Dagblaðið Vísir - DV - 18.03.2009, Blaðsíða 2

Miðvikudagur 18. Mars 20092 Fréttir
Breiðutangi, eignarhaldsfélag í eigu
Finns Sveinbjörnssonar, þáverandi
bankastjóra Icebank og núverandi
bankastjóra Kaupþings, fékk 850
milljóna króna kúlulán síðla árs 2007
til að kaupa hlutabréf í bankanum.
Finnur staðfestir þetta í samtali við
DV. Kúlulánið fékk hann frá SPRON,
BYR, Sparisjóðnum í Keflavík og
Sparisjóð Mýrarsýslu, að sögn Finns.
Hann segir að SPRON og BYR hafa
verið stærstu lánveitendurna á bak
við kúlulánið en sparisjóðirnir tveir
seldu samtals rúmlega 45 prósent
hlut sinn í bankanum þegar Finnur
fékk kúlulánið. Hluti þessa eignar-
hluta var seldur til Finns og annarra
lykilsstjórnenda í Icebank.
Finnur lét af störfum sem banka-
stjóri í Icebank í lok árs 2007 og þá
hafði bankinn milligöngu um að
kaupa hlutabréfin af Finni og selja
þau til annarra aðila, að hans sögn.
Hluti af starfskjörum Finns
Lánið var hluti af starfskjörum Finns
í bankanum, segir Finnur. Hann seg-
ir að við eigendaskiptin á bankanum
í október 2007 hafi honum boðist að
kaupa hlutabréf í bankanum. „Þá var
mér og fimm framkvæmdastjórum
Icebank boðið að vera hluti af þess-
um breytingum og að við fengjum að
eignast hlut í bankanum gegn því að
við yrðum þarna áfram,“ segir Finnur.
Samkvæmt frétt í Viðskiptablaðinu
frá árinu 2007 keyptu lykilstjórnend-
ur bankans 8,5 prósenta hlut í hon-
um fyrir 2,7 milljarða króna við eig-
endaskiptin.
Finnur seldi svo eignarhlutinn í
Icebank þegar honum var sagt upp
störfum í bankanum í árslok 2007.
„Svo þegar ég lét af störfum þarna í
árslok 2007 þá var eignarhluturinn
seldur annað með milligöngu bank-
ans,“ segir Finnur.
Vaxtaskuld skilin eftir
Aðspurður segir Finnur að um svo-
kallað kúlulán hafi verið að ræða og
að hann hafi ekki greitt neina vexti af
því. Veðið fyrir láninu var í hlutabréf-
unum sjálfum.
Hann segir að skuldirnar vegna
vaxtanna sem fylgdu láninu hafi ver-
ið skildar eftir inni í félaginu þegar
hann seldi það aftur.
Í ársreikningi Breiðutanga frá ár-
inu 2007 kemur fram að vextirnar af
láninu hafi verið komnir upp í tæp-
ar 16 milljónir króna og er Finnur
ennþá skráður sem eigandi félagsins.
Skuldir og eigið fé félagsins er skráð
sem rúmar 850 milljónir króna.
Að sögn Finns hefði hann þurft að
vera bankastjóri Icebank í þrjú ár til
FINNUR FÉKK 850
MILLJÓNA KÚLULÁN
Eignarhaldsfélag í eigu Finns Sveinbjörnssonar, þáverandi bankastjóra Icebank og núverandi bankastjóra
Kaupþings, fékk 850 milljóna króna kúlulán frá nokkrum bönkum til að kaupa hlutabréf í Icebank árið 2007.
Finnur seldi félagið þegar honum var sagt upp störfum sem bankastjóra Icebank í árslok 2007. Tæplega 16
milljóna króna skuld vegna vaxtakostnaðar var skilin eftir inni í félaginu. Finnur segir tíðarandann og
stemninguna í samfélaginu hafa breyst síðan hann fékk lánið.
IngI F. VIlHjálmSSon
blaðamaður skrifar ingi@dv.is
Stemningin í samfélaginu hefur breyst
Finnur sveinbjörnsson segir að stemningin
og gildismatið í samfélaginu hafi breyst frá
því hann fékk kúlulánið frá icebank.
Bankastjóri Icebank
Finnur var bankastjóri icebank í
nokkra mánuði eftir að hann samdi
um hlutafjárkaup og kúlulán. Hann
hefði þurft að vera bankastjóri í
þrjú ár eftir að samningurinn var
gerður til að eignast hlutabréfin.