Dagblaðið Vísir - DV - 11.08.2009, Síða 21

á þ r i ð j u d e g i
Óvinir almennings vinsælir
Almenningi virðist ekki illa við myndina Óvinir almennings, eða
Public Enemies, ef marka má aðsóknartölur kvikmyndahúsanna fyr-
ir liðna helgi. Þar trónir þessi nýjasta mynd Michaels Mann á toppn-
um en hún var frumsýnd síðastliðinn föstudag. Í öðru sæti er Karlar
sem hata konur, teiknimyndin G-Force kemur þar á eftir og The
Proposal, sem var í fyrsta sæti í síðustu viku, dettur niður í það fjórða.
Djass í 20 ár
Fjöldi framúrskarandi djasstónlist-
armanna spilar á Jazzhátíð Reykja-
víkur þetta árið en hátíðin hefst um
næstu helgi. Hátíðin fagnar tuttugu
ára afmæli sínu í ár og af því tilefni
mun hátíðin standa í tuttugu daga.
Jazzhátíð Reykjavíkur var fyrst hald-
in sem Norrænir jazzdagar 1990 og
hefur verið árviss viðburður síðan.
Að þessu sinni verða viðburðirnir
hartnær fimmtíu og fara meðal ann-
ars fram í Iðnó, Norræna húsinu, á
Nasa, Rósenberg og í Fríkirkjunni. Í
tilefni tímamótanna gefst áheyrend-
um kostur á að eignast passa á alla
hátíðina í forsölu fram að opnun-
ardegi, 13.ágúst, fyrir aðeins 8.000
krónur. Nánari upplýsingar um
dagskrá og tónleikastaði er að finna
á nýrri heimasíðu hátíðarinnar,
reykjavikjazz.is
sjötta act
alone
Eina árlega leiklistarhátíðin á
Íslandi, Act alone, verður haldin
sjötta árið í röð um næstu helgi,
14.-16. ágúst. Hátíðin fer fram
í Edinborgarhúsinu á Ísafirði
og á Gíslastöðum í Haukadal í
Dýrafirði. Að vanda er aðgang-
ur að hátíðinni ókeypis og öllum
opinn. Act alone er helguð ein-
leikjum og er meðal fárra slíkra
í Evrópu. Á dagskrá í ár eru alls
fimm einleikir, þar á meðal Ódó
á gjaldbuxum og Ég heiti Rachel
Corrie sem sýndur var í Borgar-
leikhúsinu fyrr á árinu. Þá verða
eins manns tónleikar, sögusýning
um einleiki á Íslandi og fyrirlest-
ur um förumenn og leiklist hér á
landi á 19 öld. Nánari upplýsing-
ar á actalone.net.
90´s kvölD
á nasa
DJ Kiki-Ow og DJ Curver halda 90´s
partí á Nasa næsta laugardag. Kvöld-
in þeirra á Nasa á gamlárskvöld hafa
verið gríðarlega vinsæl, troðfullt í öll-
um partíunum og frábær stemning.
Þá líða tónleikar Haddaways á einu
90´s kvöldi í fyrrahaust seint úr minni
þeirra sem þar voru. Heyrst hefur að
stór hópur fólks mæti á hvert einasta
kvöld og bíði með öndina, glowsticks
og buffaloskó í hálsinum eftir hverju
einasta partíi. Forsala er á midi.is og
kostar 1.500 krónur inn.
Það flækist ekki fyrir þeim á Hótel
Flókalundi í Vatnsfirði að útbúa flotta
steikarsamloku. Ég komst að því á
dögunum þegar ég stoppaði þar á
leið minni til höfuðborgarinnar eftir
dvöl á Vestfjörðum.
Þegar maður gengur inn á veit-
ingastað hótelsins kemur maður
fljótt auga á tvo hrafna sem standa
voldugir hvor sínum megin við inn-
ganginn inn í eldhúsið. Þar sem ég
ber millinafn í höfuðið á þessum
fallega en umdeilda fugli fór ég að
hugsa um mögulega ástæðu þess að
nafnar mínir kroppuðu andrúmsloft-
ið á þessum afskekkta veitingastað á
sunnanverðum Vestfjörðum. Nafnið
Flókalundur leiddi mig eðlilega fljótt
að Hrafna-Flóka en þrátt fyrir heið-
arlegar tilraunir til að rifja upp sögu-
tímana í grunnskóla mundi ég ekki
hvort hann hefði numið land í Vatns-
firði. Wikipedia staðfesti á hinn bóg-
inn þann grun minn þegar heim var
komið.
