Dagblaðið Vísir - DV - 21.10.2009, Page 4

4 miðvikudagur 21. október 2009 fréttir
Sjálfsvíg á
Skaganum
Rannsókn lögreglunnar á
Akranesi leiðir líkum að því
að ungi maðurinn sem fannst
liggjandi í flæðarmálinu á
Langasandi, skammt frá dval-
arheimilinu Höfða á Akranesi,
hafi svipt sig lífi. Drukknun er
talin líklegasta dánarorsökin
og ekkert liggur fyrir um hvort
nokkuð saknæmt hafi átt sér
stað. Til staðfestingar er beðið
eftir niðurstöðum efnapróf-
ana og rannsóknarinnar í
heild sinni.
Lögreglumað-
urinn Garðar
Greint var frá því í DV í gær að
Garðar Helgi Magnússon lög-
reglumaður hefur verið ákærð-
ur fyrir harðræði í starfi og að
ríkislögreglustjóri íhugaði að
víkja honum tímabundið frá
störfum. Í miðri grein var nafn
hans misritað og hann kallað-
ur Gunnar Helgi. Beðist er vel-
virðingar á þessu.
„Að íþyngja mönnum enn frekar, eft-
ir að málinu er lokið fyrir dómstól-
um, varðar allt að þriggja ára fang-
elsi. Það er nokkuð sem menn ættu
að hugsa um því mér finnst svo aug-
ljóst að slíkt á við í þessu máli. Biskup
hætti ekki að íþyngja Gunnari þrátt
fyrir niðurstöðu Hæstaréttar. Ég spyr
mig hvort biskup sé að brjóta hegn-
ingarlög landsins,“ segir Árni John-
sen, þingmaður Sjálfstæðisflokks-
ins, um úrskurð biskups Íslands um
tilfærslu séra Gunnars Björnssonar í
starfi.
Fram til þessa hafa stuðnings-
menn Gunnars verið áberandi í um-
ræðunni en síðustu daga hafa nokkr-
ir prestar lýst yfir stuðningi við Karl
Sigurbjörnsson, biskup Íslands.
Gunnar var sýknaður af ákærum um
kynferðislega áreitni gagnvart ung-
um sóknarbörnum en Karl ákvað
að færa hann úr fyrra starfi í Sel-
fosskirkju vegna ótta við djúpstæða
óeiningu innan safnaðarins. Stuðn-
ingsmenn séra Gunnars krefjast al-
menns safnaðarfundar og hafa gert
það bréfleiðis til biskupsins, próf-
astsins í Árnesprófastsdæmi og for-
manns sóknarnefndar Selfosskirkju.
Það vilja stuðningsmennirnir gera til
að sýna biskupi fram á að eining ríki
innan safnaðarins og ná fram sáttum
í sókninni.
Biskupi skjátlast
„Sóknarnefndin hefur aldrei haldið
safnaðarfund um málið og það hefur
biskup ekki gert heldur. Það er bara
gott ef boðað verður til slíks fundar,
það hefði átt að vera búið að gera fyr-
ir löngu,“ segir Árni.
Sigurður Sigurðarson, dýralækn-
ir og stuðningsmaður séra Gunnars,
fráfarandi sóknarprests Selfosskirkju,
sem hefur þegar sent áskorun til áð-
urnefndra aðila þar sem óskað er eft-
ir almennum safnaðarfundi. Hann
segir séra Gunnar hafa gengið í gegn-
um erfið málaferli og nauðsynlegt sé
að ná sáttum í sókninni. „Söfnuður-
inn hefur aldrei verið kallaður sam-
an og það finnst mér undarlegt. Það
eru fjölmargir sem vilja séra Gunnar
áfram og finnst ómaklega að honum
vegið. Við könnumst hreinlega ekki
við að óeining ríki innan safnaðar-
ins og viljum fá úr þessu skorið,“ seg-
ir Sigurður.
Sjálfsagt mál
Eysteinn Ó. Jónasson, formaður
sóknarnefndar Selfosskirkju, bend-
ir á að yfir biskup hafi rignt bréfum
og símtölum áhyggjufullra foreldra í
sókninni. Hann viðurkennir að ekki
hafi verið kallað til sérstaks safnað-
arfundar til að ræða málefni séra
Gunnars sérstaklega. „Foreldrar og
börn í sókninni hafa miklar áhyggj-
ur, biskup hefur fengið það alveg
beint frá fólkinu. Margir hafa til að
mynda sagst ætla að ferma börnin
sín annars staðar snúi séra Gunnar
aftur. Sem formaður sóknarnefndar
hef ég fundið fyrir óeiningunni og á
því leikur enginn vafi. Það er aug-
ljóst og þess vegna er þetta mál til-
komið. Við sem störfum í kirkjunni
vitum það og finnum þessa óein-
ingu,“ segir Eysteinn.
Aðspurður telur Sigurður það
ekki rétt að óeining ríki innan safn-
aðarins. Hann telur þvert á móti
einingu ríkja um að séra Gunnar
fái að snúa aftur. „Fjölmargir vilja
Gunnar aftur og hann er vinsæll hjá
mörgum. Við skorum á málsaðila
að haldinn verði fundur og þar fáist
skýringar á því hvers vegna sé breytt
gegn úrskurði Hæstaréttar og jafn-
framt skýring biskups um að djúp-
stæð óeining ríki innan safnaðarins.
