Dagblaðið Vísir - DV - 11.08.2009, Page 2

Samkvæmt gögnum sem DV hefur
undir höndum fékk stór hluti stjórn-
enda og stjórnarmanna Askar Capital
(Askar) kúlulán til hlutabréfakaupa í
bankanum. DV sagði frá því í mars að
Tryggvi Þór Herbertsson, fyrrverandi
forstjóri Askar, hafi fengið samtals
300 milljóna króna kúlulán í gegn-
um félag sitt Varnagla til hlutabréfa-
kaupa í bankanum.
Gögn sem DV hefur undir hönd-
um sýna að níu aðrir stjórnend-
ur hjá Askar og dótturfélögum, að
Tryggva undanskildum, fengu kúlu-
lán til hlutabréfakaupa. Þeir fengu
415 milljóna króna kúlulán í gegnum
eignarhaldsfélög sín. Tryggvi fékk
sem kunnugt er 300 milljóna króna
kúlulán. Þar af 150 milljónir króna
frá Askar og 150 milljónir króna frá
Glitni.
Lánin hafa tvöfaldast
Lán til stjórnenda Askar námu því
alls 715 milljónum króna. Þessi lán
höfðu í árslok 2007 hækkað um tæp-
an þriðjung í 925 milljónir króna
vegna vaxtakostnaðar og geng-
isbreytinga. Í árslok 2007 stóð
gengisvísitalan í 120 stigum.
Frá þeim tíma hefur hún
nærri tvöfaldast og stóð
í 234 stigum í gær. Miðað
við það nema þessi lán í
dag líklega nálægt tveimur
milljörðum króna.
Fjórir framkvæmda-
stjórar sem fengu kúlulán
til hlutabréfakaupa starfa
enn þann dag í dag hjá Ask-
ar og dótturfélaginu Avant.
Benedikt Árnason, núver-
andi forstjóri, fékk 90 milljóna
króna kúlulán. Sverrir Sverri-
son, framkvæmdastjóri eigna-
stýringar, fékk 50 milljóna króna
kúlulán. Yngvi Harðarson,
framkvæmdastjóri
áhættustýring-
ar, 50 milljóna
króna kúlulán
og Magnús
Gunnarsson,
framkvæmdastjóri Avant, fékk 20
milljóna króna kúlulán.
Askar Capital er í dag í meirihluta-
eigu skilanefndar Glitnis sem fer
með 53,3 prósenta hlut, Saga Capi-
tal með 18,1 prósents hlut og tíu aðr-
ir hluthafar fara með 28,6 prósenta
hlut. Félagið skilaði 12,4 milljarða
tapi árið 2008 og var eiginfjárhlutfall-
ið neikvætt um 5,2 prósent.
Gjalddagi á næsta ári
„Það liggur ekki fyrir ennþá hvað
gert verður við þessi lán og engin
ákvörðun hefur verið tekin um þau.
Það kemur í ljós á næsta ári,“ seg-
ir Benedikt Árnason, forstjóri Askar
Capital, um lán til starfsmanna sem
enn starfa hjá Askar og tengdum fé-
lögum. Hann segir að gjalddagi sé
á lánunum árið 2010. „Þar sem allt
hlutafé var niðurfellt er mjög líklegt
að félögin geti ekki staðið við sín-
ar skuldbindingar þegar kemur að
gjalddaga,“ segir Benedikt. Flest lán-
in hafi verið tekin hjá Glitni.
„Þeir sem látið hafa af störf-
um eiga ekki lengur sín félög,“ segir
hann. Þar er um að ræða sex fyrrver-
andi stjórnendur Askar þar á meðal
Tryggva Þór Herberts-
son, fyrrverandi
forstjóra fé-
lagsins.
Benedikt
segir að
þessi
kaup
hafi
ekki
áhrif
á
rekstur Askar. „Félögin voru keypt án
endurgjalds. Það er þó engin skuld-
binding sem hvílir á Askar um að
greiða þessi lán til baka þegar þar að
kemur. Lánin eru inni í félögunum
sem þá kunna að fara á hausinn ef
þau standa ekki við skuldbindingar
sínar,“ segir hann.
