verð á lítra 143,4 kr. verð á lítra 154,6 kr.
umsjóN: BaLdur guðmuNdssON, baldur@dv.is / neytendur@dv.is
el
d
sn
ey
t
i
Ekki 10% afsláttur af öllu sveins-
bakarí veitir eldri borgurum afslátt af
tertum.
Þeir sem leigja bíla á svokallaðri einkaleigu fá yfirleitt enga frystingu eða frestun á
leigugreiðslum, ólíkt þeim sem hafa gert bílasamninga. Greiðslubyrði erlendra lána
hefur um tvöfaldast á einu ári. Ástæðan er sú að bílaumboðin eiga bílana en ekki fjár-
mögnunarfyrirtækin.
BJARGARLAUS
Í EINKALEIGU
Þeir sem hafa bíla á einkaleigu eiga
þess almennt ekki kost að fá frestun
eða frystingu á greiðslum, ólíkt þeim
sem hafa gert hefðbundna bílasamn-
inga við þau fyrirtæki sem fjármagna
bílakaup.
Hrun íslensku krónunnar und-
anfarið ár hefur leitt til þess að af-
borganir af bílum með áhvílandi lán
í erlendri mynt hafa í mörgum tilvik-
um tvöfaldast. Þannig er einkaleigu-
samningum háttað í flestum tilvik-
um.
Samkvæmt upplýsingum frá Má
Mássyni, upplýsingafulltrúa Íslands-
banka, getur Íslandsbanki Fjármögn-
un ekki fryst eða lengt samningstím-
ann þar sem slíkt sé fyrst og fremst
undir umboðunum komið. Þau eigi
hins vegar erfitt með slíkt þar sem
ábyrgðir framleiðenda sníða þeim
þröngan stakk í þessum efnum.
Því má segja að handhafar einka-
leigusamninga hafi orðið útundan
þegar að frystingu lána kemur.
Samningur þriggja aðila
Þegar einstaklingur gerir einkaleigu-
samning leigir hann í raun bílinn
af umboðinu. Þegar um hefðbund-
inn bílasamning er að ræða eru fjár-
mögnunarfyrirtækin hins vegar eig-
endur bifreiðanna. Þannig koma
fjármögnunarfyrirtækin í raun að
samningnum sem þriðji aðili. „Bif-
reiðaumboðin gera einkaleigusamn-
ing oft til 36 mánaða. Þetta er sá tími
sem flestar tegundir bifreiða eru í
verksmiðjuábyrgð að uppfylltum
skilyrðum um þjónustuskoðanir á
leigutímanum. Við gerð samnings-
ins er áhveðið hvert endurkaupaverð
bifreiðar er við lok samningstíma.
Leiguverðið er síðan reiknað út frá
því,“ segir í svari Más við fyrirspurn-
um um einkaleigusamninga.
Fáir með bíl á einkaleigu
DV hafði samband við fleiri félög
sem lána fyrir bílum. Þau höfðu svip-
aða sögu að segja en þó eru einhver
dæmi þess að fyrirtækin nái samn-
ingum við umboðin í einhverjum
málum. Hjá bæði Íslandsbanka og
SP-Fjármögnun fengust þær upplýs-
ingar að mjög lítill hluti þeirra við-
skiptavina hefði einkaleigusamn-
inga. „Íslandsbaki Fjármögnun er
með um 200 einkaleigusamninga í
gildi af samtals 20.000 fjármögnun-
arsamningum sem bankinn er með
við einstaklinga,“ segir í svari Ís-
landsbanka.
Kvartanir vegna gengislána
Eins og DV sagði frá í gær hafa lán í
erlendri mynt leikið marga grátt. DV
sagði frá manni sem gerði bílasamn-
ing við Íslandsbanka Fjármögnun
upp á 4,2 milljónir króna fyrir einu ári.
Bíllinn kostaði um 6 milljónir. Geng-
ishrun krónunnar, atvinnumissir og
verðfall bílsins hefur gert það að verk-
um að hann situr nú eftir bíllaus en
með 3,8 milljóna króna skuld.
Hildigunnur Hafsteinsdóttir, lög-
fræðingur Neytendasamtakanna,
kannast ekki við að samtökin hafi
fengið fyrirspurnir eða ábendingar
vegna einkaleigusamninga sérstak-
lega. Hún segir hins vegar að samtök-
unum hafi borist mikið af fyrirspurn-
um og kvörtunum vegna gengislána.
Hún bendir hins vegar á að eng-
in lög hafi verið sett sem skyldi fjár-
mögnunarfyrirtækin til að færa niður
skuldir eða veita frestun á greiðslum.
„Þegar lán tvöfaldast og nýir bílar
hrynja í verði þá lendir fólk auðvit-
að í vandræðum,“ segir hún og bætir
við að í sumum tilvikum sé ef til vill
hægt að véfengja lágt mat á bifreið-
um. Hvert mál krefjist þó sérstakrar
skoðunar en hún hafi ekki orðið þess
vör að fyrirtækin hafi gerst brotleg
við lög.
BALDUR GUÐMUNDSSON
blaðamaður skrifar baldur@dv.is
„Íslandsbaki Fjármögnun
er með um 200 einkaleigu-
samninga í gildi af sam-
tals 20.000 fjármögnunar-
samningum sem bankinn
er með við einstaklinga.“
Frysting ekki í boði Bílaum-
boðin eiga bíla sem leigðir eru í
einkaleigu en bílaframleiðendur
sníða þeim þröngan stakk.
Fjármögnun-
arfyrirtækin
geta ekkert
gert már
másson,
upplýsingafull-
trúi Íslands-
banka, segir að
framleiðendur
setji umboðunum
þröng skilyrði.