Dagblaðið Vísir - DV - 21.07.2009, Qupperneq 21
á þ r i ð j u d e g i
Harry Heitur
Harry Potter and the Half-Blood Prince kom funheit og glæný inn á topp vin-
sælustu mynda landsins í kvikmyndahúsum. Frá því að myndin var frum-
sýnd á miðvikudag og fram að mánudegi höfðu tæplega 18.400 manns
séð myndina og hún þénað rétt tæpar 17 milljónir. Brüno er í öðru
sæti og hefur fengið lítið meiri heildaraðsókn en Harry á tveimur vik-
um. Hangover er enn ofarlega og hafa nú 55.000 manns séð hana.
Hláturjóga
í Viðey
Ásta Valdimarsdóttir hláturjóga-
kennari leiðir þriðjudagsgönguna
í Viðey að þessu sinni. Ásta hefur
að undanförnu vakið athygli fyrir
námskeið í hláturjóga sem eiga vax-
andi vinsældum að fagna. Sem fyrr
verður gengið um eyjuna og helstu
kennileiti hennar skoðuð og falleg
nátturan. Núna verður þó hláturinn
í fyrirrúmi og má því búast við miklu
fjöri. Siglt er frá Skarfabakka klukkan
19.15 og er miðað við að gangan taki
um tvær klukkustundir. Gjald í ferj-
una er 1.000 krónur fyrir fullorðna,
500 krónur fyrir 6 til 18 ára og frítt
fyrir börn undir 6 ára aldri.
innipúkinn
feitur
Þegar hafa 18 hljómsveitir og
tónlistarmenn staðfest þátt-
töku sína á Innipúkanum 2009.
Fleiri gætu bæst í hópinn fyrir
verslunarmannahelgi en þetta
er í áttunda skipti sem hátíðin er
haldin. Vanalega hefur Innipúk-
inn verið haldinn í Iðnó en núna
fer hann fram á Sódómu og Batt-
erýinu dagana 31.júlí til 2.ágúst.
Meðal þeirra sem koma fram eru
Agent Fresco, Bróðir Svartúlfs,
Dikta, FM Belfast, Gylfi Ægisson
og Jóhanna Finnborg (GÆJÓ),
Mammút og Singapore Sling.
tónlist í
rammagerðinni
Tónlistarfólkið Svavar Knútur og Lay
Low mun halda tónleika í verslun
Rammagerðarinnar í Hafnarstræti
tvö fimmtudagskvöld í sumar. Tón-
leikaröðin nefnist Iceland Giftstore
Live og er það Svavar Knútur sem
stígur fyrstur á svið á fimmtudag
klukkan 20.30. Lay Low, eða Lovísa
Elísabet Sigrúnardóttir, kemur svo
fram fimmtudaginn 13. ágúst. Frítt er
á tónleikana og eru allir velkomnir.
Rólyndis poppsveitin Árstíðir gaf út
sína fyrstu breiðskífu sem titluð er
eftir hljómsveitinni í síðasta mánuði.
Á disknum eru tíu lög, þar af fimm
ný en hin fimm voru öll á fyrstu plötu
sveitarinnar sem var tónleikaplata,
tekin upp í Fríkirkjunni. Því gerði
það nýju plötuna mun heimakærari
og kunnuglegri en kósí er svo sann-
arlega orð sem fylgir plötunni.
Upptökustjóranum, Árna „Flex“
Árnasyni, tekst afar vel upp við að
mastera plötuna sem tekin er upp í
hinu víðfræga hljóðveri, Hljóðritan-
um í Hafnarfirði. Platan hefur afar
einstakan hljóm því manni líður
hreint eins og Árstíðir séu inni í stofu
með manni. Söngurinn er afar ljúfur
og góður og þá tekst röddunin í lög-
unum mjög vel en enn auðveldara
hefði verið að klúðra því.
Platan hefst á einu af þeirra besta
lagi, Ages, sem var einnig á fyrri plöt-
unni og hljómar það jafnvel á þess-
ari, frábært lag. Eftir það tekur svo
við nýja lagið, Heiðin, sem er engu
síðra ef ekki betra. Maður fær hrein-
lega gæsahúð rétt eftir miðja Heið-
ina þegar Jón Elísson á pínaóið tekur
hækkandi einleikskafla sem rís og rís
þar til söngurinn heldur svo áfram
eftir fallið.
Plötunni er lokað með þremur ís-
lenskum lögum, Vonarneista, Næt-
uryl og Síðustu kveðjunni. Þrátt fyrir
að Vonarneisti hljómi kannski að-
eins of mikið eins og gamalt þjóðlag
sýna Árstíðardrengir þarna áfram
hæfni sína í að semja á íslensku. Þar
liggur nefnilega megingalli plötunn-
ar að mínu mati.