Orkar tvímælis í dag
Í samtali við DV segir Tryggvi Þór
Herbertsson, alþingismaður og fyrr-
verandi forstjóri Askar Capital, að öll
lánin hafi verið veitt þegar stjórnend-
urnir komu til starfa í árslok 2006. Það
hafi verið eigendur Askar og stjórnin
sem veitti samþykki fyrir þeim. Þegar
hann lét af störfum keypti Askar bréf-
in af félaginu Varnagla sem Tryggvi
átti. Samkvæmt samkomulagi við
starfsmenn þurftu þeir að eiga bréf-
in í þrjú ár til að ávinna sér rétt til að
eignast þau. „Ég kem á sléttu út úr
þessu persónulega: Ég tapaði engu
og græddi ekkert,“ segir Tryggvi.
Að mati Tryggva er það ekki
ósanngjarnt að stjórnendur geti lát-
ið af störfum án þess að greiða lánin
sín til baka. „Þetta var ekki almenn-
ingshlutafélag. Félagið var í eigu
Wernersbræðra og því er almenning-
ur ekki að borga þetta. Þetta er tekið
af ellefu milljarða króna eigin fé sem
þeir settu inn í félagið á sínum tíma,“
segir hann. Svona samningar hafi
verið hluti af þeim starfskjörum sem
voru í gangi á þessum tíma og voru
notaðir til að fá fólk til starfa. „Þetta
orkar allt saman tvímælis í dag þeg-
ar hlutirnir eru eins og þeir eru. Á
þeim tíma var þetta notað til að laða
að starfsmenn og þar á meðal mig,“
segir Tryggvi Þór.
Gjaldeyrisbraskarar
Þrír fyrrverandi starfsmenn Ask-
ar Capital komust í fréttirnar í mars
þar sem þeir voru ásakaðir um að
blekkja viðskiptavini bankans sem
héldu sig vera í viðskiptum við bank-
ann en voru í raun í viðskiptum við
félag í eigu þremenninganna. Um var
að ræða gjaldeyrisviðskipti en Ask-
ar Capital átti í slíkum viðskiptum í
kjölfar gjaldeyrishafta af hálfu hins
opinbera. Málinu var vísað til Fjár-
málaeftirlitsins. Einn þeirra, Þórður
Geir Jónasson, fyrrverandi forstjóri
Lánasýslu ríkisins og fyrrverandi
framkvæmdastjóri Áhættu og Fjár-
2 þriðjudagur 11. ágúst 2009 fréttir
Tíu stjórnendur hjá Askar Capital fengu
um 715 milljóna króna kúlulán til hluta-
bréfakaupa hjá bankanum. Sex þeirra hafa
látið af störfum og þurfti enginn þeirra að
greiða lánin sín til baka. Tryggvi Þór Her-
bertsson, alþingismaður og fyrrverandi
forstjóri Askar, segir ekkert óeðlilegt við
það að fyrrverandi stjórnendur þurfi ekki
að greiða lánin til baka. Ekkert er ákveðið
með lán þeirra sem enn starfa hjá bankan-
um.
annas siGmundssOn
blaðamaður skrifar: as @dv.is
Stjórnendur fengu kúlulán
Tryggvi Þór Herbertsson, fyrrverandi forstjóri Askar: 300 milljónir
Benedikt Árnason, núverandi forstjóri Askar: 90 milljónir
Haukur Harðarson, fyrrverandi stjórnarformaður Askar: 70 milljónir
Bogi nils Bogason, fyrrverandi framkvæmdastjóri fjármála hjá Askar: 50 milljónir
dr. sverrir sverrisson, framkvæmdastjóri Eignastýringar Askar: 50 milljónir
Tómas sigurðsson, fyrrverandi framkvæmdastjóri Fasteignafjárfestingaráðgjafar Askar: 50 milljónir
Yngvi Harðarson, framkvæmdastjóri Áhættustýringar Askar: 50 milljónir
magnús Gunnarsson, framkvæmdastjóri Avant: 20 milljónir
Þórður Geir Jónasson, fyrrverandi framkvæmdastjóri Áhættu og Fjármögnunarráðgjafar Askar: 20 milljónir
Þórður Gíslason: 15 milljónir
samtals: 715 milljónir króna
staða í árslok 2007: 925 milljónir króna
staða í dag: Um 2000 milljónir króna
Stjórnendur
loSnuðu við
kúlulánin
Orkar tvímælis í dag
Tryggvi Þór Herbertsson,
alþingismaður og fyrrverandi
forstjóri Askar, segir að lánin
orki vissulega tvímælis í dag.
Engin ábyrgð Enginn stjórnandi, sem
hefur látið af störfum hjá Askar, hefur
þurft að greiða kúlulán sitt til baka.
LJósmYndari: HEiða HELGadóTTir