Á því hefur akkúrat engin könn-
un verið gerð og því eru þetta stað-
hæfingar sem við könnumst ekki
við. Með almennum safnaðarfundi
náum við vonandi sátt og náum að
sýna fram á einingu og stuðning
sóknarbarna í garð séra Gunnars,“
segir Sigurður.
Biskup lögbrjótur?
Árni ítrekar þá skoðun sína að ekki
eigi að íþyngja séra Gunnari frekar.
Hann telur biskup vera að setja prest-
inn í skammarkrókinn og slíkt sé ekki
boðlegt. „Hvort sem mönnum líkar
það betur eða verr er sýknun Hæsta-
réttar, æðsta dómstóls landsins, nið-
urstaða málsins. Það hljóta að vera
sömu lög í landinu yfir presta og aðra
menn. Það er svo einfalt að biskup
Íslands er ekki að virða niðurstöðu
Hæstaréttar heldur fara gegn henni,
það er í fyrsta skipti í Íslandssögunni
sem það er gert,“ segir Árni.
„Samkvæmt lögum landsins má
ekki fjalla um mál þess sem tekinn
hefur verið út dómur fyrir. Það er
bara bannað. Þetta er bara prins-
ipp og varðar ekki þennan einstaka
mann. Þá finnst mér skrítið að bisk-
up tjaldi til hálaunuðum lögmanni í
stað þess að ræða málin sjálfur, það
er með ólíkindum.“
Klofinn söfnuður
Aðspurður segir Eysteinn sjálfsagt
að boða til safnaðarfundar, náist
fyrir því meirihlutavilji hjá söfnuð-
inum. Hann er óhress með niður-
stöðu dómstóla. „Strokur og faðmlög
voru viðurkennd. Í því ljósi vil ég að
sjálfsögðu ekki fá hann aftur. Okkur
finnst það ekki við hæfi og foreldr-
um ungra barna ekki heldur. Ennþá
hefur ekki verið boðaður sérstakur
fundur vegna málsins enda ekki rétt
á meðan málið er í ferli. Ef það kem-
ur beiðni um slíkan fund er það sjálf-
sagt en ég á ekki von á því þar sem
söfnuðurinn er mjög klofinn. Slík
beiðni hefur hins vegar ekki borist
ennþá. Verði boðað til fundar mynd-
um við bara æsa upp fólkið og við
viljum heldur lægja öldurnar,“ segir
Eysteinn.
Karl Sigurbjörnsson, biskup Ís-
lands, sagði í fréttum Sjónvarps í
gærkvöld að færsla Gunnars milli
embætta væri „sársaukafullt neyðar-
úrræði“.
trausti@dv.is
Í skammarkrókinn Árni Johnsen telur rangt af biskupi Íslands að setja sýknaðan einstakling í skammarkrókinn.
Stuðningsmenn séra Gunnars Björnssonar, fyrrverandi sóknarprests á Selfossi, krefj-
ast almenns safnaðarfundar í þeirri von að sýna fram á einingu sóknarbarna. Þannig
vilja þeir sýna fram á að biskup hafi látið spila með sig er hann fullyrðir að djúpstæð
óeining ríki innan safnaðarins. Árni Johnsen, þingmaður Sjálfstæðisflokksins, veltir
fyrir sér hvort biskupinn hafi gerst brotlegur við hegningarlög.
Árni telur biskup
brjóta hegningarlög
„Strokur og faðmlög
voru viðurkennd. Í því
ljósi vil ég að sjálfsögðu
ekki fá hann aftur.“
TrauSTi hafSTeinSSon
blaðamaður skrifar: trausti@dv.is
Lögbrjótur? Karl biskup er sagður íþyngja séra Gunnari með því að færa hann til í
starfi. Biskup ætlar ekki að tjá sig frekar um málefni prestsins.
Mattías imsland
nýr formaður
Fjölskylduhjálpar
Matthías Imsland, forstjóri Ice-
land Express, er nýr formaður
Fjölskylduhjálpar Íslands. Ás-
gerður Jóna Flosadóttir tekur við
sem framkvæmdastjóri.
Matthías var kjörinn formað-
ur á aðalfundi stjórnar Fjöl-
skylduhjálparinnar í gær. Ás-
gerður Jóna segir aukið umfang
starfsemi Fjölskylduhjálparinn-
ar ástæðu þess að ákveðið var
að gera breytingar á
framvarðaliði henn-
ar. Ásgerður Jóna
hefur verið formaður
Fjölskylduhjálparinn-
ar frá stofnun árið
2003.
lítið traust á
rannsóknarnefnd
66,9 prósent landsmanna bera
mikið traust til Evu Joly, ráðgjafa
sérstaks saksóknara vegna rann-
sóknar á refsiverðri háttsemi
í tengslum við bankahrunið.
Þetta kemur fram í nýrri könnun
sem MMR framkvæmdi dagana
13. til 16. október síðastliðinn.
Í sömu könnun sagðist 31,1
prósent bera lítið traust til rann-
sóknarnefndar Alþingis. Sagðist
27,1 prósent bera mikið traust til
rannsóknarnefndarinnar.
Um var að ræða síma- og
netkönnun og var svarfjöldi 968
einstaklingar.
Við opnum nýja Ísbúð og veitum 30% kynningarafslátt
af öllum ísréttum, samlokum, salötum og gosi
17-26 okt.
Nýbýlavegi 32 Nýbýlavegi 32
Opið til 22:00 alla daga