Allt um það. Steikarsamlokan sem
ég pantaði mér var algjört afbragð og
mæli ég hiklaust með henni við þá
sem leið eiga þarna um. Kjötið var
blóðugt og mjúkt, laukurinn ljúfur og
sólþurrkuðu tómatarnir gerðu merki-
lega mikið fyrir lokuna. Hún kost-
aði hins vegar sitt, 1.920 krónur ef ég
man rétt, og engar franskar eða ann-
að meðlæti innifalið í því. Krónurn-
ar átta hundruð sem ég borgaði fyrir
litla Gull-bjórinn voru líka töluvert
yfir því sem mér finnst ásættanlegt að
láta af hendi rakna fyrir slíkan drykk.
Asninn ég keypti drykkinn görótta
samt því ég var það bjórþyrstur og
betri helmingurinn bauðst til þess að
keyra það sem eftir var af vegalengd-
inni í Sælingsdal þar sem ætlunin var
eiga næturstað. En hvað föstu fæð-
una varðar skal taka fram að maður
fær þó gæði í einhverju samræmi við
verðið í Flókalundi, ólíkt N1-sjoppum
og staðarskálum landsins (góðærið
gerði svo auðvitað hinn eina sanna
Staðarskála að enn einni N1-sjopp-
unni.).
Þjónustan var snörp og góð og
útsýnið yfir Vatnsfjörðinn umtals-
vert betra en í flestum vegasjoppum
landsins. Maður borgar ekkert extra
fyrir það. Kristján Hrafn Guðmundsson
Flott loka í Flókalundi
Myndin Crossing Over fléttar saman
nokkrum sögum um samskipti kyn-
þáttanna í menningarlegum suðu-
potti Los Angeles þar sem hráefnin
haldast aðskilin þótt hitinn sé hækk-
aður. Manni verður strax hugsað til
Crash þótt hér sé áherslan á þau allra
þjóða kvikindi sem reyna að verða
bandarískir ríkisborgarar þrátt fyrir
yfirgripsmikil höftin. „Bleiknefjinn“
Max Brogan, leikinn af Harrison
Ford, vinnur hjá „La Migra“ eins og
útlendingaeftirlitið er kallað á þess-
um slóðum. Hann gerir sitt besta
meðan Ray Liotta leikur starfsmann
sömu stofnunar sem gerir sitt versta,
er auk þess ógeðslega ljótur og full-
kominn í hlutverkið. Kóreska „kína-
trýnið“ Yong er ekki jafnspenntur
fyrir nýju ríkisfangi sínu og hinn trú-
lausi „umskorningur“ Kossef sem
þykist vera strangtrúaður gyðingur til
að fá landvistarleyfið í gegn. Athygl-
isverð er einnig saga ástralska „bleik-
nefjans“ Claire sem er hin dæmi-
gerða „waitress/TV-star“ sem L.A
hefur víst ógrynni af.
Við fáum nasaþef af tilveru hinna
réttlausu og misnotuðu sem kerfið
ráðskast með að vild. Hvernig alrík-
isstjórnin refsar börnum fyrir hugs-
anaglæpi og hvernig nýjum ríkis-
borgurum er stundum meinað með
öllu að aðlagast. Hvernig sumir inn-
flytjendur taka ósiði heimalandsins
með sér í nesti, eins og ósiðirnir væru
ekki nógu margir í hinum nýju heim-
kynnum. Við erum blessunarlega
laus hér við alvarlega mikið þjóð-
ernisrunk og myndin tekur á þarfri
umræðu innflytjendamála. Hvernig
„land landnemanna“ gat gerst jafn-
fjandsamlegt nýjum landnemum
og raun ber vitni. En einnig hvernig
sómasamlegt embættisfólk nær að
gera gott í vondu kerfi.
Það eru engir alvarlegir gallar hér
á ferð en það er svolítið eins og ein-
hver hafi ekki nennt að gera mynd-
ina. Þrátt fyrir reglulegt dramatískt
gítargutl yfir alveg sæmilegri fram-
vindu vantar hitann til að það kraumi
í suðupotti fjölmenningarinnar.
Erpur Eyvindarson
fÓkus 11. ágúst 2009 þriðjuDagur 21
Crossing over
Leikstjóri: Wayne Kramer
Aðalhlutverk: Harrison Ford, Cliff
Curtis, Ashley Judd, Ray Liotta
kvikmyndir
bleiknefjar
o kínatrýni
hótel flókalundur
Hraði:
Matur:
Viðmót:
Umhverfi:
Verð:
veitingar
Crossing Over Svolítið eins og einhver
hafi ekki nennt að gera myndina.
Réttlaus og mis-
notuð „Við fáum
nasaþef af tilveru
hinna réttlausu og
misnotuðu sem
kerfið ráðskast
með að vild.“