Árstíðir eru vel færar um að
semja bæði á ensku og íslensku og
því eðlilegt að sveitin vilji hafa ensk
lög á plötunni komi draumakall-
ið að utan. Einhvers staðar verður
þó að taka stefnu. Helst vil ég sjá þá
halda sig við íslenskuna en enskan er
svo góð að þeim yrði alveg fyrirgef-
ið að semja á henni. Auglýsi ég þó
eftir fleiri lögum á íslensku. En burt
séð frá tungumálum er þessi plata
listasmíð og skylduhlustun fyrir alla
sem kunna að meta rólega, góða, vel
samda og einstaklega vel útfærða
tónlist.
Tómas Þór Þórðarson
Meira af hinu ástkæra og ilhýra, takk
Leito er pönkaður íbúi hins alræmda
hverfis B13 sem einnig er sögusvið
fyrirrennara þessarar myndar. Borg-
arskipulag Parísar í framtíðarinni
girðir af hverfi lágstéttarinnar og
veitir íbúunum lögsögu yfir þeim.
Þarna hafast við í aðgreindum pört-
um Kínverjar, arabar, Afríkumenn,
rómanskt ættaðir og snoðaðir bleik-
nefjar. Múslímar með vélbyssur, Afr-
íkumenn í fullum skrúða og Kínapía
með sítt hnífabardagatagl eru hér
fyndin og ýkt eins og tölvuleikjakar-
akterar. Þegar tvær löggur eru myrtar
fer af stað ferli sem setur París á barm
borgarastyrjaldar. Leyniþjónustan
hefur ákveðnar hugmyndir um lausn
í samvinnu við herinn sem myndi
hafa hrikalegar afleiðingar fyrir íbúa
hverfisins. Leito hefur samband við
Damien, vin sinn í löggunni, í von
um aðstoð við að leysa vandamál-
in áður en hið opinbera skerst inn
í. Forsetinn er fyndin týpa, stað-
fastur en örvinglaður og umkringd-
ur getulausum ráðgjöfum, fasist-
um í stjórnkerfinu, spilltum löggum
og vafasömum athafnamönnum í
byggingariðnaði sem merkilegt nokk
heita Harriburton. Þetta getur bara
endað illa. Það er ákveðinn Ástríks
og Steinríks blær yfir hugmyndinni
og slagsmálasenurnar eru ekki síð-
ur ýktar en hjá Gaulverjunum gal-
vösku. Byrjunin er flott með grafísk-
um inngangi sem kynnir okkur fyrir
íbúum hverfisins með sjónarhorni
sem virðist fljúga manni milli staða.
Tónlistin er flott, hörð og hröð og
slær tóninn fyrir tempói myndarinn-
ar. Það er unnið eftir ákveðinni for-
múlu en á spennandi hátt. Hasarinn
er yfirnáttúrulegur og allt er ýkt nið-
ur í minnstu smáatriði. Hvernig högg
og spörk lenda á búkum í slagsmála-
senum er raunverulegt en annars eru
slagsmálin viljandi ýkt þvílíkt. Átök-
in eru fimleikar og mikil verkfræði
liggur að baki þeim. David Belle leik-
ur Leito og sýnir fimi sína í Parkour
sem er eins konar listform þar sem
hlaupið er upp veggi og sveiflað sér í
allar áttir eins og apar eiga til að gera.
Parkour á rætur sínar að rekja til fjöl-
skyldu Belle og hér er nóg fyrir þá
sem hafa gaman af slíku. Menn slást
með málverkum og stigum, keyra á
bílum inn og út um glugga í mikilli
hæð og gantast svo sín á milli þegar
færi gefst. Luc Besson skrifar reifara-
kennt handritið sem þjónar hasarn-
um en ekki öfugt, en hver sagði að
það væri eitthvað að góðum hasar?
Erpur Eyvindarson
ástríku 2012
B13- UltimatUm „Hasarinn
er yfirnáttúrulegur og allt er ýkt
niður í minnstu smáatriði.“
fókus 21. júlí 2009 föstudagur 21
Árstíðir Frábær fyrsta breiðskífa. mynd tratti
Árstíðir
Flytjandi: Árstíðir
Útgefandi: Nivalis Ltd.
tónlist
B13- UltimatUm
leikstjóri: Patrick Alessandrin
aðalhlutverk: David Belle, Cyril Raffaelli,
Philippe Torreton, Daniel Duval.
kvikmyndir